07 ޖޫން 2020 - 12:05
11 comments
އައްޑޫގެ ވިޔަފާރި ގަޑިތަކާ ގުޅޭ ގޮތުން އާންމުންގެ ހިޔާލު ހޯދަން ސާވޭއެއް ހަދަން ނިންމައި، އޭގައި ބައިވެރިވުމުގެ ފުރުސަތު އައްޑޫ ސިޓީ ކައުންސިލުން ހުޅުވާލައިފި އެވެ.
ކައުންސިލުން ބުނި ގޮތުގައި މި ސާވޭ އަކީ މިހާރު އައްޑޫގައި ވިޔަފާރިކުރެވޭ ގަޑިތަކަށް ބަދަލު ގެނައުމާ ބެހޭ ގޮތުން ހިޔާލު ހޯދަން ކުރިއަށް ގެންދާ ސާވޭއެކެވެ. މި ސާވޭ ކުރާނީ މިއަދުން ފެށިގެން އަންގާރަ ދުވަހާ ހަމައަށެވެ.
އެހެންވެ ސާވޭގައި ބައިވެރިވާން ބޭނުންވާ މީހުންނަށް ވަނީ ހާއްސަ ފޯމެއް ފުރުމުގެ ފުރުސަތު ހުޅުވާލައިފަ އެވެ. ކައުންސިލުން ބުނީ އައްޑޫގެ ވީހާ ވެސް ގިނަ ބަޔަކު މީގައި ބައިވެރިވުމަކީ ވަރަށް ބޮޑު އެދުމެއް ކަމަށެވެ.
ކޮވިޑް-19 އިން ރައްކާތެރިވާން އެޅި ފިޔަވަޅުތަކުގައި، އައްޑޫގައި ވިޔަފާރިކުރެވޭ އުސޫލުތަކާއި ގަޑިތަކަށް އެކި ފަހަރުމަތިން ގެނައި ބަދަލުތަކާ އެކު މިހާރު ފިހާރަތައް ހުޅުވައިގެން ހިދުމަތް ދެވެނީ ހެނދުނު 6:00 އިން ހަވީރު 6:00 އަށެވެ. އޭގެ ފަހުން ފިހާރަތައް ހުޅުވުމާއި ޑެލިވަރީގެ ހިދުމަތް ދިނުން ވެސް މަނަލެވެ.
ނަމަވެސް ކެފޭ/ރެސްޓޯރަންޓްތަކުން ހެނދުނު 6:00 އިން ރޭގަނޑު 10:00 އަށް ހިދުމަތް ދެވެ އެވެ. އަދި އެ ނޫން ގަޑިތަކުގައި އެ ތަންތަން ހުޅުވުމާއި ޑެލިވަރީގެ ހިދުމަތް ވެސް ނުދެވޭނެ ކަމަށް ކައުންސިލުން ބުންޏެވެ.
މި ބަދަލުތަކާ ގުޅިގެން އައްޑޫގެ ވަރަށް ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. އެއް ކަމަކީ ޑެލިވަރީގެ ހިދުމަތް ވެސް ނުލިބޭ ގޮތަށް، ރޭގަނޑު ފިހާރަތައް ނުހުޅުވާ ގޮތަށް ހަމަޖެއްސުމެވެ.
އައްޑޫގެ ވިޔަފާރި ގަޑިތަކާ ގުޅޭ ގޮތުން އާންމުންގެ ހިޔާލު ހޯދަން މި ދަނޑިވަޅުގައި އަލުން ހުޅުވައިލި އިރު، މިފަދަ ކަމެއް 2014 ގައި ވެސް އައްޑޫ ސިޓީ ކައުންސިލުން ކުރިއަށް ގެންގޮސްފައިވެ އެވެ. އޭރު ވެސް ބެލީ ރޭގަނޑު ފިހާރަތައް ބަންދުކޮށްފައި ބަހައްޓަން ވިޔަފާވެރިންނާއި އާންމުން ތާއީދުތޯ ބެލުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިއުމަލާ
08 June 2020
ތަހުޒީބު އެއްވެސް ގައުމެއްގައި މީހުން ރޭގަނޑު ބާޒާރަށް ނުދޭ!ހަމައެކަނި ކާބޯ އެއްޗެއް އެމަރޖެންސީ ހާލަތެއްގައި ގަންނަން ދޭ! އަދި ޕާޓީތަކާއި އެއްވުންތައްވެސް ބާއްވާނީ ރޭއަލިކަމުގައި.އެހެން ވީމާ ރޭގަނޑު އަވަހަށް ފިހާރަތައް ބަދުކޮށް ހެނދުނު ލަސްވެސް7 ގެ ކުރިން ތަންތަންހުޅުވުން އެންމެރަގަޅީ/ކުށުގެ ވެށި ގިނަވެގެން އުޅެނީވެސް ރޭގަނޑު ދުވާލަށް ހަދާ ދުވާރޭގަނޑަށް ހަދައި ގެން އުޅޭތީ/މިހާރަކަށް އައިސްގެން ޒުވާނުންނާ ކުޑަކުދިންތެދުވަނީ ހެނދުނު 10ން
