ޕީޖީ ޝަމީމް: އަދީބު ކުށަށް އިއުތިރާފް ނުވިޔަސް، އޭނާ 800 އަހަރަށް ޖަލަށްލެވޭނެ ހެކި އެބަހުރި ކަމަށް ވިދާޅުވި -- މިހާރު ފޮޓޯ/އަހުމަދު އަވްޝަން
14 ޖުލައި 2020 - 19:18
52 comments
ކުރީގެ ނައިބު ރައީސް އަހުމަދު އަދީބު ކުށަށް އިއުތިރާފު ނުވިޔަސް، އޭނާގެ މައްޗަށް 800 އަހަރުގެ ޖަލު ހުކުމް އަންނަ ވަރަށް ދައުވާ ކުރެވޭނެ ހެކި އެބަހުރި ކަމަށް ޕްރޮސެކިއުޓާ ޖެނެރަލް ހުސައިން ޝަމީމް މިއަދު ވިދާޅުވެއްޖެ އެވެ.
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން އަދީބަށް ކުރި ހަތް ދައުވާއެއް ކްރިމިނަލް ކޯޓުން މިއަދު ބޭރުކޮށްލުމުން އަދީބު ވަނީ މިނިވަން ވެފަ އެވެ. އެ ނިންމުން އައީ އެ ދައުވާތަކަށް އަދީބު ކޯޓުގައި އެއްބަސްވުމާ ގުޅޭގޮތުން އަދީބާއި ދައުލަތާ ދެމެދު އިއުތިރާފްގެ އެއްބަސްވުމެއް ހަދާފައި ވަނިކޮށެވެ. އެ މައްސަލަ ހައި ކޯޓުގައި އިސްތިއުނާފް ކުރުމަށާއި އަދީބު ފުރުން މަނާ ކުރުމުގެ އަމުރެއް ހޯދަން ޕްރޮސެކިއުޓާ ޖެނެރަލްގެ އޮފީހުން ވަނީ ނިންމައިފަ އެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ޕީޖީ ޝަމީމް ވިދާޅުވީ ކްރިމިނަލް ކޯޓުން މައްސަލަ ބޭރުކޮށްލީ އިޖްރާއާތުތަކާ ޚިލާފަށް ކަމަށާއި އެހެންވެ، އެ މައްސަލަ އަލުން ބަލަން ހައި ކޯޓުން އަމުރު ކުރާނެ ކަމަށް ގަބޫލު ކުރައްވާ ކަމަށެވެ. ފަހުން މައްސަލަ ބަލާއިރު، ދައުވާތަކަށް އަދީބު އެއްބަސްވެވަޑައިނުގަތަސް ވަކިވަކިން އަދީބަށް 150 އަށް ވުރެ ގިނަ ދައުވާކޮށް، 800 އަހަރުގެ ޖަލު ހުކުމް އިއްވޭނެ ވަރުގެ ހެކި އެބަހުރި ކަމަށް ޕީޖީ ވިދާޅުވި އެވެ.
"އަދީބުގެ އިއުތިރާފު ބަޔާނާ ނުލައި ކުރިއަށް ގެންގޮސްގެން ކުރާނެ 150 އަށް ވުރެ ގިނަ ދައުވާ އެބަހުއްޓޭ. މިއީ ޑޮކިއުމެންޓްރީ އެވިޑެންސްގެ ވާހަކަ. އެ ދައުވާތައް ސާބިތުކޮށް ދެވިއްޖެއްޔާ 800 އަހަރުގެ ހުކުމް އަންނަ ވަރުގެ ލިޔެ ކިޔުން އަޅުގަނޑުމެންގެ އަތުގައި އެބަހުރި،" ޝަމީމް ވިދާޅުވި އެވެ.
