ހިޔާ މަޝްރޫއުގެ ފްލެޓްތައް: އެ ފްލެޓްތައް އަންނަ މަހު ހަވާލުކުރަން ފެށޭނެ ކަމަށް ހައުސިން މިނިސްޓަރު ވަނީ ވިދާޅުވެފައި -- މިހާރު ފޮޓޯ/ހުސައިން ވަހީދު
04 ޖޫން 2020 - 17:02
116 comments
ކުރީގެ ރައީސް އަބްދުﷲ ޔާމީންގެ ވެރިކަމުގައި ހުޅުމާލޭގައި ދެވަނަ ފިޔަވަހީގައި އިމާރާތްކުރި ހިޔާ މަޝްރޫއުގެ ފްލެޓްތައް ލިބޭ ފަރާތްތަކުގެ ލިސްޓް އަންނަ މަހުގެ ނިޔަލަށް ފައިނަލްކޮށް ފްލެޓްތައް ސެޕްޓެމްބަރު މަހަށް ނިންމަން މަސައްކަތް ކުރާ ކަމަށް ހައުސިން މިނިސޓްރީން މިއަދު ބުނެފި އެވެ.
އަންނަ މަސް ނިމުމުގެ ކުރިން ފްލެޓްތައް ހަވާލުކުރަން ފެށޭނެ ކަމަށް ބެލެވޭ ކަމަށް ހައުސިން މިނިސްޓަރު އާމިނަތު އާތިފާ، ރައްޔިތުންގެ މަޖިލިހުގެ ކޮމިޓީއެއްގައި މިއަދު ވިދާޅުވެފައި ވަނިކޮށް ހައުސިން މިނިސްޓްރީން ފަހުން އާއްމު ކުރި ބަޔާނެއްގައި ބުނެފައި ވަނީ އަމާޒަކީ ރައީސުލް ޖުމްހޫރިއްޔާ ވިދާޅުވެފައިވާ ފަދައިން މި އަހަރު ނިމުމުގެ ކުރިން ހިޔާ މަޝްރޫއުގެ ފްލެޓްތައް ހަވާލުކޮށް ނިންމުން ކަމަށެވެ.
ކުރީގެ ސަރުކާރުގައި އެ 7،000 ފްލެޓް ދޭން ނިންމާފައި އޮތީ އިންސާފުވެރިކޮށްތޯ ބެލުމުގެ މަސައްކަތް، އާ ސަރުކާރުން އެކުލަވާލި ޚާއްސަ ކޮމެޓީއަކުން ކުރަމުންދާތީ ފްލެޓްތައް ލިބޭނީ ކޮން ބަޔަކަށްތޯ ވެސް އޮތީ ސުވާލު އުފެދިފަ އެވެ.
ޔާމީންގެ ވެރިކަން ނިމުނު އިރު ވެސް ފްލެޓްތަކުގެ މަސައްކަތް ދިޔައީ ކުރިއަށެވެ. އަދި މި ސަރުކާރުގެ ފުރަތަމަ ދޮޅު އަހަރު ނިމެމުން އަންނަ އިރު ވެސް، ފްލެޓްތަކުގެ ހުރިހާ މަސައްކަތެއް ނުނިމެ އެވެ. އެކަމަކު ފްލެޓްގެ އިންތިޒާރުގައި ތިބި އެތައް ބައެއްގެ ޝަކުވާއަކީ އެ ތަން ހަވާލުނުކޮށް ދިގުލައިގެން ދިއުމެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމެޓީގެ މިއަދު ބައްދަލުވުމުގައި، ހިޔާ މަޝްރޫއުގެ ފްލެޓްތަކާ ގުޅޭ ގޮތުން މެމްބަރުން ކުރެއްވި ސުވާލުތަކާ ގުޅިގެން އާތިފާ ވިދާޅުވީ ފްލެޓްތައް ހަވާލުނުކުރެވި އޮތީ ފްލެޓް ލިބޭ ލިސްޓުގައި ތިބި މީހުންގެ ހާލަތު ބެލުމުގެ މަސައްކަތް ކުރަމުން އަންނާތީ ކަމަށެވެ. އަދި ކޮވިޑް-19 އާ ގުޅިގެން މާލެ ސަރަހައްދު ލޮކްޑައުން ކުރީ ރައީސް އޮފީހުގެ ކޮމެޓީއަކުން ކުރާ އެ މަސައްކަތް ނިމުމަކާ ގާތުގައި ވަނިކޮށް ކަމަށާއި އެހެންވެ، ޖުލައި މަސް ނިމުމުގެ ކުރިން އެތަންތަން ހަވާލުކުރެވޭނެ ކަމަށް އުއްމީދު ކުރައްވާ ކަމަށް އޭނާ ވިދާޅުވި އެވެ.
