17 ނޮވެމްބަރ 2020 - 00:18
8 comments
ވޭތުވެދިޔަ 24 ގަޑިއިރު ތެރޭ ރާއްޖޭން ކޮވިޑް-19 އަށް ޕޮޒިޓިވްވި 110 މީހުންގެ ތެރޭގައި ވެލާނާ އެއާޕޯޓުގައި މަސައްކަތް ކުރާ ގިނަ އަދަދެއްގެ މީހުން ހިމެނިއްޖެ އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗުއީއޯސީ) އިން ބުނީ ޕޮޒިޓިވްވި ކޭސްތަކުގެ ތެރޭގައި އެއާޕޯޓުގެ އާ ޓާމިނަލް އާއި ރަންވޭ ބޮޑު ކުރުމުގެ ޕްރޮޖެކްޓްގައި މަސައްކަތް ކުރާ ދެ ކުންފުނީގެ މުވައްޒަފުން ހިމެނޭ ކަމަށެވެ. އެ ގޮތުން ޗައިނާ ހާބަ އިންޖިނިއަރިން ކޮމްޕެނީގެ 22 މީހުން ޕޮޒިޓިވްވެފައިވާ އިރު ޗައިނާ ކޮމިއުނިކޭޝަން ކޮމްޕެނީގެ 16 ސްޓާފަކު ވަނީ ޕޮޒިޓިވްވެފަ އެވެ. މީގެ އިތުރުން އެމްއޭސީއެލްގެ ކާގޯ ޑިޕާޓްމަންޓުން ވެސް ވަނީ 10 މީހަކު ޕޮޒިޓިވްވެފަ އެވެ.
ވޭތުވެދިޔަ 24 ގަޑިއިރު ތެރޭ ޕޮޒިޓިވްވި 79 ބިދޭސީންގެ ތެރޭގައި، ހަދަމުން އަންނަ ރިސޯޓެއް ކަމަށްވާ ރަށްފަޅު ހުރާ އިން ޕޮޒިޓިވްވި 21 މީހުން ވެސް ހިމެނެ އެވެ. ސައްވީސް ގަޑިއިރު ތެރޭ ޕޮޒިޓިވްވި ދިވެހިންގެ އަދަދަކީ 31 އެވެ.
ރާއްޖޭން މިހާތަނަށް 12،314 މީހުން ޕޮޒިޓިވްވެފައިވާ އިރު 45 މީހުން ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާނޭ
17 November 2020
މާލޭ ތެރޭ ވަރަށްގިނަ ބަޔަކު މާސްކު ނާޅާ މިހާރު އުޅޭ ފުލުހުން ވެސް އަޅައެއްނުލާ
އަހުމަދުބޭ
17 November 2020
ތިޔަ ހަދައި ޓެސްޓް ހެދުން ހުއްޓާލައި ކޮވިޑް ދިޔައީ މިހާރު ކޮވިޑް ޓެސްޓް ހެދުން އޮންނަގޮތަކީ ސަލާމް ބުނެލަން ވީމާ ކޮވިޑް ޓެސްޓް ހަދައިލައިގެން 3 ހަފްތާ ގޭގައި މުސާރަ ބަރާބަރަށް ލިބޭ، ހެދިމީހައިގެ ސަބަބުން ޑިޕާރޓްމެން އެއްކޮން ހޮލިޑޭގަ ގޭގަ، ޕުރައިވެޓް ސެކްޓަރ އަށް މިވާގޮތަކީ ޓެސްޓް ނުހަދައި ބުރަމަސައްކަތުގައި ސަރުކާރަށް ޓެކްސް ދެއްކުމުގައި ސަރުކާރު މުވައްޒަފުން ޓެސްޓް ހަދައިލައިގެން ޗުއްޓީގަ ގޭގަ މުސާރަ ބަރާބަރަށް ލިބޭ،
ސިކުނޑި
17 November 2020
ރައްކާތެރި ކަމުގެ ފިޔަވަޅު އަޅައިގެން ސްޕްރެޑް ކޮންޓްރޯލް ކުރެވޭނެ! ޝަކުވާއަކީ، އެޗްޕީއޭއިން ސްޕްރެޑް ކޮންޓްރޯލް ކުރުމުގައި ތަފާތުކުރުން ގެންގުޅޭތީ! ރަށްރަށުގައި ރައްކާތެރި ކަމުގެ ފިޔަވަޅު އިތުރަށް ހަރުކަށި ކުރާތީ! މިހާރު މިއުޅެވެނީ ބައްޔާއެކު! ބަލިއޮތްތަނެއް ނެތްތަނެއް ނޭނގެ! ރަށްރަށުގައި ހަރުކަށިފިޔަވަޅު އަޅާއިރު ހަގީގަތުގައި މާފަސޭހަ ކޮންޓްރޯލް ކުރަންވެސް! މީހުން މަދުވެފަ ދިރިއުޅުމުގެ ވައްޓަފާޅި ހުންނަގޮތުން! އެކަން އެނގެންވީ އެޗްޕީއޭއަށް!
ގެދޮރު ނެތް މާލޭމީހާ
17 November 2020
އެއަރޕޯރޓް ކާގޯގަ އުޅޭނގިނަ މީހުން މާސްކު ނާޅާ އުޅޭކަމަށް ވަނީ. މަ ބޮޑޭ ހެދިފަ ގައްޑާ ވެގެން އުޅޭ ގިނަ ބަޔަކު ކާގޯ ޑިޕާރޓްމަންޓުގަ އުޅޭ.
ހަސަނު
17 November 2020
3 ވަނަ ވޭވް ބާ މިއަންނަނީ؟
ޢިހްސާސް
17 November 2020
ޢެއާޕޯޓް މުވައްޒަފުން ޕޮޒިޓިވް ވަނީ އެ މީހުން ރައްކާތެރިކަ މުގެ ފިޔަވަޅު ނާޅާތީތޯ؟
އޮނަރަބްލް އަފީފު ދީދީ
17 November 2020
މާލެއާއި މާލޭ އެއަރޕޯޓަކީ ބޮޑު ކްލަސްޓާއެއްގެ ގޮތުގައި އޮތްއިރުވެސް ރާއްޖެއަންނަ ފަތުރުވެރިން ތިތަނަށް ގެނައުން ހުއްޓާލާކަށް ނުވޭތޯ. # ތިޔަ އެއަރޕޯޓް ބަންދުކޮށް ކޮވިޑްގެ އަސަރުނެތް ރައްކާތެރި ހަނިމާދޫ އަދި ގޭން އެއަރޕޯޓަށް ބައިނަލްއަޤުވާމީ ފްލައިޓްތަށް އޮޕަރޭޓްކުރާން އަންގާފައި މާލޭއެއަރޕޯޓް ޑިވޮލޯޕްކޮށްގެން ހުޅުވަން 2 އަހަރު ދުވަހަށް ބަންދުކޮށްލާންވީ. # ދިވެހިރާއްޖެއަކީ ހަމައެކަނި މާލެއެއްނޫން. ހަނިމާދޫ އަދި ގޭން އަކީވެސް ރާއްޖޭގެ އެއަރޕޯޓްތައް.
އައިސް ޖޯކަރު
17 November 2020
ކެރަފާ ނަސީމަކަށް ނުވާނެއޭ ބުނީމެއްނު