އައިލެންޑް އެކްސްޕާޓްގެ މުވައްޒަފުން ޖުލައި 13 ވަނަ ދުވަހު މުޒާހަރާ ކުރަނީ. އެކުންފުނީގެ ބިދޭސީ މުވައްޒަފުން މިހާރު ވަނީ ގައުމަށް ފުރަން ފަށާފައި.
08 އޯގަސްޓް 2020 - 12:10
10 comments
ހުޅުމާލޭގައި ސިފައިންނާއި ފުލުހުންނަށް ހާއްސަކޮށްގެން އަޅާ ފްްލެޓްތަކުގެ މަސައްކަތް ކުރަމުން އަންނަ ތައިލެންޑްގެ ކުންފުނި އައިލެންޑް އެކްސްޕާޓްގެ ބިދޭސީ މުވައްޒަފުންގެ ތެރެއިން އެނބުރި ގައުމަށް ދާން ބޭނުންވި މީހުން ފުރަން ފަށާފައިވާ ކަމަށް އެ ކުންފުނިން މިއަދު ބުނެފި އެވެ.
އައިލެންޑް އެކްސްޕާޓްގެ މުވައްޒަފުންނަށް މުސާރަ ނުދީގެން އެމީހުން ވަނީ އެތައް ފަހަރަކު ހުޅުމާލޭގައި މުޒާހަރާކޮށްފަ އެވެ. އެގޮތުން އެންމެ ފަހުން މުޒާހަރާކުރި ދުވަހު ފުލުހުންނަށް ހަމަލާދީ ފުލުހުންގެ ވެހިކަލަކަށާއި އާއްމުންގެ މުދަލަށް ވެސްް ގެއްލުން ދިނެވެ. އެ މައްސަލައިގައި ހައްޔަރުކުރި 41 ބިދޭސީންގެ ތެރެއިން 38 މީހަކު މިހާރު ވެސް ވަނީ ރާއްޖެއިން ފޮނުވާލައިފަ އެވެ.
އައިލެންޑް އެކްސްޕާޓްގެ މެނޭޖިން ޑައިރެކްޓަރު އަނޮން ސޮންގްޕަންޔާ "މިހާރު"އަށް މިއަދު ވިދާޅުވީ ގައުމަށް އެނބުރި ދާން އެދުނު މީހުން ފުރުވާލަނީ މުސާރަ ހަމައަށް ދީފައި ކަމަށެވެ. މިހާތަނަށް ފުރި އެންމެންނަކީ މުޒާހަރާގައި ބައިވެރިވި މީހުން ނޫން ކަމަށް ވެސް އޭނާ ވިދާޅުވި އެވެ.
"އެހުރިހާ އެންމެންނަކީ ވެސް އެނބުރި ގައުމަށް ދާން އަމިއްލައަށް އެދުނު މީހުން. އެންމެނަށް ވެސް މުސާރަ ދީފައި މި ފޮނުވާލީ،" އޭނާ ވިދާޅުވި އެވެ.
އެކަމަކު ފުރައިގެން ދިޔައީ ކިތައް މީހުން ކަމެއް އޭނާ ވިދާޅެއް ނުވެ އެވެ. ހަމައެކަނި ވިދާޅުވީ އެއީ 100 އަށް ވުރެ މަދު އަދަދެއް ކަމަށެވެ. މިއަދު ވެސް 30 މީހުން ފުރަން ހަމަޖެހިފައި ކުރިން އޮތް ނަމަވެސް ފްލައިޓް ކެންސަލް ވެގެން ނުފުރުނު ކަމަށް އަނޮން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށުބޭބޭ
09 August 2020
ޕްރޮޖެކްޓްތައް ހަވާލުކުރުމުގައި އެކި ބައިބަޔަށް އެޅޭގޮތަށް މަސައްކަތް ހަވާލުކުރުމުގެ ނަތީޖާ މިފެންނަނީ... ފްލެޓް އެޅުމަށް ޙަވާލުކުރީ ސިފައިންގެ ކުންފުންޏާ، ދެން އެމީހުން އެހެން ބަޔަކާ، ދެން އެބަޔަކު އެހެން ބަޔަކާ ހަވާލުކޮށްގެން މަސައްކަތް ކުރުވަނީ....ކޮންމެ ދެކުންފުންނި ދޭތެރޭގެ ކަޓަށް ކަނޑާފަ މަސައްކަތްކުރާ މީހުނަަށް ދޭނެ ފައިސާއެއް ނޯވޭ
އުދުހޭ
09 August 2020
ތައިލެންޑުންނާ އެހެން ތަންތަނުން މިގައުމަށް މީހުން އައިސް ވިޔަވާރިވެރިންނަށް ހެދިގެން ބޮޑެތި ޕްރޮޖެކްޓްތަށް ފައިސާ ނަގާ މުސާރަނުދީ މުއައްޒަފުން ތަޅުވާފަ އަދިވެސް ހަމަ އެމީހުން ތިބީ މިނިވަންނުންގެ ގޮތުގަތަ؟ ޗައިނާ ކަހަލަ ތަނެއްގާ މިގޮތަށް ވަައްތަރެއް ނުޖެއްސޭނެ!