ބޭސްފަރުވާ އަށް ފަހު އަދީބު މާލޭ އެއާޕޯޓުގައި. --ފޮޓޯ/ސޯޝަލްމީޑިއާ
އޭނާ ވިދާޅުވި ގޮތުގައި، ކްރިމިނަލް ކޯޓުން އެ މައްސަލަތައް ބޭރުކޮށްލީ އަދީބާ އެކު ދައުލަތުން ހަދާފައިވާ އިއުތިރާފުގެ އެއްބަސްވުމާ ގުޅޭގޮތުން އަދީބާ އެއްވެސް މިންވަރަކަށް ސުވާލެއް ނުކޮށެވެ. އެހެންވެ، އެ އެއްބަސްވުން އަދިވެސް ކުރިއަށް ގެންދާނީތޯ ނުވަތަ ނޫންތޯ ނިންމާނީ އިސްތިއުނާފުގެ މަރުހަލާ އަށް ފަހު އަލުން ކްރިމިނަލް ކޯޓަށް އެ މައްސަލަ ފޮނުވުމުން ކަމަށް ޝަމީމް ވިދާޅުވި އެވެ.
"އަޅުގަނޑުމެން މި ތިބީ އެއްބަސްވުން ކުރިއަށް ގެންދިޔަޔަސް އަދި އެއްބަސްވުމާ ނުލައި ކުރިއަށް ގެންދިޔަޔަސް، މިކަމުގައި ކުރިއަށް ދާން. އެއްބަސްވުން އޮވެގެން ނުވަތަ ނެތިގެނެއް އަޅުގަނޑުމެންގެ މަސައްކަތަކަށް ހުރަހެއް ނޭޅޭ. އަޅުގަނޑުމެންގެ އަތުގައި އެބަހުއްޓޭ މި މައްސަލަތައް ސާބިތު ކުރެވޭ މިންވަރު ހެކި،" ޝަމީމް ވިދާޅުވި އެވެ.
ޝަމީމް ވިދާޅުވި ގޮތުގައި އެހާ ގިނަ ދައުވާތަކެއް އަދީބުގެ މައްޗަށް އުފުލެން އޮއްވައި ހަތް ދައުވާއެއް ދައުލަތުން ކުރީ އެފަދަ އެއްބަސްވުމެއް ކުރިން ހަދާފައި އޮތުމުން އެ އަށް އިހްތިރާމް ކުރުމުގެ ގޮތުންނެވެ. ކޯޓުން މައްސަލަ ބޭރުކޮށްލީ 700 އަށް ވުރެ ގިނަ ހެކި ހުށަހަޅާފައިވާ ވަނިކޮށް ކަމަށް އޭނާ ވިދާޅުވި އެވެ.
"އަޅުގަނޑުމެންނަށް ފުރުސަތު ދޭށޭ އަޅުގަނޑުމެން ހުށަހަޅަން އޮތް 700 އެތައް ޑޮކިއުމެންޓް ހުށަހަޅަން. އަޅުގަނޑުމެން ސާބިތުކޮށްދޭނަމޭ މިވަރުގެ ވައްކަން، މިވަރުގެ ޚިޔާނާތް ހިނގާފައި އޮތްކަން. އެ ފުރުސަތު އަޅުގަނޑުމެންނަށް ނުލިބިގެން މި އުޅެނީ،" ޝަމީމް ވިދާޅުވި އެވެ.
ޝަމީމް ވިދާޅުވީ ކޯޓުގެ ނިންމުން އައީ ޖިނާއީ އިޖްރާއާތުގެ ގާނޫނާ ޚިލާފަށް ކަމަށާއި ހުށަހަޅާފައި ނެތް ލިޔުންތަކަށް ވެސް ކޯޓުން ރިއާޔަތް ކޮށްފައިވާ ކަމަށް އޭނާ ވިދާޅުވި އެވެ. އެހެންވެ، އެ މައްސަލަ ބެއްލެވި ގާޒީ އިސްމާއިލް ރަޝީދުގެ މައްސަލަ ޖުޑީޝަލް ސާވިސް ކޮމިޝަން (ޖޭއެސްސީ) އަށް ހުށަހަޅާނެ ކަމަށް ވެސް ޕީޖީ ޝަމީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޝީދު.
