ސިޔާސީ ޕާޓީތަކަށް ފައިސާ ދޫކޮށްފި

ީޕީޕީއެމްގެ މުސްތަޝާރު އަދި ރައީސް އަބްދުﷲ ޔާމީންގެ ފެކްޝަންގެ ކައުންސިލް ބައްދަލުވުން މިދިޔަ ހޯމަދުވަހުގެ ރޭ ދަރުބާރުގޭގައި ކުރިއަށް ގެންދަނީ: ދައުލަތުގެ މި އަހަރުގެ ބަޖެޓުން އެންމެ ގިނައިން ފައިސާ ލިބުނީ ޕީޕީއެމަށް.---ފޮޓޯ: ޕީޕީއެމް

އާމިނަތު ޝިފްލީން، މިހާރު

02 ނޮވެމްބަރ 2016 - 11:56

27 comments

ސިޔާސީ ޕާޓީތަކަށް ދައުލަތުގެ ބަޖެޓުން ދޭން ޖެހޭ ފައިސާ، ގިނަ ދުވަސްތަކަކަށް ފަހު މިއަދު ދޫކޮށްފި އެވެ.

އަހަރުގެ ފުރަތަމަ ތިން މަސް ދުވަހުގެ ތެރޭގައި ސިޔާސީ ޕާޓީތަކަށް ފައިސާ ދޫކުރަން ގާނޫނުގައި އޮތް ނަމަވެސް، އިލެކްޝަންސް ކޮމިޝަނުން އެ ފައިސާ ދޫކުރުން ލަސްކުރާތީ ޕާޓީތަކުން ވަނީ ރުޅިގަދަވެފަ އެވެ.

އެގޮތުން ބައެއް ޕާޓީތަކުން ކޯޓުގައި މައްސަލަ ވެސް ވަނީ ޖައްސައިފަ އެވެ.

ދައުލަތުގެ ބަޖެޓުން މި އަހަރު 23 މިލިޔަނަށް ވުރެ ގިނަ ރުފިޔާ ސިޔާސީ ޕާޓީތަކަށް ދޫކޮށްފައިވާއިރު، އޭގެ ތެރެއިން އެންމެ ގިނަ ފައިސާ ލިބުނީ، މެމްބަރުން އެންމެ ގިނަ ޕީޕީއެމްއަށެވެ. އެގޮތުން 10 މިލިޔަނަށް ވުރެ ގިނަ ރުފިޔާ ސަރުކާރު ހިންގާ ޕާޓީ، ޕީޕީއެމަށް ލިބުނުއިރު އެމްޑީޕީއަށް ލިބުނީ ހަތް މިލިޔަން ރުފިޔާ އެވެ.

ޖުމްހޫރީ ޕާޓީއަށް ލިބުނީ 2.9 މިލިޔަން ރުފިޔާ އެވެ. ސަރުކާރުގެ ކޯލިޝަން ޕާޓްނަރު އެމްޑީއޭއަށް ދިނީ 2.8 މިލިޔަން ރުފިޔާ އެވެ.

މެމްބަރުންގެ އަދަދު 10،000 އަށް ވުރެ ދަށް ވުމުން އަދާލަތު ޕާޓީ އާއި ޑީއާރުޕީ އަށް މި އަހަރު ފައިސާ ދުލެއް ނުކުރެ އެވެ.

އިލެކްޝަންސް ކޮމިޝަނުން ކުރިން ބުނަމުން އައީ ފައިސާ ދޫކުރުން ލަސްކުރީ، ޕާޓީގެ މެމްބަޝިޕް ފޯމުތަކުގައި ފިންގަޕްރިންޓް ޖެހުމާ ގުޅޭ ގޮތުން އުފެދުނު މައްސަލައިގައި ކޯޓުން ގޮތެއް ނުނިންމާތީ ކަމަށެވެ. އެ ސަބަބަކާ ގުޅިގެން ޕާޓީތަކުގެ މެމްބަރުންގެ އަދަދު ކަށަވަރު ނުވާތީ ފައިސާ ދޫނުކުރީ ކަމަށް އިލެކްޝަންސް ކޮމިޝަނުން ބުނެފައިވެ އެވެ.

