ލ. ގަމާއި، ގއ. ވިލިނގިލީގައި ކޮވިޑް-19 މެނޭޖްމަންޓް ފެސިލިޓީ ހުޅުވުމަށް މިރޭ ބޭއްވި ވާޗުއަލް ހަފުލާގައި ހެލްތު މިނިސްޓަރު އަމީން ބައިވެރިވެވަޑައިގަންނަވަނީ.---ފޮޓޯ: ހެލްތު މިނިސްޓްރީ
21 ޖުލައި 2020 - 23:39
44 comments
ކޮވިޑް-19 އަށް ދުނިޔޭގައި ވެކްސިނެއް އުފެއްދުމުން، އެ ވެކްސިން އެންމެ އަވަހަށް ލިބޭ ގައުމުތަކުގެ ތެރޭގައި ރާއްޖެ ހިމެނޭނެ ކަމަށް ހެލްތު މިނިސްޓަރު އަބްދުﷲ އަމީން މިރޭ ވިދާޅުވެއްޖެ އެވެ.
ލ. ގަމާއި، ގއ. ވިލިނގިލީގައި ކޮވިޑް-19 މެނޭޖްމަންޓް ފެސިލިޓީ ހުޅުވުމަށް ބޭއްވި ވާޗުއަލް ރަސްމިއްޔާތުގައި މިނިސްޓަރު އަމީން ވިދާޅުވީ، މި ކޮވިޑް ބަލިން ރައްކާތެރިވުމަށްޓަކައި ކުރަންޖެހޭ މަސައްކަތްތައް ވަކި ވަގުތަކަށް މަޑުކުރުމެއް ނެތި ސަރުކާރުން ކުރަމުން އަންނަ ކަމަށެވެ. ވެކްސިނެއް އުފެއްދުމުން އެ އެންމެ އަވަހަށް ހޯދުމަށް ޑަބްލިއުއެޗްއޯއާ މިހާރުން ފެށިގެން މަޝްވަރާކޮށް މަސައްކަތް ކުރަމުން އަންނަ ކަމަށް ވިދާޅުވި އެވެ.
"ކޮވިޑް ބައްޔަށް ވެކްސިނެއް އުފެއްދިއްޖެއްޔާ ރާއްޖެ އަށް އެންމެ އަވަހަށް އެ ލިބޭނެ މަގުފަހި ކުރުމަށް ސަރުކާރުން މިހާރު ވެސް އެބަ މަސައްކަތް ކުރަން. ޑަބްލިއުއެޗްއޯ އިން އިސްނަގައިގެން ފެށި ކޯލް ފޯ އެކްޝަންގައި ފުރަތަމަ ބައިވެރިވި ގައުމުތަކުގެ ތެރޭގައި ވެސް ރާއްޖެ ހިމެނޭ،" އަމީން ވިދާޅުވި އެވެ.
ކޮވިޑް-19 އަށް އެންމެ ފުރަތަމަ ޓެސްޓުކުރަން ފެށި ގައުމުތަކުގެ ތެރޭގައި ވެސް ރާއްޖެ ހިމެނިފައި ވެ އެވެ. ރާއްޖެ އިން އެ ބަލި މާޗް 7 ގައި ފެނުމުގެ ކުރިން ފެބްރުއަރީ މަހުގެ ފަހުކޮޅުން ފެށިގެން ކޮވިޑް-19 ގެ ޓެސްޓުތައް އައިޖީއެމްއެޗުގައި ފެށި އެވެ. ޓެސްޓުތައް ހަދަން ފެށީ ވެސް ޑަބްލިއުއެޗްއޯގެ ވަރަށް ބޮޑު އެހީތެރިކަމަކާ އެކު އެވެ.
