ރައީސް އިބްރާހިމް މުހައްމަދު ސޯލިހް: މި މަހާއި އަންނަ މަހުގެ ތެރޭގައި ފްލެޓްތަކެއްގެ ބިންގާ އަޅާނެ ކަމުގެ ޔަގީންކަން ދެއްވި. --ފޮޓޯ/މިހާރު
11 ނޮވެމްބަރ 2020 - 12:13
75 comments
މާލޭގެ ރައްޔިތުންނަށް ޚާއްސަކޮށްގެން ބޯހިޔާވަހިކަމުގެ މަޝްރޫއުތަކެއް ފެށުމަކީ އަންނަ އަހަރު މި ސަރުކާރުން އިސްކަންދީގެން ކުރާނެ އެއް މަސައްކަތް ކަމަށާއި އަމާޒަކީ އަންނަ މަހު 3،000 ފްލެޓުގެ ބިންގާ އެޅުން ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
ޖުމްހޫރީ ދުވަހުގެ މުނާސަބަތުގައި ރައްޔިތުންނާ މުޚާތަބްކުރައްވައި ވެރިކަމުގެ ތިން ވަނަ އަހަރުގެ އަމާޒުތައް ހިއްސާކޮށްދެއްވަމުން ވިދާޅުވީ ލާމަރުކަޒީ ނިޒާމުން ޚިދުމަތްތައް ބަހާލައި ރާއްޖެ ތަރައްގީކުރާއިރު އެ އަމާޒުން މާލެ ކައްސާލައިގެން ނުދާ ކަމަށެވެ. މިހެން ވިދާޅުވީ، ލާމަރުކަޒު ކުރުމުގެ ޕްލޭންގެ ދަށުން އަތޮޅުތަކުގައި ސިއްހީ ހިދުމަތާއި ތައުލީމާއި އެ ނޫން ވެސް ވައުދުތައް ހިއްސާކޮށްދެއްވުމަށް ފަހު އެވެ.
ރައީސް ވިދާޅުވި ގޮތުގައި ކުރިއަށް އޮތް އަހަރު ސަރުކާރުން ކުރާނެ އެންމެ މުހިއްމު މަސައްކަތަކީ މާލެ އަށް އުފަން، އަމިއްލަ ބޯހިޔާވަހިކަމެއް ނެތް ރައްޔިތުންނަށް ބޯހިޔާވަހިކަން ހޯދައިދިނުމެވެ.
"ކުރިއަށް އޮތް އަހަރު ސަރުކާރުން ކުރާނެ އެންމެ މުހިންމު މަސައްކަތަކީ، އަމިއްލަ ބޯހިޔާވަހިކަމެއް ނެތް، މާލެއަށް އުފަން ރައްޔިތުންނަށް ބޯހިޔާވަހިކަން ހޯދައިދިނުމުގެ ހާއްސަ މަޝްރޫއުތަކެއް މާލެ ސަރަޙައްދުގައި ފެށުން،" ރައީސް ވިދާޅުވި އެވެ.
މާލޭގެ ރައްޔިތުންގެ އެންމެ ބޮޑު ޝަކުވާއަކީ ބޯހިޔާވަހިކަން ނުލިބި އެތައް އާއިލާތައް ބިކަވެފައި ތިބުމެވެ. ހުރިހާ ސަރުކާރުތަކުން މަޝްރޫއުތައް ކުރިއަށް ގެންދާއިރު ވެސް މާލޭގެ ރައްޔިތުން ބާކީވާތީ، ޚާއްސަ މަޝްރޫއުތަކެއް ކުރިއަށް ގެންގޮސްދޭން އެދި އަޑުއުފުލާފައިވެ އެވެ. އެކަމަށް ހައްލު ހޯދައިދިނުމަކީ މި ސަރުކާރުގެ ވައުދެކެވެ.
