ގާނޫނުގައި ނެތީސް ބަދަލުގެ މިންވަރު އެއް އަހަރަށް ލިމިޓެއް ނުކުރެވޭނެ: ސުޕްރީމް ކޯޓް

ސުޕްރީމް ކޯޓު: ގާނޫނާ ޚިލާފަށް ވަކި ކުރުމުން ނަގައިދޭ ބަދަލުގެ މިންވަރު އެއް އަހަރަށް ލިމިޓް ކުރެވެން ނެތް ކަމަށް އެ ކޯޓުން ވަނީ ނިންމާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

03 ނޮވެމްބަރ 2020 - 13:27

8 comments

ގާނޫނާ ޚިލާފަށް ވަޒީފާއިން ވަކިކުރާ މައްސަލަތަކުގައި ބަދަލު ނަގައިދޭ މިންވަރު އެއް އަހަރަށް ލިމިޓް ކުރެވެން ނެތް ކަމަށް ސުޕްރީމް ކޯޓުން އިއްޔެ ހުކުމްކޮށްފި އެވެ.

ގާނޫނާ ޚިލާފަށް ވަޒީފާއިން ވަކިކުރާ މައްސަލަތަކުގައި ބަދަލުގެ ގޮތުގައި ނަގައިދެވޭނެ މިންވަރެއް ރާއްޖޭގެ ވަޒީފާއާ ބެހޭ ގާނޫނުގައި ނެތެވެ. އެކަމަކު ބޭރު ގައުމުތަކުގައި އަމަލުކުރާ ގޮތަށް ރިއާޔަތްކޮށް، ދައުލަތުން އެދެނީ ބަދަލުގެ މިންވަރު ގިނަވެގެން އެއް އަހަރުގެ މުސާރަ އާއި އިނާޔަތްތަކަށް ލިމިޓް ކުރުމަށެވެ. އެގޮތަށް ހައި ކޯޓުން ވެސް ބައެއް މައްސަލަތަކުގައި ނިންމާފައިވެ އެވެ.

އެމްއެންޑީއެފްގެ ވަޒީފާއިން 2013 ވަނަ އަހަރު ވަކިކުރި ސާޖެންޓް ފަސްޓް ކްލާސް އަލީ ވަހީދު ވަކިކުރި މައްސަލާގައި ސުޕްރީމް ކޯޓުން އިއްޔެ ކުރި ހުކުމުގައިވަނީ އެފަދަ މައްސަލަތަކުގައި ބަދަލު ދެވޭނީ އެއް އަހަރުގެ މުސާރަ އާއި އިނާޔަތްތައް ކަމަށް ދައުލަތުން ބުނެފައި ވިޔަސް، ވަޒީފާއާ ބެހޭ ގާނޫނުގައި އެކަމަށް ލިިމިޓެއް ކަނޑައެޅިފައިނުވާ ކަމަށެވެ. އަދި ދައުލަތުން އެގޮތަށް އެދެނީ ދައުލަތުން އަމަލުކުރާ ގޮތެއްގެ މައްޗަށް ކަމަށާއި އެހެންވެ، ގާނޫނުގައި ނެތީސް ބަދަލުގެ މިންވަރު އެއް އަހަރަށް ލިމިޓް ނުކުރެވޭނެ ކަމަށް އެ ހުކުމުގައިވެ އެވެ.

ހުކުމުގައިވާ ގޮތުން އެހެން ގައުމުތަކުގައި ބަދަލުގެ މިންވަރު އެއް އަހަރަށް ލިމިޓް ކުރަނީ ގާނޫނުތަކުގައި އެކަން ލިޔެގެންނެވެ. އެގޮތުން އިނގިރޭސިވިލާތާއި އޮސްޓްރޭލިއާ އާއި ދެކުނު އެފްރިކާ މިސާލެއްގެ ގޮތުން އެ ފާހަގަކޮށް، އެ ހުކުމުގައިވަނީ ރާއްޖޭގައި އެފަދަ އުސޫލުތަކެއް ގާނޫނުގައި ނެތަސް، ބަދަލު ދިނުމުގައި ގެއްލުނު މުއްދަތުގެ މުސާރަ އާއި އިނާޔަތްތައް އެއްކޮށް ނަގައި ދިނުން ލާޒިމްނުވާ ކަމަށް ކުރިން ސުޕްރީމް ކޯޓުން ކަނޑައަޅާފައިވާ ކަމަށެވެ.

މީގެ އިތުރުން ބަދަލު ލިބިދިނުމުގައި މުވައްޒަފަށް ނުހައްގު މުއްސަނދި ކަމެއް ލިބޭ ގޮތަށް ބަދަލު ނަގައިދީގެން ނުވާނެ ކަމަށާއި އެހެން ވަޒީފާއަކުން އާމްދަނީއެއް ލިބެމުން އައި ނަމަ އެކަންކަމަށް ރިއާޔަތް ކުރަން ޖެހޭނެ ކަމަށް ކުރީގެ ހުކުމުގައި ކަނޑައަޅާފައިވާނެ ކަމަށް ވެސް ހުކުމުގައިވެ އެވެ.

ސުޕްރީމް ކޯޓުގެ ތިން ފަނޑިޔާރުންގެ އިއްތިފާގުން ކުރި ހުކުމުގައި އަންގާފައި ވަނީ އަލީ ވަހީދު އެމްއެންޑީއެފްގައި ކުރިން ހުރި ފެންވަރުގެ ވަޒީފާއެއް އަލުން ދިނުމަށެވެ. އަދި އޭނާއަށް އަދުލުވެރި ބަދަލެއް ހައްގުވާ ކަމަށާއި އެކަމަކު ބަދަލު ހޯދަން އޭނާގެ ފަރާތުން ކޯޓަކަށް ހުށަހަޅައިފި ނަމަ އެއާ މެދު ގޮތެއް ކަނޑައެޅިދާނެ ކަމަށް ހުކުމުގައިވެ އެވެ.