"އަޅުގަނޑު އުއްމީދު ކުރަނީ ހުޅުވިގެން މަސައްކަތް ފަށައިގަނެވިއްޖެ ކަމަށް ވަންޏާ، އިރާދަކުރެއްވިޔާ ޖުލައި މަސް ނިމޭއިރު ހަވާލުކުރެވޭނެ،" އޮންލައިންކޮށް އޮތް ބައްދަލުވުމުގައި އާތިފާ ވިދާޅުވި އެވެ.
އޭނާ ވިދާޅުވީ ހިޔާ މަޝްރޫއާ ގުޅޭ ގޮތުން ހައުސިން މިނިސްޓްރީން ކުރަމުން އަންނަނީ ފްލެޓް ލިބޭ ލިސްޓުގައި ތިބި މީހުންގެ އެހެން ބިމެއް ނުވަތަ އިމާރާތެއް އޮތްތޯ ބެލުމުގެ މަސައްކަތް ކަމަށާއި އެކަންކަން ވަރަށް ރަނގަޅަށް ބަލަމުން އަންނަ ކަމަށެވެ. ސަރުކާރު ހުޅުވެން ވާއިރަށް އެ މަސައްކަތް ވެސް އެއްކޮށް ނިންމާލެވޭނެ ކަމަށް ބެލެވޭ ކަމަށް އޭނާ ވިދާޅުވި އެވެ.
"އަޅުގަނޑުމެންގެ މިނިސްޓްރީއަށް ފޮނުވާފައި ހުރި އެކަމާ ބެހޭ މަސައްކަތްތައް އިރާދަކުރެއްވިއްޔާ ހުޅުވޭ ދުވަހު ފޮނުވާލެވޭ ވަރަށް މި ހަފުތާގައި މަސައްކަތް ފެށިގެން ކުރިއަށް އެ ދަނީ. މިހާރު ހުރިހާ ޑޭޓާތައް ޗެކް ކޮށްފައި، ކްރޮސް ޗެކް ކުރަމުން އެ ދަނީ،" އާތިފާ ވިދާޅުވި އެވެ.
ޗައިނާގެ ލޯނު އެހީގައި، އެ ގައުމުގެ ކުންފުންޏަކާ ހަވާލުކޮށްގެން ކުރިއަށް ގެންދާ މަޝްރޫއުގެ ދަށުން ހުޅުމާލޭގެ ދެވަނަ ފިޔަވަހީގައި 25 ބުރީގެ 16 ޓަވަރު ވަނީ އިމާރާތްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
05 June 2020
އެހެން ބަޔަކު ވެރިކަމުގަ ދީފަހުރި ފުލެޓްތަކަކާ ހާދަވަރެކޭ ތިޔަވަނީ، ބަލަން ޖެހޭ ކަންކަން ބަލާފަތިޔަ ހެރީ ލިޔުން ދީފަ! އެހާ އިންސާދުވެރިވަންޏާ ނިކަންނފުލެޓް އަޅާބަލަ! ޔާމީންއަށްވުރެ ގިނައިން އަޅާބަލަ، އަޅާފަ ބޭއިންސާފު ލިބުނު މީހުނަށް ދީބަލަ
އަންނަމަސް
05 June 2020
އަބަދުވެސް އަންނަމަހު. އަންނަ ސެޕްޓެމްބަރުގަ. ކޮންމެސް ކަމެކޭ ކިޔާނެ. އަންނަމަސް ނިމުނީމަ ބުނާނެ ކޮވިޑްތެރެ ވީމަ ނުވީއޭ. އަންނަމެހު ވާނޭ.
އުދުހޭ
05 June 2020
ފްލެޓްތަކުގެ މަސައްކަތް ގޮސްފައިވާ ހިސާބު ނޫސްވެރިންނަށް ދައްކާ ނުލެވިގެން މިއުޅެނީ ކީއްވެބާ؟ ބައެއް މީހުން އެބަބުނޭ އެތަންތަން ހުރީ ނިމިފައޭ.
