ކޮރަޕްޝަންގެ މައްސަލަތައް ބެލުމަށް އުފެއްދި ކޮމިޝަންގެ މެމްބަރުންނާ ރައީސް އިބްރާހިމް މުހައްމަދު ސޯލިހު ބައްދަލު ކުރައްވަނީ: އެ މެމްބަރުންގެ ތެރެއިން ބައެއް ބޭފުޅުން ވަނީ އިސްތިއުފާ ދެއްވާފައި --- ފޮޓޯ: ރައީސް އޮފީސް
23 ޖުލައި 2020 - 15:34
14 comments
ކޮރަޕްޝަންގެ މައްސަލަތައް ބަލަން އުފެއްދި ރިޔާސީ ކޮމިޝަންގެ ރިޕޯޓު މިއަދު އެ މަނިކުފާނަށް އަރުވާފައިވާ ކަމަށާއި އެއާ އެކު، ކުރަންޖެހޭ ކަންކަން ފަށާފައިވާ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ރައީސް ކުރެއްވި ޓްވީޓެއްގައި ވިދާޅުވީ، ކޮރަޕްޝަނާއި ވައްކަމުގެ ބޮޑެތި މައްސަލަތައް ބަލާ ރިޔާސީ ކޮމިޝަނުން ތައްޔާރުކުރި ރިޕޯޓު ލިބިވަޑައިގެންފައިވާ ކަމަށެވެ. އެކަމާ ގުޅިގެން ކުރަންޖެހޭ ކަންކަން ކުރަން ފަށާފައިވާ ކަމަށް ވިދާޅުވި އެވެ. ނަމަވެސް އެއީ އެސެޓް ރިކަވަރީ ކޮމިޝަންގެ ކޮން ރިޕޯޓެއް ކަމެއް ވިދާޅެއް ނުވެ އެވެ.
ކޮރަޕްޝަނާއި ވައްކަމުގެ ބޮޑެތި މައްސަލަތައް ބެލުމަށް ޤާއިމުކުރި ރިޔާސީ ކޮމިޝަނުން ތައްޔާރުކުރި ރިޕޯޓު އެކޮމިޝަނުން ވަނީ އަޅުގަނޑަށް ހުށަހަޅާފަ. ރިޕޯޓާ ގުޅިގެން ކުރަންޖެހޭ ކަންކަން އަޅުގަނޑު ކުރަން ފަށައިފިން.
— Ibrahim Mohamed Solih (@ibusolih) July 23, 2020
ހިޔާނާތުގެ މައްސަލަތައް ބެލުމަށް ފަހު، ކޮމިޝަނުން ތައްޔާރުކުރި ރިޕޯޓު ލިބިވަޑައިގެންފައިވާ ކަމަށް ރައީސް ވިދާޅުވިއިރު، އެ ކޮމިޝަންގެ މީޑިއާ ބްރީފިންއެއް މިއަދު ހަވީރު 4:00 ގައި ރައީސް އޮފީހުގައި އޮންނާނެ އެވެ. އޭގައި، ރައީސަށް ފޮނުއްވި ރިޕޯޓާ ގުޅޭ ތަފްސީލުތައް ހާމަކުރާނެ ކަމަށް ބެލެވެ އެވެ.
ކުރީގެ ސަރުކާރުން ހިންގި ކޮރަޕްޝަނާއި ހިޔާނާތުގެ މައްސަލަތައް ބަލާ ކޮމިޝަންގެ ފުރަތަމަ ޑްރާފްޓް ނިންމައި އެ މަނިކުފާނަށް ފޮނުވާފައިވާ ކަމަށް މާޗު 5، 2020 ގައި ރައީސް އިބްރާހިމް މުހައްމަދު ސޯލިހު ކުރިން ވަނީ ވިދާޅުވެފަ އެވެ. އެކަމަކު އޭރު ފޮނުވީ ޑްރާފްޓް ރިޕޯޓެކެވެ.
