ލާލޭ ސްކޫލަށް ހަތަރު ފަރާތަކުން ބިޑުކޮށްފި، އެންމެ ކުޑަ އަގެއް ހުށަހެޅީ މިހާރު ވެސް ހިންގާ ބިޒް އެޓޯލްސުން
ލާލޭ ޔޫތު އިންޓަނޭޝަނަލް: އެތަން ބިޒް އެޓޯލްސް އަށް އަލުން ދޭން ބެލެނިވެރިންތަކެއް ވަނީ ޕެޓިޝަނެއް ވެސް ހަދާފައި- ފޮޓޯ/ ލާލޭ ސްކޫލު
03 ނޮވެމްބަރ 2016 - 21:36
32 comments
ހުޅުމާލޭގައި ހުންނަ ލާލޭ ޔޫތު އިންޓަނޭޝަނަލް ސްކޫލް ހިންގާނެ ފަރާތެއް ހޯދަން އިއުލާން ކުރުމުން އެންމެ ކުޑަ އަގެއް ހުށަހެޅީ މިހާރު ވެސް އެ ސްކޫލް ހިންގަމުންދާ ބިޒް އެޓޯލްސުން ކަން އެނގިއްޖެ އެވެ.
ލާލޭ ސްކޫލް 2008 އިން ފެށިގެން ހިންގަމުންދާ ތުރުކީގެ ބިޒް އެޓޯލްސް އަށް އެންމެ ފަހުން އެ ސްކޫލް ހިންގަން ދިން މުއްދަތު ހަމަވުމުން، އެ ސްކޫލް ހިންގާނެ ބަޔަކު ހޯދަން ސަރުކާރުން ހުޅުވާލުމުން ހަ ފަރާތަކުން ޝައުގުވެރިކަން ފާޅު ކުރިޔަސް ބިޑް ހުށަހަޅާފައިވަނީ ހަތަރު ފަރާތަކުންނެވެ.
އެ ފަރާތްތަކުގެ ތެރެއިން ވެސް އެންމެ ކުޑަ އަގެއް ހުށަހެޅީ ބިޒް އެޓޯލްސުން ކަން "މިހާރު" އަށް ލިބިފައިވާ ލިޔުންތަކުން ދައްކަ އެވެ. އެކި ގްރޭޑްތަކަށް ތަފާތު އަގުތައް ހިމަނައިގެން ބިޒް އެޓޯލްސް އިން ހުށަހަޅާފައިވަނީ 2،025ރ. އިން ފެށިގެން 2،850ރ. އާ ދެމެދުގެ އަގުތަކެކެވެ.
އަގު ހުށަހެޅި ފަރާތްތަކުގެ ތެރެއިން ވެސް ގްރޭޑްތަކުގެ މެދުގައި އަގުގެ ފަރަގު އެންމެ ކުޑައީ ބިޒް އެޓޯލްސުން ހުށަހެޅި އަގުތަކުގަ އެވެ. އެލްކޭޖީ އާއި ޔޫކޭޖީގެ ކޮންމެ ދަރިވަރެއްގެ އަތުން މަހަކު 2،025ރ. ނަގާ ގޮތަށް އެ ކުންފުނިން ހުށަހެޅިއިރު ގްރޭޑް އެކަކުން ފެށިގެން ގްރޭޑް އަށަކާ ދެމެދުގެ ކްލާސްތަކުގައި ކިޔަވާ ކުދިންގެ އަތުން ނަގަން އެ ކުންފުނިން ހުށަހެޅީ މަހަކު 2،625ރ. އެވެ. އަދި ގްރޭޑް ނުވަޔަކުން ފެށިގެން ގްރޭޑް 12 ނިމެންދެން ނަގާ ގޮތަށް ހުށަހެޅީ މަހަކު 2،850ރ އެވެ.
ދެވަނަ އަށް އެންމެ ކުޑަ އަގެއް ހުށަހަޅާފައިވަނީ ކޮލިޓިއޭޓް އެޑިއުކޭޝަނުންނެވެ. އެ ކުންފުނިން ހުށަހަޅާފައިވަނީ އެކި ގްރޭޑްތަކަށް އެކި އަގު ހިމަނައިގެން 2،185ރ. އިން ފެށިގެން 4،047ރ. އާ ދެމެދުގެ އަގުތަކެކެވެ. ދެން އެންމެ ކުޑަ އަގެއް ހުށަހަޅާފައިވަނީ އެޑިއު ގިފްޓް ކެމްޕެކާ އިންޓަނޭޝަނަލް ސްކޫލުންނެވެ. އެންމެ ބޮޑު އަގެއް ހުށަހަޅާފައިވަނީ އަބްދުއްރަޝީދު ނަމަކަށް ކިޔާ މީހެކެވެ.
