ޖަޕާނުން ރާއްޖެއަށް ހަމަޖައްސައިދިން ލޯނުގެ އެއްބަސްވުމުގައި ސޮއިކުރަން ކުރިން ބޭއްވި ރަސްމިއްޔާތެއްގައި ފިނޭންސް މިނިސްޓަރު އަމީރު ބައިވެރިވެވަޑައިގަންނަވަނީ. އޭނާ ވިދާޅުވީ މިހައިތަނަށް ގާތްގަނޑަކަށް 520 މިލިޔަން ޑޮލަރު ހަމަޖެހިފައިވާ ކަމަށް.
07 އޮކްޓޯބަރ 2020 - 13:25
13 comments
ކޮވިޑް-19ގެ ބަލިމަޑުކަމާ ގުޅިގެން ރާއްޖެއަށް ކުރިމަތިވި މާލީ ދަތިކަން ހައްލުކުރަން ލޯނާއި ހިލޭ އެހީގެ ގޮތުގައި މިހާތަނަށް ގާތްގަނޑަކަށް 520 މިލިޔަން ޑޮލަރު ހަމަޖެހިފައިވާ ކަަމަށް ފިނޭންސް މިނިސްޓަރު އިބްރާހީމް އަމީރު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި ހެންވޭރު ހުޅަނގު ދާއިރާގެ މެމްބަރު މުހައްމަދު ފަލާހު ކުރެއްވި ސުވާލަކަށް ޖަވާބު ދެއްވަމުން އަމީރު ވިދާޅުވީ ލޯނާއި އެހީގެ ގޮތުގައި ގާތްގަނޑަކަށް 520 މިލިޔަން ޑޮލަރު (8 ބިލިއަނަށް ވުރެ ގިނަ ރުފިޔާ) ހަމަޖެހިފައިވާ ކަމަށެވެ. އެކަމަކު އޭގެ ތެރެއިން މިހާތަނަށް ލިބުނީ ކިހާވަރެއް ކަމެއް އޭނާ ވިދާޅެއް ނުވެ އެވެ.
ފިނޭންސް މިނިސްޓްރީގެ ވެބްސައިޓްގައި އާއްމުކޮށްފައިވާ މައުލޫމާތުން އެނގޭ ގޮތުގައި އަމީރު އެ ވިދާޅުވި 520 މިލިއަން ޑޮލަރުގެ ތެރެއިން 250 މިލިއަން ޑޮލަރަކީ ސްޓޭޓް ބޭންކް އޮފް އިންޑިއާ މެދުވެރިކޮށް، އިންޑިއާ ސަރުކާރުން ބޮންޑު ގަންނަ ގޮތަށް ދިން 250 މިލިއަން ޑޮލަރުގެ ލޯނެވެ.
އަނެއް ބަޔަކީ އޭޝިއަން ޑިވެލޮޕްމެންޓް ބޭންކް (އޭޑީބީ)، އޭޝިއަން އިންފްރާސްޓްރަކްޗާ ބޭންކް، ޔޫރަޕިއަން އިންވެސްޓްމެންޓް ބޭންކް، އިންޓަނޭޝަނަލް ފައިނޭންސް ކޯޕަރޭޝަން، އައިއެމްއެފް، އައިޑީބީ، ޖައިކާ އަދި އޮޕިޑް އިން ދޭން ނިންމާފަައިވާ ލޯނާއި އެހީ އެވެ.
ހިލޭ އެހީގެ ގޮތުގައި އެންމެ ގިނަ ފައިސާ ދޭން ހަމަޖެހިފައި އޮތީ އެ ހިސާބުތަކުން އެނގޭ ގޮތުން، އޭޝިއަން ޑިވެލޮޕްމެންޓް ބޭންކުންނެވެ. އެ ބޭންކުން ރާއްޖެއަށް 50 މިލިއަން ޑޮލަރު ދޫކުރާ އިރު އޭގެ ދެބައިކުޅަ އެއްބައި ހިލޭ އެހީގެ ގޮތުގައި ދޭން އޮތީ ހަމަޖެހިފަ އެވެ.
އެންމެ ލުއި ގޮތަކަށް ލޯނެއް ދޭން ހަމަޖެހިފައި އޮތީ އައިއެމްއެފުންނެވެ. އެ ބޭންކުން 28 މިލިޔަން ޑޮލަރު ދޫކުރަން ނިންމާފައި އޮތީ އިންޓަރެސްޓް ފްރީ ލޯނެއްގެ ގޮތުގަ އެވެ.