ހިތަދޫ މީހާ
08 June 2020
ނިއުމަލާ އެވެ. ތިޔާ ނިންމުމެއް ނިންމައިގެން އުޅެނީ ކޮވިޑް މަތިކޮށްފައި ކަމުން މަމެން މިކިޔަނީ ކޮވިޑް އޭކިޔާފައި ނިންމާކަމަށް ވާނަމަ ކެފޭ ރެސްޓޯރަންޓްތައް ބަނދުކޮށް ރަށުތެރޭގައި އުޅޭ މީހުން މަދުކުރެވޭނެ ގޮތަކަށް އަމަލު ކުރާށޭ. ސާފުވެއްޖޭ
ތުއްބީގެ ދީދީ
08 June 2020
އަޅެ ފަހެ ހަވީރު 6ގެ ފަހުން އެކަނިތައް ކޮރޯނީ ވައިރަސް އެކްޓިވޭޓުވަނީ، ސޯބެމެން ވެއްޖެނުން ތަންކޮޅެއް ހަރުދާނަވާން، މޭޔަރުކަމުގައި 11-12 އަހަރުވާިރުވވެސް ދެއިރު ކާ ބޭހެެއްހެން ގަރާރުތައް ބަދަލުއެބަކުރޭ
ބެއްޔާ އައްޑޫ
07 June 2020
މުސްތަގުބަލުގައި ކޮވިޑް އާއި ގުޅިގެން ހުރިހާ ކަމެއްވެސް ނިންމަވާނީ ހިޔާލު ހޯދުމަށްފަހުގައި ކަން ޔަގީން. ނަމޫނާ ލާމަރުލަޒީ ނިންމެވުމެއް. ކައުންސިލަރުންނަށް މަރުޚަބާ
ޑރފަލަޑޭ
07 June 2020
މި މީހުން އުޅެއުޅެ ލޮކްޑައުން ކުރެވޭނެ ގޮތެއް ނެތިގެން ތެޅިހަފުސްވަނ8
އަހުމަދުބިންސުލައިމާން
07 June 2020
ރެސްޓޯރަންޓް އާއި ހޮޓާތަކުގައި މީހުން އެއްވެ ކޮފީ ބުޔަސް މައްސަލައެއް ނެތް. ފިހާރަތައް ހުޅުވާ ޑެލިވަރީ ހެދުން މައްސަލަ އަކީ. ކޮންކަހަލަ ކައުންސިލެއް. ކިޔަވައިގެން ތިބި ރަގަޅު މީހުން ކައުންސިލަށް ކުރިމަތިލުން މުހިއްމު. ތާކުން ތާކު ނުޖެހޭ ގަވާއިދު ތައް ހަދައިގެން ބޯހަލާކު.
ބެއްޔާ އައްޑޫ
07 June 2020
ރެޔާއި ދުވާލު ވަކި ތަރުތީބެއްގެތެރެއިން މުޅި ސިޓީ އޮންނާންވާނީ ހޭޅާ. ކޮވިޑް ފެތުރެނީ ގޭގައި ތިބުމުން ކަން މަމެންނަށް އޮތީ ފާހަގަ ކުރެވިފައި
ނިއުމަލާ
08 June 2020
ރެސްތޯރަންޓް ކެފޭ ތަންތަންވެސް ޖެހނީ ރޭގަނޑު އަވަހަށް ބަންދުކުރަން/ ސިންގަޕޯރ ކުށް މައިނަސް ކުރެވި ދުނިޔޭގައިވާ އެންމެ އަމާން ރައްކާތެރި ޤައުމަކަށް ވުމުގެ ސިއްރަކީ ދުވާލާއި ރޭގަނޑު ވަކިކުރަން އެނގުން/ޒުވާނުންނަށް ވެސް މިކަން ފަހުމު ކޮށްދިނުން/ހުރިހާ ފިހާރަތަކެއް ހެނދުނު ހެދުނާ ހުޅުވާނެ މިއާއި އެކޮށްމީހުންވެސް ތެދުވާނެ / ކާބޯތަކެތި ގަންނާނީ ހަފްތާއިން ހަފްތާ އަށް/ އެތާގަވެސް ގިނައީ އަހަރެމެން ހެން މުސާރައަށް އުޅޭމީން
ހުދަންބަރު
07 June 2020
ދުނިޔޭގެ ކޮން ގައުމެއްގަ ސުޕަރމާކެޓްތައް ހަޔެއް ޖަހައިރު ބަންދުކުރަނީ.
ސުންބުލި
07 June 2020
ދުނިޔޭގެ މީހުން ވިޔަފާރި ކުރާ ގަޑިތަކެއް ނޫން މިމީހުން މިހުށަހަޅަނީ.
ހަޗާ
07 June 2020
ލޮކްޑައުން ގައި އެޗުޕީއޭ ގެ ގައިޑު ލައިނުގައިވާ ގޮތަށް އަމަލު ކުރެވޭތޯ ބަލާތި