ސިޔާސީ ޕާޓީތަކުގެ ގާނޫނު އައުމުގެ ކުރިން ޕާޓީތަކުގައި ރަޖިސްޓްރީ ވެފައިވާ މެމްބަރުންގެ ތެރެއިން މިދިޔަ މަހުގެ 12 ގެ ކުރިން ފިންގަޕްރިންޓް ހުށަހަޅާފައި ނެތް މީހުން އިލެކްޝަންސް ކޮމިޝަނުން ވަކިކޮށް އާ ޕާޓީތަކުގެ އާ ދަފުތަރެއް އެކުލަވާލި އިރު ގިނަ ޕާޓީތަކުގެ މެމްބަރުންގެ އަދަދު ވަނީ ވަރަށް ބޮޑަށް ދަށްވެފަ އެވެ.

އެގޮތުން އެމްޑީޕީން 18،000އަށް ވުރެ ގިނަ މީހުން އުނިކޮށްފައިވާއިރު، ޑީއާރުޕީން ވަނީ 11،000އެއްހާ މީހުން އުނިކޮށްފަ އެވެ. އެކަމަކު ޕީޕީއެމަށް 1،401 މެމްބަރުން އިތުރުވި އިރު 37،633 މީހުންނާއެކު މިހާރު އެއީ ރާއްޖޭގައި އޮތް އެންމެ ބޮޑު ސިޔާސީ ޕާޓީ އެވެ.

ޖުމްހޫރީ ޕާޓީން 3،000އަށް ވުރެ ގިނަ މީހުން އުނިކޮށްފައިވާއިރު މިހާރު އެ ޕާޓީގައި ތިބީ 10،989 މެމްބަރުންނެވެ. އަދި އެމްޑީއޭގައި ތިބީ 10،584 މީހުންނެވެ.

ސިޔާސީ ޕާޓީތަކުގެ ގާނޫނުގައިވާ ގޮތުން ކޮންމެ އަހަރެއްގެ ވެސް ދައުލަތުގެ ބަޖެޓުން 0.1 އާއި 0.2 ޕަސެންޓާ ދެމެދުގެ އަދަދެއް ޕާޓީތަކަށް ދޭން ޖެހެ އެވެ.

ސިޔާސީ ޕާޓީ އިލެކްޝަންސް ކޮމިޝަން ޕީޕީއެމް އެމްޑީޕީ ޖުމްހޫރީ ޕާޓީ އެމްޑީއޭ ޑީއާރުޕީ އަދާލަތު ޕާޓީ

27 ކޮމެންޓް, 111 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިސާރިއަންހެނެއްމީ

02 November 2016

ކާޑުގެ ބާވަތުގެ އަގުބޮޑުކުރުންމުން ހުރިހާ އެއްޗެއް އަގުބޮޑުވީ މުސާރަބޮޑެއް ނުވި މަވާ އަސްލުވެސް ސަލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެޔޮހަން

02 November 2016

އަދުލު އިންސާފު، އަދުލު އިންސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާނޑު

02 November 2016

ސުލައިމާން މެންނަން ހިތައްއަރާބާ އެހެން ދުނިޔެ އެއް އޮތްކަން. ޢަދުލުން އެއްކިބާވެ ވެރިމީހާ ރުއްސަން ކަންކަން ކުރާ އިރު.. ކިތައް މީހުންގެ ޙައްޤުބާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

02 November 2016

ޕީޕީއެމްގެ ކޮންޓްރޯލް ދޭންބޭނުންވާ ފަރާތަށް ލިބުނީމަ ފައިސާ ދޫކުރީދޯ.ވަރަށް ރަނގަޅަށް ގޭމް ކުޅެފަ މިއޮތީ.ޕީޕީެމްގެ ޗެކްތަކުގަ ސޮއިކުރަނީ ކޮންބޭފުޅެއްތޯ؟ މިފަހަރު ދިނީ ނަގުދު ފައިސާތޯ.؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް އެންޑް ރަފައިދާ

02 November 2016

ޕާޓީތައް އުވާލާ. ބޭކާރު ލާރިތަކެއް އަދި މީހުންގެ ވަގުތުތަކެއް ގެއްލިގެންދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުނާނު

02 November 2016

އަހަރެމެންނަށް އެނގޭ މާކުރިންވެސް ތިޔަ ފައިސާ ހަވާލު ކުރާނީ މިދަނޑިވަޅުގައިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިއުޝާދު

02 November 2016

އަތިރިމަތީގަ ކުޅެން އުޅޭ ކުޑަކުދިންގެ ތެރޭގަ މައްސަލަ އުފެދުނީމަ އެކުދިންގެ ވިސްނުމުން ކަންކަން ނިންމާގޮތައްވުރެވެސް ދޯހަޅިކޮށް އެއްވެސް ހަމައެއް އުޞޫލެއްނެތި ޤައުމެއްގެ ވެރިންނާ ޒިންމާދާރު ފަރާތްތަކުން ކަންކަން ނިންމަންފެށުމަކީ ޤައުމެއްގެ ޙަޔާތުގަ ރައްޔިތުން ކުރަންޖެހޭނެ އެންމެ ހިތި ތަޖުރިބާ..މިއަދު ދިވެހި ރައްޔިތުން މިދަނީ އެތަޖުރިބާ ކުރަމުން...މި މުސީބާތުން މިންޖުކުރެއްވުން އެދި ޚާލިޞް ހިތަކާއެކު ކުޅަދުންވަންތަ ﷲ ގެ ޙަޟްރަތުގައި ދުޢާ ދެންނެވުން ނޫން ހަމަ އެއްވެސް ގޮތެއް ނެތް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮށްބަލަ

02 November 2016

ދައުލަތުގެ ބަޖެޓުން ޚަރަދުކޮށް ގެން ސިޔާސީ ޕާރޓީ ތަކަށް ފައިސާ ދޭނަމަ އެމެން ޖޫރީ މަނާ ވާ ގޮތް ވެސް ޖެހޭނެ އިލެކްޝަންސް ކަމިޝަނުން ގަވާއިދަކުން ގެޒެޓް ކުރެވިފައި ހުންނަން. އެގޮތުން ސަރުކާރާއި ދެކޮޅަށް ކުރާ ކޮންމެ ޓްވީޓަކުން ޖެހޭނެ ފަސް ލައްކަ ރުފިޔާގެ ޖޫރީމަނާ އެއް ކުރަން. ދެން ސިޔާސީ ޕާރޓީ ތަކަށް ފައިސާ ދޭއިރު އެފައިސާ ކަނޑާފައި ދިނީމާ ނިމުނީ އެއް ނޫން ދޯ. އަދި ރާއްޖޭގެ ޓޫރިޒަމް ބޮއި ކޮޓް ކުރަން ގޮވާނަމަ 50 މިލިއަން ރުފިޔާ އިން ޖޫރީ މަނާ ކޮންމެ ގޮވުމަކަށް. އަދި މާލޭގައި ގަވާއިދާއި ޚިލާފަށް މުޒާހަރާ ކުރާނަމަ ކުރާ ކޮންމެ މުޒާހަރާ އަކަށް 20 މިލިއަން ރުފިޔާ ޖޫރީމަނާ ކުރަންވީ ދޯ. އެއިރުން ދެން މިރާއްޖެ އަށް ލިޓިލް ސިންގަޕޯރ އަށް ބަދަލު ވެވޭނީ. މީ ސިންގަޕޯރ ގައި ވެސް މިކަން އޮންނަ ގޮތަކީ. ސިންގަޕޯރ ގައި ވެސް މަނަލެއް ނޫން މުޒާހަރާ ކުރާ ކަށް ގާނޫނުން. އެކަމަކު މުޒާހަރާ ކޮށް ފިނަމަ ކުރާ ޖޫރީ މަނާގެ އަދަދު ބޮޑު ކަމުން އެކަން ސިޔާސީ ޕާރޓީ ތަކުން ނުކުރަނީ އެވެ. މިކަން ކުރެވޭނެ އިލެކްޝަންސް ކަމިޝަން އަށް އެކަމިޝަނުން ހަދާ ގަވާއިދެއްގެ ދަށުން ނަމަވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭ

02 November 2016

ދައުލަތާ ސަރުކާރު ވަގުތީގޮތުން ހިންގުން ހަވާލުވެގެން ތިބޭ މީހުންގެ ފަރަގު ނުވިސްނޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދު

02 November 2016

ވަގުތު ޖެހުމުން ފައިސާކޮޅު ދޫކޮށްލީއެވެ. ކޮމިޝަންތައް ވަނީ ނުފޫޒުތަކުން ތަތްތެޅިފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

02 November 2016

ހަދަންއުޅުނު އެތި ހެދިއްޖެނު ! މީހުންގިނަކަމަށް ހަދަން އުޅުނު މީހުނަށް ގިނަފައިސާ ދެވިއްޖެނު ! ދެން ތިޔަ ތަނުގެ މީހުންގެ މުސާރ ބޮޑުވެދާނެ ! ނޫނީ ބޮޑު އެލަވަންސެއް ލިބޭގޮތް ހަމަޖެހިދާނެ ! ތިބޭ ވަރަށް ހެވިފަ !