ކޮވިޑް-19 ފެތުރުން ކޮންޓްރޯލްކުރަން ރާއްޖެ އާއި އެހެން ގައުމުތަކުން ފުރަތަމަ އެޅި ފިޔަވަޅުތަކާ އެކު ރާއްޖޭގެ ޓޫރިޒަމް އިންޑަސްޓްރީ ހުއްޓުމަކަށް އަ އެވެ. އެހެންވެ ރާއްޖެ އަށް މާލީ ގޮތުން ބޮޑެތި މައްސަލަތަކެއް ވަނީ ކުރިމަތިވެފަ އެވެ. އެ ދަތިކަމުން އަރައިގަތުމަށް ގިނަ ގައުމުތަކަކާއި ބައިނަލްއަގުވާމީ ޖަމާއަތްތަކުގެ އެހީތެރިކަމަށް ރާއްޖޭން ވަނީ އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަފުރާސިޔާބު
09 October 2020
މިނިސްޓަރު އޮފް ފިނޭންސަށް އަޅުގަނޑު އިލްތިމާސް ކުރަން ދައުލަތުގެ މާލިއްޔަތު ކޮވިޑަށް ހުސްނުކުރުމަށް. އަދި ހަމައެއާއެކު ހެލްތު މިނިސްޓްރީގެ ޚަރަދު ތައް ރޮކެޓް ސްޕީޑްގައި މައްޗަށް ގެންދާ ގެންދިއުން ހުއްޓުވައި ދެމެހެއްޓެނިވި މިސްރާބަކަށް އެމިނިސްޓްރީގެ މަސައްކަތް ބައްޓަން ކުރުން މުހިންމު. ހަމައެއާއެކު ޞިއްޙީ ދިރިއުޅުމަށް މީހުން ހޭލުންތެރި ކުރުމުގެ ޙަރަކާތް ހަރުދަނާކުރެވޭނެމަގަކަށް ގެންދިއުމަކީ ކުރިމަގަށް ކުރާ ޚަރަދު ކުޑަކުރެވޭނެ ކަމެއްކަމަށްފެނޭ.
ތޮށަލިތަކުރު
08 October 2020
ކިތަންމަ ފައިސާއެއް ލިބުނަސް ދުވަހަކު ވަޒީފާއެއް އަދާނުކުރާ މީހުންނާ މާކުރީންސުރެ ވަޒީފާއެއްނެތި ތިބި މީހުންނަށް ރަށްރަށުން ފޯމެއް ހުށަހަޅައިގެން މަހަކު 5 ހާސް ދޭންވެއްޖިއްޔާ ގިނައެއް ނުވާނެ. މިހާރު އޮތީ މިއަހަރުގެ ނިޔަލަށް އެގޮތަށް ބަހަން. އެކަމަކު އަޑުއިވެނީ ވަޒީފާ ގެއްލިގެން ނޫނީ މުސާރަ ކުޑަކޮށްގެން އެކަން ސާބިތުކުރެވޭނެ ލިޔުން ހުށަހަޅާ ބަޔަކަށް އެހީދޭކަމަށް. މިކަން ވާނުވާ ނޫހަކުން ސާފުކޮށްދިނުން އެދެން.
ވަތަން އިސްކުރަންޖެހޭ
07 October 2020
އޮންރަބްލް އަފީފު ދީދީ ހާސްނުވޭ. ދެން އައްޑޫ ފެންނާނީ ތަރައްގީ ނުވެ އަސްކަރީ ބައެއްގެ މުށުތެރޭ. އައްޑޫ މީހުންވެސް ޖެހޭނީ ވަކި ސަރަހައްދެގަ އުޅެން. ނުވަތަ ޖިޒީދީގެން
އޮނަރަބްލް އަފީފު ދީދީ
07 October 2020
ތީގެ ފައިދާއެއް ދިވެހިރާއްޖޭގެ އެއްވެސް ރަށެއްގައި ދިރިއުޅޭ ދިވެއްސަކަށް ނުކުރާނެ. # މިހާރު ތިފައިސާ ކ.އަތޮޅު މާލޭގެ ބިންވެރިންގެ އުފަލާއި މަޖަލަށްޓަކާ ބްރިޖާއި ޕާރކް ތަކާއި އައިސް ސްކޭޓް ފަދަ ކަންކަން ކުރާން އޮންނާނީ ނިންމާފަ. # މިތަނުގައި މިއޮތް އެއްރަށް ދައުލަތް ސިޔާސަތު ބަދަލުކޮށްގެން މެނުވީ ބޭރު ދައުލަތް ތަކުން ދިވެހިރާއްޖެއަށް ދޭ އެއްވެސް އެއްޗެއް މާލެއިން ބޭރަށް ނުގެންދެވޭނެ.
