މީހަކު ކެބެޖް ކޮށަނީ.
23 ޖުލައި 2020 - 07:26
1 comments
ކެބެޖާއި ކިއުކަބްމާ ކެއުމަކީ ކޮވިޑް-19 އިން އަވަހަށް ފަސޭހަވާ ސަބަބަކަށް ވެދާނެ ކަމަށް ދިރާސާއެއްގައި ބުނެފި އެވެ.
ފްރާންސްގެ ތަޖުރިބާކާރުންގެ ޓީމަކުން ހަދާފައިވާ މި ދިރާސާގައި ބުނާގޮތުން ކޮންމެ ދުވަހަކު މަދުވެގެން އެއް ގްރާމްގެ ކެބެޖާއި ކިއުކަމްބާ ކެއުމަކީ އުމުރު ކުރުވުން 13.6 ޕަސެންޓަށް ދަށްކޮށްދޭނެ ކަމެކެވެ. މިކަމާ އަޅާބެލުމަށް ފަހު ބުނެފައިވަނީ ކޮވިޑް-19 އަށް ފަރުވާ ހޯދާ މީހުން ވެސް އެ ދެ ބާވަތް ކޮންމެ ދުވަހަކު ކެއުމަކީ ބަލިން ފަސޭހަކޮށްދޭން ބާރުއަޅާ ކަމަކަށް ވެދާނެ ކަމަށެވެ.
"މިއިން އަހަރެމެންނަށް ސާބިތުކޮށްދޭ އެއް ކަމަކީ ކޮވިޑް ކަހަލަ ބައްޔަކަށް ފަރުވާ ހޯދާ އިރު، ސިއްހަތަށް ރަނގަޅު ކާނާ ކެއުމުގެ މުހިއްމުކަން ބޮޑުކަން،" ދިރާސާ ޓީމުގައި އިސްކޮށް މަސައްކަތްކުރެއްވި ފްރާންސްގެ މޮންޓްޕެލިއާ ޔުނިވަސިޓީގެ ޕަލްމަނަރީ މެޑިސިންގެ ޕްރޮފެސަރު ޖޫން ބޯޒްކޯ ވިދާޅުވި އެވެ. "މިސާލަކަށް ކެބެޖާއި ކިއުކަމްބާ ފާމެންޓްކޮށްގެން ބޭނުންކުރުމަކީ ވަރަށް ރަނގަޅު ކަމަކަށްވާނެ. އެ ކަހަލަ ކާނާތަކަކީ ހަށިގަނޑަށް ބޭނުންވާ މުހިއްމު އެންޓިއޮކްސިޑަންޓްސް ލިއްބައިދޭ އެއްޗެހި. އޭގެ މާނަ އަކީ ކޮވިޑް ކަހަލަ ބަލިތަކުން ދިފާއުކޮށްދޭން ބާރުއަޅާނޭ."
ކޮވިޑް-19 އާއި ކެބެޖާއި ކިއުކަމްބާ ހުރި ގުޅުން ދެނެގެންފައި މި ވަނީ ޑައިޓްގައި އާންމުކޮށް އެ ބާވަތްތައް ކާ މީހުންނާއި އެ ގައުމުތަކުގައި ބަލި ޖެހުނު މީހުންގެ ހާލަތު ވަޒަންކޮށްގެންނެވެ.
އެގޮތުން އިޓަލީ އާއި އިނގިރޭސިވިލާތާއި ސްޕެއިނާއި ބެލްޖިއަމާއި ސްވިޑްން އާއި ފްރާންސް ފަދަ ގައުމުތަކުން ކޮވިޑް-19 ޖެހުނު މީހުންގެ ތެރެއިން މަރުވި މީހުންގެ ނިސްބަތް މަދުވި އެއް ސަބަބަކީ އެ މީހުންގެ ޑައިޓްގައި ކޮންމެ ދުވަހަކު ކެބެޖާއި ކިއުކަމްބާ ބޭނުންކުރުންކަން ދިރާސާ އިން ދައްކާފައިވެ އެވެ.
ކިއުކަމްބާ.
ސައިންސްގެ ނަޒަރިއްޔާތަކުން މިކަމަށް ބަލާއިރު ކެބެޖާއި ކިއުކަމްބާ އަކީ ހަށިގަނޑަށް ބޭނުންވޭ މުހިއްމު ޕްރޮޓީނެއް ކަމަށްވާ Nrf2 އުފައްދައިދޭ އެއްޗެކެވެ. މީގެ ސަބަބުން ހަށިގަނޑުގައި އުފެދޭ ނުރަނގަޅު އިންފްލެމޭޝަންތައް ނައްތާލައި، ދިފާއި ނިޒާމު ވަރުގަދަކޮށްދޭން ބާރުއަޅަ އެވެ. ދިރާސާގައި ފާހަގަކޮށްފައިވާ ގޮތުގައ ކެބެޖާއި ކިއުކަމްބާގައި ތަރުކާރީގެ އެހެން ބާވަތްތަކަށް ވުރެ ބޮޑަށް Nrf2 އުފައްދަން މަގުފަހިކޮށްދެ އެވެ. އެހެންވެ މިއީ ކޮވިޑް-19 އިން ރައްކާތެރިކޮށްދޭން ޑައިޓްގައި ހިމެނުން ވަރަށް މުހިއްމު ދެ ބާވަތެއްކަން މިހާރު ޔަގީން ކުރެވޭ ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަސް
23 July 2020
ޗައިނާ ގައި ތަރުކާރީ ކައިގެން ބަލި ފަސޭހަވާކަމަށްވެސް ބުނާތީ އިވޭ. އަދި ހޫނު ފެނާއި ހޫނު ކިރު ބުއިން ގިނަކުރުމުން ރަނގަޅުވާކަމަށްވެސް ބުނާތީ އިވޭ. މިއިން އެއްވެސް އެއްޗަކީ ގެއްލުންވާ އެއްޗެއްނޫން. ފާއިދާހުރި ތަކެތި. ބޭނުންކުރަންވީ. ކާއިރު ބޯއިރު باسم الله الشافي މިހެން ކިޔާށެވެ. ޝިފާދެއްވާ އިލާހު ﷲ ގެ ނަންފުޅުން ކާން ނުވަތަ ބޯން ފަށަމެވެ. ކޮންމެ އެއްޗެއްގައި ކޮންމެފަދަ ބައްޔެއްގެ ޝިފާ ލެއްވުމަށް ﷲ ކުޅަދުންވަންތަކަން ޔަގީން ކަށަވަރު.