މިރޭގެ މީޑިއާ ބްރީފިންގައި އެޗްއީއޯސީގެ ތަރުޖަމާން ޑރ. ނަޒްލާ ވާހަކަ ދައްކަވަނީ.
10 ޖުލައި 2020 - 00:24
51 comments
މާލެ ސަރަހައްދުން ކޮވިޑް-19 ފެނުމުން އިއުލާންކުރި ލޮކްޑައުން އަށް ބޮޑު ލުޔެއް ދިނުމާއެކު، ބަލި ޖެހޭ މީހުންގެ ކޮންޓެކްޓްސް ދިވެހިންގެ ތެރޭގައި އަނެއްކާ ވެސް އިތުރުވާން ފަށައިފި ކަމަށް އެޗްއީއޯސީގެ ތަރުޖަމާން ޑރ. ނަޒްލާ ރަފީގް މިރޭ ވިދާޅުވެއްޖެ އެވެ.
އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ވިދާޅުވީ އެންމެ ފުރަތަމަ ބަލި ފެތުރިގެން އުޅުނު އިރު ބަލި ޖެހޭ މީހުންގެ ކޮންޓެކްޓްސް ވަރަށް ގިނަވި ކަމަށެވެ. ނަމަވެސް ލޮކްޑައުންކޮށް، މީހުންނަށް ތަންތަނަށް ނުދެވޭ ގޮތް ހެދުމުން، ހާއްސަކޮށް ދިވެހިންގެ ތެރޭގައި ބައްދަލުވާ މީހުން ވަރަށް ބޮޑަށް ދަށްވިކަން ފާހަގަކުރެއްވި އެވެ.
ޑރ. ނަޒްލާ ވިދާޅުވީ ލޮކްޑައުންއަށް ލުއިތައް ދިނުމުން އަނެއްކާ ވެސް، އެކަކު އަނެކަކާ ދިމާވާ މީހުން ވަރަށް ބޮޑަށް ގިނަވާން ފަށާފައިވާ ކަމަށެވެ. ވަކިން ހާއްސަކޮށް ދިވެހިންގެ ތެރޭގައި އެކަން ފާހަގަވެފައިވާކަމަށް ވިދާޅުވި އެވެ. އޭނާ ވަނީ ކޮންމެހެން ދާން ޖެހޭ ތަންތަނަށް ނޫނީ ނުދިއުމަށާއި ބައްދަލުވާނެ ވަކި ބައެއްގެ ކުޑަ ގްރޫޕްއެއް ކަނޑައަޅާފައި ބޭއްވުމަށް އިލްތިމާސްކުރައްވައިފަ އެވެ.
މާސްކު އެޅުމާއި ގައިދުރުކަން ބެހެއްޓުމަކީ އެޗްޕީއޭ އިން މި ހާލަތުގައި ދެމުން އަންނަ އާންމު އިރުޝާދުތަކެކެވެ. ޑރ. ނަޒްލާ ވިދާޅުވީ އޮފީހަށާއި އެހެން ތަނަނަށް ދާއިރު ވެސް މި ގަވާއިދުތަކާ އެއްގޮތަށް އަމަލުކުރާ ނަމަ ބަލި ފެތުރުމުގެ ފުރުސަތު ކުޑަވާނެ ކަމަށެވެ.
"އެހެން މީހުންނާ ބައްދަލުކުރާ އިރު ވެސް ރަނގަޅަށް މާސްކު އަޅާފައި، ދަތްދޮޅީގަ ނޫނީ ނޭފަތުގައެއް ނޫން، އަނގަޔާއި ނޭފަތް އެއްކޮށް ނިވާވާ ގޮތަށް އަޅައިގެން ޑިސްޓަންސިން ބަހައްޓައިފިއްޔާ، ސިމްޓަމްސް ނުހުންނަ މިހަކު ޕޮޒިޓިވް ވިޔަސް އޭނާއާ އެ ވަގުތު ދިމާވި މީހުން ކޮންޓެކްޓުން ގޮތުގައި ނުބަލާނަން،" ކޮންޓެކްޓް ޓްރޭސިންގައި ވެސް އެންމެ އިސްކޮށް ހަރަކާތްތެރިވެވަޑައިގަންނަވާ ޑރ. ނަޒްލާ ވިދާޅުވި އެވެ.
އޭނާ ވިދާޅުވި ގޮތުގައި، ލޮކްޑައުން އަށް ލުއިތައް ދިނުމުން ބަލީގެ އަލާމާތްތައް ހުރެ ވެސް މީހުން ތަންތަނަށް ދާކަން ފާހަގަވެފައި ވެ އެވެ. ބައެއް މީހުން ޕޮޒިޓިވް ވެގެން ބަލާއިރު ކުޅޭށާއި ކޮފީތަކަށް ވެސް ގޮސް މީހުންނާ ވަރަށް ބޮޑަށް ބައްދަލުވެފައި ހުންނަ ކަމަށް ވިދާޅުވި އެވެ.
