މަޖިލީހުގެ ނައިބު ރައީސް އިވާ އަބްދުﷲ ޖަލްސާއެއްގައި ބައިވެރިވެވަޑައިގަންނަވަނީ. އަންނަ އަހަރަށް ރާވާފައިވާ މަޝްރޫއުތަކުން އިގުތިސާދު ސްޓިމިއުލޭޓްވާނެކަމާ މެދު އޭނާ ސުވާލު އުފެއްދެވި.
18 ނޮވެމްބަރ 2020 - 18:03
21 comments
އަންނަ އަހަރު ރާއްްޖޭގައި ހިންގަން ސަރުކާރުން ދައުލަތުގެ ބަޖެޓުގައި ޖަހާފައިވާ މަޝްރޫއުތައް ހިންގުމުން އެ ފައިސާ ވަންނާނީ ދިވެހިންގެ ޖީބަށްތޯ ނުވަތަ އަވަށްޓެރި އިންޑިއާގެ ކެރެލާއަށްތޯ ސުވާލު އުފެދޭ ކަމަށް ރައްޔިތުންގެ މަޖިލީހުގެ ނައިބުރައީސް އަދި ގަލޮޅު ދެކުނު ދާއިރާގެ މެމްބަރު އީވާ އަބްދުﷲ މިއަދު ވިދާޅުވެއްޖެ އެވެ.
މަޖިލީހުގެ މިއަދުގެ ޖަލްސާގައި އީވާ ވިދާޅުވީ ބަޖެޓްގައި ޖަހާފައިވާ ޕީއެސްއައިޕީ މަޝްރޫއުތަކަށް ހަރަދުކުރާ ފައިސާ ދައުރުވެ، އިގުތިސާދީ އިތުރު ހަރަކާތްތައް ހިނގައި، ރައްޔިތުންގެ އާމްދަނީ އިތުރުވާނެ ކަމަށް ސަރުކާރުން ލަފާކޮށްފައިވާ ގޮތަށް އެކަން ވާނެ ކަމާ މެދު ސުވާލު އުފެދޭ ކަމަށެވެ. ސަރުކާރުގެ ސިޔާސަތަކީ "ސްޓިމިއުލޭޝަން ޕޮލިސީ" ކަމަށް ފިނޭންސް މިނިސްޓަރު ވިދާޅުވާ ކަމަށާއި އެ ސިޔާސަތު ވިސްނޭ ކަަމަށް ވެސް އީވާ ވިދާޅުވި އެވެ. ސްޓިމިއުލޭޝަން ޕޮލިސީ އަކީ އިގުތިސާދުގެ ތެރެއަށް ފައިސާ ޕަމްޕްކޮށް، އެފައިސާއިން އިގުތިސާދީ އިތުރު ހަރަކާތްތައް ހިންގަން ބާރު އަޅާ ސިޔާސަތެކެވެ.
"އަޅުގަނޑަށް އެކަމަކު އެ ޕޮލިސީ އެހެން ހިނގާނެކަމާ ދޭތެރޭގައި ސުވާލު އުފެދެނީ. އަދި އެމްއެމްއޭގެ ގަވަރުނަރު ވެސް އެކަމާ ދޭތެރޭގައި ސުވާލު އުފައްދާފައި އެބަ އޮތް. މަލްޓިޕްލަޔާ އިފެކްޓް އެހާ ސާފުތޯ؟ އެ ފައިސާ، އެ އާމްދަނީ ޕީއެސްއައިޕީ ޕްރޮޖެކްޓްތައް ހިންގީމާ އެ ފައިސާ ވަންނަނީ ދިވެހި ވިޔަފާރީގެ ޖީބަށްތޯ؟ އިއްޒަތްތެރި ރައީސް އަޅުގަނޑަށް ސުވާލު އުފެދެނީ ނުވަތަ އެ ފައިސާ ދަނީ ކެރެލާއަށްތޯ އަޅުގަނޑުގެ ސުވާލު އުފެދެނީ،" އީވާ ވިދާޅުވި އެވެ.
އޭނާ އެ ވިދާޅުވީ ރާއްޖޭގައި ހިންގާ ތަރައްގީގެ މަޝްރޫއުތަކަށް ބޭނުންވާ ކޮންސްޓްރަކްޝަން މެޓީރިއަލް ގިނައިން ގެންނަ ސަރަހައްދުގެ ވާހަކަ އެވެ. އިންޑިއާގެ ސްޓޭޓްތަކުގެ ތެރެއިން ރާއްޖެއާ އެންމެ ކައިރީގައިވާ ކެރެލާއިން ރާއްޖެއަށް ހިލަޔާއި ހިލަވެލި ގިނައިން އެތެރެކުރެ އެވެ.
