ރެޕިޑް ރެސްޕޯންސް ޓީމުން ހަރަކާތްތެރިވަނީ: ކޮންޓެކްޓް ޓްރޭސިންގައި ސައްހަ މައުލޫމާތު ނުދޭތީ އެޗްއީއޯސީން ވަނީ ކަންބޮޑުވުންފާޅުކޮށްފައި. --ފޮޓޯ/މިހާރު
26 ޖުލައި 2020 - 23:51
21 comments
ކޮވިޑް-19 އަށް ޕޮޒިޓިވްވާ މީހުންގެ ކޮންޓެކްޓް ޓްރޭސިންގައި ސައްހަ މައުލޫމާތު ނުދޭކަމަށް ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިރޭ ވެސް ކަންބޮޑުވުންފާޅުކޮށްފި އެވެ.
ބަލި ޖެހޭ މީހުންގެ އަދަދު އިތުރުވެފައިވާ މި ދަނޑިވަޅުގައި، ކޮންޓެކްޓް ޓްރޭސިންގައި ސައްހަ މައުލޫމާތު ނުދޭ ކަމަށް އެޗްއީއޯސީން ބުނިއިރު މީގެ ކުރިން ވެސް މި މައްސަލަ ފާހަގަކޮށް، އެކަން ނުކުރަން އެތަނުން ވަނީ އެދިފަ އެވެ. ކޮންޓެކްޓް ޓްރޭސިންގައި ދެނެގަންނަނީ ބައްޔަށް ޕޮޒިޓިވްވި މީހުންނާ ގާތުން ބައްދަލުވި މީހުންނެވެ.
އެޗްއީއޯސީން މިރޭ ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގް ވިދާޅުވީ ކޮންޓެކްޓް ޓްރޭސިންގައި ސައްހަ މައުލޫމާތު ނުދޭކަން އަނެއްކާވެސް ފާހަގަ ކުރެވެމުންދާ ކަމަށާއި އެ މައުލޫމާތު ހޯދަނީ ވަކި މީހަކު އުޅުނު ގޮތް ހޯދުމަށް ނޫން ކަމަށާއި ހަމައެކަނި ބޭނުމަކީ ބަލި ފެތުރުނަ ނުދިނުން ކަމަށް ނަޒްލާ ވިދާޅުވި އެވެ. އެހެންވެ، ސައްހަ މައުލޫމާތު ދޭން އޭނާ އެދިވަޑައިގަތެވެ.
"ފާހަގަ ކުރެވޭ އެންމެ ރަނގަޅު މައުލޫމާތު ނުދެއްވާ ކަން. ބައެއް ފަހަރު އަޅުގަނޑުމެންނަށް ނުވެސް އިނގޭނެ ރަނގަޅު މައުލޫމާތު ނުދެއްވާކަން ވެސް. އެކަމަކު ފަހުން އިތުރު ޕޮޒިޓިވް ކޭސެސް އައިމަ ދެން ބަލާލާއިރު މި އިނގެނީ ކުރީގެ ޕޮޒިޓިވްވި ކޭސްއާ ކޮންމެވެސް ވަރަކަށް ލިންކްވާ ފަރާތެއް ކަން." ނަޒްލާ ވިދާޅުވި އެވެ.
ނަޒްލާ ވިދާޅުވި ގޮތުގައި ގޭގައި ކަރަންޓީވެގެން ތިބޭ މީހުން ކަރަންޓީނުން ދޫކޮށްލުމުގެ ކުރިން ޓެސްޓް ހެދުމަށްޓަކައި ސާމްޕަލް ނަގަން ގޭގެއަށް ދިއުން މާދަމާއިން ފެށިގެން ހުއްޓާލާނެ އެވެ. އެހެންވެ، އެފަދަ މީހުން ސާމްޕަލް ދިނުމަށްޓަކައި އަންނަން ޖެހޭނީ މާފަންނު މަދަރުސާގައި ގާއިމްކުރާ މަރުކަޒަށެވެ. އަދި ސާމްޕަލް ނެގުމަށް ދާން ޖެހުމުން އެ މީހަކަށް އެކަން އަންގާނެ ކަމަށް ނަޒްލާ ވިދާޅުވި އެވެ.
"ރިލީޒް ސާމްޕަލް ނެގުމަށް ގުޅާނެ ހެނދުނު 9 އަކާއި ރޭގަނޑު 9 އަކާ ދޭތެރޭގައި މާފަންނު މަދަރުސާއަށް ވަޑައިގަތީމަ ސާމްޕަލް ނެގުމުގެ ކަންތައް ހަމަޖެހޭނެ. މިހެން ވަޑައިގަންނަވާއިރު ވަރަށް މުހިންމު ކަމެއް ޓެކްސީ ނުވަތަ ޕަބްލިކް ޓްރާންސްޕޯޓް ބޭނުން ނުކުރެއްވުން. ހިނގާފައި ނުވަތަ ސައިކަލުގައި ވަޑައިގަންނަވަން ވާނީ." ނަޒްލާ ވިދާޅުވި އެވެ.