ޑަބްލިއުއެޗްއޯގެ ވާޗުއަލް ބައްދަލުވުމެއްގައި މިނިސްޓަރު އަމީން ބައިވެރިވެވަޑައިގަންނަވަނީ: ކޮވިޑް-19 އަށް ރާއްޖޭގައި ޓެސްޓު ކުރެވޭނެ މަގުފަހިވީ ޑަބްލިއުއެޗްއޯގެ ވަރަށް ބޮޑު އެހީތެރިކަމަކާ އެކު.---ފޮޓޯ: ހެލްތު މިނިސްޓްރީ
މިނިސްޓަރު އަމީން މިރޭ ވިދާޅުވީ، އެހެން ގައުމުތަކާ އަޅާބަލާއިރު ރާއްޖެ އަށް މާ އަވަހަށް އަދި ފަސޭހައިން ކޮވިޑް ބަލީގެ ހާލަތުން އަރައިގަނެވޭނެ ކަމަށެވެ. އެހެން ގައުމުތަކާ އަޅާބަލާއިރު، އެ ބައްޔަށް ރާއްޖެ ތައްޔާރުވެފައިވާ މިންވަރު ވަރަށް ވެސް ރަނގަޅު ކަމަށް އަމީން ވިދާޅުވި އެވެ. ދިވެހިންނަކީ ހޭލުންތެރި ބަޔަކަށް ވާތީ ރާއްޖެއަށް މި ފުރުސަތު ބޮޑު ކަމަށް ވެސް ވިދާޅުވި އެވެ.
އަމީން ވިދާޅުވި ގޮތުގައި، ރާއްޖެ މި ބަލިން ސަލާމަތް ކުރުމަށް އެހެން އެއްވެސް ގައުމަކުން މަސައްކަތް ނުކުރާ ވަރަށް ދިވެހި ސަރުކާރުން މަސައްކަތް ކޮށްފައި ވެ އެވެ. ރާއްޖެ އަކީ ވަސީލަތްތަކާއި ކަމުގެ ތަޖުރިބާކާރުން ވެސް މަދު ގައުމަކަށް ވެފައި މިފަދަ ކަންކަން ތަޖުރިބާ ކޮށްފައިވާ ވަރު ވެސް މަދު އިރު، ރާއްޖޭގެ ހާލަތު މިހާ ރަނގަޅު ވުމަކީ ރައީސް އިބްރާހިމް މުހައްމަދު ސޯލިހުގެ އަވަސް ވިސްނުންފުޅާއި މަސައްކަތްޕުޅު ކަން މިނިސްޓަރު ފާހަގަކުރެއްވި އެވެ.
"ކޮވިޑް ބައްޔަށް ވެކްސިނެއް އުފެއްދިއްޖެއްޔާ ރާއްޖެ އަށް އެންމެ އަވަހަށް އެ ލިބޭނެ މަގުފަހި ކުރުމަށް ސަރުކާރުން މިހާރު ވެސް އެބަ މަސައްކަތް ކުރަން. ޑަބްލިއުއެޗްއޯ އިން އިސްނަގައިގެން ފެށި ކޯލް ފޯ އެކްޝަންގައި ފުރަތަމަ ބައިވެރިވި ގައުމުތަކުގެ ތެރޭގައި ވެސް ރާއްޖެ ހިމެނޭ،" ---އަމީން
"ހާއްސަކޮށް ދުނިޔޭގެ ހަތަރު ބިތުން މި ބަލީގެ އަލާމާތްތައް ފެނުމާ އެކު ދިވެހިން މި ބަލިން ސަލާމަތްކުރުމަށް ރައީސް އިސްނެންގެވި ނެންގެވުމަކީ މި ހިސާބަށް އާދެވުމުގެ މައިގަނޑު އެއް ސަބަބު ކަމުގައި އަޅުގަނޑުމެން ގަބޫލްކުރަން ޖެހޭ،" އަމީން ވިދާޅުވި އެވެ.