ގޮބޮޅިބެ
08 August 2020
ތީ ފޭކް ކުންޏެއް 2 އަހަރުން ނިންމަން ހަވާލުވިތަން 6 އަހަރުވީއިރުވެސް ނުނިމޭ އަބަދު އުޅެނީ މުސާރަދެވޭވަރުވެސް ނުވެގެން ކުންފުންނަށް ލިބޭހާލާރި މީނަ ތައިލޭނެޑަށް ގެންދަނީ މަސައްކަތްކުރާމީހުންނަށް މުސާރަނުދީ
އެންމެގެ ހައްގު ހިމާޔަތްކުރޭ
08 August 2020
ސިފައިންނާއި ފުލުހުންގެ ފްލެޓް މައްސަލަ ޝރީއަތަަށް ރައްޔިތުންގެ ނަމުގައި ޕީޖީ ވައްދަދޭން ވެއްޖެ. މިކަން ނުވެ އެތަކެއް އަހަރެއް ފާއިތުވެ ހިނގައްޖެ. ބަދަލުވެސް ނަގާފި. ފައިސާ ވެސް ދައްކާފި. ފައިދާ ވި ބަޔަކުވެސް އެބަތިބި! ވީކަމެއް ކުރިއެރުމެއް ނެތް! ސިފައިން އަދި ފުލުހުން ވިޔަސް އެވެރީންނަށްވެސް ބޯހިޔާވަހިކަން ލިބެންޖެހޭ. އެވެރީން ރިޓަޔަރކޮށް މަގުމަތިވެ ދަމާކަނޑަން އަޅުނީމާ، އެއީ ގައުމަށް އެބޭކަލުން ވީ ގުރުބާނީއަށް ވެވޭ ބޭއިންސާފެއް!
ގޮރުބާނީ
08 August 2020
ގައުމަށްވީ ގުރުބާނީއޭ އެއީ ރައްޔިތުން ބޮލުގަ ލަޓިބުރިން ތަޅާ ރޯނާ ގަންނަވައިފަ ލޮލަށް ޕެޕަރ ސްޕްރޭ ޖަހާ ގުރުބާނީތަ... އަހަރުމެން ރައްޔިތުން މިޖެހެނީ ކަލޭމެންނަށްޓަކައި ގުރުބާނީވާން
ހުތުރު ނަމަށް ވަރަށް ސަލާމް
08 August 2020
މަގުމަތީ އެކްޓިވިސްޓުންނަކަށް ނޭނގޭނެ އަދި ފަހުމެއްވެސް ނުވާނެ ސިފައިނާއި ފުލުހުން ކޮންމެ ދުވަަހަކު ގައުމަށްޓަކާވާ ގުރުބާންތަކެއް. ތިމާގެ އިލްމާއިހިލްމެއް ނެތަސް ސިޔާސީ ހައެއްކަ ޓްވީޓްކޮށްގެން ގައުމުގެ ބޮޑެތި ވަޒީފާތަކާ ހަވާލުވެ، ކޮފީ މޭޒުތަކުގަ ކަރާފަޅަމުން ސަރުކާރާއި ރައްޔިތުންގެ ވަގުތު ބޭކާރު ކުރުން ނޫން ކަމެއް ކުރެވޭތަ؟ ކަލޯމެން އެކަނި ގެނައި ވެރިކަމެއް ނޫން މީކީ! މިއީ އަހަރުމެންގެވެސް ބުރަ މަސައްކަތާއި ހިތްވަރުން ގެނައި ވެރިކަމެއް. ނުޖެހޭތި
ކީއްކުރާނީދޯ
08 August 2020
އައިލެންޑް އެކްސްޕާޓްގެ ބިދޭސީ މުވައްޒަފުން ފުރަން ފަށައިފިނަމަ ދެން ތިޔާއީ މަމެން އުފާ ކުރާ ކަމެކޭ އެކަމަކު ރާއްޖޭގައި ގަވާއިދާއި ޚިލާފަށް އުޅޭ ބިދޭސީން ފުރަނީ ކޮން ދުވަހަކުތޭ މިއަދުވެސް ޒިކުރާ މިސްކިތް ގާތުގައި ކިއޫ ހަދާފައި އެތިބީ ގަވާއިދާއި ޚިލާފަށް އުޅޭ ބިދޭސީން އެކަމަކު އިމިގްރޭޝަންގެ މީހަކު ނުފެނޭ އެތަނުން ސިޓީ ކައުންސިލް މީހަކު ނުފެނޭ ފުލުހަކު ނުފެނޭ މީ ހެޔޮވެރިކަން ކުރާ ސަރުކާރުގެ މަސައްކަތުގެ މަކަރުވެރިކަމާއި ހީލަތުގެ ބޮޑު ކަމަކީ ކީއްކުރާނީ
ފާރަގެމަ
08 August 2020
އެއްވެސް މުއައްސަސާއަކުން ބަލާތޯ މިމީހުން ފުރުވާލަނީ މުސާރަދީފަތޯ
ދޮންހަސަނު
08 August 2020
ތި އަނޮންނެއް ތީ މިހާރުން މިހާރަށް ހައްޔަރު ކުރަންޖެހޭ މީހެއް. އޭނަ ދައްކާ ވާހަކަ ޤަބޫލެއް ނުކުރެވޭ. ކުރިންވެސް ބުނި ދެން އެމީހުން މުޒާހަރާ ނުކުރާނޭ. މުސާރަ ދީފީމޭ. އެކަމު ދިނީ އެންމެ 100 ޑޮލަރު
ތައިޔައި
08 August 2020
ތިބުނީ ރަގަޅަށް މީނަމީ ކަންކަންމާވާކަމަށް ހެދިގެން އުޅޭ މީހެއް އަސްލު މީނައަށް އެއްވެސް ކަމެއް ނުވޭ