ބަޖެޓާ މެދު އީވާ ކަންބޮޑުވުން ފާޅުކުރެއްވި އަނެއް ކަމަކީ ރާއްޖެއަށް ލިބޭނެ ކަމަށް ލަފާކޮށްފައިވާ އާމްދަނީއަށް ވުރެ މާބޮޑު އަދަދެއް ހަރަދުކުރަން ޖަހާފައި އޮތުމެވެ. އާމްދަނީ ހޯދާނެ މަޝްރޫއުތަކެއް ބަޖެޓްގައި ޖަހާފައިވާ ކަމަށާއި އެހެން ނަމަވެސް އެ މަޝްރޫއުތައް ހިންގަން ރާއްޖެ ތައްޔާރުވެފައި އޮތީ ކިހާވަރަކަށްތޯ ސުވާލު އުފެދޭ ކަމަށް އޭނާ ވިދާޅުވި އެވެ.
އާ މަޝްރޫއުތަކަށް އާ ގާނޫނުތަކާއި ގަވައިދުތައް ހަދަން ޖެހޭ އިރު އަންނަ އަހަރުގެ ތިން ވަނަ ކުއާޓާއާ ހަމައަށް ވެސް އެއިން ކަމެއް ހަގީގަތަކަށްވާނެ ކަމާ މެދުގައި ވެސް އީވާ ސުވާލު އުފެއްދެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސް ދޭތެރެ
19 November 2020
މި ކަހަލަ ޚަބަރު ފެނުމުން ބޮލުގައި ރިހެން ފަށައިފި. ޕާރޓީ ސިސްޓަމް ތަޢާރަފްވެ ޑިމޮކްރަސީ އައި ފަހުން ދަޢުލަތަށް ލިބޭ ފައިސާގެ ބޮޑު ބައެއް ސިޔާސީ މަޤާމު ތަކަށާއި، މިނިވަން މުވައްސަސާ ތަކުގެ ވެރިންނަަށާއި އަދި ކަމިޝަން ތަކަށް ދީފައި ބާކީވާ އެއްޗެއް ނެތުމުން ހުރިހާ ސަރުކާރުންވެސް ލޯނު ނަގައިގެން ނުވަތަ ހަރުމުދަލެއް ދީގެން ޕްރޮޖެކްޓް ހިންގަނީ. ލޯނަށް ދައްކާނެ ފައިސާ ނެތި ކީއްކުރަން އިތުރު ޕްރޮޖެކްޓް ހިންގަންވީ.. ނުފޯރާ ފޮތިން ފޫ ގެޅުން ހުއްޓަން ...
އެމްސް
19 November 2020
ބްރިޖް އެޅި އިރުވެސް އަދި ދެން ޗައިނާއިން ތިހިންގި ހުޅުމާލެ ފޭސް 2 އާއި ދަރުމަވަންތަ ހޮސްޕިޓަލް އެޅި އިރުވެސް ދިވެއްސެއްގެ ޖީބަށް ވަނީ ވަރަށް ކުޑަ އެއްޗެއް! އެހެން ޤައުމުތަކުން މިބާވަތުގެ ކަންކަން ކުރާ އުޞޫލަކީ ޕްރޮޖެކްޓްގެ ވަކިޕަސެންޓޭޖެއް ދިވެހި ކުންފުނިތަކަށް ދޭން ޝަރުޠުކޮށްފަ ނޫނީ ޕްރޮޖެކްޓްތައް ބޭރަށް ނުދެނީ!
ޖެމްސް
19 November 2020
އެފަދަ ޕްރޮޖެކްޓް ހިންގޭނެހާ މޮޅު ދިވެހި ކިތައް ކުންފުނި އެބައޮތްތަ؟
އިސްމާލި
19 November 2020
ޤާނޫނާއި ގަވާއިދު ހަދައިގެން (ޔައުނީ މަޖިލީހުގެ އެއްބާރުލުން ލިބިގެން) އާމްދަނީ ހޯދަން ކަންކަން ހުށައެޅުން އެއީ ރައީސް ކުރައްވާ ވަރަށް ކޮސް ކަމެއް. ނަޝީދު އެ ފުރުސަތުގެ ފުރިހަމަ ބޭނުން ހިފާނެ ރައީސް ފިއްތާލައި ރައްޔިތުން ރުޅިއަރުވަން. އެ ކަންތައްގަނޑުގެ ތެރޭގައި (އަބަދުވެސް ހިނގާ ބީދައިން) ސޭވިއަރ އެއްގެ ގޮތުގައި ނަޝީދު ފާޅުވާނެ. އަދި ބަރުލަމާނީ ކުރަން ލިބޭ އިތުރު ބާރަކަށް ވާނެ.
