ސުޕްރީމްކޯޓްގެ އަޑުއެހުން ކުރިއަށް ދަނީ.
30 ސެޕްޓެމްބަރ 2020 - 09:26
51 comments
ގާނޫނާ ހިލާފަށް ދައުލަތުގެ ވަޒީފާތަކުން ވަކިކޮށްފައިވާ މީހުންނަށް ބަދަލުގެ ގޮތުގައި އެންމެ ގިނަވެގެން ނަގައިދެވެނީ އެެއް އަހަރު ދުވަހަށްވާ މުސާރަ އާއި އިނާޔަތްތައް ކަމަށް ކަނޑައަޅަން ސުޕްރީމްކޯޓްގައި ދައުލަތުން ވަކާލާތު ކުރުމުން ބައެއް ވަކީލުން ކަންބޮޑުވުން ފާޅުކުރައްވައިފި އެވެ.
ބަދަލުދޭން އެންމެ އެކަށީގެންވާ މުއްދަތަކީ އެއް އަހަރު ދުވަސްކަމަށް ދައުލަތުން ބުނީ ކުރީގެ ރައީސް އަބްދުﷲ ޔާމީނުގެ ވެރިކަމުގައި ސިފައިންގެއިން ވަކިކޮށްފައިވާ މީހެއް ކަމަށްވާ އަލީ ވަހީދުގެ ވަޒީފާ އިއާދަކޮށް ބަދަލުދޭން ސިވިލް ކޯޓުން ކޮށްފައިވާ ހުކުމެއް، ހައި ކޯޓުން ބާތިލުކުރުމުން ސުޕްރީމްކޯޓްގައި އިސްތިއުނާފްކުރުމުން މިހާރު ބަލަމުން އަންނަ މައްސަލައިގަ އެވެ. އަޑުއެހުންތައް މިހާރު ނިމިފައިވާ އެ މައްސަލައިގައި އަލީ ވަހީދުގެ ފަރާތުން އެދިފައި ވަނީ ސިވިލް ކޯޓުން ނިންމާފައިވާ ގޮތަށް، ވަޒީފާއިން ވަކިކުރި ދުވަހުން ފެށިގެން އިއާދަކުރުމާ ހަމައަށް މުސާރަ އާއި އިނާޔަތުގެ ގޮތުގައި ލިބެންޖެހޭ ފައިސާ ނަގައިދިނުމަށެވެ.
މިދިޔަ ބުދަދުވަހު އޮތް ޝަރީއަތުގައި ދައުލަތުގެ ވަކީލުން ވިދާޅުވީ މައްސަަލަ އިސްތިއުނާފްކުރި އަލީ ވަހީދު ވަޒީފާ އިން ވަކިކޮށްފައި ވަނީ އިސްލާހުވުމުގެ ފުރުސަތު ނުދީ ވަޒީފާ އިން ވަކިކުރަން ޖެހޭ ފަދަ މައްސަލައެއްގައި ނޫން ކަމަށެވެ. އެކަމަކު އޭނާ އަށް ބަދަލުގެ ގޮތުގައި މުސާރަ އާއި އިނާޔަތުގެ ގޮތުގައި އެއް އަހަރު ދުވަހުގެ މުއްދަތަށްވާ ފައިސާ ދިނުމަކީ އަދުލުވެރި ގޮތެއް ކަމަށް ކަނޑައަޅައިދޭން ދައުލަތުގެ ވަކީލުން އެދިވަޑައިގަތެވެ.
ވަޒީފާ ގެއްލުނު އެހެން މީހަކު ހުށަހެޅި މައްސަލައެއްގައި ސުޕްރީމް ކޯޓުން އެގޮތަށް ކަނޑައަޅާފައިވާ ކަމަށް ވެސް ދައުލަތުގެ ވަކީލު ވިދާޅުވި އެވެ.
އެެ މައްސަލައިގައި ކަންބޮޑުވުން ފާޅުކުރައްވަމުން ގާނޫނީ ވަކީލް މަރިޔަމް ޝުނާނާ ކުރެއްވި ޓްވީޓެއްގައި ވިދާޅުވީ ގާނޫނާ ޚިލާފަށް ވަޒީފާ އިން ވަކިކޮށްފައިވާ މީހަކަށް ބަދަލުގެ ގޮތުގައި ދޭނީ އެއް އަހަރު ދުވަހުގެ މުސާރަ އާއި އިނާޔަތްތައް ކަމަށް ކަނޑައަޅަން ދައުލަތުން އެދެނީ ގާނޫނީ އެއްވެސް އަސާސެއް ނެތި ކަމަށެވެ. ދައުލަތުން އެގޮތަށް އެދުނު އިރު ސެޓުލްމެންޓް ކޮމިޓީން މީހުންނަށް މިލިއަނުން ބަދަލުދޭ ކަމަށް ވިދާޅުވެ، މި މައްސަލައިގައި ތަފާތު ގޮތަކަށް އަމަލުކުރަނީ ކީއްވެތޯ އޭނާ ސުވާލު އުފެއްދެވި އެވެ.