އެސެޓް ރިކަވަރީ ކޮމިޝަނުން ތަހުގީގުކުރި އެމްއެމްޕީއާރުސީގެ ހިޔާނާތުގެ މައުލޫމާތު ފުރަތަމަ ފަހަރަށް އާއްމު ކުރައްވަމުން ސެޕްޓެމްބަރު 19، 2019 ގައި ރައީސް ވިދާޅުވީ އެމްއެމްޕީއާރުސީ މެދުވެރިކޮށް ހިންގި ހިޔާނާތުގައި 60 އަށް ވުރެ ގިނަ ރަށް ނުއަގުގައި ވިއްކާފައިވާ އިރު، އެ ރަށްތަކުގެ އެކުއިޒިޝަން ކޮސްޓު 220 މިލިއަން ޑޮލަރު (3.3 ބިލިއަން ރުފިޔާ) އަށް އަރާ ކަމަށް ވިދާޅުވި އެވެ.
އެންޓި ކޮރަޕްޝަން (އޭސީސީ) އާއި އޮޑިޓް ރިޕޯޓްތަކުގައިވާ ގޮތުން އެމްއެމްޕީއާރުސީ ޚިޔާނާތުން ދައުލަތަށް ގެއްލުންވީ 1.4 ބިލިއަން ރުފިޔާ އެވެ.
އެ ރަށްތައް ލިބުނު ފަރާތްތަކުން ދެއްކި ކަމަށް ބުނާ 91 މިލިއަން ޑޮލަރު އުނިކުރުމުން ވެސް 128 މިލިއަން ޑޮލަރު ސަރުކާރަށް ދައްކަން ޖެހޭ ކަމަށް ރައީސް ވިދާޅުވެފައި ވެ އެވެ. ރަށްތަކުގެ ހަމަ އަގަށް ވާނީ އެ ފައިސާ ދައުލަތަށް ލިބުމުން ކަމަށް ވެސް އެ މަނިކުފާނު ވިދާޅުވި އެވެ
އެސެޓް ރިކަވަރީ ކޮމިޝަންގެ ރިޕޯޓް ފައިނަލްވުމާ އެކު ރަށްތަކުގެ ހަމަ އަގު ހޯދަން ފަށާނެ ކަމަށް ރައީސް ވަނީ ވިދާޅުވެފަ އެވެ. ފައިނަލް ޑްރާފްޓް ނިމުމާ އެކު، އަޅަންޖެހޭ ފިޔަވަޅުތައް އަޅަމުން ގެންދަވާނެ ކުރިން ވިދާޅުވި އެވެ.
މައްސަލަތައް ތަހުގީގު ކުރާތާ އަހަރަކަށް ވުރެ ގިނަ ދުވަސްވެފައިވާއިރު، އެމްއެމްޕީއާރުސީގެ ހިޔާނަތް ފިޔަވައި ރިޔާސީ ކޮމިޝަނުން ތަހުގީގުކުރާ އެހެން މައްސަލަތަކުގެ ތަފްސީލެއް ހާމައެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިކާރީ ބްރަދަރ
23 July 2020
އެސެޓް ރިކަވަރީ ކޮމިޝަން ހެދީ ޖިނާއީ ތަހްގީގްކޮށް ދައުވާކުރަން. ނަމަވެސް 2 އަހަރު ބޮޑުމުސާރަ ނަގާފަ ޔޫކޭ އަށް އެތައް ދަތުރެއް އަޅާފަ ހަމައެކަނި ޔާމީން ގެ މައްސަލަ ބަލާފަ ބާކީހުރި މައްސަލަތައް އޭސީސީ އަދި ޕޮލިސް ބޮލަށް ކަނޑާލާފަ ރިޕޯރޓެއް ލިޔުމަކީ ތިޔަކޮމިޝަން އުފެއްދި މަޤުސަދާ އަދި ރިޔާސީ ވައުދާވެސް ޚިލާފުކަމެއް. ދެންކޮމިޝަނުގަ އުޅުނު މެމްބަރުންނަށް ސަރުކާރުން ބޮޑެތި މަޤާމުތައް ހަމަޖައްސައިދީ. އެކަމަކު ކޮންކަމެއްކޮށްގެން?
މުބީނު މާރނީ
23 July 2020
ޖަވާބު ވަރަށް ދޯދިޔާ. "ކުރަންޖެހޭ" މާބައިރު ކަމެއް ހުރޭތަ ؟ ތިޔަމީހުން ވަގުތުން ހައްޔަރެއްނު ކުރަންޖެހޭނީ !!!