ކަރަންޓީންގައި ހުންނަ ތަންތަނަށް ނުދިއުމަށް އަންގާފައި އޮންނަ އިރު ވެސް ބައެއް މީހުން ކަރަންޓީންކޮށްފައި ތިބޭ މީހުން ތިބޭ ގެތަކަށް ވެސް ދާކަން ކޮންޓެކްޓް ޓްރޭސިންގެ ތެރެއިން ފާހަގަވެފައިވާ ކަމަށް ޑރ. ނަޒްލާ ވިދާޅުވި އެވެ.
"އޭނާ ޕޮޒިޓިވް ވީމާ ދެން ބިރުން އައިސް މި ބުނަނީ ތިމަންނަ އަށް ދެވުނޭ އޭނަ ކައިރިއަށް ކަރަންޓީންގަ ހުއްޓާ،" ޑރ. ނަޒްލާ ވިދާޅުވި އެވެ.
ރާއްޖެއިން މިހާތަނަށް ކޮވިޑް-19ގެ 2،553 ކޭސް ފެނިފައިވާއިރު އޭގެ ތެރެއިން 13 މީހަކު ވަނީ މަރުވެފަ އެވެ. އަދި 2،229 މީހުން ރަނގަޅުވެ މިހާރު ތިބީ ޕޮޒިޓިވް 306 މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
10 July 2020
މިހާރު ވަރަށް ގިނަ ފިހާރަތަކަން މީހުން ވައްދާކަށް ވަކި ވަރެއް ނޯވޭ! ޓެމްޕަރޭޗަރ ޗެކް ނުކުރޭ! ފިހާރައަށް ވަދެފައި ސެނަޓައިޒަރކޮޅެއް ދޭށޭ ބުންޏަސް ޖަވާބަކީ 'ހުސްވެފައި'.... ކެފޭތަކާ ކޮފީ ކޯނަރތަކަކީ ކްލަސްޓަރތަކާ ގުޅުން ނެތް ކޭސްތައް އިތުރުވާނެ ސަބަބުތައް ކަމަށްވުން ވަރަށް އެކަށީގެންވޭ!
10 July 2020
ޕީކް އަންނަނީ ކޮފީތަކަށާ ރެސްޓޯރަންޓްތަކަށާ ޖިމްތަކަށް ބަލިވެގެން ހުރެ ދިއުމުގެ ސަބަބުން. ބަލިވެ ހުރިއްޔާ ގޭގަ ހުންނަވާ
ސަލާ މަތެއް ނެތެއްނުން
10 July 2020
ހޭދެބައިވެގެން ލުއިދީފަދެންކޮންހާވާހަކައެއް !. ކުޑަކުދިންވެސް ތިސުކޫލަށްނެރެނީ! . މައިންބަފައިންނަށްވެސް ސުކޫލުދޮށަށްދާންޖެހޭ! . ޓީޗަރުންނަށް ކިޔަވައިދޭން ނިކުންނަށް ޖެހޭ! .މަސް މާރު ކޭޓް ހުޅުވީ މަ މަސްގަންނަށްދާންޖެހޭ !. ލޯކަލް މާރުކޭޓް އެން މެންއެހާ ކާރުބާރުބޮޑު އިރުވެސް ތޮއްޖެހިގެންވެސް ބާޒާރުކުރަން ޖެހޭ! .ރެސްޓޯ ރެންޓް ތައް ހުޅުވީ މަ ކޮފީވެސް ބޯން ޖެހޭނެ ދޯ!!!
ނޫރިސް
10 July 2020
ލުއިތަށް ދިންއިރު ދެއްކި ވާހަކަތަށް އަޑުނީވުނީ ހޭދަބައިވެފަ ހުރީމަތޯ؟ ލުއިތަށް ދިނަސް ޒަރޫރީ ބޭނުމެއް ނެތިއްޔާ ނުދާށޭ ކިޔާ އެތަށް ފަހަރަކު އިލްތިމާސް ކޮށްފައިވޭ. ކޮބާ ފަރުދީ ޒިންމާ؟ މިއޮތީ ވާ ގައުމެއް.
ސްކިޕަރ
10 July 2020
މިހާލަތުގައި މިސްކިތްތައް ހުޅުވައިގެން ޖަމާޢަތުގެ ނަމާދާއި ހުކުރު ކުރުމަކީ ދީނާއި ޚިލާފު ކަމެއް ކަމަށް ނުވޭތަ. އިސްލާމްދީނުގައި އޮތީ އަމިއްލަ ނަފްސާއި އެހެން މީހުން ގެއްލުމަށް އެއްލާނުލުމަށް.
