ކާޑެއްދޫ އެއާޕޯޓް: އެއާޕޯޓް އަތުލި މައްސަލާގައި ވިލާއާ އެއްކޮޅަށް ކުރި ހުކުމް ވަނީ ސުޕްރީމް ކޯޓުގައި އިސްތިއުނާފް ކޮށްފައި -- ފޮޓޯ/މިހާރު
07 އޮކްޓޯބަރ 2020 - 13:40
6 comments
ގދ. ކާޑެއްދޫ އެއާޕޯޓު ވިލާ އެއާ އަށް އަނބުރާ ދޭން ކުރި ހުކުމް ދައުލަތުން ސުޕްރީމް ކޯޓުގައި އިސްތިއުނާފު ކޮށްފިި އެވެ.
ކާޑެއްދޫ އެއާޕޯޓު ވިލާ އެއާ އަށް 2013 ގައި ދިނުމަށް ފަހު، އެ ތަނުގެ އެއްބަސްވުން ބާތިލްކޮށް، ކުރީގެ ރައީސް އަބްދުﷲ ޔާމީންގެ ސަރުކާރުން 2017 ވަނަ އަހަރު ވަނީ އެ ތަން އަތުލައިފަ އެވެ. ނަމަވެސް ނޮވެމްބަރު، 2018 ގައި ސިވިލް ކޯޓުން ނިންމީ އެއްބަސްވުން ބާތިލްކުރީ ގާނޫނާ ޚިލާފަށް ކަމަށާއި އެހެންވެ އެތަން ވިލާ އެއާ އަށް އަނބުރާ ދިނުމަށެވެ. އެ ހުކުމަށް މިދިޔަ އަހަރު ހައި ކޯޓުން ވެސް ވަނީ ތާއީދު ކޮށްފަ އެވެ.
މި ސަރުކާރު ހިންގާ ކޯލިޝަންގެ އެންމެ މުހިންމު އެއް ބައިވެރިޔާ ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ އެއާ ކުންފުންޏާ އެއްކޮޅަށް ސިވިލް ކޯޓުން ކުރި ހުކުމް އިސްތިއުނާފު ކުރަން ދައުލަތުން ސުޕްރީމް ކޯޓަށް ހުށަހެޅި މައްސަލައިގެ އަޑުއެހުމެއް މިއަދު ބާއްވަން ތާވަލު ކުރުމަށް ފަހު ވަނީ ކެންސަލް ކޮށްފަ އެވެ.
ސިވިލް ކޯޓުން ނިންމީ ކާޑެއްދޫ އެއާޕޯޓު 50 އަހަރަށް ކުއްޔަށް ދިނުމުގެ އެއްބަސްވުން ބާތިލްކޮށް، ސަރުކާރުން ފޮނުވި ނޯޓިސް ބާތިލް ކަމަށާއި އޭގެ ސަބަބުން ލިބުނު ގެއްލުމުގެ ބަދަލު ހޯދުމަށް ދައުވާ ކުރުމުގެ ހައްގު ވިލާ އަށް އޮންނާނެ ކަމަށެވެ. އެ މައްސަލަ ދަށު ކޯޓުގައި ހިނގަމުން ދިޔައިރު، އެތަން އަތުލުމުގެ މަސައްކަތް މަޑުޖައްސައިލަން ސިވިލް ކޯޓުން ވަގުތީ އަމުރެއް ވެސް ނެރުނެވެ. އެ އަމުރު ހައި ކޯޓުން ފަހުން ވަނީ ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމާބެ
08 October 2020
ކޮޅުކޮޅަށް ދަމައި މިކުރާ ކަމަކީ، ހުވަދޫގެ ޓުއަރިޒަމްގެ ފައިދާ އެހެން ބަޔަކަށް ޓްރާންސްފަރ ކުރަން ކުރަން ކުރެވޭ މަސައްކަތެއް، ކާޑެއްދޫ އެއަރޕޯޓަކީ ހުވަދޫއަށް އަންނަ ގިނަ ފަތުރުވެރިން ދަތުރުކުރާ މަންޒިލަށްވާއިރު، އެތަން ތަރައްޤީނުކޮށް ބާއްވައިގެން، ކާޑެއްދޫއަށް އަންނަ ފަތުރުވެރިން ސ. ގަމު އެއަރޕޯޓަށް ޑައިވާރޓްކޮށް ހުވަދޫއަށް ލިބެމުންދިޔަ ފައިދާ އެތަނަށް ގެންދަން ކުރެވޭ މަސައްކަތެއް، މަޤާމުގެ ދަހިވެތިކަމުގައި ހުވަދޫއިންވެސް ތަރުޙީބުދޭ އެބަ.
ނަސީމާ
07 October 2020
މިއަކީ ޔާމީން ސަރުކާރުން ވަރަށް އަނިޔާވެރިކޮށް ދަމައިގެން ތަނެއް.
އަރުވާލި އާދަނުގެ ސިޔާސީ ހާސަރު
07 October 2020
ސަރުކާރުން ރައީސް ރީޖަނަލް އެއަރޕޯޓް ކުންފުންޔެއް ހެދީމާ. ތިޔަތަން ސަރުކާރުން ދަމައި ގަތުމުގެ މެގަ ޕޮރޮޖެކްޓް ލޯންޗްކުރުން ބާ ؟
ނޫޅެމޯ
07 October 2020
ގާސިމު މިހާރު ތިޔަ އެއަރ ޕޯޓެއް ހޯދާކަށް ނޫޅޭ. ތިޔަށްވުރެ މާވަރުގަދަ އެއަރޕޯޓެއް ހޯދައިފި.
ލުތުފީ
07 October 2020
ޕީޕީއެމް ގެ ވެރިކަމުގަ ކެންސަލްކުރި އެގްރިމެންޓުތަކުގެ އުނދަގުލުން ދައުލަތް ސަލާމަތްވާނީ ކިހާދުވަހަކުންބާ!
ލާމަސީލު.
07 October 2020
ދައުލަތުގެ ބަޖެޓުން ޚަރަދުކޮށްގެން އެއަރޕޯރޓް ހަދާފަ ވިލާއަށް 50 އަހަރަށް ދިންއިރު ވިލާއިން އތަން ތަރައްގީކުރަން ކުރީ ކޮންކަމެއް؟ ބަދަލުހޯދަން ކޯރޓަށްދާންވެސް ލަދުގަންނަންޖެހޭނެ.