އަދާލަތު ޕާޓީގެ ރަސްމިއްޔާތެއްގައި އެ ޕާޓީގެ ބައެއް އިސްވެރިން ބައިވެރިވެވަޑައިގަންނަވަނީ. --ފޮޓޯ/އަދާލަތު ޕާޓީ
28 އޮކްޓޯބަރ 2020 - 12:11
9 comments
ވެރިކަން ކުރާ ކޯލިޝަންގައި ހިމެނޭ، އަދާލަތު ޕާޓީގެ ކޮންގްރެސް އަންނަ ފެބުރުއަރީ މަހު ބާއްވަން އިއުލާންކޮށްފި އެވެ.
އެ ޕާޓީން ބުނި ގޮތުގައި ފެބުރުއަރީ 26 އާއި 27 ގައި ބާއްވާ ކޮންގްރެސްގައި އެކި މަގާމްތަކަށް މީހުން ހޮވާނެ އެވެ. އޭގެތެރޭގައި ޕާޓީގެ ރައީސާއި ނައިބު ރައީސާއި ދާއިރާތަކުގެ ރައީސުންނާއި ގޮފިތަކުގެ ހިންގާ ކޮމިޓީއަށް މީހުން އިންތިޚާބުކުރާނެ ކަަމަށް އެ ޕާޓީން ބުންޏެވެ.
އަދާލަތު ޕާޓީގެ ޒުވާނުންގެ މަޖިލީހާއި އަންހެނުންގެ މަޖިލީހާއި ފަނޑިޔާރުންގެ މަޖިލީހަށް ކުރިމަތިލުމުގެ ފުރުސަތު ވަރަށް އަވަހަށް ހުޅުވާލާނެ އެވެ.
އެ ޕާޓީން ބުނި ގޮތުގައި ކޮންގްރެސްއަކީ އެ ޕާޓީގެ ހިންގާ ގަވާއިދުގައި ބަޔާންކޮށްފައިވާ އެންމެ އިސް ރުކުނެވެ. މި ބައްދަލުވުމުގައި، އިލްމުވެރިންނާއި މަޝްވަރާ މަޖިލީހާއި ޒުވާނުންގެ މަޖިލީހުގެ އިތުރުން އެކި ދާއިރާތަކުގެ މަންދޫބުން ބައިވެރިވެވަޑައިގަންނަވާނެ ކަމަށް އަދާލަތުން ބުންޏެވެ.
ވެރިކަމުގައި ހިއްސާ އޮތް އަދާލަތު ޕާޓީގެ ރައީސަކީ ހޯމް މިނިސްޓަރު އިމްރާން އަބްދުﷲ އެވެ. ސަރުކާރުގެ އެކި މަގާމްތަކުގައި ވެސް އެ ޕާޓީގެ މެމްބަރުން އެބަތިއްބެވި އެވެ.
އިލެކްޝަންސް ކޮމިޝަންގެ ހިސާބުތަކުން ދައްކާގޮތުގައި އަދާލަތު ޕާޓީގެ މެމްބަރުންގެ ގޮތުގައި 6،600 އަށް ވުރެން ގިނަ މީހުން ރަޖިސްޓްރީވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިމްރާންްއަހުމަދު
29 October 2020
އަދާލަތު ޕާޓީއަކީ ނަމަކަށް އޮންނަ ތަނެއް . ތިތަން އުވާލިޔަސް މީހަކަށް ކަމެއްވީހެންވެސް ހިޔެއް ނުވާނެ
ދިއްދޫމީހާ
28 October 2020
އަދާލާތު ޕާޓީއޭ؟؟ އެއީ ކޮން ޕާޓީއެ؟
ކުދުބެއްޔާ
28 October 2020
އިމްރާން ބޭރުކުރަން މާލަސްވެއްޖެެ، ޝޭހަކަށްވެސް، ބޭހަކަށްވެސް ކަމަކުނުދޭ
ޙަލީމު
28 October 2020
ނަފުސު ވި އްކަ އިގެން ކަ އިބޮ އެ އުޅޭ އަންހެނެކޭ ކޮބާ ތަފާތަކީ.
އިބިރިހިންބެއްޔާ
28 October 2020
މާލަސްވެއްޖެ. އިމްރާނުވެސް މިނިވަންވާން ވެއްޖެ. ޑީޕީގެ އަޅަކަށް އުޅޭކަށެއް ނުޖެހޭ.
ލާލުޕަރީ
28 October 2020
ސިޔަަސި ސޭހު އިސްތިއުފާ. ދައްކާ ވާހަކަ ދިމާނުވާ ސޭހެއް. ހުރިހާަ މަރެއްގެ ހެކި ތިމަންނަ އަތުގަ ހުރި ވާހަކަ ބުނި ސޭހެއް. މިހާރު އެބުނަނީ ހެކިތައްވީ ފުލުހުން ގެންގޮހޭ. އެކަން ބަލާކައް ވަގުތެއްނެތޭ. ސޭހު އެހުރީ ކޮންކަމެއް ބަލަންބާ އެތަނާ ހަވާލުވެ އެކަމައް ވަގުތު ނޯންނަނީ. އެއީ ނާޗަރަންގީ ކުޅެން ހަވަލާލުވެހުރި މަގާމެއްތަ. ސިޔާސީ ސޭހު އިސްތިއުފާ.
އާން
28 October 2020
އަވަސް އަވަސް
ބައިރޯ
28 October 2020
ތީ ސިޔާސީ ގޮތުން ދެގުއްލަ ހަމަވާ ޕާޓީއެއްނޫން
ރަދީފްއޮފިޝިއަލް
28 October 2020
އަދާލަތު ކިޔާ ޕާޓީއެއް އެބައޮތްތަ؟ މަށަށް ޔަގީން 200 މީހުންވެސް ހަމަނުކުރެވޭނެ ކަލޭމެންނަށް.#ބޭންއަދާލަތު #ބޭންއަދާލަތު