އތނ
10 July 2020
ބައެއް މީހުން ޕޮޒިޓިވް ވެގެން ބަލާއިރު ކުޅޭށާއި ކޮފީތަކަށް ވެސް ގޮސް މީހުންނާ ވަރަށް ބޮޑަށް ބައްދަލުވެފައި ހުންނަ ކަމަށް ޑރ ނަޒްލާ ވިދާޅުވިއެވެ. ކަރަންޓީންގައި ހުންނަ ތަންތަނަށް ނުދިއުމަށް އަންގާފައި އޮންނަ އިރު ވެސް ބައެއް މީހުން ކަރަންޓީން ގެތަކަށް ވެސް ދާކަން ކޮންޓެކްޓް ޓްރޭސިންގެ ތެރެއިން ފާހަގަވެފައިވާ ކަމަށް ވިދާޅުވިއެވެ. ޕީކް އަންނަނީ ކޮފީތަކަށާ ރެސްޓޯރަންޓްތަކަށާ ޖިމްތަކަށް ބަލިވެގެން ހުރެ ދިއުމުގެ ސަބަބުން. ބަލިވެ ހުރިއްޔާ ގޭގަ ހުންނަވާ
އަބްދޫ
10 July 2020
ބަލި ގައުމުން ނުފިލުވާ ބަލީގަ ގައުމުރެ ރައްޔިތުން ގަނަތަޅުވައިގެން ބޭރުންއެހީހޯދައިގެން އެމްޑީޕީ އެކްޓިވިސްޓުންނަށް މުސާރަދީގެން ވެރިކަން ހިފަހައްޓަން އުޅޭހެން ހީވާން ފަށައިފި.
އަހުމަދު އިސްމާއިލް
10 July 2020
ކޮބާތޯ ސިއްހީދާއިރާގަ އުޅުއްވާބޭފުޅުން ގެ އަލަވަންސް ، މިހަރު އނެއްކާ ފޯރމް ފުރނަޖެހިގެން މިއުޅެނީ ، ގުނބޯހައްދައިގެން ، މަސައްކަތްކުރުވަނތޮ އަނެއްކާ ތިއުޅުއްވަނީ ، ޔަގީން ކަން ނެތީމަ އަހަލީ
ބޭބެ
10 July 2020
އައްސްލުވެސް ވަރައް ފޫހިވޭ ، ވ ބޮޑާވެފަ މިއިންނަނި ކޮންފަރެންސްގަ އިންނައިރުގަ ވެސް
ޝޫގާ
10 July 2020
ކަނބަލުން ހަމަ ގަދަ. ނަޒްލާ ބަރާބަރު.
އެޑަމް
10 July 2020
ތިގޮތައް ބިދޭސީންނާއެކު ފަސްލައްކަމީހުންޓެސްޓުކުރުމުގެ ގާބިލްކަމާ އަދިސައްކުވާއެންމެން ކަރަންޓީނުކުރުމާއައިސޮލޭޓުކުރުމުގެ ގާބިލްކަންސަރުކާރުގަހުންނާނެތޯ,އަދިހިއެއްނުވޭ,ދުނިޠޭގެއެއްވެސް ޤައުމެއްގަ,އެފަދަޤާބިލްކަމެއްހުންނާނެހެނެއް!!
ނަން
10 July 2020
މިމީހާ ފެނުނަސް ފޫހިވޭ.
10 July 2020
ޑރ ނަޒްލާ ތެދު ހާމަ ކުރައްވަނީ...
އަބްދޫ
10 July 2020
މަގުމަތިން މީހުން ނަގައިގެން ކުރެވޭ ޓެސްޓް ތަކަކީ ރަނގަޅު ނަތީޖާ ނެރެވިދާނެ ގޮތެއް ހެން ހީނުވޭ.އެއްލްއްކަ ކިޓުން މުލިމާލެ ކަވަރު ކުރެވިދާނެ. ސަރަހައްދު ތަކަކަށް ބަހާލާ ޓެސްޓް ހަފްތާ އެއް ފާހަގަކުރަމާ ހިގާ.އޭރުން އެއް ހަފްތާތެރޭ ބަލިޖެހިފައިވާ ހުރިހާމީހުން ދެނެގަނެވޭނެ.ހައުސް ލޮކްޑައުން ވީކް އަކަށް ފަހު ބަލިޖެހިފަ އަދި ސައްކު ކުރެވޭފަތާތްތައް އކަހެރި ކުރެވުނީ އޭރުން އެވީ ނިއު ނޯމަލް