ލާލޭ ސްކޫލަށް ހަތަރު ފަރާތަކުން ބިޑު ހުށަހަޅާފައި ވާއިރު، އަދި އެއްވެސް ފަރާތަކާ ހަވާލެއް ނުކުރެ އެވެ. އެކަމަކު، އަމިއްލަ މީހަކު ވަނީ އަންނަ ޖެނުއަރީ މަހު ހުޅުމާލޭގައި އިންޓަނޭޝަނަލް ސްކޫލެއް ހިންގަން ފަށާނެ ކަމަށް ފޭސްބުކުގައި އިއުލާންކޮށްފަ އެވެ. މޫސާ ރަޝީދު ނަމަކަށް ކިޔާ އެ މީހާ ޖަހާފައިވަނީ އެ ސްކޫލް ހިންގާނީ ދުނިޔޭގެ މަޝްހޫރު ގޭޓްވޭ ސްކޫލްގެ ދަށުން ކަމަށެވެ.
ހުޅުމާލޭގައި އިންޓަނޭޝަނަލް ސްކޫލެއް ހުޅުވާނެ ކަމަށް ބުނެ އަމިއްލަ މީހަކު ފޭސްބުކުގައި ކޮށްފައިވާ ޕޯސްޓު.
ލާލޭ ފިޔަވައި އެހެން އިންޓަނޭޝަނަލް ސްކޫލެއް ހުޅުމާލޭގައި ނުހުރެ އެވެ. އަދި އިތުރު އިންޓަނޭޝަނަލް ސްކޫލެއް ތަރައްގީ ކުރަން ސަރުކާރުން އަދި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ވެސް މިހާތަނަށް ހުޅުވާލާފައެއް ނުވެ އެވެ.
އެކަމަކު، މޫސަ "މިހާރު" އަށް ބުނީ ލާލޭ ސްކޫލްގެ ބިޑާ ގުޅޭ ގޮތުން ވާހަކަދައްކާނީ އެޑިއުކޭޝަން މިނިސްޓްރީން ކަމަށެވެ. ބިޑު ކާމިޔާބު ކުރެވުނު ކަމަށް އޭނާ ފޭސްބުކުގައި ލިޔެފައި ނޯންނާނެ ކަމަށް ވެސް އޭނާ ބުންޏެވެ.
އެންމެ ކުޑަ އަގެއް ހުށަހެޅީ ބިޒް އެޓޯލްސުން ކަން ހާމަވިއިރު، ގާތްގަނޑަކަށް 500 ދަރިވަރުން ކިޔަވާ ލާލޭ ސްކޫލުގެ ބެލެނިވެރިންތަކެއް ވެސް ކުރިން ވަނީ އެ ކުންފުންޏާ އެ ސްކޫލް އަލުން ހަވާލުކޮށްދޭން އެދި ޕެޓިޝަނެއް ތައްޔާރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުން
05 November 2016
އެންމެ ކުޑައަގެއް ހުރީމަ ހުރިހާ ކަމެއް ހަމަވީތަ
ނާޒިޔާ
05 November 2016
ލާލެ ސުކޫކް ހިންގަންތިބި މީހުންނައްކީ ވަރައް ޚުދުމުޚްތާރު ބައެއް ވަރައް ބޮޑައްކަންދައްކާ ބައެއް މުސާަރައިގެ ތފާތު ބޭރުމީހުންނާއި ދިވެހިން ވަރައްތަފާތު. ލާލެ އައް ﷲ ގެ ހެޔޮރަހްމަތް ފުޅުން ނުލިބޭނެ ހަޤީޤަތް ނޭގޭ މީހުން ކޮމެންޓް ނުކުރުން ރަނގަޅީ
ތެދުވެރިޔާ
05 November 2016
އަޅުގަނޑު ގެ ދަރިޔަކު މޫސާގެ ސުކޫލެއްގައި ނުކިޔަވާނެ. އަހަންނައް ލާލޭ ވަރެއް ހަމަނެތް.
