މާލޭ ޖަލުގެ ހުރިހާ ގައިދީންނާއި އޮފިސަރުން ކޮވިޑް-19 އަށް ޓެސްޓުކުރަން ފަށައިފި

ޝުރުފާ މުހައްމަދު، މިހާރު

21 ޖޫން 2020 - 22:32

މާލެ ޖަލުގައި ތިބޭ ހުރިހާ ގައިދީންނާއި ޖަލު އޮފިސަރުން ކޮވިޑް-19 އަށް ޓެސްޓު ކުރަން ފަށައިފި އެވެ.

ޕްރިޒްންސް ކޮމިޝަނަރު އަހުމަދު މުހައްމަދުފުޅު މިއަދު ކުރެއްވި ޓުވީޓެއްގައި ވިދާޅުވީ، މާލެ ޖަލުގެ އޮފިސަރަކު އެ ބައްޔަށް އިއްޔެ ޕޮޒިޓިވްވުމާ ގުޅިގެން، އެ ޖަލުގެ ހުރިހާ ގައިދީންނާއި އޮފިސަރުން ކޮވިޑް-19އަށް ޓެސްޓުކުރަން ފަށާފައިވާ ކަމަށެވެ. އޭނާ ވިދާޅުވީ އެޗްޕީއޭ އިން އެންމެންގެ ސާމްޕަލް ނަގާއިރު، އެ ބަލިން ރައްކާތެރިވުމުގެ ސަލާމަތީ ފިޔަވަޅުތައް ބަރާބަރަށް އަޅަމުން އަންނަ ކަމަށެވެ.

HPA began testing the officers & inmates of #MalePrison following the positive case of an officer yesterday.

We are enforcing the endorsed protocol to ensure the safety & protection of inmates & officers. #nooneleftbehind pic.twitter.com/gusE4LKimQ
— Ahmed Mohamed (@ahumadhumohamed) June 21, 2020

ޕްރިޒްންސް ކޮމިޝަނަރުގެ ޓުވީޓް

މީގެ ކުރިން ވެސް ރެންޑަމް ސާމްޕްލިންގެ ތެރެއިން، ޖަލުތަކުގެ ބައެއް އޮފިސަރުން ކޮވިޑް-19އަށް ޓެސްޓު ކޮށްފައިވާއިރު، އެ އެންމެން ވެސް ވަނީ ނެގެޓިވް ވެފަ އެވެ.

ރާއްޖެއިން މިހާތަނަށް ކޮވިޑް-19ގެ 2،187 ކޭސް ފެނިފައިވާއިރު އޭގެ ތެރެއިން 1،788 މީހުން ވަނީ ރަނގަޅު ވެފަ އެވެ. މި ވަގުތު ފަރުވާދެމުން އަންނަނީ 389 މީހުންނަށެވެ. މި ބަލީގައި ރާއްޖެ އިން މިހާތަނަށް މަރުވީ އަށް މީހެކެވެ.

މާލެ އިން އޭޕްރީލް މަހުގެ 15 ވަނަ ދުވަހު ކޮވިޑް-19 ފެނުމާ އެކު، މުޅި މާލެ ސަރަހައްދު ވަނީ ދެ މަސް ދުވަހަށް ފުލް ލޮކްޑައުން ކޮށްފަ އެވެ. އެކަމަކު، މިހާރު ވަނީ ބޮޑެތި ލުއިތަކަކާ އެކު އާންމުންނަށް ބޭރަށް ނުކުމެ އުޅެވޭ ގޮތަށް އުސޫލުތައް ކަނޑައަޅައިފަ އެވެ.

ހެލްތު ޕްރޮޓެކްޝަން އެޖެންސީ މާލޭ ޖަލު އަހުމަދު މުހައްމަދުފުޅު (ކޮމިޝަނާ އޮފް ޕްރިޒްންސް) ސިއްހަތު ބަލިތައް

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓެސްޓ

22 June 2020

ރޭންޑަމް ސާމްޕްލިންއިން އަބަދުވެސް ވައިރަސް ދެމިގަންނަތަން މިފެންނަނީ. ތިޔަ ޓެސްޓެއް ކުރުމަކީ ކޮޅުންލާނެ ކަމެއްނޫން. މިހާރު ޕޮޒިޓިވްވި މީހާ އެއީ ކުރިން ރޭންޑަމް ސާމްޕްލިނގގަ ނުހިމެނޭ މީހަކީތޯ ނޫނީ ޓެސްޓްކޮށްފަ އޭރު ނެގެޓިވްކަމަށް ދެއްކި މީހަކީތޯ؟ މިއަދު ނެގެޓިވްވާ މީހާވެސް 2 ދުވަސް ފަހުން ޕޮޒިޓިވްވެދާނެ. ނެގެޓިވްވާ އެންމެންނަކީ ބަލިނެތްކަން ޔަގީންވާ މީހުންނެއްވެސް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަސަބު

22 June 2020

ރަނގަޅުކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒޫ

21 June 2020

އެންމެން ޓެސްޓު ކުރުމަކީ ވަރަށް ރަނގަޅު ކަމެއް. ކޮވިޑް ކަންތަކުގައި ކުރި ހޯދާފައިވާ ހުރިހާ ގައުމަކުންވެސް ވަރަށް ބޮޑު އަހައްމިއްޔަތު ކަމެއްދޭ ގިނަ މީހުން ޓެސްޓު ކުރަން. ހެލްތު މިނިސްޓަރު އަމީން އަދި ޑީޖީ މައިމޫނާގެ ހިތްވަރަށް ސާބަސް. ތި ކުރައްވަމުން ގެންދަވާ ބުރަ މަސައްކަތުގައި ﷲ ބަރަކާތް ލައްވާށި.