ގުޗީގެ މި އައިނު އޮންނަނީ އެކޮޅުކޮޅުން؛ އަގަކީ 9،500ރ.

އަހުމަދު އަދްޝަން، މިހާރު

14 ޑިސެމްބަރ 2020 - 07:28

މަޝްހޫރު ފެޝަން ކުންފުނިތަކަށް އާންމުންގެ ފާޑުކިޔުންތަކާއި މަލާމާތް ރައްދުނުވާ ކަހަލަ އުފެއްދުމެއް މިހާރު ނެރެވޭ ކަމަކަށް ނުވެ އެވެ. މި ފަހަރު އިޓަލީގެ މަޝްހޫރު ލަގްޒަރީ ބްރޭންޑް ގުޗީން ނެރުނު އައިނަކާ ހެދި އަނެއްކާވެސް ފާޑުކިޔަނީ އެވެ.

މި އައިނު އޮންނަނީ "އެކޮޅުކޮޅުން" ނެވެ. އައިނު އަޅައިގެން ހުންނަ އިރު އެކޮޅުކޮޅުންހެން ހީވަނީ އެވެ. "އިންވާޓެޑް ކެޓް އައި ސަންގްލާސް" ގެ ނަން ދީފައިވާ މި އައިނުގެ އަގަކީ 621.60 ޑޮލަރު (9،572.64ރ.) އެވެ.

ގުޗީގެ ވެބްސައިޓްގައި މި އައިނު ސިފަކޮށްފައި ވަނީ 1950 އާއި 1960 ގެ އަހަރުތަކުގައި މަޝްހޫރުވި ބުޅަލުގެ ލޮލުގެ ބައްޓަމުގެ ގޮތަށް އައިނުގެ ފްރޭމް އޮތް ވަރަށް ތަފާތު ހިތްގައިމު އައިނެއްގެ ގޮތުގަ އެވެ.

Gucci why are we doing this pic.twitter.com/kfGPeNmyVL
— porochista khakpour (@PKhakpour) December 9, 2020

ގުޗީން ބުނި ގޮތުގައި އައިނުގެ ފްރޭމް ހަދާފައި ވަނީ ވެސް ވަރަށް ރީތި އަދި އެކަމަށް ހާއްސަ މެޓީރިއަލްތައް ވެސް ބޭނުންކޮށްގެންނެވެ.

Gucci are usually ahead of the game with fashion, but ladies could have had the Dennis Taylor look 30+ years ago. pic.twitter.com/yXxwGIq218
— Andrew (@officialDB3K) December 11, 2020

ނަމަވެސް މި އައިނަށް އާންމުން ދަނީ ޖޯކް ޖަހަމުންނެވެ. ބައެއް މީހުން ބުނީ މި އަޅައިގެން ހުންނަ މީހަކު ހީވާނީ ޖޯކަރެއްހެން ކަމަށާއި މިފަދަ ފަރުމާތައް ލަދުން ވެސް ބޭނުންނުކުރާނެ ކަމަށެވެ.

Fixed them. pic.twitter.com/2QFRGJaKVI
— Specsavers (@Specsavers) December 10, 2020

ބައެއް މީހުން ވަނީ ޓްވިޓާގައި ގުޗީ ޓެގްކޮށް މިފަދަ "ކޫސަނި" ފަރުމާތައް ގެނެސްދެނީ ކީއްވެތޯ ވެސް ސުވާލުކޮށްފަ އެވެ. ބައެއް މީހުން ބުނެފައިވާ ގޮތުގައި މިއީ މި ޒަމާނަށް ފެތޭ ފަރުމާއެއް ނޫނެވެ. އެކަމަކު މީގެ 30 އަހަރު ކުރިން އެފަދަ އުފެއްދުމެއް ގެނެސްދިން ނަމަ ބަޔަކު އެ ބަލައިގަތީސް ކަމަށް ބައެއް މީހުން ބުނެފައިވެ އެވެ.

އަންހެނުން އިޓަލީ ފެޝަން އައިނު

1 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލި

14 December 2020

މިއީ 30 އަހަރުގެ ކުރީގެ ފަރުމާއެކޭ ކިޔައި އަހަރެމެން ޖޯކު ޖެހިއަސް، އިރުކޮޅަކުން ފެންނާނީ އަންހެނެއްކަން ނުވަތަ ފިރިހެއްކަން ވަކި ނުކުރެވޭ މީހަކު މާ މޮޅުއެއްޗަކަށް ހަދައިގެން އަޅައި، އެއީ އެމްޕަވަރަމަންޓް އޭ ކިޔައި އިންސްޓާ ކޮށްލާތަން. އެހިސާބުން ވައިގައި ހިފީ!