ހެލްތު މިނިސްޓަރު އަމީނާއި ހެލްތު މިނިސްޓްރީގެ ބައެއް އޮފިޝަލުން އިމަޖެންސީ އޮޕަރޭޝަން ސެންޓަރުގައި.
14 ޖުލައި 2020 - 22:13
32 comments
ކޮވިޑް-19 ފެތުރޭތީ، މުޅި ރާއްޖޭގައި އިއުލާނު ކޮށްފައިވާ އާއްމު ސިއްހަތުގެ ކުއްލި ނުރައްކަލުގެ ހާލަތު އަންނަ މަހުގެ ހަތް ވަނަ ދުވަހާ ހަމައަށް، ހެލްތު މިނިސްޓަރު އަބްދުﷲ އަމީން މިރޭ އިތުރުކުރައްވައިފި އެވެ.
އާންމު ސިއްހަތުގެ ކުއްލި ނުރައްކަލުގެ ހާލަތު 24 ދުވަހަށް އިތުރު މިކުރީ، މިހާރު ވެސް އެޗްޕީއޭ އިން ކަނޑައަޅާފައިވާ އުސޫލުތަކަށް އަމަލުކުރާ ގޮތަށް ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާން ޑރ. ނަޒްލާ ރަފީގް މިރޭ ވިދާޅުވި އެވެ.
އެންމެ ފަހުން އިއުލާނު ކުރި ސިއްހީ ނުރައްކަލުގެ ކުއްލި ހާލަތުގެ މުއްދަތު މިއަދުގެ ނިޔަލަށް ހަމަވާނެ އެވެ. އާއްމު ސިއްހަތުގެ ކުއްލި ނުރައްކަލުގެ ހާލަތު އަނެއްކާ ވެސް އިތުރު ކޮށްފައިވާއިރު، މާލެ ސަރަހައްދުގައި އިއުލާންކުރި ލޮކްޑައުން އަށް ބޮޑެތި ލުއިތަކެއް ވަނީ ދީފަ އެވެ. އެއާއެކު ރައްކާތެރިކަމުގެ ފިޔަވަޅާއެކު ކެއުންބުއިގެ ހިދުމަތް ދޭ ތަންތަނާއި އޮފީސްތައް މިހާރު ވަނީ ހުޅުވައިފަ އެވެ.
ކޮވިޑް-19 އަދިވެސް ފެތުރިފައިވާ މާލެ ސަރަހައްދުގެ އިތުރުން ރަށްރަށުގެ ހަރަކާތްތައް މިހާރު ވަނީ އާންމު ހާލަތަކަށް ބަދަލުކޮށްފަ އެވެ. އެކަމަކު، ސިއްހީ ރައްކާތެރިކަމުގެ ފިޔަވަޅުތަކާ އެކު، ކަންކަން ކުރިއަށް ގެންދަން އެޗްޕީއޭ އިން ވަނީ އަންގައިފަ އެވެ.
މާދަމާ އިން ފެށިގެން ރާއްޖޭގެ ބޯޑަރު ވެސް އަލުން ހުޅުވައިލާނެ އެވެ. ރާއްޖެ އައުމަށް ގިނަ އަދަދެއްގެ ޓޫރިސްޓުން އަންނަނީ ބުކިން ހަދަމުންނެވެ.
އާއްމު ސިއްހަތު ރައްކާތެރިކުރުމުގެ ގާނޫނުން ލިބިވަޑައިގަންނަވާ ބާރުގެ ދަށުން ރާއްޖޭގައި ފުރަތަމަ ފަހަރަށް ސިއްހީ ނުރައްކަލުގެ ކުއްލި ހާލަތު ހެލްތު މިނިސްޓަރު އަމީން އިއުލާނު ކުރެއްވީ މިދިޔަ މާޗު 12 އިން ފެށިގެން 30 ދުވަހަށެވެ. އޭގެ ފަހުން ފަސް ފަހަރެއްގެ މަތިން އެ މުއްދަތު އިތުރުކޮށްފައިވެ އެވެ.
މިނިސްޓަރު އަމީން މިރޭ ނެރުއްވި ގަރާރުގައި ވިދާޅުވީ، ރާއްޖޭގައި ފުޅާ ދާއިރާއެއްގައި ބަލި ފެތުރުމުގެ ނުރައްކާ އަދިވެސް އެބައޮތް ކަމަށާއި ކޮވިޑް-19ގެ ނުރައްކާ ކުޑަކޮށް، އާއްމުންގެ ސިއްހަތާއި ރައްކާތެރިކަން ކަށަވަރުކުރަން ހާއްސަ ފިޔަވަޅުތަކެއް އަޅަންޖެހޭ ކަމަށް ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ލަފާދެއްވާފައިވާ ކަމަށެވެ. އެހެންވެ، ގާނޫނުން އޭނާ އަށް ލިބިވަޑައިގަންނަވާ ބާރުގެ ދަށުން އާންމު ސިއްހަތުގެ ކުއްލި ނުރައްކަލުގެ ހާލަތު އޮގަސްޓް 7 އާ ހަމައަށް އިތުރުކުރީ ކަމަށް ގަރާރުގައި ވެ އެވެ.
