ގެނބުނު ޗައިނާ ދަރިވަރަކު ސަލާމަތްކުރީ އިނގިރޭސި ޑިޕްލޮމެޓެއް

ސްޓެފެން.

އަހުމަދު އަދްޝަން، މިހާރު

25 ނޮވެމްބަރ 2020 - 07:45

ކޯރަކަށް ވެއްޓި ގެނބެމުން ދިޔަ ޗައިނާގެ ޔުނިވަސިޓީއެއްގެ ދަރިވަރެއްގެ ފުރާނަ ސަލާމަތްކުރި އެ ގައުމުގައި ހުންނަވާ އިނގިރޭސި ޑިޕްލޮމެޓެއްގެ އަގުވަޒަންކޮށް ހާއްސަ ބެނާއެއް ދީފި އެވެ.

އުމުރުން 24 އަހަރުގެ އަންހެން ދަރިވަރުގެ ފުރާނަ ސަލަމާތްކޮށްދިނީ ޗައިނާގެ ޗޮންގިންގައި ހުންނަ އިނގިރޭސި ކޮންސިއުލޭޓްގެ ކޮންސަލް-ޖެނެރެލް ސްޓެފެން އެލިސަނެވެ. ކޯރަށް އެރިވަޑައިގެން އޭނާ ދަރިވަރުގެ ފުރާނަ ސަލާމަތްކުރީ މިދިޔަ ހަފުތާގެ ތެރޭގަ އެވެ.

ރަށްފުށުގެ ސަރަހައްދެއްގައި ދަރިވަރުންތަކެއް ހަރަކާތްތެރި ވަމުން ދަނިކޮށް ކޯރަށް ވެއްޓުނު މަންޒަރު ފެންނަ ވީޑިއޯ ވެސް ސޯޝަލް މީޑިއާގައި ވަރަށް ބޮޑަށް ދައުރުވެފައިވެ އެވެ. ޗައިނާގައި ހުންނަ އިނގިރޭސި އެމްބަސީގެ ރަސްމީ ޓްވިޓާ އެކައުންޓުން ވެސް އެ ވީޑިއޯ ހިއްސާކޮށްފައިވެ އެވެ.

We are all immensely proud of our Chongqing Consul General, Stephen Ellison, who dived into a river on Saturday to rescue a drowning student and swim her to safety. pic.twitter.com/OOgXqsK5oe
— UK in China 🇬🇧 (@ukinchina) November 16, 2020

އެލިސަންގެ ހިތްވަރަށް ސާބަސް ދީ އޭނާ އަށް އެމްބަސީން ވެސް މަރުހަބާ ކިޔައި އެކަމާ ފަހަރުވެރިވާ ކަމަށް ބުނެފައިވެ އެވެ. އަދި ވަރަށް ގިނަ ބަޔަކު ވެސް އެލިސަން ދެއްކެވި ހިތްވަރަށް ތައުރީފުކޮށް އޭނާ ހީރޯއެއްގެ ގޮތުގައި ސިފަކޮށްފައިވެ އެވެ.

We are hugely proud of British diplomat Stephen Ellison, Consul-General for @ukinchina in Chongqing, after he bravely dived into a river to rescue a drowning student and swim her to safety 👏👏https://t.co/xWXeBki3kd
— Foreign, Commonwealth & Development Office (@FCDOGovUK) November 16, 2020

ދަރިވަރު ކިޔަވާ ޔުނިވަސިޓީގެ ފަރާތުން އެލިސަން، 61، ގެ އަގުވަޒަންކޮށް ދިން މެރޫން ކުލަ އާއި އޮރެންޖް ކުލައިގެ ބެނާގައި ޗައިނާ ބަހުން ލިޔެފައި އިނީ "ގެނބެމުން ދިޔަ މީހެއްގެ ފުރާނަ ސަލާމަތްކޮށް ދިނުމުގައި ހިތްވަރާއި ކެރުމާއި ނަމޫނާ ދެއްކި" ކަމަށެވެ. ޗައިނާ ބަހުން "ޖިންގީ" ކިޔާ މިފަދަ ބެނާތައް ދެނީ ހިތްވަރު ގަދަ ނަމޫނާ ދައްކާ މީހުންނަށެވެ.

ޗައިނާ އިން ލިބުނު ބެނާއާ ބެހޭ ގޮތުން އެލިސަން ވިދާޅުވީ މިއީ ހަޔާތުގައި ވެސް ލިބިވަޑައިގަތް މިފަދަ ފުރަތަމަ ބެނާ ކަމަށެވެ.

ސްޓެފެން ބެނާއާ އެކު.

"ވަރަށް އުފާވެއްޖެ މިފަދަ ޝަރަފެއް ލިބުނީތީ،" ނިއުކާސަލް އުފަން އެލިސަން ވިދާޅުވި އެވެ.

ޗޮންގިންގްގައި ހުންނަވާ ކޮންސަލް-ޖެނެރަލްގެ ހައިސިއްޔަތުން އެލިސަންގެ މައިގަނޑު ޒިންމާ އަކީ ޗައިނާ އާއި އިނގިރޭސިވިލާތާ ދެމެދު ވިޔަފާރީގެ ގުޅުންތައް ގާއިމުކުރަން މަސައްކަތްކުރެއްވުމެވެ.

އެކްސިޑެންޓް ޗައިނާ އިނގިރޭސިވިލާތް ގެނބުން ޑިޕްލޮމެޓުން

4 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދުއްالله

26 November 2020

އެ ނަން "ސްޓެފެން" ނުވަތަ "ސްޓެޕްހެން" މިހެން ލިޔުނު ނަމަވެސް، ކިޔަނީ "ސްޓީވަން" މިހެން. ތާނަ އަކުރުން ލިޔެވެން ޖެހޭނީ ކިޔާ ގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާނީ

25 November 2020

އެތާނގައި މީހުން މަދީތަ އަޅެ؟ އެންމެން ބަލަންތިބިއޭދޯ އަޅެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސްގޮވާ

25 November 2020

ރާއްޖޭގައިވެސް އެކްސިޑެންޓް ވެގެން އުޅޭއިރު އެހީތެރިން ނުފެއްނާނެ، ވަގު ކަލޭގެއާއި ކުރިމަތިލާންވެސް ކެރޭނީ އެއްކަލަ ބަންގްލާމީހާއަށް. މީ މިސަރައްހަދުގެ ހުރިހާތަނެއްގެ ހާލަތު އެކަމަކު ވެސްޓަރން ގައުމުތަކުގައި އިސްލާމުންގައި ހުއްނަންޖެހޭ ރަގަޅުސިފަތަ ހުއްނަނީ އެއްކަލަ ފަރަންޖީމީހާގައިގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްالله

26 November 2020

އިސްލާމުންގަ ހުންނަން ޖެހޭ ކަމުގަ، ކޮސްގޮވާ ތިޔަ ބުނާ ރަގަޅު ސިފައެއް އެއްވެސް ތަނެއްގެ އިސްލާމުންގަ އެއް ނުހުރޭ، އެކަހަލަ ރަގަޅު ސިފަ މުޅިންވެސް ހުންނަނީ ކާފަރުންގެ. ހަޅޭފަޅޭ ޖަހާ، ދުވެ، ތެޅިފޮޅި، ތަންތަން އަންދާ، ސުންނާފަތިކޮށް، ގަޔަށް ބޮލަށް އަރާ، ކާފަރުން ކަތިލަން ވީމަ އިސްލާމުން ވަރެއް ނެތް.