ޔާސިރު ޔަހުޔާ: އޭނާ ވަނީ އައިޖީއެމްއެޗްގައި އެޑްމިޓްކޮށްފައި
21 ޖުލައި 2020 - 22:09
42 comments
ޓެރަރިޒަމާ ގުޅުން ހުރި ތުހުމަތުތަކެއްގައި ރާއްޖޭގައި ހައްޔަރުކޮށްފައި ހުރި ޔަމަނުގެ ރައްޔިތެއް ކަމަށްވާ ޔާސިރު ޔަހުޔާ، ބަނޑުހައިހޫނުކަމުގެ ހަޅުތާލެއް ކުރުމުން ހާލު ދެރަވެގެން އައިޖީއެމްއެޗުގައި ފަރުވާ ދޭން މިރޭ ފަށައިފި އެވެ.
މިއީ ޔާސިރު ބަނޑުހައިހޫނުކަމުގެ ހަޅުތާލެއް ކުރި ދެވަނަ ފަހަރެވެ. އައިޖީއެމްއެޗުން ބުނީ އޭނާ އަށް ފަރުވާ ދެމުން އަންނަނީ ވެންޓިލޭޓަރުގައި ކަމަށެވެ.
އިމިގްރޭޝަން ގާނޫނާ ހިލާފުވެގެން ރާއްޖެއިން
— Ahmed Mohamed (@ahumadhumohamed) July 21, 2020
ފުރުވާލެވެންދެން ހުޅުމާލޭ ޑިޓެންޝަން ސެންޓަރުގައި
ބަންދުކޮށްފައިވާ ޔަމަނުގެ ރައްޔިތެއްކަމަށްބުނާ މީހާ ވަނީ ކެއުމަން އިންކާރުކުރުމުގެ ސަބަބުން ހާލު ސީރިޔަސް ވަމުންދާކަމަށް ފެންނާތީ، އައި.ޖީ.އެމް ހޮސްޕިޓަލަށް ގެންދެވިދަނީ ފަރުވާދެވެމުން
އެމްސީއެސްގެ ކޮމިޝަނަރު އަހުމަދު މުހައްމަދު މިއަދު ކުރެއްވި ޓްވީޓެއް
ކޮމިޝަނަރު އޮފް ޕްރިޒްންސް އަހުމަދު މުހައްމަދުފުޅު ވިދާޅުވީ، ޔާސިރު އައިޖީއެމްއެޗަށް ގެންދިޔައީ އޭނާގެ ހާލު ދެރަވެގެން ކަމަށެވެ. އިމިގްރޭޝަންގެ ގާނޫނާ ހިލާފުވެފައި ވާތީ، ފުރުވައިލެވެން ދެން ޔާސިރު ބަހައްޓާފައި ހުރީ ހުޅުމާލޭ ޑިޓެންޝަން ސެންޓަރުގަ އެވެ.
ޓެރަރިޒަމާ ގުޅުން ހުރި މައްސަލަތަކެއްގައި އެހެން ގައުމުތަކުން ވެސް ޔާސިރު ކުރިން ބަންދުކޮށްފައި ވެ އެވެ.
ރާއްޖޭގައި ކައިވެންޏެއް ކޮށްގެން އުޅެމުން އަންނަނިކޮށް، އޭނާގެ ހަގީގަތް އިނގުމުން އިމިގްރޭޝަންގެ ބެލުމުގެ ދަށަށް ގެންދިޔައީ މާޗް، 3، 2017 ގަ އެވެ. އޭގެ ފަހުން އެއްވެސް ދައުވާއެއް ނުކޮށް ޔާސިރު ބަންދުކޮށްފައި ބެހެއްޓުމުން، އެކަމާ އިންކާރުކޮށް އޭނާ ވަނީ މިދިޔަ އަހަރު ވެސް ބަނޑުހައިހޫނުކަމުގެ ހަޅުތާލެއް ކޮށްފަ އެވެ.