ވާނުވާ
04 November 2016
ޒާތީ ނުވެ މުދައްރިސުން އެމީހުންގެ ޒިންމާ ހަނދާންކުރަންޖެހޭ. ބިޑަށް އިޢުލާނުކުރަން ދެންވެސް ލާލޭ ކަމުނުގޮސްގެން ވާހަކަ ދައްކާ ޕްރިންސިޕަލްގެ އިސްތިޢުފާއަށް ގޮވި މުވައްޒަފުން ކުއްލިއަކަށް ހެދުން ބަދަލުކޮށް ވީކަން ނުވާކަމަށް ހަދަން އުޅުން މިއީ ހިތާމައަކީ. އަނެއްކާ ގަދަކަމުން އޮޅުވާލައިގެން ސޮއިކުރުވި ޕެޓިޝަންއެއްގެ ވާހަކަ މި ލިޔުމުގައި ތިއޮތީ އަސްލު ލިޔުން ނުވަތަ ޕެޓިޝަން ފެނިގެން ރުހިގެން ސޮއިދިން މީހެއްހިރިބާ. ވަކި ބަޔަކަށް ފައިދާވާ ގޮތަށް އަޑުގަދަ ނުފޫޒުގަދަ މީހާ އަށް ފުލް ސްކޮލަރޝިޕް ދީފައިވާ މީހުންނަށް ވަރަށް ވެދުން. ޢަޑުގަދަ މީހާ ރުއްގިނަ ވާ އުސޫލު ގޭޓްވޭގައި ނުގެންގުޅުން އެދެން. ޓިއުޝަންފީ ކުޑަވީމާ ލިބެނީ ކިތައް މާކުސްކަން އެނގިލައްވާބާ. ތިޔަވިދާޅުވާ ޑޮލަރ ރޭޓް -/15 އަށް ހެދީ ވެސް ތި ބުނާ ޕޯސްޓް އެޕްބީއަށް ލީ މީހާގެ ވެރިކަމުގައި ކަން އެނގޭބާ
މުދައްރިސާ
04 November 2016
ޓީޗަރުން އެކަނިއެއް ނޫން. ޞެލެނިވެރިންވެސް ހަމަ ތިފަދަ. ލާލެ ގޯސްވެގެން ފަހުން ފަހުން އައިސް ސްކޫލަށް ނުވަދެ، ސްކޫލް ދޮރުމައްޗަށަ ދަރިފުޅު ލާފަ ދިޔަ ބރލެނިވެރިންވެސް ބަދަލުގެ ތާޖު އަޅުވާގެން ތިބިލެއް މަދެއް ނޫން. ލިބެންފެށި ފައިދާ ތައް ގިނަވެގެން ދިޔައީ ތޯއްޗެއް. ނާތަހުޒީބް މީހުން ގިނަވެގެން ގޮސް ތަން ހަލާކުވީ. ޢެބަޔަކު ސްކޫލް ގެ ދަރިވަރުން ލައްވާ ވެސް މިކަމުގައި މީހުންނާ ދިމާލަށް ބަސް ބުނުވާ. މީ ތޯ ކަންކަން އޮންނަ އުސޫލަކީ.
ލައްލަ
04 November 2016
ޢަޅުގަނޑަށް ރަނގަޅީ ތިޔަ ލާލެ އަށް ނުލިބުނިއްޔާ. ތިޔަ ތަނުގަ ސްކޫލް ހިންގަން އެނގޭ މީހެއް ނެތް.
ފުޅު
04 November 2016
މިހާރު މިއޮއްތަރައްގީ ޒަމާނުގައި ކާކުތޯ އެއްޗެއްގެ ބޭރުފުށަށް ބަލައިގެން އެއްޗެއް އިހްތިޔާރުކުރަނީ. ކިތަންމެ އަގު ބޮޑަސް ރީތިވެފަ ބަލާލަން ކަމުދަންޔާ އެ އެއްޗެއް އިހްތިޔާރު ކުރާނެ. މިކަނުގަވެސްވާނީ އެހެން ކިޔެވުން ރަނގަޅުވެފަ ލިބެންހުރި ވަސީލަތްތަށް ރަނގަޅިއްޔާ އެތަނަކަށްދާން ބޭނުން ބަޔަކު ދާނެ.
