ވެންޓިލޭޓަރުތަކުގެ ކޮރަޕްޝަން ހިންގި މީހުންނަށް އަދަބު ދެވެންދެން މަޖިލިސް ފާރަވެރިވާން ޖެހޭ: ނަޝީދު
ރައްޔިތުންގެ މަޖިލިހުގެ މިއަދުގެ ޖަލްސާގައި ނަޝީދު ވާހަކަފުޅު ދައްކަވަނީ.---ފޮޓޯ: މަޖިލިސް
21 އޮކްޓޯބަރ 2020 - 10:13
32 comments
ވެންޓިލޭޓަރު ގެނައުމުގައި ހިންގި ކޮރަޕްޝަނަށް ޒިންމާވާންޖެހޭ މީހުންނަށް އަދަބު ދެވެންދެން ރައްޔިތުންގެ މަޖިލިސް ފާރަވެރިވާންޖެހޭ ކަމަށް މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ކޮވިޑް-19 އާ ގުޅިގެން ދުބާއީ ކުންފުންޏަކާ ހަވާލުކޮށްގެން ވެންޓިލޭޓަރު ގެނައުމުގައި ކޮރަޕްޝަންގެ އަމަލުތަކެއް ހިންގި ކަމަށް ތުހުުމަތު ކުރެވޭ މައްސަލާގައި ހެލްތް މިނިސްޓަރު އަބްދުﷲ އަމީނާއި އެ މިނިސްޓްރީގެ ބައެއް އިސްވެރިންނަށް ދައުވާކުރަން އެންޓި ކޮރަޕްޝަން ކޮމިޝަން (އޭސީސީ) އިން ފޮނުވި މައްސަލައިގައި ދައުވާ ނުކުރެވޭނެ ކަމަށް ޕްރޮސެކިއުޓާ ޖެނެރަލް ވަނީ ނިންމައިފަ އެވެ. އެކަމަކު މިނިސްޓަރު އަމީން ވަކިކުރަން މަޖިލީހަށް އިއްޔެ މައްސަލަ ވައްދާފައި ވަނިކޮށް، އޭނާ ރޭ ވަނީ އިސްތިއުފާ ދެއްވައިފަ އެވެ.
މަޖިލީހުގެ މިއަދުގެ ޖަލްސާގައި ނަޝީދު ވިދާޅުވީ، އޭސީސީގެ ތަހުގީގަށް ބިނާކޮށް ދައުވާ ނުކުރެވޭނެ ކަމަށް ޕީޖީ ނިންމި މައްސަލަ މަޖިލީހުގެ ޖުޑިޝަރީ ކޮމިޓީން ބަލައިދޭން އެދިވަޑައިގަންނަވާ ކަމަށެވެ. ވެންޓިލޭޓަރު ހޯދުމުގައި ކޮރަޕްޝަން ހިންގި މީހުންނަށް ހައްގު އަދަބު ދީ އަދި ދައުލަތަށް ގެއްލުނު ފައިސާ ހޯދެންދެން މަޖިލީހުން ފާރަވެރިވާން ޖެހޭ ކަމަށް ނަޝީދު ވިދާޅުވި އެވެ. އެއީ މަޖިލީހުގެ ޒިންމާއެއް ކަމަށް ވެސް އެ މަނިކުފާނު ވިދާޅުވި އެވެ.
"އެ ފަރާތްތަކަށް ހައްގު އަދަބު ދެވި އަދި ދައުލަތަށް ގެއްލުނު ފައިސާ ދައުލަތަށް އަނބުރާ ހޯދުން. އެކަން ނިމެންދެން މި މަޖިލިސް މި މައްސަލާގައި ފާރަވެރިކަމާ އެކީގައި އޮތުމަކީ މި މަޖިލީހުގެ ގާނޫނީ ޒިންމާއެއް." ނަޝީދު ވިދާޅުވި އެވެ.