ހަސަނު1
23 July 2020
ކުރަންވީކަންތައް ސާފު އަދި މިހާރުވެސް ކުރަމުން އަންނަނީ. މުވައްސަސާތަކުގައިތިބި ނިކަމެތި އާރެއް ބާރެއް ނެތްމީހުން ވަޒީފާގެ ބިރަށް ކުރިކަންތަކަށް ގާނޫނުގައިއޮތް އެންމެ ހަރުކަށި ފިޔަވަޅުއަޅާ، އެމީހުންގެ މުދަލުން އެވަރަށްލާރި ދައުލަތައްނަގާ، ރައްޔިތުން ލޮލުގައި އަނދުން އަޅުވާފައި، ލާރިގަނޑު ހިފައިގެން ފިލާތިބި އިޔުރޮޕުގައި 5ސްޓާރ ހޮޓަލުތަކުގައި އުޅޭ މީޙުންނާއި، މަޖިލީހަުގައި ތިބި ގުރޫޕާއި، ސިޔާސީ އިސް މީހުންތައް ހުދު ކަފަކޮޅަކަށް ހަދާލަންވީ.
ގަޓް ބްރޯ
23 July 2020
ސިޔާސީ މީހުންގެ ދެބޯގެރި ދުއްވުމެއް ދުވަހަކުވެސް ނުނިމޭނެ.
ބަރީޔާ ސުޖޫން.
23 July 2020
ހަމައަގު އެއީ ކާކު ކަނޑައަޅާ އެއަޗެއްތޯ؟ ކޯޓުން ހުކުމްކޮށް ސާބިތުކުރެވޭނެ އެއްވެސް އުސޫލެއްނެތް. ތިކަމުގެއަޑިގެ ތިބި ސަރުކާރުގެވެރިންނަށް ފިޔަވަޅުއަޅަންވީ. އެއައްވުރެން އިތުރަށް ކުރެވޭނެ ކަމެއް ނޯންނާނެ.
ޝޮކްތެރަޕީ
23 July 2020
ކޮރަޕްޝަން ހިންގަނީ އިންޑިޔާ ސަރުކާރުން. ރާއްޖޭގެ މައްޗައް އަތްގަދަ ކުރަން. އެވާހަކަ ތިރިޕޯޓުގަ ނެތީއްޔާ މަސްސަލޭ އެމްޑީޕީޔައް ކިހާ ހަރަދެއްތަ އިންޑިޔައިން ކުރީ.؟
ތިނެސްކަން
23 July 2020
1.6 ބިލިއަން މިސަރުކާރުން މިހާރުވެސް ބަދަލުގެ ގޮތުގަ ގާތް މީހުނަށް ދީފި. ކުރީ ސަރުކާރޭ ކިޔަން ލަދު ގަންނަންޖެހޭނެ.
ޝޮކްތެރަޕީ
23 July 2020
ދިވެހިންނަ މިހާރު ވަރައް ސާފުވޭ އެމްޑީޕީގެ އަޑި. އެމްޑީޕީގެ މީހުންވެސް އެމްޑީޕީދެކެ ރުޅިއަންނަތަން ފެނޭ. ސަބަބުތައް ނެތީކީނުން ދީނީ ކަންކަމައް އެހޭ ގޯސް ޤައުމުގެ މިނިވަންކަން ނަގާލާތަން ބަލަން އެމްޑީޕީގެ ސަޕޯޓަރުންވެސް ނުތިބޭނެ. އެމީހުންގެވެސް ޤައުމުމީ.
ވަތަން އިސްކުރަންޖެހޭ
23 July 2020
އަސްލު މިކަމުގަ އެމްޑީޕީ ގެންގުޅެނީ ބަޔަކު މީހުން ފްރޭމްކުރާ ސްޓާއިލެއް.
ބަރީޔާ ސުޖޫން.
23 July 2020
ތި ރިޕޯޓުގައި ރާއްޖޭގެ މަހުޖަނުންގެނަންތައް އޮންނާނެބާ. ނޫނޫ ވަކި ލެވެލަކުންދައްވީމަ ނަންއަރާގޮތައްބާއޮތީ؟. ބުރުމާ، ޗަމްޕާ، މަނިކުމެން ނަންތީގެން އޮޓެމެޓިކުން އުނިނުވާނެބާ؟
އަޅުކަލޭގެ
23 July 2020
މަހުޖަނުންނެއް ނޫންކަންނޭގެ ތި ލާރި ނެގީކީ. މަހުޖަނުން ދިން ލާރި ދައުލަތައް ވަންނަމަ 4 ބިލިއަން ރުފިޔާ ހުރީސް