ބ. މާއްޑޫ ދަނޑުވެރިކަމަށް ދޫނުކުރަން ނިންމައިފި

ދަނޑުވެރިކަން ކުރުމަށް ބިޑަށްލި މާއްޑޫ. މިހާރު މި ބިޑު ވަނީ ބާތިލްކޮށްފައި

އާމިނަތު ޝިފްލީން، މިހާރު

14 ޑިސެމްބަރ 2020 - 12:45

ބ. އަތޮޅުގައި މިހާރު ބޭނުން ނުކޮށް އޮތް ދެ ރަށުގެ ތެރެއިން، އެންމެ ބޮޑު ފަޅުރަށް ކަމަށްވާ މާއްޑޫ، ދަނޑުވެރިކަމަށް ދޫނުކުރަން އެގްރިކަލްޗާ މިނިސްޓްރީން މިއަދު ނިންމައިފި އެވެ.

ބ. އަތޮޅުގެ މީހުން އާއްމުކޮށް ދަތުރު ގޮސް އުޅޭ 27 ހެކްޓަރުގެ ރަށް، ދަނޑުވެރިކަން ކުރުމަށް ބިޑަށް ލުމުން ރެކޯޑް އަދަދަކަށް މީހުން ކުރިމަތިލަ އެވެ. އޭގެ ތެރޭގައި މަޝްހޫރު ވިޔަފާރިވެރިންނާއި މަޖިލިސް މެމްބަރުން ހިމެނިވަޑައިގަންނަވަ އެވެ.

އެކަމަކު ސަރުކާރުގެ މި ނިންމުން ކަމުނުގޮސްގެން އެ އަތޮޅުގެ ގިނަ ބަޔަކު ވަނީ ޝަކުވާކޮށްފަ އެވެ. އެ މީހުންގެ އެންމެ ކަންބޮޑުވުމަކީ އަތޮޅުގެ މީހުން ދަތުރު ގޮސް މަޖާކޮށްލަން ރަށެއް ނުބާއްވައި، ރަށްތައް ދަނޑުވެރިކަން ކުރުމަށް ދޫކޮށްލުމުން، އެ ރަށްތަކުގައި މަސައްކަތް ނުކޮށް މުއްސަނދިން ޗުއްޓީ ހޭދަކުރުމަށް ހާއްސަ ކުރުމެވެ.

އެގްރިކަލްޗާ މިނިސްޓްރީން މިއަދު ބުނީ މާއްޑޫގައި ދަނޑުވެރިކަން ކުރުމަށް އިއުލާން ކުރި ބިޑު ބާތިލްކޮށްފައިވާ ކަމަށެވެ. އޭގެ ސަބަބެއް ނުބުނި ނަމަވެސް، ބ. އަތޮޅުގައި ދަނޑުވެރިކަމަށް ދޫކޮށްފައިވާ ރަށްތަކުގެ ބޭނުމެއް ނުކުރެވި، އެތަންތަން މަހުޖަނުންގެ "ހޮލިޑޭހޯމް"އަކަށް ހަދާކަމުގެ ކަންބޮޑުވުން ރޭ ވަނީ ފާޅުކޮށްފަ އެވެ.

Dhathuru dhaane rasheh neiy, mahujanun holiday hadhan rah thah nudhee: B. Atoll Council

The most trusted news source in the Maldives

Mihaaru

ބ. އަތޮޅުގައި 82 ރަށް އޮންނައިރު ގިނައީ ރިސޯޓުތަކާއި ރިސޯޓު ހެދުމަށް ދޫކޮށްފައިވާ ރަށްތަކެވެ. ދަނޑުވެރިކަމަށް ފަސް ރަށާއި އިތާމުތް އުފައްދައި ތަރައްގީކުރުމަށް ރަށެއް ދޫކޮށްފައިވާ އިރު، ރައްޔިތުން ދަތުރުދާން މިހާތަނަށް އޮތީ މާއްޑު އާއި، އެހެން ރަށްތަކާ އެކަހެރިކޮށް އޮންނަ ގާމަތީ ރަށެއް ކަމަށްވާ ދަކަންދޫ އެވެ.

