ފޮރިން މިނިސްޓަރު ޝާހިދު އާއި ޗައިނާ ސަފީރު: ރާއްޖެއަކީ މުހިންމު ބައިވެރިއެއް ކަމަށް އެ ގައުމުން ބުނޭ --- ފޮޓޯ/މިހާރު
10 ޑިސެމްބަރ 2020 - 17:06
16 comments
ބައިނަލްއަގްވާމީ މައިދާނުގައި ރާއްޖެއަކީ މުހިންމު ބައިވެރިއެއް ކަމަށް ޗައިނާ އިން މިއަދު ބުނެފި އެވެ.
އެ ގައުމުން އެގޮތަށް ބުނީ ރާއްޖެ އާއި ޗައިނާއާ ދެމެދު މިއަދު ބޭއްވި "ޑިރެކްޓާ ޖެނެރަލް ލެވެލް"ގެ ބައްދަލުވުމުގަ އެވެ. އެ ބައްދަލުވުމުގެ ބޭނުމަކީ ދެ ގައުމުން ނިންމާފައިވާ އެކި ނިންމުންތައް ތަންފީޒު ކުރުމާ ބެހޭގޮތުން މަޝްވަރާ ކުރުމެވެ.
ރާއްޖޭގެ ފޮރިން މިނިސްޓްރީން ބުނީ އޮންލައިންކޮށް މިއަދު ބޭއްވި ބައްދަލުވުމުގައި ރާއްޖެއާ އިތުރަށް ގުޅުން ބަދަހި ކުރާނެ ކަމަށް، ޗައިނާ ތަމްސީލު ކުރެއްވި، އެ ގައުމުގެ ފޮރިން މިނިސްޓްރީގެ ޑެޕިއުޓީ ޑިރެކްޓާ ޖެނެރަލް ޗެންގް ސޮންގްގެ ވިދާޅުވި ކަމަށެވެ. ބައިނަލްއަގްވާމީ މައިދާނުގައި ޗައިނާ އަށް ރާއްޖޭގެ ފަރާތުން ލިބޭ އެއްބާރުލުން އޭނާ ފާހަގަ ކުރައްވައި، ރާއްޖެއަކީ މުހިންމު ބައިވެރިއެއް ކަމަށް ސޮންގް ވިދާޅުވި ކަމަށް ފޮރިން މިނިސްޓްރީން ބުންޏެވެ.
އެ ބައްދަލުވުމުގައި، "ވަން ޗައިނާ" ސިޔާސަތު ރާއްޖެ އިން ދަމަހައްޓާނެ ކަމުގެ ޔަގީންކަން ރާއްޖޭގެ ފަރާތުން ބައިވެރިވެ ވަޑައިގަތް ފޮރިން މިނިސްޓްރީގެ އެޑިޝަނަލް ސެކްރެޓަރީ ޖާވިދު އަމީން ދެއްވި ކަމަށް ފޮރިން މިނިސްޓްރީން ބުނެ އެވެ. އަދި ކޮވިޑް-19 ގެ ހާލަތުގައި ޗައިނާ އިން ދިން އެހީތެރިކަން ފާހަގަ ކުރައްވައި، އެއީ ރާއްޖޭގެ ތަރައްގީގެ މުހިންމު ބައިވެރިއެއް ކަމަށް އޭނާ ވިދާޅުވި ކަމަށް ވެސް ފޮރިން މިނިސްޓްރީން ބުންޏެވެ.
އެ މިނިސްޓްރީން ބުނިގޮތުގައި އެކި ދާއިރާތަކުން ދެ ގައުމުގެ ގުޅުން އިތުރަށް ބަދަހި ކުރަން އެ ބައްދަލުވުމުގައި މަޝްވަރާކުރި އެވެ. އެގޮތުން މޫސުމަށް އަންނަ ބަދަލުތަކާއި އިގްތިސާދީ އަދި މާލީ ދާއިރާ އިން ގުޅުން ބަދަހި ކުރުމުގެ އިތުރުން ޚާރިޖީ ވަޒީރުންގެ ފެންވަރުގެ މަޝްވަރާތައް ދެ ގައުމުން ކުރިއަށް ގެންދަން ރާއްޖެ އިން ޝައުގުވެރިކަން ފާޅުކުރި ކަމަށް ފޮރިން މިނިސްޓްރީން ބުންޏެވެ.
