ދަރުބާރުގޭގާއި ބޭއްވި މީޑިއާ ބްރީފިންގައި ފިނޭންސް މިނިސްޓަރު އިބްރާހިމ އަމީރާއި ސަރުކާރުގެ އެހެން ބައެއް އިދާރާތަކުގެ އިސްވެރިން .---ފޮޓޯ އަހުމަދު އަވްޝަން/މިހާރު
20 ޖުލައި 2020 - 11:51
8 comments
ކޮވިޑް-19 އާ ގުޅިގެން ވިޔަފާރިތަކަށް ލިބުނު ގެއްލުމުން އަރައިގަތުމަށްޓަކައި މިހާތަނަށް 725 މިލިއަން ރުފިޔާ ދީފައިވާ ކަމަށް ފިނޭންސް މިނިސްޓްރީން ބުނެފި އެވެ.
ފިނޭންސް މިނިސްޓްރީން އާންމުކުރި ތަފާސްހިސާބުތަކުން ދައްކާ ގޮތުން ބީއެމްއެލް މެދުވެރިކޮށް ބޮޑެތި 322 ވިޔަފާރިއަކަށް ލޯނު ދޫކޮށްފައިވާ ކަމަށެވެ. އޭގެ ތެރޭގައި ހިމެނެނީ 460 މިލިއަން ރުފިޔާ އާއި ހަ މިލިއަން ޑޮލަރެވެ.
ފިނޭންސުން ބުނީ މިހާތަނަށް ބޮޑެތި 360 ވިޔަފާރިއަކަށް ލޯނު ދޭން ނިންމާފައިވާ ކަމަށެވެ.
ބީއެމްއެލުން ލޯނު ދޫކުރަނީ ރިސޯޓުތަކާއި އަހަރެއްގެ މައްޗަށް އާމްދަނީގެ ގޮތުގައި 10 މިލިއަނަށް ވުރެ މަތީ އަދަދެއް ލިބޭ ވިޔަފާރިތަކަށެވެ. ރަހުނަކާ ނުލައި، އަހަރަކު ހަ ޕަސެންޓް އިންޓަރެސްޓް ދައްކާ ގޮތަށް ނަގާ މި ފައިނޭންސިން އަނބުރާ ދައްކަން ހަ މަހުގެ ގްރޭސް ޕީރިއަޑެއް ވެސް ދެ އެވެ. މާލީ މި އެހީ އެއްކޮށް ދައްކަން ތިން އަހަރުގެ މުއްދަތެއް ލިބެ އެވެ. ލޯނު ދެއްކުމުގެ ކުރިން ލިބޭ ގްރޭސް ޕީރިއަޑްގައި އިންޓްރެސްޓް އަދި ޕްރިންސިޕަލް ޕޭމަންޓް ވެސް ދައްކާކަށް ނުޖެހެ އެވެ.
ކުދި ވިޔަފާރިތަކަށް ސަރުކާރުގެ މާލީ އެހީ ދެނީ އެސްޑީއެފްސީ މެދުވެރިކޮށެވެ. އެ ބޭންކުން މިހާތަނަށް 1،303 ވިޔަފާރިއަކަށް 172 މިލިއަން ރުފިޔާ ދޫކޮށްފައިވެ އެވެ. ލޯނަށް އެދި 2،800 އަށް ވުރެ ގިނަ ވިޔަފާރިތަކުން ކުރިމަތިލި އިރު މިހާތަނަށް މާލީ އެހީތެރިކަން ފޯރުކޮށްދޭން ނިންމާފައި ވަނީ 1،640 ވިޔަފާރިއަކަށެވެ.
އެސްޑީއެފްސީ މެދުވެރިކޮށް ލޯނު ދޭނެ އަދަދު ކަނޑައަޅަނީ އެ ވިޔަފާރިއަކަށް ލިބޭ އެވްރެޖް އާމްދަނީ އަށް ބަލައިގެންނެވެ. އެގޮތުން އާމްދަނީ ލިބޭ ވަރު ބަލައި، އޭގެ 20 ޕަސެންޓްގެ ތިން ގުނަ، ކޮންމެ ވިޔަފާރިއަކަށް ވެސް ދޭން ވަނީ ނިންމައިފަ އެވެ.