ސުނާނާގެ ޓްވީޓް ރިޓްވީޓްކުރައްވަމުން ކުރީގެ ޑެޕިއުޓީ އެޓާނީ ޖެނެރަލް އަދި ރައްޔިތުންގެ މަޖިލީހުގެ ވިލިމާލެ ދާއިރާގެ މެމްބަރު އަހުމަދު އުޝާމް ވިދާޅުވީ މި ސަރުކާރުގެ ފުރަތަމަ ދުވަސްކޮޅުގެ ތެރޭގައި އެކި މީހުންނަށް ބަދަލުގެ ގޮތުގައި އެތައް މިލިޔަން ރުފިޔާއެއް ދީފައިވާ ކަމަށެވެ. އެގޮތުން "ވައްކަމުގެ ތުހުމަަތަށް ފުލުހުންގެ ވަޒީފާއިން ވަކިކުރި މީހަކަށް ވެސް ބަދަލުދީފައިވާ ކަމަށް ހަނދާންވާ ކަަމަށް" އޭނާ ވިދާޅުވި އެވެ.
During the first couple of months when this government came to power, millions were paid as compensation to some people. I remember a case where a guy whose job was terminated in 2013 for allegations of theft was compensated 2.8m as salaries and allowances (equivalent to 5 years) https://t.co/S3VCTo6vTz
— Ahmed Usham (@a_usham) September 29, 2020
ސުނާނާ "މިހާރު" އަށް ވިދާޅުވީ ދައުލަތުން އެތައް ބަޔަކަށް ބޮޑެތި ބަދަލުދިނުމަށް ފަހު އާދައިގެ މީހުންނަށް ބަދަލުދޭން ޖެހުމުން މިގޮތަށް ކަންތައް ކުރުމަކީ ކަންބޮޑުވުމެއް ކަމަށެވެ. މީގެ ކުރިން ބަދަލުދިން ގިނަ މައްސަލަތަކުގައި ބަދަލު ދީފައި ވަނީ ވަޒީފާ އިން ވަކިކުރި ދުވަހުން ފެށިގެން އިއާދަކުރުމާ ހަމައަށް ކަމަށް ވީއިރު ވަކި ބަޔަކާ މެދު މިހެން ކަންތައް ކުރުމަކީ ހިތާމަހުރިކަމެއް ކަމަށް އޭނާ ވިދާޅުވި އެވެ.
"ކީއްވެހޭ ނިކަމެތި މީހުންނަށް ބަދަލުދޭން ވުމުން އެއް އަހަރު ދުވަހަށް ލިމިޓްކުރަންވީ، އަަޅުގަނޑުމެންގެ ސުވާލަކީ،" އޭނާ ވިދާޅުވި އެވެ.
Ali Waheed vs Attorney General’s Office [2019/SC-A/27] https://t.co/XJ5aryPtM5
— Supreme Court of the Maldives (@SCMaldives) September 23, 2020
ސުޕްރީމް ކޯޓުގެ ޝަރީއަތް
ބަދަލުގެ ގޮތުގައި އެއް އަހަރު ދުވަހުގެ މުސާރަ އާއި އިނާޔަތް ދޭން ދައުލަތުން އެދުމުން ސުޕްރީމް ކޯޓުގެ ބެންޗުންް ފަނޑިޔާރު ހުސްނުއްސުއޫދު ވެސް އެކަމާ ސުވާލު ކުރެއްވި އެވެ. ސުއޫދު ތަކުރާރުކޮށް ސުވާލުކުރެއްވީ އެމްއޭސީއެލްގެ ވަޒީފާ އިން ވަކިކުރި މީހަކަށް އެއް އަހަރު ދުވަހުގެ ބަދަލުދޭން ނިންމާފައިވާ ނިންމުމަށް ރިއާޔަތްކޮށް ހުރިހާ މައްސަލައަކަށް އެއްގޮތަކަށް އަމަލުކުރުމަކީ އިންސާފުވެރި ގޮތަކަށް ވާނެތޯ އެވެ.
"އެންމެނަށް އެއް އުސޫލަކުން ކަނޑައެޅީމާ އެއީ އަދުލުވެރި ބަދަލަކަށް ވާނެތޯ؟" ސުއޫދު ސުވާލު ކުރެއްވި އެވެ.