އެ ހަޅުތާލާ ގުޅިގެން އެ ފަހަރު ވެސް އޭނާގެ ހާލު ވަރަށް ދެރަވެ، އައިޖީއެމްއެޗުގައި އައިވީ ގުޅައިގެން ފަރުވާ ދިނެވެ. ޔާސިރު އޭރު އަލުން ކާން ފެށީ ވަރަށް ގިނަ ދުވަހު ހަޅުތާލު ކުރުމަށް ފަހު އެވެ.
ޔާސިރު ހައްޔަރު ކުރީ، އޭނާ ދޫކޮށްލާފައި ހުރެއްޖެ ނަމަ ރާއްޖޭގެ ސަލާމަތާއި ރައްކާތެރިކަމަށް ގެއްލުން ވެދާނެ ކަމަށް ބެލެވޭތީ ކަމަށް ހޯމް މިނިސްޓަރު އިމްރާން އަބްދުﷲ އާއި ޕޮލިސް ކޮމިޝަނަރު މުހައްމަދު ހަމީދު މީގެ ކުރިން ވިދާޅުވެފައި ވެ އެވެ.
ދިވެއްސަކާ އިނދެ ދަރިއަކު ވެސް ހުންނަ ޔާސިރުގެ ހަގީގަތް އެނގުނު ހިސާބުން ވިސާ ކެންސަލްކޮށް، ރާއްޖެ އިން ފުރައިގެންދާން އެއް މަސް ދުވަހުގެ މުއްދަތެއް އިމިގްރޭޝަނުން ދިނެވެ. އެކަމަކު ޔާސިރު ފުރަން އިންކާރުކުރީ އެވެ. އޭނާ ފުރަން އެއްބަސްވިހާ އަވަހަކަށް އެކަން ހަމަޖައްސައިދޭނެ ކަމަށް ހޯމް މިނިސްޓްރީން މީގެ ކުރިން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަފްލާ
23 July 2020
ޑީޕޯޓެއް ނުކުރެވޭނެ ސަބަބަކީ ދިވެއްސަކާ ކައިވެނިކޮއްގެން ދަެިއަކުވެަްސް ހުރިމީހަކއްވާތީ އޭނަޔާ އޭނަގެ އަނބި ދަރިންގެވެސް ޙައްގުތަކެއް ވާތީ ޙައްގުގެ ވާހކަ ދެކެވެނީ ކަލެމެންނރޭޕް ކުރަންވިމަ
ޝިޔާމް
22 July 2020
އިމްރާނު ބުނި ނޭގޭ ކަންތައްތައް ޝަރީއަތް މެދުވެރިކޮށް ސާބިތުނުކޮށް އޭނާއަށް އަނިޔާވެރިވުން ހުއްޓާލާ.
ބިން ލާޑެން
22 July 2020
ޓެރަރިސްޓް ޓްރޭނިން ނުލިބި މިހާ ހިތްވަރު ގަދަ ނުވާނެ އާދައިގެ އިންސާނެއް. އެހާ ފަސޭހައިން ގައުމަށް އަނބުރާ ދެވެން އޮއްވާ އެތައް އަހަރެއް ވަން ދެން ކޮން ބޮޑައެއް މީނަ މިހާކަނީ
ކަތީއްބެ
22 July 2020
އަވަސް ޝިފާއެއް ދެއްވާށި! ނުރައްކާތެރި މީހަކު ކަމުގައި ބުނުމަކުން ނުފުދޭނެ، ދަޢުވާވެސް ކުރެވެންވާނެ، އެނޫންގޮތަކަށް ގިނަދުވަހު ބަންދުގައި ބެހެއްޓުންވާނީ އަނިޔާއަކަށް، އިންސާނަކަށްވީތީ ލިބެންޖެހޭ ޙައްޤުތަކުން މަޙުރޫމެއްނުކުރެވެނެ.