30 December 2020
ތިބޭފުޅާ އަދީބުގެ ލޯޔަރަކަށް ހުރިއިރު ދެއްކީ މުޅިން އެހެން ވާހަކައެއް. ކިހިނެއް ދެން އިތުބާރު ކުރާނީ ދެ އަނގައިން ވާހަކަ ދައްކަންޔާ؟
ފެން
15 July 2020
ދެން ތިޔަ ކުރެވެން އޮތް 150 ދައުވާއިން 0 ވެއްޓި 15 ދައުވާއަށް ބަދަލުވެ 800 އަހަރަށް ކުރެވެން އޮތް ހުކުމުން 00 ވެއްޓި 8 ދުވަހަށްވެސް ބަދަލުވެދާނެ، އެއީ އަދީބުވީމަ. ތި މިނިވަންކޮށްދެވުނީ މީހެއް. އޭނަ މިއޮތް ހުރިހާ ދުވަހު ގޭގަ ބެހެއްޓުމުގެ ނަތީޖާ މިހާރު ތި ފެންނަނީ. އެކަމު ހެއްކަށް ބާރު ފޯރުވާފާނެތީ އަދިވެސް ޔާމީން ގެއަށް ބަދަލުނުކުރެވޭނެ ކަމަށް ބުނަނީ. ހެއްކަށާ ގާޒީއަށާ ދެންވެސް ތިބި ބަޔަކަށް ބާރު ފޯރުވާ މީހުން ފެނުނަސް ނޭނގޭނެ.
ކާދިމު
15 July 2020
ދެން އެހެންވީއިރު ދައުވާ ނުކޮށް ފަހަތު ފަޔަށް ބުރަވެފަ ތިތިބެނީ ކީވެފަކަން ބުނެދެން އެބަޖެހޭ.
ސަތޭކަފަންސާސް
15 July 2020
މި ގަރުނު ނިމޭއިރުވެސް ތިޔަ ހުރިހާ ދައުވާކޮށެއް ނުނިމޭނެ. އަދީބު ދުނިޔެއަޅާ ދާއިރުވެސް...ސާބަސް
ޗޯރު
15 July 2020
800 އެއްނޫން. ހަމައެކަނި 20 އަހ ހަރު ބާއްވާލަދީ ޖަލުގަ. އެވަރުން ފުދޭނެ.
ދޮނީ
15 July 2020
ކޮބާ މާސްކް؟ ހުރިހާ މައިކްތަކަކަށް ކުޅު ބުރުވުމުގަ، ދެން މައިކްތަކުގަ އަތުން ހިފާނީ ޖޯނަސްލިސްޓުން، ކޮވިޑް19ގެ ރައްކާތެރިކަމުގެ ފިޔަވަޅުތައް މިފަދަ ޕްރެސް ބޭއްވުމުގައިވެސް އެޅުމަށް އެދެން. ވަރަށް ސަލާމް.
މޯލްޑިވިޔަން ޕެޓްރޮއިޓް
15 July 2020
ފޮނިނުކަނޑާ އަމަލު ގިނަކުރޭ ޕީޖީ.
ބާރީގެ ބާރީ
15 July 2020
ދެންފަހެ ކީއްކުރަންތޯ ފާޑުފާޑުގެ ޑީލްތިޔަ ހައްދަވަނީ؟
ސަންޕަދަރި
15 July 2020
ދެންލާންވީނު ކީއްވެ ނުލެވިގެން ތިޔައުޅެނީ, ޖަލަށް ހުކުމް ކުރީމަވެސް އޮތީ ގޭގަ ކަސައުޓީ ބަލާލަ ބަލާލާ މޭބިސްކަދުރު ކާލަކާލާ, މީކިހިނެއް ކީއްވެ ވާކަމެއްކަން ވަރަށްސާފުކޮށް ރައްޔިތުންނަށް އެނގޭ.
އެޑަމް
15 July 2020
ޕީޖީ ތިޔަވިދާޅުވަނީ އަދީބު ތިހުކުމްތަންފީޒުކުރަން,ނޫހުގެފާނުހުންނެވިޢުމުރުފުޅައް,އަދީބުދުނިޔޭގަހުންނަވާނެކަމައްތޯ?ނުވަތަ,ރަމްޒީހުކުމެއްގެއަޑުތޯ?ނުވަތަޤާނޫނުގައޮންނަ,ފައިސާގެނިސްބާތުންތޯ?ސުވާލަކީ އަޑެއްއަރުވާލުމައްޓަކާތަންފީޒުނުކުރެވޭނެ ހުކުމެއް އިސްތިހާރުކުރުމުގެބޭނުމެއްނެއް!!