ނިއު ނޯމްލަގައި މަޖީދިއްޔާގެ ކްލާސްރޫމެއްގައި ދަރިވަރުންތަކެއް ކިޔަވަނީ.-- ފޮޓޯ: ނިޝާން އަލީ/ މިހާރު
26 ސެޕްޓެމްބަރ 2020 - 14:38
49 comments
މާލެ ސަރަހައްދުގެ ސްކޫލުތައް އަންނަ މަހު ހުޅުވައި ގްރޭޑް 9-12 އަށް ކިޔަވައިދޭން އެޑިއުކޭޝަން މިނިސްޓްރީން މިއަދު ނިންމައިިފި އެވެ.
އެ މިނިސްޓްރީން ބުނީ ކޮވިޑް-19ގެ ހާލަތަށް ރިއާޔަތްކޮށް، ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ މަޝްވަރާއާ އެކު މާލެ އާއި ހުޅުމާލެ އަދި ވިލިމާލޭގެ ސްކޫލުތަކުގައި އަންނަ މަހު 4 ގައި ކިޔަވައިދޭން ފަށާނެ ކަމަށެވެ. ނަމަވެސް އަދި ނިންމާފައިވަނީ ގްރޭޑް 9-12 ހިމެނޭ ކީ ސްޓޭޖް 4 އަދި 5ގެ ދަރިވަރުންނަށް ކިޔަވައިދޭން ކަމަށް ވެސް، މިނިސްޓްރީން ބުންޏެވެ.
އެހެން ގްރޭޑުތަކަށް ކިޔަވައިދޭނީ މިހާރު ވެސް ކުރިއަށް ދާ ގޮތަށް އޮންލައިންކޮށެވެ.
ކޮވިޑުން ރައްކާތެރިވާން މާޗު 12 ގައި ރާއްޖޭގެ ހުރިހާ ސްކޫލެއް ބަންދުކުރުމަށް ފަހު އަލުން ކިޔަވައިދޭން ފެށީ ޖުލައި 1 ގަ އެވެ. އޭރު ވެސް މާލެ ސަރަހައްދުގެ ސްކޫލްތައް ހުޅުވީ ގްރޭޑު 9-12ގެ ދަރިވަރުންނަށެވެ. ރާއްޖޭގެ އެހެން ހިސާބުތަކުގައި މިހާރު ވެސް ގެންދަނީ ސްކޫލްތައް ހުޅުވައިގެން، ހުރިހާ ގްރޭޑަކަށް ކިޔަވައިދެމުންނެވެ.
މާލެ ސަރަހައްދުގައި ކޮވިޑްގެ ހާލަތު ގޯސްވުމުން މިދިއަ މަހު 9 ގައި، ސްކޫލްތައް އަނެއްކާވެސް ބަންދުކުރި އެވެ.
އަލުން ސްކޫލްތައް ހުޅުވޭނެ މަގެއް ފެނޭތޯ މިނިސްޓްރީން އައީ ކޮވިޑްގެ ހާލަތަށް އަންނަ ބަދަލުތައް ކޮންމެ ދެ ހަފުތާއަކުން މުރާޖައާކުރަމުންނެވެ. އެގޮތުން މި މަހުގެ 17 ގައި ކުރި އިއުލާނުގައި ބުނީ އަންނަ ބުރާސްފަތި ދުވަހާ ހަމައަށް މާލެ ސަރަހައްދުގެ ސްކޫލުތަކުގައި ކިޔަވައިދޭނީ އޮންލައިންކޮށް ކަމަށެވެ.
ކޮވިޑް ޖެހޭ މީހުންގެ އަދަދު މިހާރު ވަނީ އަނެއްކާވެސް ވަރަށް ބޮޑަށް ދަށްވެފަ އެވެ. ނަމަވެސް ޕަބްލިކް ހެލްތު ކޮންސަލްޓަންޓް ޑރ. ޝީނާ މޫސާ ވިދާޅުވީ ޕޮޒިޓިވްވާ މީހުންގެ އަދަދު މަދުވަމުން ދިޔަ ނަމަވެސް "ގްރީން ޒޯނަށް" ނުވަތަ ރައްކާތެރިކަމުގެ ފިޔަވަޅުތައް ދޫކޮށްލާ ހިސާބަށް އަދި ނުދާ ކަމަށެވެ.
އޭނާ ވިދާޅުވި ގޮތުގައި ރައްކާތެރިކަމުގެ ފިޔަވަޅުތަކުގެ މަތީގައި ދުވަސްކޮޅަކު އެންމެން ވެސް ތިބެން ޖެހެ އެވެ. އެ ފިޔަވަޅުތައް އެއްކޮށް ދޫކޮށްލިޔަސް އެންމެ ކުރިން އުޅުނު ގޮތަކަށް އަދި ނޫޅެވޭނެ ކަމަށާއި އެހެންކަމުން މިހާރުގެ ނިއު ނޯމަލްގެ އާދަތައް ހިފަހައްޓާލަން އޭނާ އެދިވަޑައިގަތެވެ.