ރާއްޖެ ޓީވީގެ "ފަށާއިރު" ޕްރޮގްރާމްގައި ވެސް ރައީސް ވިދާޅުވީ އެމަނިކުފާނުގެ ދެ އަހަރު، ރައްޔިތުން އެންމެ ބޭނުންވާ ސްޕީޑުގައި ނުގެންދެވުނު އެއްކަމަކީ ބޯހިޔާވަހިކަން ކަމަށާއި މާލޭގެ ރައްޔިތުން ތޮއްޖެހިގެން ދިރިއުޅޭ ހާލަކީ އުނދަގޫވެވަޑައިގަންނަވާ ކަމެއް ކަމަށެވެ. މި މަހާއި އަންނަ މަހުގެ ތެރޭގައި، 3،000 ފްލެޓުގެ ބިންގާ އަޅާން ނިންމާފައިވާ ކަމުގެ ޔަގީންކަން ދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
13 November 2020
2 ކޮޅު ޖެހޭ އާމްދަނީއެއް ޔަޤީންވާ ކޮންމެ މީހަކަށް ބޯހިޔާވަހިކަން އެބަހުރި!
ބޮކިއަލިބެ
12 November 2020
ކީކޭދެންބުނާނީ. ކވިލިގިނލި އާބާދުކުރީ މާލޭމީހުން ބޯހިޔާވަހިކުރަން. ހަނިމާދޫންއިނާއި ރަށްރަށުން ގޯތިދޫކުރީ ތިޔަބޯހިޔާކުރަން. ހުޅުމާލެހިއްކައި އާރާސްތުކުރީ މާލޭމީހުންގެ ބޯހިޔާކުރަން. މާލޭއެތަންމިތާ ފުލެޓުއެޅީ ހަމަ ތިބުނާ ބޮލެއްހިޔާކުރަން. ދެވަނަ ބަޔަކަށް ހުޅުލޭ ފަޅުހިއްކީވެސް ތިޔަބުނާބޮލަކަށް. ނަތީޖާކޮބާ؟ މިބުނެވުނު ގިނަބިންތައް ވިޔަފާރިއަށް ބޭނުން ކުރަނީ އޭރުވެސް ބިންވެރިން. އެއްކަލަ ހަގީގީ ބޭނުންބޮޑުވި ނިކަމެތިމީހާ އަދިވެސް އެހާލުގައި. ރޭވުމެއްނެތީ
ކަންނާޑި
11 November 2020
ކަލޭމެންނަށް މޭ ރައްޔިތުން ހައްދައިގެން ލައްކަ ދުވަހު ގެންގުޅެވިއްޖެ ....ތިޔަ 3،000 ފްލެޓުގެ އަނދުނެއް ދެން މާލޭ ރައްޔިތުންގެ ލޮލުގައި ނޭޅުވޭނެ! ދެން ވޯޓެއް ނުލާނެ ވޯޓެއް ނުދޭނެ !
ތިލަފަޅު މޫސަ
11 November 2020
3،000 ފްލެޓުގެ ބިންގާ އަނެއް ފަސް އަހަރު މާލޭ ހައްދިހަ ހާސް ރައްޔިތުން ތިބެންވީ ފިތިފައި ... ދެން ވޯޓެއް ނުދެވޭނެ އާއިލާ މީހަކު ވެސް ވޯޓުލިޔެކަ ނުދޭނަން ....
ާހަސަންބެ
11 November 2020
ޣައުމަށް ލިބޭހާ ފައިސާ މާލެއަށް އޮސަމުންދަނީ. ޣައުމު ދަރަނިވެރިވެ ރައްޔިތުން ބިކަކޮށް ހިޖުރަކުރަން މަޖުބޫރުވާގޮތަށް ހިންގާ ހީލަތްތެރި ކަންކަން މަޝްރޫއޭ ޕޮރޮޖެކްޓޭ ކިޔައިގެން. ޢެއްރަށް ދައުލަތެއްގެ ސިފަޖައްސަން . ހަމަހަމަކަން ގެއްލި ހިގައްޖެ. ޢެހެން ސަރަހައްދެއްގައި އިޤްތިސާދީ އެއްވެސް ހަރަކާތެއް ހިންގުނަ ނުދޭން. .ޤާނޫނުއަސީގަ އޮންނަ ހަމަހަމަކަމުން ރައްޔިތުން މަހުރޫމު ވެއްޖެ. ޤާނޫނައި ގަވާއިދާއި ހިލާފަށް އުޅޭ ބިދޭންނަށް ވުރެ ދިވެހިން ނިކަމެތި
Ali Gasim
11 November 2020
މަލޭ ރައްޔިތުންގެ ބޯހިޔާވަހިކަން ނޫން އެހެން ބޯހިޔާވަހިކަމެއް ނެތްގައުމެއްތަމީ
އިބްރ
11 November 2020
މުޅި ރާޢްޖޭގައިވެސް ތިއްބެވީ މާލޭމީހުން. އެހެންވީމާ ދެން މާލޭ ރައްޔިތުންނަކަށް ނޫންތޯ ހުރިހައި ކަމެއްވެސް ކޮށްދޭނީ.