އަހުމަދު މު ހައްމަދު
19 November 2020
ފުރަތަ މަ ގިނަ ޕްރޮޖެކްޓްތައް ބޭރު މީހުންނަށް ލިބޭ މައްސަލަ. ދެވަނަ ބޭނުންވާ ތަކެތި ރާއްޖެއިން ބޭރުން ގެންނަން ޖެހުން. ޕްރޮޖެކްޓް ހިންގިޔަސް ދަރަނި ކުޑަ ކުރަން ޖެހޭ
ކަލިފާނާ
19 November 2020
ސިކުނޑި މުޑުދާރު، އަދި ހީލަތްތެރި އަދި ވިހަކަން ގަދަ މީހެއް އީވާ އަކީ! ދިވެހި ދައުލަތުގެ މަޖިލީސް ގެ ނައިބު ކަމޭ ބުނީމަ ދިވެހިންގެ ގިނަ މީހުން އަދި އެމްޑީޕީ ގިނަ ބަޔަކު މިއަދު ލަދުގަނޭ! މިހާރުވެސް ތިޔަ ކުޅޭނީ ޑްރާމާ!
ކަންނާޑި
19 November 2020
ޗައިނާއިން ރާއްޖެ ދަރުވާލައިފި !
ބަންނާޑި
19 November 2020
މިސަރުކާރުން ގައުމަށް އާމްދަނީ ހޯދަނީ އިންޑިއާ ލައްވާ އެކި ރަށްރަށުގައި ކުޑަކުދިން ކުޅޭ ޕާކް އަޅައިގެން. އަންނަ އަހަރު ކުޅިވަރު ކުޅޭ ދަނޑުތައް ހަދަންވެސް އެހާ ގިނަ ފައިސާ ހޭދަކުރަން ރާވާފަ އޮތީ. ޓޫރިސްޓުން އައިސްގެން މިހާރު ގައުމަށް ވަންނަ ފައިސާކޮޅު އަނބުރާ ދަނީ ގައުމުގައި ކޮވިޑް ކޭސް ގިނަވެ އެކަމަށް ފަރުވާކުރުމަށް. ވަށާޖެހޭ ޕޮލިސީ.
ޖުމައިނާ ސިދުގީ
19 November 2020
މި ބަޖެޓަކީ ސީދާ ކުރިޔަށް އޮތް ލޯކަލް ކައުންސިލް އިންތިހާބު ކާމިޔާބު ކުރުމަށް ޖަހާފައި އޮތް އަދަދު ތަކެއް.އެއްވެސް ކަމެއް ނުވާނެ.ލޯނު ތަކަށް ފައިސާ ދައްކަނީ މުށިމަހާއި ރިހާކުރުންތޯ؟ ނުވަތަ ކުރޮޅިންތޯ.
މޫސަ123
18 November 2020
ބަޖެޓާ މެދު މެންބަރުން ފާޅުކުރާ ސުއޫރުތަކަށް ވިސްނާލުމުން އުފެދޭސުވާލަކީ ފިނޭންސް މިނިސްޓަރ ގާބިލުތޯ ފިޗުން ދިންރޭޓް ގަބޫލުނުކުރާ މިނިސްޓަރަކު ނަގާމަށް އެކަށިގެންވޭތޯ ދައުލަތުގެ މިފަދަ ވުޒާރާތަކުގަ ތިއްބަވަން ޖެހޭނީ ވަރަށްގާބިލު އިލްމީ ހުނަރުވެރި ވަޒީރުން ނޫނީ އަތައްގޮވާނެ .
ޢަނީ
18 November 2020
މިދެން މުސީބާތަކަށް ވެއްޖެ ކަމެއް. އެކަކު ޗައިނާ އާއި ރައްޖެއާ ޖައްސަނީ. އަނެކަކު އިންޑިއާ އާއި ރާއްޖެއާ ޖައްސަނީ.
ާއަތިރީ ކަމަނާ
19 November 2020
ދެން ބަޔަކު މީހުން ގެނާ މުސީބާތެއް ދޯ. ޢަދި ބޮޑު ސަޕޯތަކާ އެކު ދޯ
Ali Gasim
18 November 2020
ދިވެހިންނަށް ޕްރޮޖެކްޓްތަކުން ލިބޭނީ ދަރަނި މައްޗަށް ދަރަނި ކުލިމައްޗަށް ކުލި ޖޫރިމަނާ ބަރިބަރިއަށް ހައްގުވާ މިންވަރު ދެއްތޯ