އޭނާ ވިދާޅުވީ އެފަދަ ތަނެއް ހުޅުމާލޭގައި ވެސް ވަރަށް އަވަހަށް ގާއިމް ކުރާނެ ކަމަށެވެ. އަދި ސާމްޕަލް ދޭން އެތަނަށް އަޔަސް، ނަތީޖާ ލިބެންދެން ގޭގައި މަޑުކުރަން އެދޭ ކަމަށް އޭނާ ވިދާޅުވި އެވެ.
ނަޒްލާ ވިދާޅުވި ގޮތުގައި މިވަގުތު 63 މީހަކު އެޑްމިޓް ކޮށްގެން ދަނީ ފަރުވާ ދެމުންނެވެ. އޭގެ ތެރެއިން އެކަކު ދަރުމަވަންތަ ހޮސްޕިޓަލްގައި ފަރުވާ ދޭއިރު، ހުޅުމާލޭ މެޑިކަލް ފެސިލިޓީގައި 62 މީހުންނަށް ފަރުވާ ދެމުން ދާއިރު، އޭގެ ތެރެއިން އެކަކު ފަރުވާ ދެނީ ވެންޓިލޭޓަރުގައި ކަމަށް އޭނާ ވިދާޅުވި އެވެ.
ކޮވިޑް-19 އަށް ރާއްޖެއިން 3،300 އަށް ވުރެ ގިނަ މީހުން ޕޮޒިޓިވްވެ، އޭގެ ތެރެއިން 2،500 އަށް ވުރެ ގިނަ މީހުން މިިހާރު ވަނީ ފަރުވާއަށް ފަހު ރަނގަޅުވެފަ އެވެ. މިހާތަނަށް 738 މީހަކަށް ފަރުވާ ދެމުންދާއިރު، އެ ބަލީގައި ރާއްޖެއިން މަރުވީ 15 މީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިސްތު
28 July 2020
ދިވެހިންގެ ކަންކަން ހުންނަ ގޮތް ނޭގިތަ ހުޅުވާލީ. މިހާބޮޑު ލުއިތަކެއް އެއްފަހަރާ ދިން އިރުވެސް އިނގޭނެ ދިވެހިން މީ ދިވެހިންކަން. ދެން ޓްރަމްޕު ހެދިފައި އެއްބަޔަކު އެބުނަނީ މީތި އެންމެނަށް ޖެހޭނެއޭ. ސައިންސް ވެރިން އެބަ ބުނޭ ވެކްސިންއަކާ ނުލާވެސް މީހުން ބުނާގޮތަށް އަމަލު ކުރާނަމަ މިވައިރަސް ނައްތާލެވޭނޭ އަމިއްލަޒާތުގައި ފެތުރުން ކޮންޓްރޯލު ކޮށްގެން . އެންމެން އެކައްޗެއް ކިޔައިގެން މިކަން ވާނީ. އެންމެނަށްވެސް މާބޮޑަށް އެގިގެން މިކަމެއްނުވާނެ
ތަސްލީމު
27 July 2020
މިހާރު ތިކަމުގެ ސީރިއަސްކަމެއް ނެތް. ސަރުކާރުގެ އަމަލު ތަކުން ރައްޔިތުންނަށް އެކަންސާފު. ކުދި ސޯބު އެބިރޭނީ ބޮޑުސޯބާއި އެއްގޮތަށް. ނޫނީ ފުޑޭނީ ކުދިއެތި.
ޑެބީ
27 July 2020
ދިނަސް ވާކަމެއް އޮވޭތަ. ސާމްޕަލް ނަގަން މިދަނީއޭ ކިޔާފަ 2 މަސްވާއިރުވެސް ނައިސް ހުރެދާނެ.
