މާލޭގައި ނަޖިސް ލީކުވުން ހުއްޓުވަން 75 މިލިއަން ރުފިޔާގެ މަޝްރޫއެއް ފަށަނީ

ޖަމާލުންދީން ސްކޫލް ކައިރިން ނަޖިސް ފެން ބޭރުވަމުންދިޔަ ޖަންކްޝަންގެ ކައިރިން މީހަކު ހިނގާފައި ދަނީ: މި މައްސަލަ ދޭތެރެ ދޭތެރެއިން ދިމާވާއިރު، އަދިވެސް ހައްލެއް ނުލިބޭ.-- ފައިލް ފޮޓޯ: ނިޝާން އަލީ/ މިހާރު

އަލީ ނާފިޒް، މިހާރު

31 އޮކްޓޯބަރ 2016 - 13:44

16 comments

މާލޭގެ ޖަންކްޝަންތަކުން މަގުމައްޗަށް ނަޖިސް ލީކުވާ މައްސަލަ ހައްލުކުރަން، 75 މިލިއަން ރުފިޔާ އަށް ވުރެ ބޮޑު މަޝްރޫއެއް އަންނަ އަހަރު ކުރީކޮޅު ފަށަން އެމްޑަބްލިއުއެސްސީން ނިންމައިފި އެވެ.

ސަރުކާރު ފެން ކުންފުނީގެ މެނޭޖިން ޑިރެކްޓަރު ފަޒުލް ރަޝީދު މިއަދު ވިދާޅުވީ މިހާރުގެ ނިޒާމު ގާއިމް ކޮށްފައި ވަނީ 70،000 މީހުންގެ އާބާދީއަކަށް ބަލައިގެން ކަމަށެވެ. އެކަމަކު، މާލޭގެ އާބާދީ މިހާރު ގާތްގަނޑަކަށް 170،000 އަށް އަރާފައި ވާއިރު، މިހާރު ހުރި ނަރުދަމާ ނިޒާމުގެ ކެޕޭސިޓީ އެ ވަރަށް ނުލިބޭ ކަމަށް އޭނާ އެއްބަސްވެވަޑައިގެންނެވި އެވެ.

އެހެންވެ، 2018 ގައި ނިންމަން އަމާޒު ކުރާ މަޝްރޫއު ބައްޓަން ކޮށްފައި ވަނީ 300،000 މީހުންގެ އާބާދީއަަކަށް ކަމަށް ފަޒުލް ވިދާޅުވި އެވެ. އޭނާ ވިދާޅުވީ މި މަޝްރޫއުގެ ދަށުން މިހާރުގެ ނިޒާމުގެ ކެޕޭސިޓީ އިތުރު ކުރުމުން، ކުރި އަށް އޮތް 50 އަހަރު ދުވަހަށް ބޭނުންވާ ކެޕޭސިޓީ ލިބޭ ވަރު ވާނެ ކަމަށެވެ.

އަލަށް ފަށާ މަޝްރޫއުގެ ދަށުން މައިގަނޑު ހަ ކަމެއް ކުރާނެ އެވެ. އެއީ:

- މިހާރު ހުރި މައި ޖަންކްޝަންތަކުގެ މަތިން އިތުރު "ޝެލޯ ލައިނެއް" ލުން.

- ޖަންކްޝަންތަކުގައި ބޭނުން ކުރާ ޕަމްޕުތަކުގެ ކެޕޭސިޓީ އިތުރު ކުރުން.

- ޕަންޕު ހަރުކުރަން އިތުރު ދެ ލައިން އެޅުން.

- އެންމެ ބާރު ބޮޑުވާ ސަރަހައްދުތަކުގައި އިތުރު ލައިންތަކެއް އެޅުން.

- ތިން ސަރަހައްދެއްގައި ހޮޅި އެޅުން.

- އިމަޖެންސީ ނިޒާމެއް ގާއިމުކުރުން.

ފަޒުލް ވިދާޅުވި ގޮތުގައި މި މަޝްރޫއުގެ ދަށުން މުޅި މާލޭގައި 1،700 މީޓަރަށް ވުރެ ދިގުމިނުގެ ހޮޅި އަޅާނެ އެވެ. އޭނާ ވިދާޅުވީ ޕަމްޕު ސްޓޭޝަންތަކުގައި ގާއިމުކުރާ، ކުއްލި ހާލަތުގައި ބޭނުން ކުރާ ނިޒާމު ފަރުމާކޮށްފައި ވަނީ ޖަންކްޝަންތައް ފުރުން ފަދަ ހާލަތްތަކުގައި، އެ ނިޒާމާ ގުޅާފައިވާ ލައިންތައް އޮޓަމެޓިކުން އެކްޓިވޭޓްވެ، މާލޭގެ ސިނާއީ އަވަށާއި މަސްވެރިންގެ ޕާކު ސަރަހައްދުން ބޭރު ވާނެ ގޮތަށް ކަމަށެވެ.

މާލޭގެ ނަރުދަމާ ނިޒާމު ގާއިމުކޮށްފައި ވަނީ 1980ގެ އަހަރުތަކުގެ ތެރޭގައި އޭރު އޮތް 70،000 ނުވަތަ 80،000 މީހުންގެ އާބާދީ އަށް ބިނާކޮށެވެ. އެކަމަކު މާލޭގެ އާބާދީ މިހާރު 200،000 އާ ގާތް ކުރާއިރު، މުޅި ނިޒާމަށް ބާރު ބޮޑުވެ، ޖަންކްޝަންތަކުން ނަޖިސް ލީކުވުމުގެ މައްސަލަ އަންނަނީ ދިމާވަމުންނެވެ. އެކަމަކު، އެ މައްސަަލަ އަށް ދާއިމީ ހައްލެެއް މިހާތަނަށް ހޯދިފައެއް ނުވެ އެވެ.

މާލެ އެމްޑަބްލިއުއެސްސީީ އިބްރާހިމް ފަޒުލް ރަޝީދު (ކުރީގެ އެމްޑީ، އެޗްޑީސީ)

16 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެދުރުބެ

01 November 2016

ރަގަޅު ކަމެއް. އެކަމަކުވެސް އަދިވެސް މާލެއަށް އިތުރުކުމުގެ ވިސްނުން ހުރިކަމަށް ފެނޭ. މިއީ ރަގަޅު ވިސްނުމެއް ނޫން. ފިނޭންސް އިމާރާތް ހުޅުމާލެ އަށް ބަދަލް ކުރުމީ ވަރަށް ރަގަޅު ނިންމުމެއް. މާލެއިން މީހުން މަދު ކުރުމީ ކޮންމެހެން ކުރަން ޖެހެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ

31 October 2016

ތިމަރައިގެ ބޭނުން ނުހިފައި ފިއްޔާ ވެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރޯ

31 October 2016

ކޮންމެ މުއައްސަސާއަކުން ބަލަނީ އަނެއް މުައައްސަސާއަށް ވުރެން ގިނައިން ކެވޭތޯ. ރަގަޅު ސްޓަޑީއެއް ނުހަދާ ފަށާ މިފަދަ ބޮޑެތި މަޝްރޫޢުތައް ދަނީ 'ރަސްފަންނު' އަށް ވަމުން. ރައްޔިތުންގެ ފައިސާ އެންމެ އެދެވޭ ގޮތުގައި ޚަރަދުކުރަން ގޮވާލަން.