މާލޭގައި ދެން ކަށުނަމާދު ކުރާނީ ގައިދުރުކޮށްގެން

މާލެ: ޖޫން 17، 2020: ލޮކްޑައުންއަށް ފަހު މާލެ އާއި ވިލިމާލެ އާއި ހުޅުމާލޭގެ މިސްކިތްތައް ހުޅުވާލުން: މިސްކިތްތައް ހުޅުވާލި ނަމަވެސް ޖަމާއަތުގައި ނަމާދު ނުކުރެވޭނެ ކަމަށް އިސްލާމިކް މިނިސްޓްރީ އިން ވަނީ އަންގާފައި.-- ފޮޓޯ: ނިޝާން އަލީ / މިހާރު

ޝުރުފާ މުހައްމަދު، މިހާރު

02 އޯގަސްޓް 2020 - 20:32

6 comments

މާލޭގައި ކުރާ ކަށު ނަމާދުތައް ގައިދުރުކޮށްގެން ކުރާ ގޮތަށް ހަމަޖައްސައިފި އެވެ.

މާލެ ސިޓީ ކައުންސިލުން އާންމު ކުރި އިއުލާނުގައި ވަނީ މާލެ ސަރަހައްދުގައި މަރުވާ މީހުންގެ ކަށުކަމާކެމީގެ ކަންކަން ކުރާނެ ގޮތުގެ ތަފްސީލްތައް ހާމަކޮށްފަ އެވެ. އެގޮތުން ކޮވިޑް-19 ބަލީގައި މަރުވާ މީހުންގެ ކަށުކަމާކެމީގެ ކަންކަން ކުރިއަށްގެންދަން ހަމަޖައްސާފައި ވަނީ ހުޅުމާލެ ސަހަރާ ގޯތިތެރޭގަ އެވެ.

އެ ނޫން ގޮތްގޮތަށް މާލެ ސަރަހައްދުގައި މަރުވާ އެންމެންގެ ވެސް ކަށު ނަމާދުކުރުމަށް ހަމަޖައްސާފައި ވަނީ އާސަހަރާ މިސްކިތުގަ އެވެ. ސިޓީ ކައުންސިލުން ބުނީ އެއްވެސް ނަމާދު ގަޑިއެއްގައި ޖަމާއަތުގައި ކަށު ނަމާދު ނުކުރެވޭނެ ކަމަށާއި، ކަށު ނަމާދު ކުރެވޭނީ ފަރުޟު ނަމާދަށް ބަންގޮ ގޮވާތާ ބައި ގަޑިއިރު ފަހުން ކަމަށެވެ. ކަށު ނަމާދުގައި ބައިވެރިވާ މީހުން ސަފުތައް ހަދަންވާނީ ގައިދުރުކޮށްގެން ކަމަށް ވެސް ބުންޏެވެ.

މީގެ އިތުރަށް މިހަކު މަރުވުމުން ވީ އެންމެ އަވަހަކަށް ވަޅުލުމަށް ވެސް އިލްތިމާސްކޮށްފައި ވެއެވެ. ކައުންސިލުން ބުނީ މައްޔިތާ އާސަހަރާއަށް ގެންދިއުމަށްފަހު ހިނަވާގޭގައި ބޭއްވޭނީ ގިނަވެގެން ތިން ގަޑި އިރުވަންދެން ކަމަށެވެ. އަދި މޫނު ބަލައި ކަށުކަމާކެމީގައި ބައިވެރިވާން ދާ މީހުން ވެސް އެ ސަރަހައްދުގައި އުޅޭ އިރު ގައިދުރުކޮށް، އެޗްޕީއޭއިން ކަނޑައަޅާފައިވާ އުސޫލުތަކާ އެއްގޮތަށް އުޅުމަށް ވަނީ އަންގައިފަ އެވެ.

ކަށު ނަމާދުގައި ގައިދުރުކުރުމަށް ކައުންސިލުން އެންގި ނަމަވެސް މާލޭގައި ކުރާ އެހެން އެއްވެސް ނަމާދެއްގައި ގައިދުރެއް ނުކުރެ އެވެ. ބޮޑު ޖަމާއަތްތައް ފެންނަ ހުކުރު ނަމާދައި އީދު ނަމާދުގައި ވެސް ސަފުތައް ހަދާފައި ވަނީ އާންމުކޮށް ސަފު ހަދާ އުސޫލުންނެވެ.

މާލެ ސިޓީ ކައުންސިލް މަރު ސަހަރާ މާލެ ސިއްހަތު

6 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަނަ އަނދިރިކަން

03 August 2020

ނަމާދަކީ ކޮންމެ ތާކު ކުރިޔަސް އެއްގޮތަށް ކިރަންޖެހޭ އަޅުކަމެކެވެ ނަމާދު ކިރަންވީގޮތް އަވަށު ކައުންސިލުން އިއުލާނުކުރާއިރު ދީނީ ކަނަކަމަށް ވަކި ވުޒާރޢެއް އެބަ ހުރެއެެވެ އެތަނުގަ ފެށުނީއްސުރެ އޮންނަނީ މާނައީ ކިޔުމާ މިސްކިތްތަކަށް މުދިނުން ލެއްވުމާ އަރަބި ގައުތުތަކުން ކަދުރުހޯދާ ބަހައިދީ ޒަކާތްނަގާ ބެހުމެވެ ދީނީ ކަންކަން ފުޅާކޮށް ތަރައްގީ ކުރުމެއް ނެތެވެ ހުރިހާރަށެއް ހުރީ އެއްހާލެއްގަ އެވެ ކޮވިޑުނެތް އަތޮޅެއް ނެތެވެ އެންމެން ކިޔެވީ އެއްފޮތަކުންނެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުކަލޯ

03 August 2020

ކަމަކީ ރަނގަޅު ކަމެއް ނަމަވެސް، ދީނާ ގުޅޭ މިކަހަލަ ކަންކަމަށް ގޮތެއް ނިންމާއިރު އިސްލާމިކް މިނިސްޓްރީ ކޮބައިތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

02 August 2020

މީ މިހާރު ކޮންމެހެންވެސް ކުރާން ވެއްޖެ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅާ ލޯބި2

02 August 2020

2 މިނެޓްގެ ނަ މާދެއްތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓް

02 August 2020

ކޮންމެ ތަނެއްގެވެސް ބޭރުގައި ވަދެވޭނެ އެންމެގިނައަދަދު ފެންނާނެހެން ބެހެއްޓުން މުހިންމު. މިއީ ވަރަށް ނުރައްކާ ރޯގާއެއް. މިސާލަކަށް ބަލަންވީ ސައުދީ ޕާކިސްތާނެއްނޫން.