ގާޒީ ކަމުގެ ހުވާކުރެއްވުމަށް އޭޕްރީލް 30، 2018 ގައި ބޭއްވި ހަފުލާގައި އިސްމާއިލް ރަޝީދު ބައިވެރިވެވަޑައިގަންނަވަނީ.---ފޮޓޯ: މިހާރު
15 ޖުލައި 2020 - 19:52
30 comments
އެމްއެމްޕީއާރުސީގެ ޚިޔާނާތުގައި އިސްކޮށް އުޅުއްވި ކުރީގެ ނައިބު ރައީސް އަހްމަދު އަދީބުގެ މައްޗަށް ކްރިމިނަލް ކޯޓުގައި އުފުލި ދައުވާތައް ބޭރުކޮށްލެއްވި ކްރިމިނަލް ކޯޓުގެ ގާޒީ އިސްމާއިލް ރަޝީދުގެ ސުލޫކީ މައްސަލައެއް ޖުޑީޝަލް ސާވިސް ކޮމިޝަނުން ތަހުގީގު ކުރަން ނިންމައިފި އެވެ.
އަދީބުގެ ދައުވާތައް ބޭރުކޮށް، އެމަނިކުފާނު މިނިވަންވި މައްސަލައިގައި، ގާޒީ އަލީ އިސްމާއިލް ރަޝީދު ފަނޑިޔާރުން އަމަލުކުރަން ޖެހޭ ސުލޫކީ މިންގަނޑާ ޚިލާފުވެފައިވާ ކަމަށް ޖޭއެސްސީ އަށް ހުށަހެޅި މައްސަލަ ބެލުމަށް އެ ކޮމިޝަނުން މިއަދު ވަނީ ކޮމިޓީއެއް އެކުލަވާލައިފަ އެވެ.
ޖޭއެސްސީން ގާޒީގެ މައްސަލަ ބަލާއިރު، ދައުވާތައް ބޭރުކޮށްލަން ކޯޓުން ނިންމުމުގައި ރިޝްވަތާއި ކޮރަޕްޝަނާއި ނުފޫޒު ހިމެނޭ ކަމަށް ތުހުމަތުކޮށް މައްސަލަ ވަނީ ރައްޔިތުންގެ މަޖިލީހަށް ވެސް ހުށަހަޅައިފަ އެވެ.
އެމްއެމްޕީއާރުސީގެ ޚިޔާނާތް މި ސަރުކާރުގައި އަލުން ތަހުގީގުކޮށް އަދީބުގެ މައްޗަށް ހަތް ދައުވާއެއް އުފުލި އެވެ. އެކަމަކު މި ތަހުގީގުގެ ތެރެއިން ކުށަށް އިއުތިރާފުވުމާ ބެހޭގޮތުން ދައުލަތާއި އަދީބާ ދެމެދު ހެދި އެއްބަސްވުން ގޯސް ކަމަށް ކަނޑައަޅައި ގާޒީ އަލީ ރަޝީދު ނިންމެވީ ދައުލަތުން އުފުލި އެ ދައުވާތައް ކުރިއަށް ނުގެންދެވޭނެ ކަމަށެވެ.
މި ،މައްސަލަ ޕްރޮސިކިއުޓަ ޖެނެރަލްގެ އޮފީހުން މިއަދު ވަނީ ހައި ކޯޓުގައި އިސްތިއުނާފް ކޮށްފަ އެވެ.
ޕީޖީ ހުސެއިން ޝަމީމް ވިދާޅުވެފައިވާ ގޮތުގައި ކްރިމިނަލް ކޯޓުގެ ނިންމުމުން ޖިނާއީ އިޖުރާއަތުގެ ގާނޫނާ ވެސް ޚިލާފެވެ.
އަދީބުގެ މައްޗަށް އުފުލީ ޚިޔާނާތްތެރިވުމުގައި ބައިވެރިވުމުގެ ދެ ދައުވާ އާއި މަނީ ލޯންޑަރިންގެ ދެ ދައުވާ އާއި މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދުމުގެ ދައުވާއަކާއި މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދައިދިނުމުގެ ދައުވާއެއްގެ އިތުރުން ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާއެކެވެ.
ޕާސްޕޯޓް ހިފަހައްޓާފައި ވަނިކޮށް، ފިލި މައްސަލައިގައި ތިން މަހުގެ ޖަލު ހުކުމެއް ވެސް އިއްވައި ގޭ ބަންދުގައި ހުންނެވި އަދީބަކީ ކުރީގެ ރައީސް އަބްދުﷲ ޔާމީންގެ ސަރުކާރުގައި އެންމެ ނުފޫޒުގަދަ ބޭފުޅާ އެވެ. އެމްއެމްޕީއާރުސީގެ ފައިސާ އިން ސިޔާސީ ބާރުވެރިކަން ހޯއްދަވައި، މުއައްސަސާތައް ކޮންޓްރޯލް ކުރެއްވި ކަމަށް ތުހުމަތުކުރެވޭ އަދީބުގެ މައްޗަށް ކުރިން 33 އަހަރުގެ ޖަލު ހުކުމެއް އިއްވި އެވެ.
