ސިފައިންގެ ޕައިލެޓުންގެ ތަމްރީނުތައް ނުފެށި އޮތީ ކޮވިޑާ ހެދި: އެމްއެންޑީއެފް

އާސިމާ ނިޒާރު، މިހާރު

09 ސެޕްޓެމްބަރ 2020 - 18:18

ސިފައިންގެ އިންޖީނިއަރުން ތަމްރީނުކުރަމުން އައި ނަމަަވެސް ވިއަސް ކޮވިޑް-19 އާ ހެދި ޕައިލެޓުންގެ ތަމްރީނުތައް މިވަގުތު ނުފެށި އޮތް ކަމަށް އެމްއެންޑީއެފުން މިއަދު ބުނެފި އެވެ.

އެމްއެންޑީއެފްގެ މީޑިއާ އޮފިޝަލް މޭޖަ އިބްރާހިމް އާޒިމް ވިދާޅުވީ، ގައުމީ އެއާލައިނާއެކު ވެފައިވާ އެއްބަސްވުމާ އެއްގޮތަށް ޕައިލެޓުންނާއި އިންޖީނިއަރުންގެ ތަމްރީނުތައް ކުރިއަށްދާނެ ކަމަށެވެ. ނަމަވެސް މާލޭގައި ފެތުރެމުންދާ ކޮވިޑާ ހެދި ޕައިލެޓުންގެ ތަމްރީނުތައް ނުފެށި އޮތް ކަމަށް ވިދާޅުވި އެވެ.

ޖުލައި 30، 2019 ގައި ސޮއިކުރި އެއްބަސްވުމުގައިވާ ގޮތުން، ސިފައިންގެ ބޭނުމަށް ގެންނަ ވައިގެ އުޅަނދުތައް އޮޕަރޭޓްކުރެވޭ ފެންވަރުގެ ތަޖުރިބާހުރި ޕައިލެޓުންނާއި އެއާކްރާފްޓް އިންޖީނިއަރުން، ގައުމީ އެއާލައިން ހިންގާ އައިލެންޑު އޭވިއޭޝަނުން ތަމްރީނުކޮށްދޭން ޖެހެ އެވެ.

ފަސް އަހަރު ދުވަހަށް ހެދި އެއްބަސްވުމުގެ ދަށުން މިހާރު ހަ އިންޖީނިއަރުން އަންނަނީ ތަމްރީނު ހަދަމުންނެވެ. އެމީހުންނަށް ތަމްރީނުތައް ދެމުން އަންނަނީ، މޯލްޑިވިއަންގެ ތަޖުރިބާކާރު އިންޖީނިއަރުންނާއި ޕައިލެޓުންނެވެ. މީގެ އިތުރުން ފަސް ޕައިލެޓުން ތަމްރީނު ކުރާނެ އެވެ.

އެ ޕައިލެޓުންނާއި އިންޖީނިއަރުންގެ ޓްރެއިނިން ނިންމައި އަމަލީ މަސައްކަތަށް ނުކުންނާނެ ދުވަހެއް އަދި ނޭނގެ އެވެ. އާޒިމް ވިދާޅުވީ އެކަން އެނގޭނީ ޕައިލެޓުންގެ ތަމްރީނުތައް ފެށުމުން ކަމަށެވެ.

މޯލްޑިވިއަންގެ ފަބްލިކް ރިލޭޝަންސް މެނޭޖަރު މޫސާ ވަސީމް ވިދާޅުވީ މިިދިޔަ ޑިސެމްބަރު މަހުގެ ފުރަތަމަ ހަފުތާއިން ފެށިގެން އެ ސިފައިންނަށް ތަމްރީނު ދެމުން އަންނަ ކަމަށެވެ. އަންނަ ހަފުތާގައި ވެސް އިންޖީނިއަރުންގެ އާ ބެޗެއްގެ ތަމްރީނުތައް ފަށާނެ ކަމަށް ވިދާޅުވި އެވެ.

IAS in sifainge pilotunnaai engineer in thamreenu kuranee

The most trusted news source in the Maldives

Mihaaru

ސިފައިންގެ ދެ ހެލިކޮޕްޓަރު މިހާރު އޮތް ނަމަވެސް އެ ދެ އުޅަނދު ވެސް އޮޕަރޭޓްކުރަނީ، އެ އުޅަނދުތައް ހަދިޔާކުރި އިންޑިއާ ސިފައިންނެވެ. އިންޑިއާ އިން ދިވެހި ސިފައިންނަށް ޕައިލެޓްކަން ކިޔަވައިދޭން އެއްބަސްވެފައި ވިޔަސް މިހާތަނަށް އަދި އެކަން ކުރިއަކަށް ނުދެ އެވެ. އެކަމާ ގުޅިގެން ގިނަ ބައެއްގެ ފާޑުކިޔުން އަމާޒުވެފައި ވެއެވެ.

އޮޕަރޭޝަނެއްގައި އިންޑިއާގެ އަސްކަރިއްޔާގެ ދެ ބޯޓު އިއްޔެ ވެސް ހދ. ހަނިމާދޫ އިންޓަނޭޝަނަލް އެއާޕޯޓަށް ޖެއްސި މައްސަލާގައި އިދިކޮޅުގެ ވަރަށް ގިނަ މީހުން އެކަމާ ދެކޮޅަށް ސޯޝަލް މީޑިއާގައި ދަނީ ނުރުހުން ފާޅުކުރަމުންނެވެ.