ރަދީފު ބުން ކުމާރު
07 October 2020
މިހުންނަނީ އެއްކަހަލަ ދަަނިނުވާފާޑުގެ ލޯނު.
އިބިރިހިންބެއްޔާ
07 October 2020
ދެން އެލާރިކޮޅު ތަޅާ ދުންކާލި ބުރުވވާ ނުލާތި.
ހަސަނު
07 October 2020
ޖުލައި މަހުން ސުރެ ގައުމަށް އާމްދަނީ ލިބޭގޮތެއް ނެތް. އަހަރުމެން ހާލުގަ ނުޖެހި ކައިގެން ބޮއެގެން އުޅެވޭ މިންވަރަށް އެކަނި ހަރަދު ކުރަންވީ.. އެކަން މިވަނީ މިހެން މި ލިބޭ ލޯނު ކޮޅަކުން... 500 މިލިއަނަކީ އެންމެ ދެތިން މަހުގެ ހަރަދު.. އެ ވަރު ވާކަން ވެސް ޝުކުރު ކުރާން ޖެހޭ..
މޫސަ
07 October 2020
ކީއްކުރަން ނަގާ ލޯނެއްތަ.ވާކަމެއްނެތް.ކުރާކަމެއްނެތް.މުޅި ގައުމު ހުސްކޮއަފި. ރައްޔިތުން ހޭވެރިކަން ނެތީތޯ.އަމީރު ލޯނު ނެގުމައް ތިވަރެއްނެތް.އިސްތިއުފާދީފަ ގެއްއްދޭ.ހެޔޯނުވާނެ.
ބޭބެ.
07 October 2020
ވާކަމެއް ނެތް ހަބޭހައް ލޯނުނަގާ އެއްބަ... އިސްތިއުފާދީ
ސަލާޙް
07 October 2020
ތިލޯނުތައްނަގާ އެކިއެކި ބޭކާރު ސިއްރު އެއްބަސްވުނަ ތަކުގަ ސޮއިކޮށްފަ، މާދަމާ ބޮލުގަ ބަޑިޖެއްސީއޭ ކިޔާފަ ދުވެފިލީމަ، ދިވެހި ރައްޔިތުން ބޮލުގަ ހުރިހާ ދަރައްޏެއް އެޅޭނީ. ކުރީފަހަރުވެސް ބަޑިބޮލުގަ ޖެއްސީއޭ ކިޔާފަ ދުވެފިލީމަ އިންޑިޔާ ސަރުކާރަށް ވަގުތުން 100 މިލިއަންޑޮލަރު ދައްކާފަ އެއަށްފަހުން ޖީއެމްއާރަށް 300 މިލިއަން ޑޮލަރު ދައްކަން ޖެހުނީ. މިހެންވެ ނުބުނަންހުއްޓަސް ބުނެވޭނީ އެމްޑީޕީ އަކީ މިގައުމަށް ޖެހިފަ އޮތް މުސީބާތެެކޭ!
ބުރާންްތި
07 October 2020
އެކޮއި ހާސް ކަނޑާލާ، މިކަން ނިންމާލާނަން ހަނގުރާމަ ކޮށްގެން ނަމަވެސް،ކޮރޯނާ ރޯގާ އައުން އެއީ މިމީ ހުންގެ ނަސީބު،ނޫން ނަމަ ހިތި ގޮތަކަށް ބާލާނަން،ގައުމު ކައި ހުސްކޮށްފި،ރައްޔިތުން އަނގަޔާ އަތާ ދިމާނުވޭ ދެފަ ހަރު ހަމަޔަށް މި ހާރު،ފުރަތަމަ ކުރި ދެ އޮޑިޓުން ރައްޔިތުން ނަށް އިޙްލާސްތެރި ކަން ހުރި ވަރު ފެނިގެން ހިނގައްޖެ،
މުޅަދެވި
07 October 2020
ކުރިންފަހަރުވެސް ނަޝިދަށް ވޯޓުލާ ހޮވީމަ ބޮލުގަ ބަޑި ޖެއްސިއްޔޭކީޔައިގެން ވެރިކަން ދޫކޮށްލީ..