އިކޮނޮމިކް މިނިސްޓަރު ފައްޔާޒު އިސްމާއިލް އޭނާ ވިދާޅުވީ ބިދޭސީން އެތެރެކުރި ވައްކަން އެމްއެމްޕީއާރުސީ މައްސަލައަށް ވުރެ ބޮޑުކަމަށް-- ފޮޓޯ: އަހުމަދު އަވްޝަމް އިލިޔާސް/މިހާރު
22 ޖޫން 2020 - 16:06
69 comments
ރާއްޖެ އަށް ބިދޭސީ މަސައްކަތްތެރިން އެތެރެކުރުމަށް ކުރީގެ ރައީސް އަބްދުﷲ ޔާމީންގެ ސަރުކާރުން ހިންގާފައި ވަނީ، އެމްއެމްޕީއާރުސީގެ ބޮޑު ޚިޔާނާތަށް ވުރެ ވެސް ބޮޑު ވައްކަމެއް ކަމަށް އިކޮނޮމިކް މިނިސްޓަރު ފައްޔާޒް އިސްމާއީލް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ގައުމީ ސަލާމަތާއި ހާރިޖީ ގުޅުންތަކުގެ ކޮމިޓީގެ ބައްދަލުވުމުގައި މެމްބަރުން ކުރެއްވި ސުވާލުތަކުގެ ޖަވާބުގައި ފައްޔާޒު ވިދާޅުވީ، ރާއްޖެ އަށް ބިދޭސީ މަސައްކަތްތެރިން އެތެރެކުރުމުގައި ހިންގާފައިވާ ކަންތައްތަަކުގެ މައްސަލަތައް ފުލުހުންނަށް ހުށަހަޅާފައިވާ ކަަމަށާއި ފުލުހުން އެކަން ބަލަމުން އަންނަތާ މިހާރު ދޮޅު އަހަރު ވެއްޖެ ކަަމަށެވެ. އޭނާ ވިދާޅުވީ ރާއްޖެ އަށް އައިސް ތިބި ބިދޭސީންނަށް ހުރިހާ ނަފްރަތެއް އަމާޒުވާއިރު އެކަން އެގޮތަށް ކުރީ ސަރުކާރުތަކުގައި ތިބި މީހުން ކަމަށެވެ.
"ކުރިއްސުރެ ވެސް ހިނގަމުން އަންނަ ކަމެއް، އެކަމަކު ބޮޑުތަކުން ގޯސްވެފައި އޮތީ ރައީސް ޔާމީންގެ ސަރުކާރުގެ ފަހުކޮޅުގައި. ދެން އަޅުގަނޑުމެން އެ މައްސަލަތައް ފުލުހުންނަށް ހުށަހަޅައިގެން ތަހުގީގުކުރަމުން މި އަންނަނީ. ފުލުހުން،" ފައްޔާޒު ވިދާޅުވި އެވެ.
"މިހާރު ތަހުގީގު ކުރާތާ ދޮޅު އަހަރު މިވަނީ. މިއީ އެމްއެމްޕީއާރުސީ ކަހަަލަ މައްސަލައެއް. ހަގީގަތުގައި އެމްއެމްޕީއާރުސީ އަށް ވުރެ މާބޮޑު ވައްކަމެއް މިއީ. އަދި މާ އަނިޔާވެރި ވައްކަމެއް މިއީ."
ފައްޔާޒު ވިދާޅުވި ގޮތުގައި، ރާއްޖޭގައި ގަވައިދާ ހިލާފަށް އުޅޭ ބިދޭސީން ގިނަވީ އެ މީހުން އަމިއްލަ އަށް ކުރި ކަމަކަށް ވުރެ ބޮޑަށް ރާއްޖޭގައި ތިބި ބަޔަކު ކުރި ކަމަކުންނެވެ. އެކަން އެގޮތަށް ކޮށްފައި ވަނީ އެޖެންޓުންނާއި ސަރުކާރުތަކުގައި ތިބި މީހުން ގުޅިގެން ކަމަށް އޭނާ ތުހުމަތު ކުރެއްވި އެވެ. ރާއްޖެ އަށް އައިސް ޕާސްޕޯޓް ވީދާލާފައި ފިލައިގެން މީހުން އުޅޭ ވާހަކަ ދެއްކެވޭ ކަމަށާއި އެއީ އެކަމަކު ވަރަށް މަދުން ހިނގާފައިވާ ކަމެއް ކަމަށް ވެސް ވިދާޅުވި އެވެ.
