ހޯލްސޭލް، ރިޓެއިލް ވިޔަފާރީގެ ހާލަތު އަދިވެސް ދަށްވާނެ: އެމްއެމްއޭ

ހުޅުމާލޭގެ ފިހާރައަކުން ބަޔަކު ވިޔަފާރި ކުރަނީ: ރާއްޖޭގެ ހޯލްސޭލް އަދި ރީޓެއިލް ވިޔަފާރި މި ކުއާޓާގައި ވެސް ދަށްވާނެ ކަމަށް ވަނީ ލަފާ ކޮށްފައި .-- ފޮޓޯ: ނިޝާން އަލީ / މިހާރު

އިދުހާމް ނައީމް، މިހާރު

31 ޖުލައި 2020 - 13:20

9 comments

ހޯލްސޭލް އާއި ރިޓެއިލް ވިޔަފާރިތަކުގެ ހާލަތު މިހާރު ހިނގަމުންދާ މި އަހަރުގެ ތިންވަނަ ކުއާޓަރުގައި ވެސް ދަށްވާނެ ކަމަށް މަރުކަޒީ ބޭންކު އެމްއެމްއޭ އިން ލަފާކޮށްފި އެވެ.

އެ އިދާރާ އިން އިއްޔެ ނެރުނު މި އަހަރުގެ ދެވަނަ ކުއާޓަރުގެ ރިޕޯޓުތައް ދައްކާ ގޮތުން، އެ މުއްދަތުގައި ވެސް ހޯލްސޭލް/ރިޓެއިލް ވިޔަފާރިތައް ވަނީ ވަރަށް ބޮޑަށް ދަށްވެފަ އެވެ. ވިޔަފާރިތަކަށް ނޭދެވޭ އަސަރުކޮށް، ވިޔަފާރިތައް ދަށްވީ މިދިޔަ މާޗު 7 ގައި ރާއްޖެ އިން ފެނުނު ކޮވިޑް-19 ގެ ސަބަބުން ކަމަށް އެމްއެމްއޭގެ ރިޕޯޓުގައި ވެ އެވެ.

ރާއްޖޭގައި ކޮވިޑް ފެތުރުން އަދިވެސް ކޮންޓްރޯލް ނުވެ، ހާލަތު އިތުރަށް ގޯސްވަމުންދާތީ ވިޔަފާރިތަކަށް އޭގެ އަސަރުކުރާ ވަރު ކުރިމަގުގައި ބޮޑުވާނެ ކަމަށް އިގްތިސާދީ ތަޖުރިބާކާރުން ވެސް ދަނީ ބުނަމުންނެވެ.

އެމްއެމްއޭ އިން ބުނިގޮތުގައި ކޮވިޑާ ގުޅިގެން، ރާއްޖޭގެ ވިޔަފާރިތަކުގެ ހާލަތު ކުރިއާލައި ދެނެގަނެ ކުރިމަގުގައި އަންނާނެ ބަދަލުތައް ހޯދުމަކީ ވެސް ދަތިކަމެކެވެ. ނަމަވެސް މިހާރުގެ ހާލަތަށް ބަލައި، މިހާރު ހިނގަމުން މިދާ ތިންވަނަ ކުއާޓަރުގައި ވެސް ހޯލްސޭލް/ރިޓެއިލް ވިޔަފާރިތަކުގެ ހާލަތު ދަށްވާނެ ކަމަށް ލަފާ ކުރެވޭ ކަމަށް އެ އިދާރާ އިން ބުންޏެވެ.