ކޮވިޑް ބައްޔަށް އަދި މިހާތަނަށް ފަރުވާއެއް ހޯދިފައި ނުވާތީ މިނިސްޓަރު ވަނީ ބަލިން ރައްކާތެރިވުމަށް އަޅަން ޖެހޭ ފިޔަވަޅުތައް ހަރުދަނާކޮށް، ފިޔަވަޅު އެޅުމަށް އިލްތިމާސް ކުރައްވައިފަ އެވެ. އެގޮތުން މާސްކު އެޅުމާއި ގައިދުރުކަން އިސްކޮށް، އަދިވެސް ބަލި ރާއްޖޭގައި އޮތްކަން ހަނދާނުގައި ބެހެއްޓުމަށް މިނިސްޓަރު އެދިވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަގީގަތްް
22 July 2020
ރާއްޖެފަދަ ވަސީލަތްތައް މަދު އަދި ޒަމާންތަކެއް ވަންދެން ވަޅުޖެހިފައި އޮތް ސިއްހީ ދާއިރާއަކުން މިހާ ރަނގަޅަށް ކޮވިޑް މެނޭޖް ކުރެވިދާނެއޭ ހިތަކަށް ނައަރާ. ކޮވިޑްގެ ފުރަތަމަ މަންޒަރުތައް ޗައިނާފަދަ ގައުމުތަކުން ފެނުނުއިރު ހިތަށް އެރީ އެމީހުންނަށް އެވަރު ވީ އިރު އަހަރުމެންގެ ހާލު އަދި ކޮބައިބާއޭ. އެހެން ނަމަވެސް ހީކުރިގޮތާ ހިލާފަށް ރާއްޖޭގެ މަންޒަރުތައް މުޅިން ތަފާތު. މިނިސްޓަރު އަމީންއަށް ފުރައްސާރަކުރި ނަޝީދުވެސް މިއަދު ހުންނާނީ ސޮނި ފޮތިކޮޅު ހިފައިގެން.
ޞައްތޭ
22 July 2020
ރައްޔިތުން ރުޅި ގަދަވެ ވެރިކަން ވެއްޓޭ ހިސާބަށް ދިޔައީމައި މިބުނަނީ ރައްޔިތުން ހާދަ ބަސް އަހައޭ? ކަލޭ މެން ނަކަށް ނުހިންގޭނެ މިގައުމެއް ވީ އެންމެ އަވަހަކަށް ފައިބައިގެން ބައްކުރި އެތިކޮޅު ހިފައިގެން ބަޗަން އުޅޭ،އެހެން ނޫނީ ގަދަކަމުން ވައްޓާލަން ޖެހިދާނެ،ކެނެރީ އާއިލާ އާއި ކާމިނީ އާއިލާގެ ތަރިކަ މުދަލެއްނޫން މީކީ ހިތުހުރި ގޮތެއް ހިތުހުރި ގޮތެއް ހަދާކަށް،
ބުއްލާނު00088
22 July 2020
ކަލޭ އެކަނި ރުޅިއައިސް. ކޮން ސިނގުރުޅިއެއް އަންނާކަށް. މައިތިރިވެގެން ހުރޭ
ޖުލައި2020
22 July 2020
އާމީން
ކީރިތި ކުރައްވާ ބޭބެ
22 July 2020
ތެދު ބަހުން ބުނާނަމަ އާންމުންގެ ތެރޭގައި އެންމެ ފުރަތަމަ އެވެކްސިން (މާސް ޓެސްޓިން ގިނީ ޕިގް) ޓެސްޓް ކުރާނީ ރާއްޖޭގައޭ ދޯތިބުނަނީ.
ޓަކިބެ
22 July 2020
އިންޑިއާ އިންވެސް ކޮވިޑް އަށް ވެކްސިނެއް އުފައްދާ ޓެސްޓް ކުރަން އުޅޭ ވާހަކަ އެހިން. އެހެންވީމަ ތިޔައީ ހަމަ ވަރަށް އެކަށީގެންވާ ކަމެއް.
ރަނގަޅުކޮށްލާ!