ސްކޫލުތަކަށް ދަރިވަރުން ވައްދަނީ ހުން ބަލައި، އަތް ސެނެޓައިޒްކުރުމަށް ފަހު އެވެ. ކްލާސްރޫމުގައި ދަރިވަރުން ތިބެނީ ތިން ފޫޓުގެ ގައިދުރުކަން ބަހައްޓައިގެންނެވެ. ރައްކާތެރިކަމުގެ އެ ފިޔަވަޅުތަކާ ހެދި ސްކޫލްތަކާ ގުޅުން ހުރި ކްލަސްޓާއެއް މިހާތަނަށް ފެނިފައި ނުވާ ކަމަށް އެޗްޕީއޭ އިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރަފިދާދާ
27 September 2020
ސުކޫލު ހުޅުވަންށޭ ކިޔައިގެން މިކުޅެނީ ގޭމެއްހެން ހީވަނީ! ހުޅުވަންޏާ ހުރިހައި ގުރޭޑެއް ހުޅުވަން ވީއެއްނު! އެންމެ ކުޑަމިނުން 4 ނުވަތަ 5ން މަތި ހުޅުވަންވީ އެއްނު! އަހަރެންނަށް ހީވަނީ މާލޭގެ މީހުންގެ އަތްމަތި ތަންކޮޅެއް ދަތިވީހެން! އެއީ ކޮވިޑު ކޭސްތައް ފެނުމުން ފުރަތަމަ ބަންދު ކުރިވަރަށް ވުރެ ގިނައިން މިހާރުފެނޭ! ބިރުވެރިކަން އެބައޮތް! އަދި އެޗް. ޕީ.އީން ބުނަނީ ލުއިދެވޭކަށް އަދި ނެތޭ! އެހެންކަމުން މިއިން އެނގޭ ފޮރުވިފައިއޮތް ކަންތައްތަކެއް އޮތްކަން.
އެއްކަލަ ސޮރު
27 September 2020
ބިން ނެތް މާލެ މީހެއްގެ ހައިސިއްޔަތުން ބުނެލަން އޮތީ ރަނގަޅޭ ނާންނާށޭ. ތަންފުކެއް ކުލި ކުޑަވާނޭ އޭރުން. ކީއް ކުރާނީ އަހަރުމެން ދާނެ ރަށެއްވެސް ނެތް. އަމިއްލަ ރަށުގައި ކުއްޔައް.
މުހަންމަދުފުޅު
26 September 2020
މާލެއަށް މީހުން ތޮއްޖެއްސީ ރައީސް މައުމޫނުގެ ސަރުކާރުގައި ތިއްބެވި މާލޭގެ ބިންވެރި މިިިިނިސްޓަރުންގެ ސީދާ ނުފޫޒުން. އެބޭފުޅުންގެ މާލޭގެ ބިމުގެ އަގުވެއްޓިދާނެތީ އެގޮތަށް ސިޔާސަތު ބައްޓަން ކުރެއްވީ. ހުޅުމާލެ ތަރައްގީ ކުރުންވެސް ލަސްލަހުން ގެންދިޔައީ. އަދި 2ވަނަ ފޭސްގައި ހިއްކިބައި ފުރަތަމަ ހުޅުމާލެ ހިއްކިއިރު ވަރަށްކުޑަ ޚަރަދަކުން ކުރެވެން އޮތްއިރުވެސް އެކަންކުރުން ހުއްޓުވީ އޭރުގެ ކެބިނެޓުގެ ނުފޫޒުގަދަ 2 ވަޒީރުން.
ތިހެންނަމަަ
27 September 2020
މިސަރުކާރަކީވެސް ތިކަން ޕްރޮމޯޓްކުރާ ބައެއް. މާލެއިން މީހުން މަދުވެދާނެތީ ފޭސް2ގަ ހުރި ފްލެޓްތައް ނުދޭންވެގެން ބަހަނާތައް ދައްކަ ދައްކަ ތިބެނީ. މާލެއިން މީހުން މަދުވެއްޖެނަމަ މިސަރުކާރުގެ ބޮޑެތި ބޮޑެތި މީހުންނަށް ކުލި ލިބުމުން ވަރަށް ގެއްލުންވާނެ. އެހެންވީމަ ސަރުކާރު ހެޕީކޮށްދޭން ހުރިހާ ކުދިން މާލޭގަ ތިބެންޖެހޭނީ.
ahmed
26 September 2020
ޓީޗާސްޑޭ ފާހަގަ ނުކުރެވިދާނެތީއޭ ކިޔާ އަޑުއެހިން. ކިހާވަރެއްގެ ހަގީގަތެއްބާ؟
ބޮސް ގެ ބޮސް
26 September 2020
ޢައިފޯނު 11 ގަނެލަން އޯކޭ...ކީއްވެތަ ކޮވިޑާ ގުޅިގެން 5000 ކަނޑާލަން ނުބުނަނީ! ގެއަކީ ހަ މަ ހުރެފަ ބިމމ މުން ފަޅައިގެން ހެދޭ ގަހެއްހެން ގިނަ މީހުންނަށް މި ހީވަނީ!