ސުޕްރީމް ކޯޓް ވަޒީފާ ޖޮބް ސެކިއުރިޓީ ވަޒީފާ ނުލިބުން

8 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކީކޭ ބުނާނީ

03 November 2020

ޖުޑިޝިއަރީ ފެއިލްވެ މައްސަލަތަރް ނުނިންމާ ދިގުލައިގެން ދިޔުމުގެ ޒިންމާވެސް ނަގަން މިޖެހެނީ ސަރުކާރަށް. މާނައަކީ އޭނަޔަށް ޕޭކުރަން މިޖެހެނީ އަހަރުމެންގެ ޓެކްސް ލާރިންނޭ. އެއްވެސް ކަމެއްގަ ޒިންމާ ވާނެ ފަރާތެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯރި

03 November 2020

ބަދަލުގެ ގޮތުގައި ދޭންވާނީ އާމްދަނީ ލިބޭ މަސައްކަތެއް ކޮށްފައިވާނަމަ އެ މަސައްކަތަކުން ލިބުނު އާމްދަނީ އުނިކޮށްފައި ބާކީވާ ބައެވެ. މިހާރު ބަދަލު ނައިދޭގޮތް އެއްގޮތަކަށްވެސް އިންސާފުވެރިއެއް ނޫނެވެ. އަދި އެފަދަ ބަދަލެއްވާނީ ހަލާލު ނޫން ނުހައްގު މަންފާއަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދަލު

04 November 2020

އެހެން ވެއްޖެ ނަމަ ތިމާ، މަސައްކަތްކޮށްގެން އެއަށްވުރެ އިތުރަށް އާމްދަނީ ހޯދަިއފައިވާނަމަ އެބައި ދައުލަތަށް ނަންގަވަންވެސް ޖެހިލައްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސާފިރު

03 November 2020

އެސްޓީއޯ، ފެންކުންފުނި، އެމްޓީސީސީ އިން މީހުން ވަކިކުރިމީހާ ކޮބާ. އޭނަޒިންމާކޮއްބަލަ. ލާރިކާންވެގެން މީހުންތައްބިކަކުރަނީ. ވަކިސަހަލު ސަރުކާރެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޒިމު 2023

03 November 2020

އެންމެ ގިނައިން ވަޒީފާތަކުން މީހުން ކެނޑި މީހަކީ އާދަނު. އާދަނުމެން ކަހަލަ މީހުން ޖެހޭން ޒިންމާ ކުރުވަން. ބަދަލުދޭ މިންވަރެއްނޫން ލިމިޓްކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިބަރު ވަދު

03 November 2020

އަދިކިރިޔާ އަހަރެމެންނަށް ބައިނަލް އަގްވާމީ ފެންވަރުގެ ސުޕްރީމް ކޯޓެއް މި ގައުމަށް ލިބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

03 November 2020

މިމައްސަލައިގައި ދައުލަތުން ސްޓޭންޑް ބަދަލުކުރި. އަދި ހުކުމުގަ އޮވޭ ދެފަރާތް އެއްބަސްވާނަމަ ފަނޑިޔާރުންނަކަށް ގޮތެއް ނުކިޔޭނޭ. ދެފަރާތުން އެއްބަސްވެދާނެ ގައުމު ދިރުޥާލަންވެސް. މިހުކުމުން އެގެނީ ފަނޑިޔާރުން އަމަލުކުރަނީ ގާނޫނަށް ނޫންކަން. ޢެހެންކޯޓުތަކުގައި ކަރުން ނާރު ނަގާފަ ނެގި ދިފާއުތައް ސުޕްރޯމް ކޯޓުގައި ޗޮކުން ދުއްވާލާ ބައިކޮޅަށް ކުޅެންފެށީމާ ދަށުކޯޓުގެ ޙުކުމް ބިނާކުރި ސަބަބު އެގުޑުވާލެވެނީ. ސުޕްރީމްކޯޓަކީ ޗަރުކޭސް ދައްކާތަނަކަށް ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

03 November 2020

ބަދަލުގެ މިންވަރު ލިމިޓްކުރާނެކަމެއްނެތް. ބަދަލު ދޭއިރު ބަލަންޖެހޭ ކަންކަން ހުންނަންވާނެ. 1. ވަޒީފާއިން ވަކިކުރިފަހުން އެމީހަކަށް އެއްވެސް އާމްދަނީއެއް ލިބުނުތޯ؟ 2. މަސައްކަތް ނުކުރާ ދުވަސްތަކަށް ވެސް މަސައްކަތްކުރާ މީހާއަށް ދެވޭ ހުރިހާ އެލަވަންސް ތަކެއް ޙައްގުތޯ؟ އިންސާފަކީ އިންސާފަކީވެސް ޙައްގު މިންވަރަކީ ވެސް ވަކިކުރިފަހުން ލިބުނު އާމްދަނީ ހިސާބުކޮށް، ވަޒީފާގައި ހުރިނަމަ ލިބޭނެ އާމްދަނީއިން އުނިކޮށް އިތުރުވާބައި ދިނުން. ނުވަތަ އަސާސީ މުސާރަ.