ސޮލިއުޝަން
27 July 2020
ދެން އެހެންވީމަ މިހާރު ދޭބަލަ އައިޑީ ކާޑު ހިފައިގެން ސާމްޕަލް ނަގަން. މިހާރު ތި އޮތީ ތި ކަމަށް ހައްލެއް ލިބިފައެއް ނޫންތަ
ނަން
27 July 2020
ނަތީޖާ ނުލިބޭ 3 ދުވަސްވާއިރުވެސް
ހަސަބު
27 July 2020
ކޮންޓެކްޓް ވުން ކޮންޓެކްޓް ޓްރެސިންގ މި ބަހުގެ މާނަ އެނގުނަސް ކޮންޓެކްޓް ވިކަމަށް ބަލާ ގޮތް މަށަކަށް އެހާ ރަނގަޅަށް ނޭގޭ އެނގޭ ކުއްޖަކު ބުނެދީބަލަ. އެއްތާކު އުޅުންތަ؟ ބައްދަލުވުންތަ؟ 3 ފޫޓަށްވުރެ ކާރިވުންތަ؟ ކައިރީގަ ހުރެ ވާހަކަދެއްކުންތަ؟ އެއްޗެއް އަތުލުންތަ؟ ނުވަތަ ދިނުންތަ؟
ކޮމެންޓޭ1
27 July 2020
ފޮތުގަ އޮންނަ ގޮތަކަށް ކަންކަމެއް ނުކުރެވޭނެ. ކަންކަން ފޮރުވަން ބޭނުން މީހުންވެސް އުޅޭނެ. ކޮންޓެކްޓް ޓްރޭސިންގް ހެދޭނީ މީހާ މައުލޫމާތު ދިންވަރަކަށް. ދެން އެކަމާ ހަސްވެ ކަންބޮޑުވުމުގެ ބޭނުމެއް ނެތް. ޑިޓެކްޓް ނުވެ ކިތަށް މީހުން ބަލި ޖެހި ރަނގަޅުވަނީ
ތުއްތުނާ 1
27 July 2020
މިކަމުން އެނގެނީ ރަށުތެރޭގައި އެހެން ވައްތަރެއްގެ ބަލިމަޑުކަމެއް ވެސް ފެތުރިފައި އޮތްކަން........
ނަން
27 July 2020
ތިހަދާ ޓެސްޓް ތަކަށް ވެސް އިތުބާރެއް ނޯވޭ އެއްދުވަހު ޕޮޒިޓިވް އަނެއްދުވަހު ނެގެޓިވް އޮޅުން ބޮޅުން ގަނޑެއްގައި އެހެންވީމައި މައުލޫމާތު ދޭމީހުނަށްވެސް އޮޅެނީ
ރިޝް
27 July 2020
އާނ ނުދޭނެ ސައްހަ މާލޫމާތެއް! މަ މާލެ ދިޔައިރު މަގޭ ރައްޓެއްސެއް ބުނި މަށައް ބަލި ޖެހުނަސް އޭނަ އާ ދިމާވިޔޭ ނުބުނައްޗޯ... ނަސީބަކުން މަށަކަށް ބަލި ނުޖެހޭ! ބަލި މިޖެހެނީ ނުދައްނަ މާ ގިނަ މީހުންނާ ކޮންޓެކްޓް ވާ މީހުންނާ! .. މާގިނަ މީހުން އެއްވެ އުޅޭ ތަންތަނަށް ގޮސް ޕާރޓީ ހަދާ މީހުންނާ! ވ ގާތް 4 ނުވަތަ 5 ރައޤތެހިންނާ މީޓް ކުރިޔަސް ބަލި ނުޖެހޭ!
ހުސެން
27 July 2020
ތިޔަކަންވާނީ ތިޔަހެންދޯ! ދޭ މަޢުލޫމާތު ބޭނުންކުރާނީ ކޮންކަމަކަށް ކަމާއި މެދު އެއްވެސް އިތުބާރެއްޔަގީންކަމެއްނެތް، ތަނުގައި އުޅޭ މުއައްޒަފަކު އޭނަގެ ރައްޓެއްސަކަށް މައުލޫމާތުތައް ފޯވާޑްކޮށްނުލާނެ ކަމާއި މެދުވެސް އިތުބާރެއް ޔަގީންކަމެއްނެތް، އިސްވެދެންނެވުނު ސަބަބުތަކާހުރެ ވިސްނޭމީހުން މުހިންމު މައުލޫމާތުތައް ތިޔަތަނާ ޝެއަރއެއްނުކުރާނެ، ކުރިޔަށް އޮތްތާންގަވެސް ނުކުރާނެ ދުވަހަކުވެސް ނުކުރާނެ، ޓުރޭސިންކުރާނެ އެހެންގޮތެއްހޯދާ!
ގަޓް ބްރޯ
27 July 2020
"ދިވެހިންގެ ކޮންމެ ފެށުމެއް ނިމޭނީ ބޮނޑުނަގުލަށޭ" އެބުނަނީ ހަމަ ރަނގަޅަށް. ކޮވިޑް ގެ ކަންކަންވެސް މިދަނީ ހަމަ އެމަގުން.