ރާއްޖެ އިން މިހާތަނަށް ވަނީ ކޮވިޑް-19 އަށް 2،801 މީހުން ޕޮޒިޓިވްވެފަ އެވެ. އޭގެ ތެރެއިން 2،302 މީހުން ވަނީ ބަލިން ރަނގަޅުވެފަ އެވެ. ފަރުވާދެމުން މިހާރު ދަނީ 470 މީހަކަށެވެ. މަރުވި މީހުންގެ އަދަދު މިއަދު ވަނީ 14 އަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙގފ7
15 July 2020
ސިއްހީ ކުއްލި ނުރައްކަލުގެ ހާލަތުގެ މުއްދަތު އިތުރުކުރުމުގެ ބޭނުމެއް ނުފެނޭ މިހާރު މިދާ ގޮތަށް ކަންތައްތައް ދަންޏާ. ނަމެއްގެ ކީއްކުރަން ކުރާކަމެއް މިއީ. ހުރިހާ ކަމެއް ނޯމަލް އެކަމަކު މިއީ ހެލްތް އެމަރޖެންސީއެއް. މިގޮތަށް ކަންތައްތައް މެނޭޖްކޮށްގެން މިކަހަލަ ކަންކަމުން ހާސިލްކުރަން ބޭނުންވާ މަޤްސަދު ހާސިލް ނުވަންޏާ ކީއްކުރަން ކުރާކަމެއް. ނުރައްކަލު ހާލަތުގައި މިހާ ނުރައްކާތެރި ވާނީ. ގިނަ ބަޔަކު މަރުނުވާތީ މިއީ ހަމަ ނޯމަލްކަމެއްގެ ގޮތުގައި މިދެކޭނީ.
ފިތުރޯނު
15 July 2020
ތިކަންތަކާ އަހަރުމެންގެ ނަޓްރަމްޕް ބޭ ޤަރާރެއް ހޯދުމަށް މިހާރު ވަރަށް މަސައްކަތް ކުރާނެ އެވެ.
ދުންމާރިި
15 July 2020
ބަރާބަރު.. ވަތަން އެދޭ ގޮތަށް.
މަލީހު
15 July 2020
މިނިސްޓަރުކަމުގަ އަމީން ނޫން ބޭފުޅެއް ހުރިނަމަ މިކަން މިހާރަނގަޅަށް އޯގަނައިޒުކޮށް ކޮންޓްރޯލެއް ނުކުރެވުނީސް. ހުރިހާ ޝުކުރެއް އަމީންއަށް
އާންމް އާދްމީ
15 July 2020
އެކަމަކު މަލީހަށް ކުރެވުނީ ކޮން ކަމެއް؟ ފުއްދުނީ ކޮން ވައުދެއް؟ ބޮޑުބޭވެސް އެބަ އުޅޭ މޮޔަފުޅު ވެގެން
ދިޔާނީ
15 July 2020
މިމީހުން މާސްކެއްވެސް ގައިދުރުކަމެއްވެސް ނުބަހައްޓާ!
ސަންދޯއް
15 July 2020
ފޮޓޯގައި އެ އޮތީ އެންއީއޯސީ. ވީމާ ކުރީގެ ފޮޓޯއެއްކަން އެނގޭ
މިން
15 July 2020
ކޮބާ މާސްކު! ކޮބާ ގައިދުރު!
ބަލާއެއްނު
15 July 2020
މިމީހުން މީގެ ނުރައްކާ ކިޔައި ފޫއްސެއްނުވޭތަ. މުލިގައުމު މިހިންގަނީ ނަޒުލަ އަކާއ މޫމިނއެއްނު. ބަންދު ކޮށްގެން ކޮންކަމެއްތަ ރަގަޅުވީ.
ހަވަރު
15 July 2020
ރާއްޖޭގެ ޓްރަމްޕަށް ކެތްވާނެބާ
އާދޭސް
14 July 2020
މި ދަތި ދަނޑިވަޅުގައި މިނިސްޓަރު އަމީން އަދި ޓީމުން ތިޔަ ދައްކަވަމުން ގެންދަވާ ސާބިތު ކަމަށް ސާބަސްދެން. މި ގޮތުގައި ހިފަހައްޓާލަން ހުރިހާ މުއައްސަސާތަކަށް ގޮވާލަން. އަދި އާންމު ފަރުދުންވެސް އެޗްޕީއޭ ގައިޑްލައިންތަކާ އެެއްގޮތަށް އަމަލުތައް ބަހައްޓަން އެދެން. ގުޅިގެން މަސައްކަތް ކުރެވިއްޖެނަމަ އަޅުގަނޑުމެން އެންމެންވެސް މިކަމުން ސަލާމަތްވުމުގެ ފުރުސަތު ބޮޑު. އެ ފުރުސަތު ނަގާ ނުލާ.
އިޔެ1
15 July 2020
ކިހާވަރެއް ލިބޭ ކޮމެންޓު ކުރަން؟؟
ނަޝީދު.
14 July 2020
ނިންމުމަށް އޭ ޕްލަސް