މިދިޔަ ޖުލައި މަހު ވެސް ދެ ގައުމުގެ ދެމެދުގައި ޑިރެކްޓާ ޖެނެރަލްގެ ލެވެލްގެ މަޝްވަރާތައް ބޭއްވި އެވެ.
ޗައިނާއަކީ ރާއްޖޭގައި ފަހުގެ ތާރީޚުގައި ހިންގި އެންމެ ބޮޑެތި ތަރައްގީގެ މަޝްރޫއުތަކަށް އެހީވި ގައުމެކެވެ. ކުރީގެ ރައީސް އަބްދުﷲ ޔާމީންގެ ވެރިކަމުގައި ހުޅުލެ އާއި މާލެއާ ދެމެދު އަޅާފައިވާ ބްރިޖާއި ހިޔާ މަޝްރޫއުގެ އިތުރުން އިތުރު ގިނަ މަޝްރޫއުތަކަށް ޗައިނާއިން ހިލޭ އެހީ އާއި ލޯނު އެހީ ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤައުމީ ލޭ
11 December 2020
ނަޝީދު ހިތުން ޗައިނާ އާއި ޖައްސާ ލައިގެން ވަރަށް މޮޅުތަކެއް ރާއްޖެ އަށް ލިބޭނެ. އިންޑީއާ ހިތްހަމަ ޖައްސަން ހަދައިގެން ހުސް ބޭކާރު އަނގަ ތަޅާ ޗައިނާ އަށް ބަހުގެ ހަމަލާ ދިނުމުގަ މީނަ އުޅެނީ. ދެން ތި 15 މިލިއަން ޑޮލަރު ދައްކަން އިންޑިއާ ކައިރީ ބުނަން ވީނު.
ތުއްތޮންބެ
11 December 2020
ސަރުކާރުން އެންމެފަހުން ގޮތްހުސްވެގެން އުނބައްޖެހީދެއްތޮ؟
ޑާޑާޑާޑާޑާ
10 December 2020
ބައިނަލްއަގްވާމީ މައިދާނުގައި ރާއްޖެއަކީ މުހިންމު ބައިވެރިއެއް ކަން ޗައިނާ އަށް އިނގޭއިރު ރާއްޖޭން އެކަން ދަންނަން ޖެހޭނެއޭ މަޖްލީހުގެ ރައީސާއި ނޫނޭ ރާއްޖޭގެ ވެރިކަން ހަވާލު ކުރީ ރައްޔިތުން ރައްޔިތުން ރާއްޖޭގެ ވެރިކަން ހަވާލު ކުރީ ރައީސް އިބޫ އާއި ރައީސް އިބޫ ދަންނަން ޖެހޭނެއޭ ޗައިނާ އާއި ނެކް ޓު ނެކް ޖައްސައިގެން ކެއްކޭނެ ޑޮންޑޮނެއް ނުހުންނާނެއޭ ޗައިނާ ބޯރޑަރު ރާއްޖެ އަށް ނުހުޅުވައިގެންނޭ ދިވެހިންނަށް ރިސޯރޓްސް ތަކުން ވަޒީފާ ނުދީގެން އުޅެނީ
މަންޑޭލާ
10 December 2020
މުޅި ސާކް ސަރަހައްދު ތަރައްގީ ކުރާތީ އިންޑީޔާއިން ހަސަދަވެރިވަނީ.