އައްޓަމަސް
26 September 2020
ތިހެންކިޔާނެ އެކަމަކު އަންނާނެ, ރަށުން ކޮރަކަލި ނުބޭނޭތީ މާލެއަށް
މަސްފަތަފޮޅި
26 September 2020
މާލެއަށް ދާނެ ކަމެއްނެތް. ލިބޭ ހުރިހާ ލާރި މާލޭ ގޮލާމެނަށް ކުއްޔަށް ދިނުމަށްވުރެން އެފައިސާއަށް މީރު ކާތަކެތި ގަނެފަ އަމިއްލަ ދަރިންނަށް މީރުކޮށް ކާންދިނީއްޔާ މާ ރަނގަޅު ވާނެ. އެކުދިން އޭރުން ބޮޑުވާނީ ރަނގަޅު ސިއްޙަތުގައި. އަދި އެކުދިން ނަށް އުމުރަށް އޭގެ ފައިދާ ލިބޭނެ.
މޮހޮދޮފުތާ
26 September 2020
މަށަށް އެންމެ ސަޅި ކޮމެންޓް. ތިއީ ބަރާބަރު ވާހަކއެއް.
އިއްސެ
26 September 2020
ކުދިން ބޭނުމީ ފިނިވައިޖެހޭ ޖަނބުރޯލުގަސް ދޮށުގަ ޖޯލި އުނދޯލީގަ އޮވެ ފޮތް ކިޔަންވެސް. ދެން ނުދެވޭނެ މާލޭގެ އަލިފާންފޮށްޓަކަށް.. ވ ސަލާން
އަސްލުވެސް!
26 September 2020
އަސްލުވެސް، ދެން މާލެ ނައިސް ރަށުގައި މަޑުކުރުން ބުއްދިވެރިއެވެ. ރަށް ތަރައްޤީ ވާނީވެސް ގިނަބަޔަކު ތިބިއްޔާއެވެ. ދަފްތަރުގަ ޖެހިގެން، ފްލެޓްވެސް ހޯދާން އުޅޭނެ ކަ މެއް ނެތެވެ. މާލޭ މީހުންނަށް ފްލެޓްގަނޑެއް ވެސް ލިބޭނީ އޭރުންނެވެ.
ލައިކް
27 September 2020
ކުރިންވެސް ތިގޮތް އޮތޭ. މިހިސާބުންވެސް ވިސްނުނުކަން ނަސީބު. ލިބެންހުރި ތިކަހަލަ އެތައް ނަސީބެއް ދޫކޮށްލާފަ އެއްބަޔަކު މާލެ އަންނަނީ ތިގޮތަށް ފުއްދާލައިގެން ރަށުގަ އުޅެވެން އޮއްވާ.
އޮނަރަބްލް އަފީފު ދީދީ
26 September 2020
މާލެދޫކޮށް އަމިއްލަވަޒަނަށް އެބުރިއައިކުދިންތަކުގެ މައިންބަފައިންނާއި ތިމާގެމީހުންގެތެރޭގައިތިބި ޕްރޮފެޝަނަލްގިންތީގެ ބޭފުޅުންގެތެރޭގައިހިމެނޭ ސިއްޙީދާއިރާއާއި ތައުލީމީދާއިރާގެ ބޭފުޅުންވެސް މިބޮޑުބަދަލަށް ހިތްވަރުދިނުމަށް ޤުރުބާންތަކެއްވާންޖެހޭ. # ރަށުސްކޫލަށް ނުވަތަ އަތޮޅުގެ ބޮޑު ސުކޫލަކަށް ޓީޗަރުންވެސްބަދަލުވެ ރަށާއި އަތޮޅަށް ދިރުންހޯދާނުދީފިނަމަ އަންނާންއޮތްޖީލަށްވެސް ކުރިއެރުމެއްނުލިބި އުޅެންޖެހޭނީ އެއްކަލަ "ކުލީ އަޅުވެތިކަމުގައި" ކަން ޔަޤީން.
ހަސަދު
26 September 2020
މާލެ ނުރައްކަލޯ. މާލެގައި އުޅެން އުދަގުލޯ. އެކަމަކު އެންމެންވެސް ބެނުންވަނީ މާލޭގައި ތޮށްޖެހިގެން އުޅެން. ކޮވިޑުން ފިލާވަޅު ލިބިގެން މާލެ ދޫކޮށް އެހެން ރަށްރަށުގައި ކިރިޔާވެސް އުޅެވެން އޮތިއްޔާ އެރަށަކަށް ދަމާ ހިގާ.