ކުރީގެ ސަރުކާރުތަކުން ވަޒީފާ އިން ވަކިކޮށްފައިވާ ބައެއް އިސް ބޭފުޅުންނަށް ބަދަލު ދިން އިރު އެ ބޭފުޅުންނަށް ބަދަލުގެ ގޮތުގައި ދޭ ފައިސާގެ އަދަދު މަދުކުރަން ސަރުކާރުން މަސައްކަތް ކޮށްފައެއް ނުވެ އެވެ. އެގޮތުން ބަދަލު ލިބިވަޑައިގެންނެވި ބޭފުޅުންގެ ތެރޭގައި މިހާރުގެ ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލާއި ކަމިޝަނަރު އޮފް ޕޮލިސް މުހައްމަދު ހަމީދު ހިމެނިވަޑައިގަންނަވަ އެވެ.
ސިފައިންގޭގައި 32 އަހަރު ހިދުމަތްކޮށްފައިވާ އަލީ ވަހީދުގެ ވަކީލް މުހައްމަދު ގާސިމް ކޯޓުގައި ވިދާޅުވީ ވަޒީފާ އިން ވަކިކޮށް، ބަނޑޭރިކޮށީގައި ދިރިއުޅެމުން ދިޔަ ތަނުން ވެސް އަލީ ވަހީދު ނެރެލުމުން އަލީ ވަހީދު ދަނީ އެކަމުގެ ދަތިތައް ތަހައްމަލުކުރަމުން ކަމަށާއި އަނބިދަރިން އުޅެމުން އަންނަނީ ނުކައި ނުބޮއެ ކަހަލަ ގޮތަކަށް ކަމަށެވެ. އެގޮތުން މާލޭގައި އުޅެވެން ނެތިގެން އަނބިދަރިން ގޮވައިގެން ރަށަށް ބަދަލުވާން ޖެހުނު ކަމަށް ވެސް ވަކީލު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމާބެ
01 October 2020
ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި، ޤާނޫނުތަކާއި ޚިލާފު ކަމެއް ކުރުމަށް އެދުމަކީ ވެރިކަން ކުރާ ފަރާތުން ރޫލް އޮފް ލޯ ނަގަހައްޓާ ކަމާދޭތެރޭ ސުވާލު އުފެދޭ ކަމެއް! ޤާނޫނުގެ ވެރިކަން ނެގެހެއްޓުމުގައި އެންމެ އިސް ދައުރެއް އަދާކުރަންޖެހޭނީ އެޑްމިނިސްޓްރޭޓިވްސް އިން ކަމަށްވެފައި، ޤާނޫނުއަސާސީއާއި، ޤާނޫނުތަކުން ކަށަވަރުވެފައިވާ ޙައްޤެއް ނިގުޅައިގަތުމަށް މަސައްކަތްކުރުމަކީ ސުވާލު އުފައްދަންޖެހޭކަމެއް!
އަލީ އީމަން މުޙައްމަދ
01 October 2020
ދައުލަތުން އެދޭހާ ގޮތެއް ނޫވާނެ، އެނމެން ވެސް އެދޭނީ އެންމެ އިންސާފު އޮތް ގޮތަކަށް ދައުލަތުން މައްސަލަތައް ނިންމަނ .
ާނާޒިމް
30 September 2020
1 އަހަރަށް ބަދަލުދޭން ބޭނުމިއްޔާ ޝަރީއަތް ނިންމަންވީ 1 އަހަރު ތެރޭ. ޢެކަންވާނެތަ؟ ވަކި ބަޔެއްގެ މައްސަލައެއް ވިއްޔާ ފަޓާސް ބަރިއެއްހެން ނިންމާނެ..އަދުލުވެރިކަމަކީ ކޮބައިކަން އެނގޭބާ!!!
އަރުވާލި އާދަނުގެ ސިޔާސީ ހާސަރު
30 September 2020
އިިންސާފޯ ނާއިންސާފޯ ކޮން ސާފޯ އަކަށްތޯ ލިމިޓއް ދެއްވުން އޮތީ
ނަޝީދު.
30 September 2020
އެއްވެސް ބަދަލެއް ލިމިޓް ކުރެވިގެން ނުވާނެ! ބަދަލު ދޭންޖެހެނީ ގޯހުން ކަންކުރީމާ މީހަކަށް ނުވަތަ ބަޔަކަށް ވާ ގެއްލުމަކަށް. އެ ގެއްލުން ވަނީކީ އެއް އަހަރަކަށް ނޫން، އެ ގޯސް ރަގަޅުކުރަންދެން ގެއްލުންވޭ. އެހެންވީމާ ބަދަލުވެސް ދޭން ޖެހޭނެ ގޯސް ރަގަޅުކުރަންދެން!