"މިހާރު ތަހުގީގު ކުރާތާ ދޮޅު އަހަރު މިވަނީ. މިއީ އެމްއެމްޕީއާރުސީ ކަހަަލަ މައްސަލައެއް. ހަގީގަތުގައި އެމްއެމްޕީއާރުސީ އަށް ވުރެ މާބޮޑު ވައްކަމެއް މިއީ. އަދި މާ އަނިޔާވެރި ވައްކަމެއް މިއީ." --- ފައްޔާޒް
ފައްޔާޒް ވިދާޅުވި ގޮތުގައި، ބިދޭސީންގެ ކަންކަން އިޖުތިމާއީ މައްސަލައަކަށް ވެފައި ވަނީ ދިވެހިން ކުރާ މަސަައްކަތްތަކުގެ ތެރެއަށް ބިދޭސީން ވަންނާތީ އެވެ. އެހެންވެ، އެކަން ކޮންޓްރޯލް ކުރުމަށް އިކޮނޮމިކް މިނިސްޓްރީން ފިޔަވަޅުތަކެއް އަޅަމުން އަންނަ ކަމަށް ވިދާޅުވި އެވެ. އެގޮތުން ބިދޭސީން މަަސައްކަތް ކުރަން ރަޖިސްޓަރީ ވެފައިވާ ތަން ނޫން އެހެން ތަނެއްގައި މަސައްކަތް ކުރާ ނަމަ މަސަަައްކަތް ކުރުވާ ފަރާތް ވެސް ކުށްވެރިވާ ގޮތަށް ގަވައިދެއް ހަދަމުން އަންނަ ކަމަށް އޭނާ ވިދާޅުވި އެވެ.
ރާއްޖޭގައި 50،000 އަށް ވުރެ ގިނަ ބިދޭސީން ގަވައިދާ ހިލާފަށް އުޅޭ ކަމަށް ސަރުކާރުން ކުރިން ވަނީ ބުނެފަ އެވެ. އޭގެ ތެރޭގައި އެންމެ ގިނައީ ބަންގްލަދޭޝް މީހުންނާއި އިންޑިއާގެ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
23 June 2020
ހޮޅިވާހަކަ ނުދައްކަވާ، ކެރެންޏާ ތިޔަގެންގުޅޭ ސިސްޓަމް ބަދަލުކޮއްލަ ބައްލަވާ. ކޮން ހުއްދަތަކެއް ވިއްކާކަށްތަ؟ ޒިންމާދާރު ކުންފުނިތަކާއި އަމިއްލަ ފަރާތްތަކުން ގެންނަން ބޭނުންވާ މީހުންނަށް-ސީދާ އެފަރާތްތަކަށް މީހުންގެނައުމުގެ ހުއްދަ ދޭންފަށާ. އޭރުން ކޮންމެ ބިދޭސީއެއްގެ ޒިންމާނަގާނެ މީހަކު ނޫނީ ފަރާތެއް ހުންނާނެ. ކަމެއް ދަމެއް ޖެހިއްޖެއްޔާ މީހާފޮނުވާލަން ބޭނުންވާ ޑިޕޮޒިޓް ހުންނާނެ. އުލު ބައިންދާނެ މީހަކު ނުވަތަ ކުންފުނިވެސް އޮންނާނެ.
ގާއިދާ4
23 June 2020
އެބުނާ ގަވާއިދު މިހާރުވެސް އެބައޮތް. އިމިގްރޭޝަންގެ ޤާނޫނުގެ ދަށުން ޤަވާޢިދު އޮތީ. އޭގައި އޮންނަ ގޮތުން، ޤަވާޢިދާ ޚިލާފަށް މަސައްކަތް ކުރުވާ މީހާވެސް ކުއްވެރިވޭ. ތިގޮތަށް ވާހަކަ ދެއްކީމާ އެނގޭތޯ ހަމަ ފައްޔާޒުގެ ކްރެޑިބިލިޓީ އިތުބާރު ގެއްލެނީ މީހުން ކުރިމަތީގަ. ހީވި ފައްޔާޒު މިކަން ކުރާނެޔޭ. އެކަމަކު ބައެއް ފަހަރަށް 'ސަލާމަތް' ވާންވެގެން ހަގީގަތާ ޚިލާފުވާގޮތަށް ވާހަކަ ދެއްކީމާ އިތުބާރު ގެއްލޭ. ގަވާއިދު އެބައޮތް މިހާރުވެސް.
އަލި
23 June 2020
އަބަދުވެސް ކުރީ ސަރުކާރޭ ނުކިޔާ ކަމެއްކޮށްފަ ދައްކަބަލަ. ހުސް އަނގަތެޅުން ފިޔަވާ މިވެެރިކަމުގައި ކުރާކަމެއް ނުފެނޭ. ބޮޑުވަޒީރު ޓީމުވެސް ކުރަނީ ހަމަ އެއްކަމެއް..