މި އަހަރުގެ ދެވަނަ ކުއާޓަރުގެ ތަފާސްހިސާބުތަކަށް ބަލާއިރު ރާއްޖޭގެ މައިގަނޑު ހުރިހާ ދާއިރާއަކުން ވެސް ވަނީ ވިޔަފާރި ދަށްވެފަ އެވެ. ޚާއްސަކޮށް މިދިޔަ ހަތަރު މަސް ދުވަހު ޓޫރިޒަމް ހުއްޓިފައި އޮތުމުން އެންމެ ބޮޑު އަސަރެއް ކޮށްފައި ވަނީ އެ ސިނާއަތަށެވެ. ނަމަވެސް މި މަހުގެ 15 ގައި ރާއްޖޭގެ ބޯޑަރު އަލުން ހުޅުވާލުމާ ގުޅިގެން މި ކުއާޓަރުގައި އެ ސިނާއަތުގެ ވިޔަފާރި މިދިޔަ ދެވަނަ ކުއާޓަރާ އަޅާބަލާއިރު ރަނގަޅުވާނެ ކަމަށް އެމްއެމްއޭ އިން ލަފާކުރެ އެވެ.

މަރުކަޒީ ބޭންކުގެ ލަފާކުރުންތަކަށް ބަލާއިރު، އިމާރާތް ކުރުމުގެ ދާއިރާ ވެސް މި ކުއާޓަރުގައި ރަނގަޅުވާނެ އެވެ. ދެވަނަ ކުއާޓަރުގައި އެ ދާއިރާގެ ހާލަތު ވެސް އޮތީ ވަރަށް ބޮޑަށް ދަށުގަ އެވެ.

ކޮންމެ ކުއާޓަރެއްގެ ވިޔަފާރި ކުރިއަރާ މިންވަރު އެމްއެމްއޭ އިން ލަފާކުރަނީ އެކި ކުންފުނިތަކުން ދޭ މައުލޫމާތުގެ އަލީގަ އެވެ.

ކޮވިޑް-19 އާ ގުޅިގެން މުޅި ރާއްޖޭގެ އިގްތިސޯދު އިންތިހާ އަށް ދަށަށް ގޮސް ހުރިހާ ވިޔަފާރިތަކަށް ވަނީ ނޭދެވޭ އަސަރު ކޮށްފަ އެވެ. އިގްތިސޯދު ޓޫރިޒަމް ސިނާއަތަށް އެކަނި ބުރަވެފައިވާއިރު، ރާއްޖޭގެ ބޯޑަރު އަލުން ހުޅުވި ނަމަވެސް ހީކުރި ވަރާ ގާތަށް ވެސް ޓޫރިސްޓުންނެއް އަދި ނާދެ އެވެ.

އެމްއެމްއޭ ރީޓެއިލް ވިޔަފާރި އިގްތިސާދު ރާއްޖޭގެ އިގްތިސާދު

9 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒުވާނާ.

31 July 2020

އެއްރިސޯޓާ ލެޕްޓޮޕަކުން ރިސޯޓުހިންގަންބުނި މީހުން މިހާރު ރާގުބަދަލުވީތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫބެއްޔާ

01 August 2020

ޒުވާނާ. ތިކިޔަނީ ކީކޭތަ؟ އެއް ރިސޯޓާ ލެޕްޓޮޕަކާއޭ ތޯ؟ ޒުވާނާއަކީވެސް ހަމަ ބުއްދި ލިބިހުރި މީހަކަށްވާއިރުގާ މީހަކު މަޖާޒީ ގޮތެއްގާ ދައްކާ ވަހަކައެއް ތިޔާ ފަދަ ގޮތަކަށް ބޭނުން ކުރުމަކީ ހާދަހާވާ ހުތުރު ކަމެކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާނާ.

31 July 2020

އެހެންވީ މަތާ މިކިޔަނީ ރިސޯޓު މުވައްޒަފުންގެ ޕެންޝަން ފަންޑުގަހުރި ލާރިން%50 ދޫކޮއްދޭށޭ ފަތުރުވެރިންނައިސް ދައުލަތް އިނދަޖެހެ މުންދާތީ މިހާލަތުގަނޫންބާ އަޑުއަހަންވީ މުވައްޒަފުން މިތިބީ ކިހާހާލުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

31 July 2020

ނެތް ފައިސާއިން ތަކެތި ގަންނާނީ ކިހިނެއްތޯ. ނޫޑްލުސް އަދި ކިރު ފަދަ ތަކެތިވެސް ހުރީ އަގުބޮޑުވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޒާރު

31 July 2020

މިކަމުގައި ދައުލަތުން ކުރި އިސްރާފު އެތައް ތަނަކުން ބޮޑު. ކޮވިޑްގެ ނަމުގައި ބައެއް މީހުންގެ ރިސޯޓްތައް މުޅިންހެން އައުކޮށްދީ އެތަންތަނުގެ އިންފްރާސްޓްރަކްޗަރ ބަދަލުކޮށް ހެދި. ހަގީގީ ކާރިސާ އާ ކުރިމަތިވުމުގެ ކުރިން ބޭކާރު ގޮތުގައި ހޭދަތައް ކުރި. މުއްސަދިވީ މީހުން އެބައުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާތިބަލާތި

31 July 2020

ރާއްޖޭގެ އިގްތިސާދު ބިންދައިގެން ހިނގައްޖެ ކަމުގެ ނިޝާން ތަކޭ ފެނިގެން މިދަނީ އިގްތިސާދަކީ އެއީ މަޖްލީހުގެ ރައީސަށް ނޫސް ކޮންފަރެންސް ތަކުގައި ރޯ ބުހުތާނު ދޮގުހަދައިގެން ހިފަހައްޓާލެވޭނެ ކަންކަމެއް ނޫން ކަން މިހާރު އެގިގެން މިދަނީ އެމްއެމްއޭގެ ގަވަރުނަރު ދައްކާ ވާހަކަ ދިމާނުވާ ތަން މިހާރު ފެނިގެން މިދަނީ ސީދާ ރާއްޖެ މިއޮތީ ބަނގުރޫޓްވެފައޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބ‫ިކާރީ ބްރަދަރ

31 July 2020

އ‫ެމެރިކާގެ އިކޮނިމީ %32 ކޮންޓްރެކްޓްވި. އެހެންކަމުން ޓްއަރިޒަމް އެކަންޏަށްކަހަލަގޮތަކަކށް ބަރޯސާވެފައޮތް އިގްތިސާދަކަށް ކުރާނެ އަސަރުވިސްނާލާ. އެހެންނަމަވެސް ބައެއްފަރާތްތަކުން ބޭކާރު އަދި ކޮންމެހެން ކުރަންނުޖެހޭ ޚަރަދުތައްކޮށްހަދާގޮތުން ކަމެއްވެގެންއުޅޭހެންވެސް ހީނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ބްރޯ

31 July 2020

ރާއްޖޭގަ ވިޔަފާރިކުރާ ގިނަފަރާތްތަކުން ވިޔަފާރިކުރަނީ ވިޔަފާރިއާބެހޭ އެއްވެސް މައުލޫމާތެއް ދުރުވިސްނުމެއްނެތި މީހުން ކުރާތީ ކުރާ ކަމެއްގެ ގޮތުގަ. މިއީ އެކަމުން ގައުމުގެ އިގްތިސާދަށްވެސް ނުހަނު ގެއްލުންވާނެ ކަމެއް. ޑިމާންޑަށްވުރެ ގިނައިން މުދާގަނެ ސްޓޮކް ކޮށްފަ ބަހައްޓަންޖެހުމުން އެމުދަލެއްގެ އަގު ނިސްބަތުން އުފުލެމުންދާނެކަން ގިނަ ވިޔަފާރިވެރިންނަކަށް ނޭނގެ. މިހާރުވެސް ރާއްޖޭގަ އިތުރު 10 މާލެއަށް ބޭނުންވާ މުދާ ފިހާރަތަކުގަ ސްޓޮކް ކޮށްފަ ހުންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

31 July 2020

ކާބޯތަކެތި ނޫން އެއްޗެއް ގަނެވޭކަަށް ނެތް ގަތުންވެސް ބުއްދިވެރިއެއްނޫން، މިކަން އެއްކޮށް ސާފުކޮށް ލެވެން އޮތްވާ ގިނަދުވަހު މީގެ ބިރުވެރިކަމުގައި އުޅެންޖެހޭގޮތައް ރާވާފަ މިއޮތީ