އެ މަނިކުފާނު ވިދާޅުވިގޮތުގައި، ޚިޔާނާތަށް ޖާގަ ނުދޭނެ ކަމަށް މެމްބަރުން ރައްޔިތުންނަށް ވަނީ ވައުދު ވެފަ އެވެ. މެމްބަރުން ތިއްބެވީ އެގޮތުގައި ކަމަށް ވެސް ނަޝީދު ވިދާޅުވި އެވެ.
ވެންޓިލޭޓަރުތަކުގެ މައްސަލާގައި ދައުވާ ނުކުރަން ޕީޖީ ނިންމުމާ އެކު، އޭސީސީ އަށް ގިނަ ފާޑުކިޔުންތަކެއް އަމާޒުވި އެވެ. އެކަމަކު އެ ކޮމިޝަނުން ބުނެފައިވަނީ ދައުވާ ކުރަން ފޮނުވީ އެކަށީގެންވާ ހެކި ހުރެގެން ކަމަށެވެ.
އެ މައްސަލައިގައި އަމީން ވަކިކުރަން މަޖިލީހަށް ހުށަހަޅަން އެމްޑީޕީގެ ޕީޖީ ގްރޫޕުން އިއްޔެ ފާސް ނުވިޔަސް، އެ ޕާޓީގެ 24 މެމްބަރެއްގެ ސޮޔާ އެކު އަމީން ވަކި ކުރުމުގެ މައްސަލަ ރޭ މަޖިލީހަށް ވެއްދި އެވެ. އަމީން މަގާމުން އިސްތިއުފާ ދެއްވީ ޖަވާބުދާރީވުމުގެ ނޯޓިސް ރޭ ފޮނުވާފައި ވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމާބެ
22 October 2020
444 ރުފިޔާ ނެގި މީހާއަށްވެސް ތިޙުކުމް އޮންނަންޖެހޭ، ޤާނޫނުއަސާސީ ބުނާގޮތުން ކޮންމެ ރައްޔިތަކީ ހަމަހަމަ މީހެއް، ޤަނޫނު އެމީހެއްގެ މައްޗަށް ހިންގުމުގައި ވަކި މީހެއް ތަފާތު ކުރުމެއްނޯވޭ، އެކަމަކު ދިވެހިރާއްޖޭގައި ޤާނޫނު މިފެންނަނީ މަކުނު ވާގަނޑެއްހެން، އޭގައި ބާރުދެރަ ކުޑަ އެއްޗެއް ޖެހިއްޖެއްޔާ ހައްޔަރުވޭ، ބާރުގަދަ ބޮޑު އެއްޗެއް ޖެހިއްޖެއްޔާ ފޫއަޅުވާލާފަ ސަލާމަތްވޭ.
ގާކޮށި ހުސޭނު
22 October 2020
ހުސްވަގުން ކުރުކޮއްލީމަ
ވަހީދުއްދީން
22 October 2020
ގާނޫނުން ބޭރުން އެއަރޕޯޓު ޖީއެމްއާރަށް ދިން މައްސަލަ ބަލަން ޖެހޭ. 300 މިލިއަން ޑޮލަރު އިންޑިއާއަށް ދޭން ޖެހުނީ މިބޭފުޅާއި ހެދި.
މޫސަ123
22 October 2020
މިސަރުކާރުން ރަތްޔިތުނަށް ވެފައިވާ ވައުދުތައް ކޮބައިތޯ މަޖިލިސް ސަރުކކާރަށް ލިބިގެން ނޫނީ ވައުދުތައް ނުފުއްދޭނެކަމަށް ބުނިމީހުން މިކުރަނީ ކޮންކަމެއްތޯ ތިޔަމަޖިލީހުން ރުހުންދިން މުއަށްސަސާތަކަށް އިތުބާރު ނެތީތޯ މިގައުމުގެ ވެރިޔަކީ މަޖިލިސްތޯ؟؟
Synergy9
22 October 2020
ތި އެއްނޫން ކަންނޭންގެ ވެގެން ތި އުޅޭގޮތަކީ. ބައި އަޅަންޖެހޭ މީހުނަށް ބައި ނޭޅީމަ، އެމީހުން މީނަގެ އަނގަ ބޭނުންކޮށްގެން ދުއްވާލަން ހިފީކަމަށް ބެލެވެނީ....