ައަފުރާސިޔާބު
11 December 2020
ތިބުނީ އެންމެ ރަނގަޅު ވާހަކަ ޗައިނާއާ މެދު. ހަގީގަތަކީ ޗައިނާ ދަނީ މިރީޖަންގެ ތަރައްގީ އަށް ބޮޑެތި އެހީ ތަކެއް ވަމުން. އޭގެ ތެރޭގައި އިންޑިއާ ވެސް ހިމެނޭ. އެކަމަކު މި ބީޖޭޕީ ސަރުކާރު އައިފަހުން އިންޑިއާ މިގެންގުޅެނީ ޗައިނާ އަށް ޖެއްސުން ކުރުމުގެ ސިޔާސަތެއް. އެކަމުގެ އަޑީގައި ތިބީ އެމެރިކާއާ އިނގިރޭސިން.
ޝޮކްތެރަޕީ
10 December 2020
ޗައިނާ ރާއްޖެއަ ވަރައް މުހިމްމު އިންޑިޔާ ލައްވާ ރާއްޖެ ހިފަން ނަޝީދު އުޅުނީމަ ޗައިނާގެ އިންޒާރައް އިންޑިޔާ ބިރުގަތީ.
އަބުދުލް ޤާދިރު
10 December 2020
ގޮތް ހުސްވީ. އެހެން ގޮތެއް ނެތިގެން ޗައިނާއަށް ސަލާން ޖަހަން ފެށީ. ކޮބާ "ލޯބިލޯބި" އިންޑިއާ
ޖޯޑުބިޖޯޑު
10 December 2020
ލޯބިލޯބި އިންޑިއާ ފޫކޮޅުން ގުއި ފޮހެދެނީ ފުރަދާނަ މަންތިރި ސިރީމަތީ އެލެކްސް އަހްމަދު
ދިއްދޫމީހާ
10 December 2020
މިއުޅެނީ ޗައިނާގެ ފަތުރުވެރިން ރާއްޖެ ނައިސްގެން، ޝާހިދު އުޅެނީ ޗައިނާގެ ފަތުރުވެރިން ރާއްޖެ އަންނާނެ ގޮތްތަކެއް ފެނޭތޯ، އެލެކްސް މިކަމާ ބެހޭގޮތުން ބުނާނެ އެއްޗެއްގެ އިންތިޒާރުގާ މިހުންނަނީ،،،
ކައްކާ
10 December 2020
"ވަން ޗައިނާ ސިޔާސަތު ރާއްޖެއިން ދަމަހައްޓާނެއެވެ." ހެހެހެ. ހަމަ އެގޮތަށް ފޯއްމުލަކާއި އަރިއަތޮޅަކީ ރާއްޖޭގެ ބައެއްކަމަށްބަލާ ސިޔާސަތު ޗައިނާއިންވެސް ދަމަހައްޓާނެއެވެ.
ބަސް
10 December 2020
ޗައިނާ އަކީ ރާއްޖޭގެ އިތުރުން އޭސިއާ އެފްރިކާ ލެޓިން އެމެރިކާ ގެ ފަގީރު ގައުމުތަކުގެ ތަރައްގީއަށް އެހީތެރިވާ ގައުމެއް. ހިތާމައަކީ ރާއްޖޭގެ ޚާރިޖީ ސިޔާސަތު ފަހަކަށް އައިސް ބެލެންސް ނުކުރެވޭކަން. ރާއްޖޭ ފަދަ ގައުމުތައް ގެންގުޅެން ޖެހެނީ ވަކި ފަރާތަކަށް ބުރަނުވާ ޚާރިޖީ ސިޔާސަތެއް. އެކަން މިހާރަކުނެތް.
އާއްމުނަން
10 December 2020
ތިޔަ ކުރެވުނު ހުރިހާ މަޝްވަރާއެއް ބޮޑުފޮއްޓަށް ލާ ތަޅުލާފަ ބާއްވަންޖެހޭނީ. ޗައިނާއާއެކު ކުރިއަށް ދާނެ އެއްކަމެއްވެސް ނެތް މ ރައީސްގެ ރުހުމާ ނުލާ. މިހާރު ހުންނާނީ ޗައިނާ ލޯނޭ ކިޔާފަ ކޮންމެވެސް ވާހަކައެއް އަނެއްކާ ދައްކާލާ ހިތުން ކެތްމަދުވެފައި.