މާޒިން123
05 June 2020
ތިޔަ ފުލެޓްތައް މިއިން ދުވަހަކުވެސް ދޫކުރާނެ ކަމަކަށް ނުފެނޭ. މިހެން މިބުނީ އާތިފާ ޖުލައިމަހު ހަވާލު ކުރެވޭވަރު ވާނެކަމަށް ބުނާއިރު ސަރުކާރުންބުނީ ސެޕްޓެމަބަރގަ ދެވޭވަރުވާނޭ. މިއަދު އެޗްޑީސީން ބުނީ އަންނައަހަރު ހަވާލުކުރެވޭވަރުވާނޭ. ތިޔަފުލެޓްތައް އަންނަ ރިޔާސީ އިންތިހާބަށް ވޯޓްލާނިމި މިސަރުކާރުން ފުލެޓެއް އެޅިއްޖެނަމަ އެތަންތަން އެމްޑީޕީ މީހުންނަށް ދީނިމުނީމަ ފަހަރެއްގަ ދީފާނެ. މިސަރުކާރަކަށް ހަޖަމެއްނުވާނެ ތިތަން ރައްޔިތަކަށް ފެންނާކަށް
ގހގބހސދ
05 June 2020
ރަނގަޅު ނިޔަތެއްގަ ސަރުކާރުން މިކަން ކުރާނަމަ ސަރުކާރަށްވެސް ރައްޔިތުންނަށްވެސް ފައިދާތަކެއް ނެގިދާނެ. ތިތަންތަނަށް ކުލިދެއްކޭވަރު އަދި ރާއްޖޭގެ އެއްވެސްތަނެއްގަ ގެދޮރެއް ނެތް ދެމަފިރިންނަށް ތިތަންތަންދީ. އޭރުން ސަރުކާރަށް އެތައް ލާރިއެއް ކޮންމެ މަހަކު ލިބޭނެ. އަނެއްކޮޅުން ގެދޮރު ނެތްބަޔަކު ގެދޮރުވެރިވެސް ކުރެވުނީ
އަސްލުހަގީގަތް
05 June 2020
ހުރިހާ ކަމެއް ދެވަނަ ނަޒަރަކުން މިހާރު ވިސްނަންޖެހޭ. ސޯޝަލް ޑިސްޓަންސިންގ އެބަ އޮންނަންޖެހޭ އަދި އެތައް މަސްތަކެއް ނޫނީ އަހަރުތަކެއް ވަންދެން. ދިރިއުޅުމުގެ ހުރިހާ ކަމެއް ބަދަލުކުރަންޖެހޭ. ދިރިއުޅުމާމެދު ތަފާތު ވިސްނުމަކުން ވިސްނަންޖެހޭ. މާލެ ދޫކޮށް އެތައް ބަޔަކު ދާންޖެހޭ. ރަށްރަށުގައި ތަން އޮތްތަނުގައި އުޅެވޭ ގޮތަށް މަގުފަހިކޮށްދޭންޖެހޭ. މާލޭގެ އާބާދީއަށް ޑިސްޓެންސިންގ ބޭނުންވޭ.
ދެންްއޮތީ
05 June 2020
ކަމެއް ނުވުމުން މިހާރު ނެތް މައުމޫނެއް ޔާމީނެއް ކިޔޭކަށް. މިހާރު އޮތީ ކިޔެން ކޮވިޑާހެދިއޭ. ކޮންމެ ކަމެއްގެ ލަސްވުން ދެން އޮންނާނީ ކޮވިޑާހެދި.
ކަނބިލި
05 June 2020
ޕާޓީ މީހުންނަށް އިސްކަން ދެވޭނީ. އެމްޑީޕީގެ ވިސްނުމަކީ ޕާޓީއަށް ނިސްބަތް ނުވާ މީހުންނަކީ ދެވަނަ ދަރަޖައިގެ މީހުން. އެމީހުންނަށް ހައްގުތަކެއްވެސް ނުވޭ.
މިލިޓަރީ
05 June 2020
ކުރީގެ ސަރުކާރުން ފުލެޓް ދިނީ މުޅި ރާއްޖޭގެ މީހުންނަ. މިސަރުކާރު އުޅެނީ ވަކިބަޔަކަށް ދޭން.
ާއުނިމާ
05 June 2020
ކޮންމެ ގޮތެއްވިޔަސް ރައްރަށުގެ އެތައް ބަޔަކަށް ލިބުނު! އަހަރުންނަށްހެޔޮ ކޮންމެ ބަޔަކަށް ލިބުނަސް، ހައްތާވެސް ދިވެހިރައްޔިތުންނެވެ. މިސަރުކާރަކީ ދެން މާ މާލެވެގަނެގެން އުޅޭ ސަރުކާެރެއް، ރައްރަށު މީހުނަކީ މިސަރުކާރުގެ އެމްޕީންނަށް އެއްވެސް ބައެއްނޫން
ކޮސްގޮވާ
05 June 2020
ގައުމުގައުމަކަށް ވާނީ އެތަނެއްގައި ވިޔަފާރި ކުރެވޭނެ ގޮތްތައް ހަމަޖެހިގެން. އެހެންވީމާ އަމިއްލަ ވިޔަފާރީވެރިޔާ އަށް ރިއަލްއެސްޓޭޓް އުސޫލުން ކުއްޔަ ދޭނެ ތަންތަން ހެދުމާއި ގަތުމާއި މިފަދަކަންކަން ފަސޭހަވާންއެބަޖެހޭ. ޓޫރިސްޓް ރިސޯޓް ހަދައިގެން އުޅޭ މަހްޖަނުންނާއި، ވިޔަފާރިވެރިންނާއި، ބްރޯކަރުންނާއި، މިކަހަލަ މީހުން ގައުމުގައި ތިބެންޖެހޭ. އެމީހުނަށް ނަފްރަތް ކުރާކަށް ނުޖެހޭ. މިސަރުކާރުން ގިނަމީހުނަނަށް އޮޕޮޗުނިޓީ ލިބޭކަންކަން އުފައްދަންވީ.