13 އޮކްޓޯބަރ 2020 - 15:25
6 comments
ނޫސްވެރިކަމުގެ ދާއިރާގައި ގިނަ ދުވަސްތަކެއް ހޭދަކުރައްވާފައިވާ އިމާދު ލަތީފު ހިތުގެ ބައްޔަށް ފަރުވާ ހޯއްދެވުމަށް އައިޖީއެމްއެޗުގައި ރޭ އެޑްމިޓު ކޮށްފި އެވެ.
މީގެ 28 އަހަރު ކުރިން ފެށިގެން ނޫސްވެރިކަން ކުރަމުން ގެންދާ އިމާދުގެ އާއިލާ އިން "މިހާރު" އަށް ބުނީ، އިމާދުގެ އެންޖިއޮޕްލާސްޓީ ހަދައި އެއް ސްޓެންޓު ލައްވާފައިވާ ކަމަށެވެ.
އާއިލާ އިން ބުނީ މިވަގުތު އިމާދުގެ ހާލަތު ސްޓޭބަލް ކަމަށާއި ފަރުވާދެމުން އަންނަނީ އައިސީޔޫގައި ކަމަށެވެ. ދެ ދުވަހެއްގެ ތެރޭގައި އައިސީޔޫ އިން ދޫކުރާނެ ކަމަށް ބެލެވޭ ކަމަށް އާއިލާ އިން ބުނެ އެވެ.
އިމާދު ނޫސްވެރިކަން ފެއްޓެވީ 1992 ވަނަ އަހަރު "ހަވީރު" ނޫހުންނެވެ. އެ ނޫހުގައި 17 އަހަރު މަސައްކަތް ކުރެއްވި އެވެ. ކުޅިވަރާއި ބޭރު ދުނިޔޭގެ ޚަބަރު ލިޔުމުގެ ދާއިރާ އިން މަޝްހޫރުކަން ހޯއްދަވާފައިވާ އިމާދު ވަނީ 2018 ވަނަ އަހަރު އަލިމަސް ގަލަން ވެސް ހާސިލް ކުރައްވާފައިފަ އެވެ.
އޭނާ އެންމެ ފަހުން މަސައްކަތް ކުރެއްވީ ވީޓީވީގެ ނިއުސް ހެޑެއްގެ ގޮތުގަ އެވެ. ވީ-ނިއުސްރޫމް ހިންގުމާ 11 ވަރަކަށް އަހަރު އުޅުމަށް ފަހު، މިދިޔަ އަހަރު އެ މަގާމުން އެކަހެރިވެ، އޭނާ ސިޔާސީ ދާއިރާ އަށް ނުކުތެވެ. އެކަމަކު މިހާރު ވެސް އިމާދު ގެންދަވަނީ ބައެއް ނޫސްތަކަށް ލިޔުއްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާޢީ ނާޖީ
14 October 2020
އިމާދު ލަތީފަށް މާތްﷲ އަވަސް ޝިފާއެއް މިންވަރުކުރައްވާށިއެވެ.
ޓޮބޭކޯބެ
14 October 2020
ފުލުފުލުައި ސިގަނރޭޓް ހިއްޕަވާތަންފެނޭ. އިޓުސް ޑޭންޖުރަސް ތުންޑާ
އަރުވާލި އާދަނުގެ ސިޔާސީ ހާސަރު
13 October 2020
ﷲ އިމާދު ލަތީފަށް އަވަސް ހެޔޮ ޝިފާއެއް ދެއްވާށި.އާމީން އާއިލާއަށް ކެއްތެރިކަމާއި ހިއްވަރު ދެއްވާށި . އާމީން.
އާދަންބެ
13 October 2020
އެކުވެރި އަޚް ޢިމާދަށް އަވަސް ޝިފާއަކަށް އެދެން
މަސްވެރިޔާ
13 October 2020
އަވަސް ޝިފާއަކަށް އެދެން.
ރަދީފްއޮފިޝިއަލް
13 October 2020
އިމާދުލަތީފަށް އަވަސް ޝިފާއެއް މާތްﷲ މިންވަރުކުރައްވާށި.އިމާދު ލަތީފު ލިޔުނު ގޮތަށް އެރަހަ ހުންނަ ގޮތަށް އަދިވެސް ނޫސްތަކުގަ ބޭރުކުޅިވަރު އަދި ދުނިޔޭގެ ހަބަރުތައް ނުލިޔެވޭކަމީ ދެބަސްނުވެވޭނެ ހަގީގަތެއް.އިންޓަނެޓް އެހާ އާންމުނޫން ޒަމާނުގަ އޭފްޕީ އަދި ރޮއިޓާސްއިން ޓެލެކްސް ރިސީވްކޮށްގެން އިމާދުމެން ބެޗްގެ ނޫސްވެރިން އެދުވަސްވަރު އެކުރި ހިތްވަރު އެއީ އަހަރުމެން ޝުކުރުވެރިހިތަކުން ބަލައިގަނެފައިވާ މަސައްކަތްތަކެއް.ގެޓް ވެލް ސޫން ބްރަދާ.ވ.ވެދުން