1234
21 October 2020
މަކުނު ގޮނޑިއައް ސަވާރުވާހެން. ހުސް މަކުނު.ވީ ވައުދުތައް ފުއްދޭތޯ އުޅުނިއްޔާ މާ ރަގަޅުވާނެ
ގޯސް
21 October 2020
މީނާ ނުރުހޭނަމަ އެމީހަކު ދުއްވަސް ދުއްވާލާނެ. ރުހޭނަމަ ކިތަންމެ ނުބައިމީހެއްވެސް ހުދު ކަފައަށްވާނެ. މިހާރަނގަޅުމީހެއްނަމަ އަދީބު ކޭ ލާރިވެސް ހޯދާނެ. އޭސީސީ ނުބައިވީ މީނާއާ ޝިފާގެ މައްސަލަ ބެލިހިސާބުން.
ފޫހި
21 October 2020
ގައުމުގެ މިނިވަންކަމަށް މާބޮޑަށް ފށރަވެރިވާންޖެހޭ. ނަޝީދު އަޑީގަހެރެ މާރިޔާ ލައްވާ މިހާރުވަނީ އެމެރިކާއާވެސް ނުބައި އެއްބަސްވުމެއްގައި ސޮއިކޮށްފަ. ބަލަ މި ދިވެހިރާއްޖެ30 އަހަރު ވަންދެން މައުމޫނު ވެރިކަންކުރެއްވީ ތިޔަބާރުތަށް ވަކި ހިސާބެއްގެ ދުރުމިނުގައި ބައިތިއްބައިގެންނޭ. ކޮރޮޕްޝަނަށްވުރެ ކަލޭމެން އެއްބަސްވެފައިވާ އެއްބަސްވުންތައް ހށމަކުރުން މާ މުހިންމު.
ދިއްދޫމީހާ
21 October 2020
މިހެން ވާތީއޭ ނަޝީދުއަ ތާއިދު ނުކުރަން ހުއްޓަސް އޮޓަމެޓިކުން ހަމަ ތާއީދު ކުރެއްވެނީ، އެއްވެސްކަމެ ފޮރުވާކަން ނޫޅޭނެ އެކަމް ތަންކޮޅެ އަނގަ މައިތިރި ކޮއްލީމަ ބޮޑަށް ލައިކް ވެވޭނީ،،،
ވަހީދުއްދީން
22 October 2020
އޭނަ ބޭނުންވަނީ ރާއްޖޭގެ ރައީސްކަން. އެހެންވެ 2023 އަށް މަގު ކޮށަނީ. އިބްރާހިމްބެއަށް އެމްޑީޕީގެ ޓިކެޓް 2023 އަށް ދޭދުވަހު ވާގޮތް ބަލަން ހުރޭ.
ބޮޑުވަޒީރު
21 October 2020
ދިވެހި ދައުލުތަނުން އަހަރަކު 100 މިލިއަނަށްވުރެ ގިނަ ފައިސާ ލިބޭ ކުންފުނީގެ ހިއްސާދާރު ހުރީ އެމްޑީޕީ އެމްޕީއެއްގެ ގޮތުގައި. އެކަންކަން ފޮރުވަން ވެގެން އަމީން ސޮރު ކަރު ބުރިކޮށްލީ. ކޮވިޑް ތެރޭ އެ ސޮރު ކުރި މަސައްކަތަށް ދިން އިނާމު. ދައުލަތުގެ ފިނޭންސް މިނިސްޓަރާ ސީއެފްއޯ އަށް ނޭގިބާ ފައިސާ ދިނީ.