ލުއިތައް އިއުލާންކުރަން ހަމަޖެއްސި ޕްރެސް ކެންސަލްކޮށްފި

އެންއީއޯސިން މީގެ ކުރިން ބޭއްވި މީޑިއާ ބްރީފިންގައި ތަރުޖަމާނު މަބްރޫކް އަޒީޒް ބައިވެރިވެވަޑައިގަންނަވަނީ--

އާސިމާ ނިޒާރު، މިހާރު

10 ޖޫން 2020 - 21:25

ކޮވިޑް-19 އިން ރައްކާތެރިވާން މާލެ ސަރަހައްދުގައި އިއުލާންކޮށްފައިވާ ލޮކްޑައުނަށް ލުއި ދިނުމުގެ މަރުހަލާގެ ދެ ވަނަ ފިޔަވަހީގައި ހިމެނޭ ކަންކަން އިއުލާނުކުރަން މިރޭ ބާއްވަން ހަމަޖެއްސި ޕްރެސް ކޮންފަރެންސް ކެންސަލްކޮށްފި އެވެ.

މިދިޔަ އޭޕްރީލް މަހުގެ 15 ގައި މާލެއިން ކޮވިޑް-19 އަށް ޕޮޒިޓިވް މީހަކު ފެނުމާ އެކު މުޅި މާލެ ސަރަހައްދު ލޮކްޑައުން ކުރި އެވެ. އެ ފިޔަވަޅުތަކާ އެކު 43 ދުވަހު ތިބުމަށްފަހު މިިދިޔަ މަހުގެ 28 ވަނަ ދުވަހު ވަނީ އެކަމަށް ލުއި ދޭން ފަށައިފަ އެވެ. ފުރަތަމަ ފިޔަވަހީގައި ލުއިތައް ދިނީ ފުރަތަމަ ދެ ހަފުތާއަށެވެ. އެ މުއްދަތު މާދަމާ ހަމަވާނެ އެވެ.

ފުރަތަމަ ދެ ހަފުތާގައި ދިން ލުއިތަކުގެ ތެރޭގައި، ގޭބިސީތަކުން ބޭރަށް ދެވޭ މީހުންގެ އަދަދާއި ބޭރުގައި އުޅެވޭ ވަގުތު އިތުރުކުރުމާއި އުމުރުން ދުވަސްވީ މީހުންނަށް ކޮންމެ ދުވަހަކު ވެސް ވަކި ވަގުތެއްގައި ބޭރަށް ދާން ހުއްދަ ދިނުން ހިމެނެ އެވެ. މީގެ އިތުރުން ބައެއް ވިޔަފާރިތަކަށް ވެސް ވަނީ ހުއްދަ ދީފަ އެވެ.

އެ ފިޔަވަހީގެ މުއްދަތު ހަމަވުމުން، މާދަމާ ދޭން ފަށާ ލުއިތައް އިއުލާނުކުރަން ހަމަޖައްސާފައި އޮތީ ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އިން މިރޭ ބާއްވާ މީޑިއާ ބްރީފިންގަ އެވެ. ނަމަވެސް އެ ލުއިތައް އިއުލާނުކުރުން މާދަމާ ރެއަށް ފަސްކުުރުމުން، މިރޭގެ ބްރީފިން ވަނީ ކެންސަލްކޮށްފަ އެވެ.

ލޮކްޑައުން ލުއިކުރުމުގެ ގައިޑްލައިންގައިވާ ގޮތުން އުމުރުން 15 އަހަރުން ދަށުގެ ކުދިންނަށް ވެސް ދެ ވަނަ ފިޔަވަހީގައި ބޭރަށް ނުކުމެވޭނެ އެވެ.

އެންއީއޯސީން މީގެ ކުރިން ބޭއްވި މީޑިއާ ބްރީފިންގައި ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ އެޕިޑިއެމޮލިޖިސްޓް ޑރ. ނަޒްލާ ރަފީގު ވިދާޅުވީ ކުރިއަށް އޮތް ތަނުގައި ކޮވިޑް-19އާ އެކު އުޅެން ދަސްކުރާއިރު ލޮކްޑައުން އުވައިލީ ނޫންކަން ހަނދާން ކުރަން ޖެހޭނެ ކަމަށެވެ.

ލޮކްޑައުން ލުއިކުރި ފަހުން މުޖުތަމައުގެ ތެރޭގައި ބަލި ފެތުރުނު މިންވަރު ދެނެގަތުމަށް ހާއްސަ މަސައްކަތެއް ފަށަން އުޅޭކަމަށް އެޗްޕީއޭއިން ރޭ ވަނީ ބުނެފަ އެވެ. އެގޮތުން ފަސް ކެޓަގަރީއެއްގެ މީހުންގެ ސާމްޕަލް ނަގައި، ޓެސްޓުކުރާނެ ކަމަށާއި ލުއި ދިނުމުގެ ޕްލޭނާ އެކު ކުރިއަށް ދެވޭނީ އެ ޓެސްޓްތަކުގެ ނަތީޖާއަށް ބަލައިގެން ކަމަށް އެ އެޖެންސީން ބުންޏެވެ.

އަދި ވަކި ހާއްސަ ފަރުވާއަށް ހޯދިފައިނުވާ ބައްޔަށް ރާއްޖެއިން 1،942 މީހުން ޕޮޒިޓިވްވިއިރު ހާހަކަށް ވުރެ ގިނަ މީހުން ވަނީ ބަލިން ރަނގަޅުވެފަ އެވެ.