ޕޮލުސް
22 July 2020
ބުރޯ ޑީޕޯޓު ކިރަން ނިންމުކަކީ ވެސް ގާނޫނުން ބާަރު ލިބިދޭ ހުކުމެއް. ވާނުވާ ނޭގި ކޮމެންޓް ތިކުރަނީ
ކަތީއްބެ
22 July 2020
މީހަކު ޑީ ޕޯޓު ކުރަން ބޭނުމިއްޔާ އެކަންވެސް ކުރެވޭހާ ދުވަސްވެއްޖެ، ކަމެއް ކުރެވެން އޮތުމާއި، ކުރުމާއި މުޅިން ދެކަމެއް، ކުރެވެން އޮތިއްޔާ ނުކޮށް ލަސްކުރުން އަނިޔާއަކަށްނުވާނެ ގޮތަކީ ކޮބައި؟
ފާމުލަދޭރި ކިލެގެފާނު
22 July 2020
މީނާއަކީ ކުށެއް ސާބިތުކުރެވޭ ވަރުގެ ހެއްކެއް ނެތި ޖަލުގަ އަނިޔާ ލިބެމުން ދާ މީހެއް. ދިވެހި އަންހެނެއްގެ ފިރިއެއް. ދިވެހި ދަރިއެއްގެ ބަފައެއް. ކުށްވެރިއެއް ވެއްޖެއްޔާ ދޭންޖެހޭނީ އަދަބު. ކުށެއްނެތި ބަންދުކޮށްގެން ދޭނީ އަނިޔާ.
ޅޮލް ކޮޅު
22 July 2020
ބުރޯ ޑީޕޯޓު ކުރަން ނިންމުމަކީ ގާނޫނުން ބާރު ލިބޭ ހުކުމެއް. އެއްވެސް ގައުމެއްގެ ގަދަ ބާރުން ބޮޑާހާކައިގެން ނުހުރެވޭނެ. އޭނަގެ ގައުމަށް އަނބުރާ ދިއުމުގެ ފުރުސަތު އެބައޮތް. ދެން އޭނަ ކޮން ބޮޑައެއް ހާކަނީ ނުދާން ވެގެން. ވަރައް ނުރައްކާތެރި މީހަކަށް ނުނީ ނުކުރެވޭނެ ކަން ކަން އޭނަ އެކުރަނީ. ދިވެހި ފަސްގަނޑަށް ދޫކޮއްގެން ނުވާނެ
SHARIF HOSSAIN
22 July 2020
ލޮލް ކޮޅަށް ވަރަށް ލޮލް: ކަލޭއަށް މާއެގެނީ
އަލީރާޖާ
22 July 2020
މިއީ ހަގީގަތުގައި ބަންދުގައި ހުރި މީހެއް ނޫން. އަމިއްލައަށް ފުރައިގެން ނުދާން ބޮޑާހާކާފަ ނުދާން ހުންނަ މީހެއް. އޭނާ ބޭނުން ކޮންމެ އިރަކު ފަރަން ސަރުކާރުން އޮތީ ހުއްދަ ދީފައި.