އެމްއެންޑީއެފް އައިލެންޑް އޭވިއޭޝަން މޯލްޑިވިއަން އެއާލައިން ދިވެހި ސިފައިން

16 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަހެ

10 September 2020

ދިވެހިންގެ ގާބިލްކަމަށް ހުތުރުއަރުވާ ސަރުކާރެއް މިނޫނީ ނާދޭ. ހެލިކޮޕްޓަރުގެ ސްވިޗްތަކުގައި ހިންދީ ބަހުން ލިއެފަ ހުރެގެންބާ ދިވެއްސަކަށް އެ އޮޕަރޭޓްކުރަން ނޭނގިގެން އުޅެނީ؟ ނޫނީ އިންޑިއާ މީހުންނަށް އިނގިރޭސިއާ ދިވެހި ނޭނގިގެން ނޫނީ ދިވެހިންނަށް ހިންދީ ނޭނގިގެންބާ ކަމެއްނުވެގެން އުޅެނީ؟ ނޫނީ އިންޑިއާ މީހުން އުފައްދައިގެން އުޅޭ ހެލިކޮޕްޓަރެއްވީމަ ދިވެހިންނަށް ތަންދޫރީ ހަދަން ދަސްނުވެގެންބާ އޭތި ސްޓާޓްކުރަން ނޭގިގެން އުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Within Maldives

10 September 2020

ރާއްޖޭގައި ކޮވިޑް އުޅޭތާ ގިނަ އަހަރުތަކެއް ވެއްޖެ ތާ؟!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

10 September 2020

ބައްލަވާ އެމް.އެން.ޑީ.އެފް މީޤަރުނުގެ ބޮޑު ޖޯކުތޯ؟ ތިޔަހެން ނުހައްދަވާ. ތިޔަމުއައްސަސާ އަކީ ޤައުމުގެ އިސްތިޤުލާލު ކޮނޑުއަޅައިގެން ހިންދެމިލަން އޮތްތަން. ތިޔަ މުއައްސަސާއިން ތިޔަހެން ހައްދަވައިގެން ނުވާނެ. ތިޔަ މުއައްސަސާގެ ޤަދަރާ ޢިއްޒަތަށްޓަކާވެސް. ކޮވިޑްއައިތާ އަދި މިއުޅެނީ އަހަރުދުވަސް ނުވެ. އެކަމަކު ހެލިކޮޕްޓަރު ގެނައިތާ 10 އަހަރު ވެގެން ދިޔައީ. ތިބޭފުޅުންގެ ގޮތުގައި ތިބޭފުޅުން ތިއްބަވާ. ބަޔަކު ހާވާހާ ހަޑިއެއްގައި ތިބޭފުޅުން މެކިގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫގި

10 September 2020

މިޒަމާނުގައި ތިޔައީ ފެންތަށްޓެއް ބޯލުންހާ ފަސޭހަކަމެއް. އަހަރެންހީކުރީ ރާއްޖޭގެ ސިފައިން ތިޔަޒާތުގެ މޮޔަވާހަކަ ނުދައްކާނެކަމަށް. ޚުލަހުސްކޮށް މޭމައްޗަށް އަރުވާފަ ތިބޭ ބޭފުޅުން ނަށް ވެސް ނުފޫޒު އައިސްފައިވާވަރުފެނިފަ ދެރަވޭ. ތިޔަ އިންޑިޔާއަކުން އިހްލާސްތެރިކަމާއެކު އެއްކަމެއްވެސް ނުކޮށްދޭނެ. ބޭސްފަރުވާއަށް އިންޑިޔާއަށް ސަލާންޖަހަންޖެހުނީ ތިޔަ ގޮތަށް ދީފައިވާ އައިޖީއެމްއެޗާ ހެދި. މިއީ ދުވަހަކު ވަސީލަތް ހަމަތަނެެއްނޫން. ޢިންޑިޔާ އައުޓު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަހާލާ

10 September 2020

ހެހެ އާއިލާ ކުއްޖަކު އެ ތަމްރީނު ހަދަން ހުރިނަމައީ ހުންނާނީ ނިމިފަ ކޮވިޑް އައީ އިހަށް ދުވަހު ފަހަތު ފަޔަށްހަމަ ބުރައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމީން

10 September 2020

ތިޔަ ތަމްރީންތައް ހެދޭނީ މޯލްޑިވިއަންގެ އެމް.ޑީއަށް 23މިލިއަން ދިނީމަ. ޑުބާއީއަށް ގޮސް 23މިލިއަންއަށް އައިލެޑް އޭވިއޭޝަންގެ އޭ.އޯ.ސީ ވިއްކާލަން އުޅުނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

10 September 2020

ތީހަމަތެދެއްބާ؟ ހަމަކޮވިޑްބާ؟ ނޫނީ ރައްޔިތުންއޯކޭ ނުވާތީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރަފި

10 September 2020

ޑޯނިއާ ބޯޓުގަނޑެއް ދުއްވުން މާބޮޑުކަމަކަށް ތިހަދަނީ، ރަނގަޅަށް ފަހާފޮއްޓެއް އޮޕަރޭޓްކޮށްލެވޭމީހަކަށް ތިވަރު އެއްޗެއް ދުއްވޭނެ، ފަހާފޮއްޓަކާ ތަފާތަކީ ބުރަފައްޗެއް އިންނަކަން.