އެސްޑީއެފްސީން ލޯނު ދިނުމުގައި ބަލަނީ ތިން މަހުގެ ހަރަދުތައް މެނޭޖް ކުރެވޭނެ ވަރެއް ފޯރުކޮށްދޭށެވެ. މި ހާއްސަ ޕެކޭޖުގެ ދަށުން އެސްއެމްއީތަކަށް 400 މިލިއަން ރުފިޔާ ކަނޑައަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
20 July 2020
ފްރަންޓްލައިން އެލަވަންސް އަދިވެސް ނުލިބޭ.
ޙިނި
20 July 2020
ދިންމީހުންގެ ލިސްޓާ އަދަދު ކޮން އިރަކުން ޞާ ތަފްސީލުލިބެނީ. މި މައުލޫމަތު ބަލަން ބޭނުން. ސަރުކާރު ބަދުނާމު ވާގޮތައް ބައެއް ސިވިލް ސާވަންޓުން ލޯނުދޫކުރުމުގަ ފޭވާކުރޭ ނޫނީ ކަމިޝަންނަގާ
ައަފުރާސިޔާބު
21 July 2020
އެތަފްޞީލަކީ ދައުލަތުގެ ސިއްރެއް. އެސިއްރު ފަޅާއަރައިފިއްޔާ އެނގޭނެތާ ފައިސާ ދޭން ނުޖެހޭ ބަޔަކަށް ފައިސާ ދީފައިވާކަން.
އެދުރުކަލޭފާނު
20 July 2020
ކާކަށް ދިނީ؟ ރައްޓިހި ޕާޓީ ބޯއިޒްތަކަށްތަ؟ ލިސްޓް ހޯދާބަލަ މިހާރު އެދުރުކަލޭފާނާއި އޭނަގެ އައުވާނުން ދައްކާވާހަކަ ގަބޫލުނުކުރަން
ޔުނައިޓެޑް އައްޑޫ
20 July 2020
ހެޑްލައިން ރަނގަޅުކޮށްލައްވާ! ބޮޑެތި ވިޔަފާރިވެރންގެ ސަރުކާރުން ބޮޑެތި ވިޔަފާރިތަކަށް ބޮޑެތި މާލީ އެހީތަކެއް ދީފި.
ބަބުރަންޖީ
20 July 2020
750 ދިންއިރު މުއައްޒިފުން ނަގާ އެއްލާލީ. ކިހާ ރީތި!
ޒަރީރުހުސެއިން
20 July 2020
ނޯ ޕޭ އަށް ފޮނުވި މުވައްޒަފުންނަށް މުސާރަ ދޭން ޝަރުތުކޮށްފަ ލޯނު ދެނީ. ލޯނު ފައިސާ ދެނީ ގަނޑުކޮށްވެސް ނޫން. ބައިބަޔަށް. މުވައްޒަފުންނަށް މުސާރަ ދޭތޯވެސް ބެލެން އިންނާނެ ބެންކަށް
ައަފުރާސިޔާބު
21 July 2020
ޒަރީރޫ! ރާއްޖެއަށް އެތެރެވާ ބިދޭސީންގެ ނަމާއި ގައުމާއި ޕާސްޕޯޓް ނަންބަރާއި ރަށުގެ އެޑްރެހާއި ރަށުގެ ފޯންނަންބަރާއި އަވަށާއި އެމީހާގެ ފޮޓޯވެސް އިމިގްރޭޝަންގައި ހުރިއިރު ދައުލަތަށް އެމީހުންނަކީ ކޮންބައެއްކަން ނޭނގިގެން އުޅޭއިރު ތިގޮތަށް ހުންނަ އެއްޗެހިންވެސް ދައުލަތަށް ނޭނގޭނެ.