ތިލަފަޅު
11 November 2020
ތަފްތަރު ކިޔާ ރަށެއް މި ސަރުކާރުން ހިއްކަޔޯ
ާއުނިމާ
11 November 2020
މާލޭ ދަފްތަރު މީހުން ދާންވީ ގާދޫކޮލުން ބޭރަށްތޯ؟ ޤާނޫނު އަސާސީޔާ ޚިލާފަށް ފުލެޓެއް ނުދެވޭނެ ހަމައެކަނި މާލޭމީހުނަށް އެކަނި! ދަފްތަރު މީހުނަށްވެސް މާލޭ އުފަންމީހުނަށް ދޭންޖެހޭ ހުރިހާ އިނާޔަތެއް ފުލެޓުވެސް ލިބެންޖެހޭނެ! ޤާނޫނީ ގޮތުން އެއީމާލޭ ރަޖިސްޓަރީގައި ތިބި މީހުން! ތިޔަ ފެންނަނީ ވެރިކަން ބީވެގެން ދިޔުމުގެ ނިޝާންތައް! އެންމެނަށް ފުލެޓް ދީފަ އުވާލަންވީނު!
ކޭތަ
11 November 2020
1 އަހަރުކުރިން - "ބޯހިޔާވަހިކަމުގެ ބޮޑު މަޝްރޫޢުއެއް މާލޭގައި ފަށަނީ" 8 މަސްކުރިން - "މާލޭގައި ހަދާ ހައުސިންޔުނިޓްގެ މަސައްކަތް އަންނަމަހު ފަށަނީ" މިއަދު - "މާލޭގެ ރައްޔިތުންނަށް ބޯހިޔާވަހިކަމުގެ ޚާއްސަ މަޝްރޫއުތަކެއް އަންނައަހަރު ފަށަނީ"
ކައްކާ
11 November 2020
މާލޭ ހުރިހާ ތުއްޕުޅު ބޭފުޅުންނާ ހުރިހާ ބޭބޭފުޅުންނަށް ސަރުކާރު ހަރަދުގަ ހުޅުމާލޭގަ ފުލެޓުހަދާދީފަ މާލެއަކީ އެބޭފުޅުން ކުލީ ވިޔަފާރިކުރާތަނަކަށް ހަދަން ކަންނެ ޕުލޭނުގަ އޮތީ. އެކަން އެގޮތަށްކޮށްފަ ބުނާނީ އުތުރު ރަށްރަށަށްވެސް ކައިރި ރަށްރަށް ދަނޑުގޮވާންކުރަން ދީފަ އޮންނަ އުސޫލުންނޭ އެހެންހެދީ.
ދުންމާރި އަޑު
11 November 2020
ވެރިކަމަށް އައުމުގެ ކެމްޕެއިން ތެރޭގަ ވެސް ބުނި ފުރަތަމަ އިސްކަން ދޭނީ ވެށިފަހި ޕޮރޮގްރާމް އަށް ހުޝަހަޅާފަ ހުރި ފޯމް ތަކަށޭ ވެރިކަން ލިބުނީމަ ބުނީ އެފޯމް ތަޢް ނެތޭ އެކަމަކު ކެމްޕެއިން ދުވަސް ކޮޅު ފޯމް ހުޝަހެލިމީހުނަށް ގުޅަން އެގުނު ދެން ކިހިނެއް މިމީހުން ދައްކާވާހަ ގަބޫލް ކުރާނީ