މާވެޔޮ މިސްކިތް: އެ މިސްކިތުގެ މަސައްކަތް އެއްކޮށް ނިންމައި، ސަރުކާރާ ވަނީ ހަވާލު ކޮށްފައި -- ފޮޓޯ: އަހުމަދު އަވްޝަން އިލްޔާސް
22 ޖޫން 2020 - 10:56
7 comments
މާވެޔޮ މިސްކިތުގެ ހުރިހާ މަސައްކަތެއް ނިންމައި، ސަރުކާރާ ހަވާލު ކޮށްފައިވާ ކަމަށާއި އެ މިސްކިތް ހުޅުވުމުގެ ތައްޔާރީތައް ކުރިއަށް ގެންދާ ކަމަށް އިސްލާމިކް މިނިސްޓަރު ޑރ. އަހުމަދު ޒާހިރު އަލީ ރައްޔިތުންގެ މަޖިލީހުގައި މިއަދު ވިދާޅުވެއްޖެ އެވެ.
މާވެޔޮ މިސްކިތާ ބެހޭގޮތުން މައްޗަންގޮޅި ދެކުނު ދާއިރާގެ އެމްޑީޕީގެ މެމްބަރު އަހުމަދު ހައިތަމް، މިނިސްޓަރު ޒާހިިރުއާ ސުވާލު ކުރަން ހުށަހެޅުއްވުމުން، އެކަމަށް ޖަވާބު ދެއްވަމުން ވިދާޅުވީ ޑިސެމްބަރުު 2017 ގައި މަސައްކަތް ފެށި އެ މިސްކިތުގެ މަސައްކަތް އެއްކޮށް ނިންމައި، މިދިޔަ ހޮނިހިރު ދުވަހު އިސްލާމިކް މިނިސްޓްރީން މިސްކިތާ ހަވާލު ވެފައިވާ ކަމަށެވެ.
"ރަމަޟާން މަސް ފެށުމުގެ ކުރިން 16 އޭޕްރީލްގައި މިނިސްޓްރީއާ މިސްކިތް ހަވާލުކުރަން ވެސް މިސްކިތް އިމާރާތް ކުރެއްވި ފަރާތުން މަސައްކަތް ކުރި. އެކަމަކު ލޮކްޑައުން ވެފައި ތިބީމާ މިނިސްޓްރީއާ އެ މިސްކިތް ހަވާލު ނުކުރެވި އޮތީ. ދެން މިހާރު ހުުޅުވުމަށްޓަކައި ވާން ޖެހޭ ތައްޔާރީތަކެއް ވެ ނިމިފައި ވަނީ،" ޒާހިރުު ވިދާޅުވި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އިސްލާމިކް މިނިސްޓަރު ޑރ. ޒާހިރު ވާހަކަ ދައްކަވަނީ.---ފޮޓޯ: މަޖިލިސް
އޭނާ ވިދާޅުވީ، ވިޔަފާރިވެރިޔާ އަދި އިމާރާތް ކުރުމުގެ ދާއިރާގެ މީހުންގެ ޖަމިއްޔާ، މަސީގެ ރައީސް މުހައްމަދު އަލީ ޖަނާހުގެ އެހީގައި އިމާރާތްކުރި އެ މިސްކިތަކީ ތަފާތު އަދި ރީތި ތަނެއް ކަމަށާއި އެކަމަކު އެ މިސްކިތަށް ޚަރަދުވީ ކިހާ އަދަދެއް ކަން ސާފުނުވާ ކަމަށެވެ.