ހެލްތު ޕްރޮޓެކްޝަން އެޖެންސީ މުހައްމަދު މަބްރޫކް އަޒީޒް (ރައީސް އޮފީސް) ލޮކްޑައުން ސިއްހީ ކުއްލި ނުރައްކަލުގެ ހާލަތު ސިއްހަތު ބަލިތައް

72 ކޮމެންޓް, 87 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިމް

11 June 2020

ބޮޑުވަޒީރު ނުރުހުންފުޅުވީޔޯލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮކުނަގައިދީ

11 June 2020

ތިޔަ އުވާލަބަލަ ..އަހަރެމެންމިތިބެނީ ޒަރޫރީ އެތައްބޭނުމެއްނުފުދިފައ ލޮކުއަޅުޥައިބާރުކޮށްގެން ތިބީމައި...ދަރިންކޮޅަށް ވިޓަމިން ޑީވެސްބެނުންވޭ އަބަދު ގޭތެރެނުތިބެވޭނެ ސަހަދެއް މިބުނީ ތަންތަންފުކުގަ ބަންދުވެގެން ވ ދަތިހާލުގައި މިތިބެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުު

11 June 2020

ފުރާނަތަކެއް ގެއްލިދިއުން މާހިތާމަވެރިވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތި ތަޖުރިބާ

11 June 2020

ތިހެންވެސް ވެދާނެ އެމްޑީޕީ ހުރިހާ ބޮޑުންގެ ހުއްދަ ލިބިގެން މި ސަރުކާރުގެ ވުޒާރާތަކުން ކުރާ ހުރިހާ ކަމެއް ކުރަން ޖެހޭ ނަމަ. އިއްޔެވެސް އެ އިއުލާންކުރީ ސިއްހީ ކުއްލި ނުރައްކަލުގެ ހާލަތު އިއުލާން ކުރަން ހެލްތު މިނިސްޓަރު ނިންމީމަ، ފުރަތަމަ އިބޫ ރައީސަށް ކެބިނެޓުގައި ހުށަހަޅާ، ދެން އަނެއްކާ އަނެއް ދުވަހު ރޫހާނީ ލީޑަރުގެ ހުއްދަ ހޯދަން މަޖިލީހަށް ފޮނުވަން ޖެހޭ ކަމަށް. މި ހުރިހާ ކަމެއް ނިމޭއިރު ކުއްލި ނުރައްކަލުގެ ހާލަތު ގެއްލި އެތަށް ބަޔަކު މަރުވެސްވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްގުބަސް

11 June 2020

ރައްއިތުންނަ ބޮޑެތި އޯޅުވާލުންތަކެށް މިސަރުކާރުން ކޮއްފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކީޓާ

11 June 2020

އާމްދަނީ ހޯދަން ރަނގަޅުގޮތެއް، މިހާރުވެސް ލޮކްޑައުން ގަވާއިދާ ޚިލާފްވެގެން 8000000 މިލިޔަނަށްވުރެ ގިނަ ފައިސާ ޖޫރިމަނާގެ ގޮތުގަ ސަރުކާރަށް ލިބިއްޖެ. ގިނަދުވަސްވާ ވަރަކަށް ރައްޔޮތުން ކޮޅުންލައިގެން ނުކުންނަލެއް ގިނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޓޭ

11 June 2020

މިފެންނަނީ އެޗްޕީއޭ ފެއިލްވެފައިވާ މިންވަރު، ދެހަފްތާ ނިމުނުއިރުވެސް އަންނަ ހަފްތާގަ ކަންތައްކުރާނެ ގޮތެއް ނުނިންމުނު. ތަހޭ، އަލީ ލަތީފް މެން އިސްމީހުންނަށް ތިބެގެން މިނޫންވަރެއް ނުވާނެ. ގައުމުހިންގަން ޑޮކްޓަރުންނާ ހަވާލްކޮއްގެން ގައުމެއް ނުހިންގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

11 June 2020

އ‫ަންނަ ހަފްތާގަ ކަންކުރަންވީ ގޮތް ވަރަށް ސާފުކޮށް އެބޮތް ނިންމާ އިއުލާން ކޮށްފަ. ޙަމަ އެކަނި ނިންމަން ޖެހޭ ކަމަކީ އަންނަ ހަފްތާގަ ފޭސް 2 ފަށާނީ ތޯ ނުވަތަ ފޭސް 1 ދަމަހައްޓާނީތޯ. ޚަބަރު ތައް ކިޔާލާނަމަ ހަމައެކަނި ހެޑިންގ ނުބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަދު

11 June 2020

ދިވެހިންގެ ތެރޭގައި މަޅަށް މޮޅު ތަފާސް ހިސާބު ޖަހާ މީހުން އެބަތިބި. މޮޅެތި ތަޖުރިބާ ހުރި އިކޮނޮމިސްޓުން އެބަތިބި، މޮޅެތި ޑަކަޓަރުންވެސް އެބަތިބި އަދި މޮލެތި ވިސްނުންތެރިން ވެސް އެބަތިބި. އެހެނަސް މީގެން އެކެއްގެ ވެސް ބޭނުން ނޮކޮށް ޓެގް ޓީމެކޭ ކިޔާ ބަޔަކަކު ނެރެ، ޖަހާ ހިސާބެއް ދިމައެއް ނުވޭ، ދައްކާ ވާހަކަ ހަމައެއް ނުޖެހޭ. ގައުމު އެއްކޮށް ފުޑިއްޖެ. ސަރުކާރު އެކަކު އަނެކަކާ ޖެހިއްޖެ. މިހުންނަނީ ދަށް ލީޑާރޝިޕް އެއްގައި ފެންނާކަންކަން.