މަނިކު
04 November 2016
ލާލޭ ހިންގާނެ ބަޔަކު ހޯދާކަށް އިޢުލާނެއް ނުކުރޭ! ފަރީދިއްޔާ އިމާރާތުގައި އިންޓަރނޭޝަނަލް ސްކޫލެއް ހިންގާނެ ބަޔަކު ހޯދަންދޯ އިާުލާންކުރީ. ވިސްނަވަންވީ ކަންކަން 1 ގޭޓްވޭ އަކީ ލަންކާގަ އެކަނި ހިންގާ ސްކޫލެއްނޫން 2 މިހާރު ލާލޭން ނަގާ ފީ ހަމަ އެ އަދަދަށް މިނިސްޓްރި ހުއްދަ ދެއްވާފައިވާ 2017 އަދި 2018 ގެ ފީ ނަގާނީ ގޭޓްވޭ އަޔަސް 3 ބުރުގާވެސް އަޅަން ބޭނުންނަމަ އަޅޭގޮތަށް އޮތީ 4 މުވައްޒަފުންނަށް ހަމަހަމަކުރުމަށް ގޮވާލަން ގޭޓްވޭއިން
ޙަސްމަ
04 November 2016
ދެންއެހެން ކޮން ގައުމެއްގަތޯ ގޭޓްވޭ ހިންގަނީ؟
ޢާއިޝާ
04 November 2016
މިނިސްޓްރީ އިން ބެލެނިވެރިންނާ ބައްދަލުކުރައްވައި ފަރީދިއްޔާ ސްކޫލްގައި އިންޓަރނޭޝަނަލް ސްކޫލެއް ހިންގަން ބިޑަށް ލައްވާނެ ވާހަކަ ވިދާޅުވި ބައްދަލުވުމުގައި ދެއްކެވި ވާހަކަ ތަކުގއި ވަރަށް ސާފުކޮށް ވިދާޅުވި ލާލޭ ސްކޫލުގެ ޕަރފޯރމެންސް ރަނގަޅުކަން ފާހަގަ ކުރައްވާކަމަށް. މިނިސްޓްރީއިން ދެއްތޯ ސްކޫލް ތައް ހުރިހާ ގޮތަކުން އޮބްޒަރވް ކުރައްވަނީ. ޢާންމުން ބަލަނީ ހަމައެކަނި ޓޮޕްޓެން ސްޓޭޖަށް. އެހެންބެލިޔަސް ލާލޭގެ ނިސްބަތުން އެ ސްޓޭޖުން ލާލޭ ކުދިން ފެނޭ.
ތުއްތު
04 November 2016
ބިޑުހުށަހެޅުމުގެ ކުރިންވެސް މޫސަބުނި ތިމަންނައަށޭ ލިބޭނީ
ޙަސްމާ
04 November 2016
މޫސަދޮގުމިހެދީ ކީއްވެބާ. ގޭޓްވޭއަކީ ލަންކާގައެކަނި ހިންގާސްކޫލެއް. މާމޮޅު ތަނެއް ނޫން.
ޙުޝާމް
04 November 2016
ޙަސްމާ ގެ މައުލޫމާތުގެ ފެނަވަރު ހާދަ ދަށޭ. ޙަމަ އެކަނި ލަންކާގަ އެއް ނޫން އެ މީހުންގެ ސްކޫލްތައް ހުރީކީ.ޒާތީ ވިޔަސް ބޮޑުވަރު
ހަމީދު
04 November 2016
ބަލާލައިފިން. ގޭޓްވޭ އިންޓަނޭޝަނަލް ނަމުގައި ސްކޫލު ހުރީ ހަމައެކަނި ލަންކާގައި. ވީމާ ބެލެވެނީ ހަމަ އެނަމުގައި ހުޅުވޭނީ އެފެންވަރުގެ ސްކޫލެއްކަން. ގޭޓްވޭ އަކީ ލަންކާގައި އުޅެފައިހުރި ބެލެނިވެރިއެއްގެ ގޮތުން ބުނަންޔާ އޯކޭ ސްކޫލެއް. ލަންކާގެ އެންމެ މޮޅުވާނީ ބްރިޓިޝް، ކޮލޮންބޯ އަދި އޯވަސީސް އިންޓަނޭޝަނަލް.