މިސްކިތްތަކުގެ ޖަމާއަތްތަކުގައި ނަމާދު ކުރުމުގެ ހުއްދަ ދިނުމާ ބެހޭ ގޮތުން މެމްބަރުން ކުރެއްވި ސުވާލުތަކާ ގުޅިގެން، މިނިސްޓަރު ޒާހިރު ވިދާޅުވި ގޮތުގައި، އެ ހުއްދަ ދޭނީ ހެލްތް ޕްރޮޓެކްޝަން އޭޖެންސީ (އެޗްޕީއޭ) ގެ ލަފާ ލިބުމުންނެވެ. ހުއްދަ ލިބުނުހާ އަވަހަކަށް ޖަމާއަތުގައި ނަމާދު ކުރުމުގެ ހުއްދަ ދޭން ތައްޔާރަށް އޮތް ކަމަށް ވެސް މިނިސްޓަރު ވިދާޅުވި އެވެ.
"ވަކި ދުވަހެއް ކަނޑައެޅިގެން ދަންނަވަން ދަތި. ހާލަތުު ބަދަލުވެގެން އެ ބޭފުޅުން މިހާރު ޖަމާއަތުގައި ނަމާދު ކުރެވިދާނެއޭ ލަފާ ދޭއިރަށް އަޅުގަނޑުމެން ހުއްދަ ދޭން ފަށާނަން،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރުކޮށް
22 June 2020
މިސްކިތްތައް ހަދާއިރު މާބޮޑަށް ޖަރީކޮށްފަ ހުންނަހެން އެބަ ހީވޭ ޒީނަތްތެރި ކުރާނީ މިސްކިތަކުންނޫނެވެ. އެމީހުން އެތަނުގަ ކުރާ އަޅުކަން ހިތްތަކުގަ އެވެ. ވަﷲ އަޢުލަމް
އައްޔު
22 June 2020
މާވެޔޮ މިސްކިތުގެ ނަމަކީ މަސްޖިދުލްބަހާއުއްދީން އެހެންކަމުން ހަބަރުގަވެސްް ލިޔަންޖެހޭނީ އެފަދައިން. މިސްކިތުގެ ލޮކޭޝަނަކީ މާވެޔޮމަގު
ބިލް ކުލިންޓަން
22 June 2020
ޝުކުރިއްޔާ ޖަނާހް.
މަޗާ
22 June 2020
ތިމަގުމަތީގައި ބަހައްޓައިގެން އުޅޭ ޓްރާންފޯމަރ ތައް ބަހައްޓައިގެން މަގުމަތީގައި ހިގާމީހުންނަށް ވާދަތިތައް ރަގަޅުނުކުރެވި މިސްކިތް މިހުޅުވެނީ.. އަހަރެން ހީކުރީ މިސްކިތް ނިމޭއިރު ތީތި ނަގާނެކަމަށް.
ހުރާމް
22 June 2020
ޝުކުރިއްޔާ ގައުމުގެ ތަރައްގީގެ ބާނީ ޔާމީން..
ޗައިނާގެ ރައީސް
22 June 2020
ޝުކުރިއްޔާ ހިސް އެކްސެލެންސީ އޮނޮރަބަލް އިބްރާހިމް މުހަންމަދު ސޯލިހް.
ރަދީފްއޮފިޝިއަލް
22 June 2020
މިސްކިތުގެ މަސައްކަަތަށް ހަރަދު ކުރި ފަރާތް އަދި އަމަލީ ގޮތުން މަސައްކަތްކުރި ހުރިހާ ފަރާތްތަކަށް މާތްﷲ ހެޔޮ ދަރުމައާއި ސަވާބު މިންވަރުކުރައްވާށި.އާމީން.ވަރަށް ފުރިހަމަ ރީތި މިސްކިތެއް.މިސްކިތް އަދި އެންމެ ފުރިހަމަވާނީ ޖަމާއަތުގަ ކުރެވޭ ނަމާދުގަ ހުރިހާ ސަފެއް ފުރާލާނެ މީހުން މިސްކިތަށް އަރައިގެންކަން ކަށަވަރުވެ ޔަގީންވޭ.އަޅުގަނޑުމެން އެންމެން އެއީ އެފަދަ ބައެއް ކަމުގަ ލައްވާށީ.އާމީން.