ކޯޓުތަކުން އަދީބު މިނިވަންކުރީ، އެ ދައުވާތައް ގޯސްކޮށް އުފުލާފައިވާ ކަމަށް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑު އާމިނަތު
16 July 2020
ކިޔަވަގިގެން ތިބި ރަނގަޅު ޒުވާނުން ތިއްބައި މިކަހަލަ މީހުނަށް މަގާމު ދިނީމާ ވާނެގޮތް މިވަނީ
ގޯޕާލް
16 July 2020
ތި ގާޒީއަށް ދެން ޖޮބެއް ބޭނުންވާނެހެން ހިއެއްނުވޭ
ފަޅުމަސް
16 July 2020
އިއުތިރާފު ބަޔާން ގޯސްކަމަށް ވާނަމަ، މައްސަލަ ބޭރުކޮށްލުމުގެ ބަދަލުގައި އެ ބަޔާން ޤަބޫލުނުކޮށް، ހެކިހުށަހެޅުމަށް ޕީޖީއަށް ފުރުސަތު ދޭންވާނެކަމަށް ފެންނަނީ..
59658
16 July 2020
ޖިނާއީ އިޖުރާއަތުގެ ގާނޫނުބުނަނީ ބާތިލު އެއްޗެއްގެ މައްޗަށް ކަމެއް ތަންފީޒު ނުކުރެވޭނެ ކަމަށް. ގާނޫނު މިގައުމުގައި ހިނގަންޏާ އަދީބު ބަންދުން ވީއްލޭނެ. އެކަމަކު ދެވަނަ ފަހަރަށް ބަންދު ކުރަން ދައުލަތުން ކޯޓަށްވެސް ހުށަހެޅޭނެ. އަޖައިބަކީ ހުށަނޭޅުން.
މުޙައްމަދުފުޅު
16 July 2020
އެވާހަކަ ނޫންތޯ.. ބާތިލުވީ އެ އިއުތިރާފު އެއްބަސްވުންކަމަށް ވާނަމަ، ދެން ހުރި ހެކިތަކަށް ނުދެވެންވީ ކީއްވެހޭ ސުވާލަކީ؟ އެ ފުރުސަތު ނެތީތޯ؟ އިއުތިރާފުވެފައި، އެކަމަށް ދެކޮޅު ހެދުމުންވެސް އޮންނަނީ ހެކި ހުށަހެޅުން.. ހަމަ އެގޮތަށް، އިއުތިރާފު ބަޔާންގެ ސައްހަކަން ގެއްލުނީމާ، އެ ބަޔާންތާ ބަލައި ނުގަނެވޭނީ..
އިބްރާ
16 July 2020
ޖުޑިޝަރީގެ މިނިވަންކަން ކަށަވަރުވެއްޖެ. އިބްރާހިމް މުޙައްމަދު ޞާލިޙް އަވަހަށް އިސްތިއުފާ ދެއްވާ.
ަަލިމާ
16 July 2020
މިރާއްޖޭ ކިތައްމެ އިންސާފުވެރި ޤާޒީ އެއް ހުއްޓަސް . ޤަބޫލު ކުރަން ދަތިވާވަރުގެ ގޭސް ގަނޑު ކައްކާ ރީދޫ ގުރޫޕްއަށް ލިބުނު ލަނޑެއްތީ.
ތެޔޮ ޝައިނީ
16 July 2020
ނޭގޭ ފަނޑިޔާރެއް ކަމަކަށް ޤަބޫލެއް ނުކުރަމެވެ. ހަމަ އެގިހުރެ ކެރިހުރު ކުރި ކަމެކެވެ.
އަރުޖުން މެޑްރިޑްސް
16 July 2020
ބޮޑުބެރު ޖަހާ މީހުން ގާޒީކަމަށް ލީމާ ވާނެގޮތްމީ
މާމޮޅޭ
16 July 2020
ބޮޑުބެރު ޖެހިޔަސް ކިޔަވައިގެން ހުރީމަތާ އެ މަގާމު ލިބޭނީ.
ވައިސޫރި
16 July 2020
މިހެންވީމާ ބުނެވިދާނެ ރިހޭފައިމައްޗައް ފޮއެވެއްޓުނުކަމައް ތިޔައީ އެއްގަލުން ފެހިކާގެން އުޅޭ ބައެއް
ޖަރީމާ
16 July 2020
މީ ވަރަށް މޮޅު ގޮތް ، ސަރުކާރު ބޭނުން ނުވާ ގޮތަށް ހުކުމް ކުރާ ގާޒީންގެ މައްސަލަ ބެލުން. މިއަށްވުރެ ބޮޑަށް މިނިވަން ވާނެ ގޮތެއް ބުނެބަލަ.
އިބްޝާ .
16 July 2020
މައްސަލައެއް ނެތްތާ .. ބޮޑުވަރަކަށްވެސް މަގާމުން ދުރުކުރެވޭނީ..އެއގެ ކުރިންް އެޑުވާންސްކޮށްް އެއަށް ވާވަރަށް ތިޖޫރިތަށް ފުރާލެވުނީމަ ބޯގާނަންޖެހޭނެ މައްސަލައެއް ނެތް..