ޔާނު
23 June 2020
ފުލުހުން ތަހުގީގު ކުރާ އެއްވެސް ކަމެއް އެބަނިމޭތަ؟؟؟؟
ދޮންހައްވަ.
23 June 2020
ތިޔަ ގަވާއިދު ތިބޭފުޅުންގެ 5 އަހަރު ނިމޭއިރު ހެދޭނެބާ!! މިހާރު 2 އަހަރުވަނީ ހަމަ ގަވާއިދާޚިލާފަށް އުޅޭމީހުން ފޮނުވައެއްނުލެވުނު. ބުނި އެކަން ނުވެޖިއްޔާ އިސްތިއުފާ ދޭނަމޭ. އިސްތިއުފާ ދޭނީ ވެރިކަން ނިމެން ދެ ދުވަހަށް ވީމަބާ!
ގުދުގުދާ
23 June 2020
ގުޅީފަޅު ހިއްކައިގެން ރަޢީސް އޮފީހުގައި އުޅޭ ގުރޫޕަކާ އަސްލަންޓޭ އާއި ދެފަރާތުން ހިންގާ ޖަރީމާ މާބޮޑު! އަދި ބުނެފިދޯ ބިދޭސީ މުއްސަނދިންނަށް ރާއްޖޭގެ ސިޓިޒަން ސިޕްދީ އެމީހުންނަށް ރާއްޖެއިން ބިން ވިއްކަންޖެހޭވާހަކަ! ހަޤީޤީ ބޭނުމަކީ މި 5 އަހަރު ދެން ދުވަހަކުވެސް މަސައްކަތް ނުކޮއް އުޅެވޭވަރަށް ފައިސާ ހޯދުން! މިއަށް ކިޔަނި ކޮރޮޕްޝަން!
އަންތަރީސވާ
23 June 2020
ޔާމީނުއޯ އެމީހުން އެތެރެކުރީ. އެކަމު އެމީހުންގެ ގިނަ ބަޔަކު ފޮނުވާނުލާ އެމީހުންނަށް ވަކި ވިލެޖެއް ހަދާދީފަ އާބާދުކުރަން އުޅެނީ މީނަ. އެކަން ބަރާބަރު. އެމީހުންނާނުލާ ތަރައްގީނުވާނެތީ އެމީހުންގެ ބޭނުންކޮށްގެން ގައުމު ތަރައްގީކުރަން އުޅެން މީނަގެ ވިސްނުންހުރީ. އެހެންވީމަ އެމީހުން ގެނައުން އެއީ ޔާމީން ކޮށްދިން ހެޔޮކަމަކަށްވެފައެއްނު މިހާރު ތިއޮތީ.
ޚިޔާލު
23 June 2020
ބިދޭސީން އެތެރެކޮށްގެން އެތައް ބަޔަކު މިލިއަނަރުންނަށް ވަނީ ވެފައި. މިކަމެއް ނުހުއްޓުވޭނެ ބިދޭސީން ގެންގުޅެން ފައްޔާޒު ތިގެންގުޅޭ ވިސްނުން ބަދަލުކޮށްގެން ނޫނީ. ބިދޭސީން ލީގަލައިޒްކޮށް އެމީހުންނަށް ގުޅީފަޅުގައި ވިލެޖެއް ހެދުމުގެ ވިސްނުމަކީ ރަގަޅު ވިސްނުމެއް ނޫން. ރާއްޖޭގައި އުޅޭ ބަންގާޅީން ޖެހެނީ އެއްކޮށް ފޮނުވާލަން. މިހެން މިބުނަނީ ކޮންމެހެން ރޭސިސްޓް ވިސްނުމެއްގައެއް ނޫން. ހިއުމަން ޓްރެފިކިން ހުއްޓުވާ، ގައުމު ސަލާމަތްކުރަން
ކަނބިލި
23 June 2020
ތިޔަ ކަން ނުކުރެވޭ މީހުންގެ ގޮތް. ކަންކަން ހައްލުކުރު މަށް ނުކުޅެދުން ތެރިވީ މާ ދެން އޮންނާނީ އެހެން މީހުން ބަދުނާ މުކޮށް ވާހަކަ ދެއްކުން. ކުރީގައި ކަންކުރިގޮތް ކަ މުނުދާތީ މައްސަލަތައް ހައްލުކުރަން މިވެރިން ލެއްވީމ މާވެސް މިދައްކަނީ މައްސަލަތަކުގެ ވާހަކަ. ބޭނު މީ ހައްލު. ބޮޑެތި ބަސްތަކުން ސަ މާލުކަން ހޯދު މެއް ނޫން
އުމަރުބެ
23 June 2020
އަދަދުގޯސް، އެއްލައްކަ ބިދޭސީން ނުގަވައިދުން އެބައުޅޭ