22 July 2020
ކޯލް ފޯރ އެކްޝަން އެއް ނޫން. "ސޮލިޑަރިޓީ ކޯލް ފޯރ އެކްޝަން"
ކޮރޯނާ
22 July 2020
އަމީނަށް ވަރަށް ބޮޑަށް ތާއިދު. އެމްޑީޕީ ކަލްޓް ގްރޫޕަށް އަމީނަށް އެޓޭކް ނުދެވިގެނ މިއުޅެނީ ޕާފޯމެންސް ރަގަޅުވީމަ. އަފީފްމެން ޖީބަށް ވަންނަގޮތަށް ކަންކަން ފަހިކޮށް ނުދިނީމަ މަޖިލިސް ތެރެއިން ފާޑުފާޑުގެ ވާހަކަ ދެއްކީ!
ހުދުމުހްތާރު ނަޝީދު
22 July 2020
ހަމަ ތެދެއް ތިޔާ ބުނީ.. މިއީ އެންމެ މަތީގައި ޕާފޮމަންސް ހުރިއިރު.. ދެން ވިސްނާލާ އެމީހުންގެ ވަޒީރުން ގޮތަށް އެއްވެސް ކަމެއް އަދި ނުވާނަމަ.، !!!
ޒިންދަގީ
22 July 2020
ވެކްސިން އުފައްދާ ގައުމަށްވުރެ އަވަހަށް ތިޔަ ވެކްސިން ރާއްޖެއަށް ނުހޯދައްޗޭ އަނެއްކާ..!
ޙަބީބު
22 July 2020
ދިވެހިންނަކީ ހޭލުންތެރިބަޔަކައްވާތީ ރިސޯޓު މުވައްޒަފުން ނުހޭލުންތެރި ސަރުކާރުގަ ދަންނަވަނީ ރިސޯޓުމުވައްޒަފުންނޭ އެން މެހާލުގަ ޖެހުނީ ވީ މާއަހަރެ މެންގެ ޕެންޝަންފަންޑުގެ %50 ދެއްވާށޭ ސަރުކާރުން ނުޖެހޭ މިހާލުގަ ގުން މުށުގެ ބާރުތެރޭ އެހިފަހައްޓާކައް އިންވެސްޓު ކޮއްފަ ހުރިއްޔާ ގާނޫނުބަދަލުކޮއް ސަޕްލިމެންޓްރީބަޖެޓެއް ފާސްކޮއްފަ ނަ މަވެސް އެފައިސާ ހޯދަދީ ބޭރުގެ ލޯނެއް ނަގައިގެންވިޔަސް އިންވެސްޓް ކޮއްފަ ހުރިބަޔާ މެދުނުވިސްނާ މިވަގުތު
ހަސަބު
22 July 2020
މަށަށް ފެންނަތާ ރާއްޖޭގެ ހާލަތު ވަރަށް ގޯސް. އާބާދީ ގެ ނިސްބަތުން މަރުވި ނިސްބަތް އަދި ބަލިޖެހުނު ނިސްބަތްވެސް މަތި. ދިވެހިން ހޭލުންތެރިވާހަކަ!!!!
އަހްމަދު ނނ
22 July 2020
މަށަށް ފެންނަ ތަނުގައި ރާއްޖޭގެ ހާލަތު ގޯހެއް ނޫން. މިބަލި ރާއްޖެއިން ފެނުނުތާ މިހާރު 4 މަސްދުވަސް ވީ. މިވަރު ދިގު މުއްދަތުގައި މިބަލި ފެތުރިފައި ހުރި ގައުމުތަކަށް ބަލާއިރު މިއަށްވުރެ ގެދޮރުގެ ފުރިބާރުވުން ކުޑަ އަދި އިޤްތިޞާދީ ވަސީލަތްތައް ގިނަ ގައުމުތަކާ ބަލާއިރު މިވީތަނަށް މާބޮޑަށްވެސް ރަނގަޅު!!!