SHARIF HOSSAIN
22 July 2020
ކަލޭއަށް މާބޮޑަށް އެނގެނީ
SHARIF HOSSAIN
22 July 2020
ހަބަރު ރަނގަޅަށް ކިޔާބަލަ. ހަގާިގުގައި މިނާހުރީ ކަލޭގެ ގޭގަތޯ
ކަތީއްބެ
22 July 2020
ދައުލަތެއްގެ ކުރިމަތީގައި ބޮޑާހާކައިގެން ހުރެވޭނެކަމަކަށް ޤަބޫލެއްނުކުރެވޭ، ނުދާން އުޅެންޏާ ގަދަކަމުން ފޮނުވާލެވޭނެގޮތްވެސް އޮންނާނެ،
ޟާސް
22 July 2020
ކޮބާތޯ ހިއު މަންރައިޓުސް. ދިވެހި ދެ އަންހެނުން ޖާސޫސް ކުރު މުގެ ތުހުމަތުގައި އިންޑިޔާގެ ޖަލަށްލީ މާ އެތަނުގެ ޙައްޤުތަކަށް ވަކާލާތު ކުރާބަޔަކު ބުރަ މަސައްކަތް ތަކެއްކުރި އެ މީހުންގެ ދިފާއުގައި. މި ޤައު މުން އެއްވެސް ޟަރީޢަތެއް ނުކޮށް ޔަ މަން ގެ އެ މީހާ ޖަލުގައި ގެންގުޅޭތާ ކިތައް އަހަރު. ޙެޔޮވާނީ ކިހިނެށް. ސައުދީ މީހުން ރުއްސު މަށް އެކަންކުރީ. ޢި މްރާނަކީވެސް ސައުދީގެ އެޖެންޓެށް
Omega 3
22 July 2020
ކޮންމެ އިންސާނަކަށްވެސް ކެއްކުރެވޭނީ ވަކިވަރަކަށް. ޔާސިރު ދިވެއްސަކާ ކައިވެނިކޮށް ރާއްޖޭގައި އެތަށް އަހަރެއްވީ އިރުވެސް އޭނާގެ ފަރާތުން އެއްވެސްކަހަލަ ނުސިޔާނު ކަމެއްނުފެނޭ. އޭނާ ހައްޔަރުކުރި އިރުހުރީ އަރަބިއްޔާ ޓީޗަރަކަށް. މިހާތަނަށް އޭނާކުރި ކުށެއް އަދި ޝަރީއަތެއް ނުކޮށް އކުރެވެނީ ވަރަށް ލާއިންސާނީ އަމަލެއް. މުސްލިމަކަށްވީތީ އޭނާއާ ދެކޮޅަށް އިންސާނީ ހައްގުތަކަށް މަސައްކަތްކުރާ ޖަމާއަތްތަކުންވެސް ވަނީ ހަމަހިމޭންވެފަ. ސައޫދީން ލާރިކޮޅުލިބޭތީ.
މުޖާހިދު
22 July 2020
ސައުދީ ވަލީ އަހުދު ރާއްޖެއަންނާން އޮތްދަތުރަށް ފައްކާކުރި އެޖެންޓެއް ތިޔައީ...
ޕޮލުސް
22 July 2020
ބުރޯ ބަލަ އަރަބިއްޔާ ޓީޗަރަކަށް ހުރި ހިސާބުން އެއޮތީ ބޮޑު ކުށަކަށް އަރާގަނެވިފަ ދެން ކޮން ބޮޑައެއް ހާކާކަށް. ގައުމައް އެނބުރި ދާންވީއެއްނު
މަރިޔަދުގެ
22 July 2020
އޭނާގެ އިންސާނީ ހައްގުތައް ކަށަވަރުކުރޭ. އަންޓިލް ޕްރޫވަން ގިލްޓީ ޔޫ އަރ އިނަސަންޓް. ކޮބާ އެއްކަލަ ހައްގުތަކަށް ގޮވާ ބައިގަނޑު. ޑިމޮކްރަސީއަކީ ހާދަ ދެފުއްކެހެރި އެއްޗެކޭ؟
SHARIF HOSSAIN
22 July 2020
މިތަނިގައި އިންސާނީ ހައްގު އޮންނާނީ އިންސާނުން އުޅޭ ނަމައެއްނު.
އަލީ އަލީ
22 July 2020
އަމިއްލަ ގައުމަށް ދުރުވޭ! އަމިއްލަ ނަފްސައް ގެއްލުން ނުދީ! މިނާ އަމިއްލަ ގައުމަށް ދާން ނޫޅޭތީވެސް ސުވާލު އުފެދޭ! ދެން މިހާރު ތިޔަ ބޭރު މީހުންނާހެދި އަހަރުމެނަށް ނެތެއްނު ހަމޖެހިގެން އަހަރުމެން ގައުމުގަ ތިބެވެން ވެސް! ތިޔަމީހާގެ މަރުވެސް ބޮލުގަ އަޅަން މިޖެހެނީ އަހަރުމެނަށް!