ޖިލްބާ
30 September 2020
ޙައްގަކާ ނުލައި އަނިޔާއެއް ދީފިނަމަ އެ އަނިޔާއެްްގެ ބަދަލު އިންސާފުވެރިކަމާއިއެކު ދޭންޖެހެއެވެ. ދަވްލަތުން 1 އަހަރަށް ލިމިޓް ކުރުމަށްވުރެ ގާނޫނާއި ޚިލާފަށް ކަންކުރިމީހާގެ މިލްކިއްޔާތުން ބަދަލުދެވޭނެ ގޮތެއް ހޯދުން ހެއުކަންބޮޑެވެ. އަނިޔާ ލިބުނުމީހާއަށް އިންސާފުގެ ފަރާތުންވެސް އަނިޔާންދޭން އުޅުމަކީ އިންސާފަށް ފުރައްސާރަކުރުމެވެ.
ނަހޫ
30 September 2020
އެއްވެސް ކަމަކާނުލާ ހަމަ ސިޔާސީ ބޭނުމުގަ ޖަލަށްލައި ބޮޑެތި އަނިޔާދީފައެބަހުރި އެތައް ބަޔަކަށް. ލޫޕުހޯލޭ ފަޅޮލޭކިޔާނެކަމެއްނެތް އިންސާނެއްގެ ދިރިއުޅުން ހަލާކުކޮށްފިއްޔާ އޭގެ ބަދަލު ދޭންޖެހޭނެ ބޮޑުކޮށް، ވަޒީފާއިން ކަނޑާލީމަ އާމްދަނީ ހޯދަން މަސައްކަތްކުރާނެ ކޮންމެމީހަކުވެސް . މިޒަމާނުގަ ނުހައްގުން ވަޒީފާއެއް ގެއްލުމަކީ ދިރިހުއްޓާ ވަޅުލުންފަދަކަމެއް. ކަމަކާދިމާނުވާތީ ތިހެންތިކިޔަނީ. އެއީ ހިތްދަތިކަމެއް. އެފަދަމީހެއްގެ ހާލު އިހުސާސްނުވާނެ އެހެންމީހަކަށް.
1828
01 October 2020
ވަރަށް ބަރާވަރު ވާހަކައެއް. އިންސާފް ހޯދުމަކީ ވަރަށް އުނދަގޫ ކަމެއް. ކަނޑަތުކުރަން ޖެހެނީ އުނދަގޫ މަރުހަލާއެެް. އެތައް އަހަރެއް. އެތައް ފައިސާއެއް ހޭދަކުރަންޖެހޭ އިންސާފް ހޯދުމަށްޓަކައި.
އަހަމުހު
30 September 2020
ދައުލަތުން ރިސޯޓުތަކުގެ ކުލި މާފުކޮށްދިން ގޮތަށް ރައްޔޮތުންގެ ސައިކަލާ ގުޅުންހިރި ޖޫރިމަނާތައް މާފުކޮށްދިނުން އެދެން. ޕޮލިހުގަ ލައިސަންސް ނުނެގި އެތައް ދުވަހެއް އަދި އެ ނުނެގުނީމަވެސް ޖޫރިމަނާ...
ގަބޫލެއްނުކުރެވޭ
30 September 2020
ޢޭއް!!! ހުސްނުއްސޫދު ވެސް މިހާރު ޖުޑިޝަރީގަ ؟
އާދަމް ބާއީ
30 September 2020
ދިފާއީ ވަކީލުވީމާ ޕުރޮމޯޝަން ލިބޭނެތާ.
1828
01 October 2020
ކަލޯގެއާ. ދުނިޔޭގައިތަ ތިއުޅެނީ؟ ޕާޓީ މީހުންނަށް ޖުޑިޝަރީ ބަހައި ހުސްކޮށްފިއޭ.
ދޯބެ
30 September 2020
ގާނޫނާހިލާފަށް އޭނާގެ ވަޒީފާ ދުއްވާލީމަ ބަދަލު ދޭން ޖެހުނީ.. ރައްޔިތުންބޮޑު ހުވަޔަކާ އެކު ވެރިން އައްޔަނުކުރަނީ ވައަކަން ކުރާކަށް ..ރައްޔިތުންނަށް އަނިޔާކޮށް ވަޒީފާއިން ބޭރުކުރާކަށް ނޫން.. މިހާރުން މިހާރަށް އެވަގުތު ތިބި ވެރީންގެ ކަމާބެހޭ މުއައްސަސާތަކުގަ ތިބި މީހުންގެ މުދަލުން އެއްވެސް އުނި އިތުރެއްނެތި ވަޒީފާއިން ވަކިކުރިމީހިނަށް ދޭންޖެހޭ ފައިސާ ނަގާދީ.. ރައްޔިތުން ނަގަންޖެހޭ ޒިއްމާއެއްނޫންތީ .