ބ. އަތޮޅު ކައުންސިލްގެ ރައީސް މަބްރޫކް ނަސީރު ރޭ ވިދާޅުވި ގޮތުގައި ރައްޔިތުންގެ އެންމެ ބޮޑު ކަންބޮޑުވުމަކީ އަތޮޅުގެ ބޮޑެތި، ރީތި ރަށްތައް ދަނޑުވެރިކަމަށް އެތައް އަހަރަކަށް ދޫކޮށްފައި އޮންނައިރު އޭގެ މަންފާ އެއްވެސް ގޮތަކަށް ނުކުރުމެވެ. ދަނޑުވެރިކަން ކުރުމަށް އޮންނަ ހަ ރަށުން މިހާތަނަށް ހަ ވަޒީފާ ވެސް ނުއުފެއްދޭ ކަމަށް އޭނާ ވިދާޅުވި އެވެ.

"މިއީ ދަނޑުވެރިކަން ކުރުމަށް 21 އަހަރަށް ދޫކޮށްފައި އޮންނަ ރަށްތައް. އެކަމަކު ގިނަ ރަށްތަކުގައި އޮންނަނީ ސްވިމިންޕޫލް ވެސް ހަދާފައި،" މަބްރޫކް ވިދާޅުވި އެވެ.

"އެއިން ރަށެއް ބަލާލުމަށް ވެސް އެއްވެސް މީހަކަށް ދެވެނީކީ ނޫން."

ބ. އަތޮޅު ދަނޑުވެރިކަން ފިޝަރީޒް، އެގްރިކަލްޗާ މިނިސްޓްރީ ބ. އަތޮޅު ކައުންސިލް

14 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުރުކުރު

15 December 2020

ހެހެ ފަޅުރަށްތަކުގަ ގެދޮރު އަޅައިގެން މާލޭ އެކި އާއިލާތައް އެބައުޅޭ، ގެކައިރީ ރީނދޫ ހަންބުރިއެއްގަ އިންނާނެ މިރުސްގަހެއް އިންދާފަ. ބަލާލާއިރު ދަނޑުވެރިކަމަށް ނަގާފަ އެއޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޓޭ

15 December 2020

މި ލިތުމުގަ އެވަނީ ކުށެއް ނޫންތަ، ބ އަތޮޅުގަ 82 ރަށެއް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދުރީސްބެ

15 December 2020

މަބުރޫކް ތިކުރީ ވަރަށް ގޯސްކަމެއް، މިއޮއް ހުރިހާދުވަހަކު މާއްޑޫ އޮންނަނީ އޭދަފުށީ މީހުން ދަތުރުދާ ރަށެއްގެ ގޮތުގަ. މިހާރު ތި ދެއްކި ވާހަކައިން އަތޮޅު އެންމެން ދަތުރުދާ ރަށެއްގެ ގޮތުގަ މާއްޑޫ ހަމަޖައްސާނެ. އޭދަފުށީ މީހުނަށް ކިހާބޮޑު ދެރައެއްތިދިނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުވާލި އާދަނުގެ ސިޔާސީ ހާސަރު

15 December 2020

ސަލީމްބެ އޮންނެވީ ސިޔާސީ ހޮޅުއަށީގައި ނިދިކުރައްވާފައެވެ 5އަހަރު ފިސާރި ބުރިކޮށް އުޅުއްވާފައެވެ އެހެން އޮށްވާ ހުވަފެނު ފެންނަމުންދިޔައީ އޭދަފުއްޓާއި(މާއްޑޫ)ބުރިޖަކުން ގުޅާލިތަނެވެ. އޭދަފުށީ ރައްޔިތުން މާއްޑޫގައި އާބާދު ވަމުންދިޔަތަނެވެ. މާއްޑޫ އޭދަފުށީގެ އަވަށަކަށްވެ 5000ހަށްވުރެ އާބާދީ އިތުރުވިތަނެވެ. އޭދަފުށި ސިޓީއަކަށް ބަދަލްވިތަނެވެ. ހޭލެވުނީ ކާރީގައި ހުރި ރޭޑިއޯއިން ބްރޭކިން ނިއުސް އަންނަ އަޑަށެވެ ބ. މާއްޑޫ ދަނޑުވެރިކަމަށް ދޫނުކުރަން ނިންމައިފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކީޓާ

15 December 2020

މާއްޑޫ އޭދަފުށީގެ ބަޔަކަށް ނުހެދޭނެ. މާއްޑޫ ހަމަޖެހެން ޖެހޭނީ އަތޮޅު އެންމެން ދަތުރުދާ ރަށެއްގެ ގޮތުގަ. އަތޮޅު ކައުންސިލުން ވެސް ބޭނުންވަނީ މާއްޑުއަކީ އަތޮޅުގެ ހުރިހާ ރަށަކުން ދަތުރުދާ ރަށެއްގެ ގޮތުގަ ބޭއްވުމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

14 December 2020

އޭދަފުށީ ބައެއްގެ ގޮތުގައި ކަނޑައަޅާ އިގްތިސާދީ ބޭނުންތަކަށް ބިންކުއްޔަށް ދޭންވީ. އޭރުން ދަނޑުވެރިކަމާ ގެސްޓްހައުސްއާއި އަދިވެސް އެހެން ބޭނުންތައް މާއްޑޫގައި ކުރެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހިނެއް ވެގެން

15 December 2020

ނުޖެހޭ އޭދަފުށީ ބަޔަކަށް މާއްޑޫ ހަދާކަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮސެޖް

15 December 2020

ހިބަޅިދޫ، ދަރަވަންދޫގެ ބަޔަކަށް. ކިހާދުއްފަރު، ދޮންފަނުގެ ބަޔަކަށް. އޮޅުގިރި، ހިތާދޫގެ ބަޔަކަށް..... މިގޮތައް މީހުން އުޅޭ ކޮންމެ ރަށަކާ ޖެހިގެން އެންމެ ކައިރީގަ އޮންނަ ފަޅުރަށް އެ ރަށަކަށް ދޭންވެއްޖެއްޔާ ހާދަ ރަގަޅުވާނެޔޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު1

14 December 2020

ވަރަށް ރަނގަޅު ނިންމުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިސްކަންދަރު1

14 December 2020

ދަތުރު ދެވޭގޮތަށް އޮތަސް ރަށުގެ ވަކި ސަރަހައްދެއް ދަނޑުވެރިކަމަށް ދޫކުރެވިދާނެ. އަމާ ބުނީތީ ފަރަށްދާ އުސޫލުން ކަންތައްތައް ކުރުން ހުއްޓާލަން ވެއްޖެ. ދަނޑުވެރިކަމަށް މުޅިރަށް ދޭކަށް ނުޖެހޭ. ދަނޑު ބިމުގެ ކުލި ކުޑަކޮށްފަ ދަތުރު ދާން ބޭނުންވާ މީހުންނަށް ވަކި ބައުންޑަރީއެއް ހަމަޖެއްސިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެވަންދުނި

14 December 2020

މީ ވަރަށްވެސް ތާރީހީދުވަހެއް ރައްޔިތުންގެ ބާރު ފުރަތަމަ ފަހަރަށް ހިނގިދުވަސް. ލާމަރްކަޒް ގެ އަލި ފެނުނުދުވަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސަލަރު ހޮވިއްޖެ

14 December 2020

އޭދަފުށީ މީހުނަށް ހިލޭ ރަށެއް ލިބުނީ އެވެ. ހުޅަނގު ބިތުގައި ދަތުރުދާ މާއްޑޫ އެވެ. އިރުމަތީ ބިތުގައި ޖޮބަށް ދާ ސޮނަވާ ފުށި ރިޒޯޓް އެވެ. ގޭ ދޮށުގައި ބޭންކް އޮފް މަހަލްދީފް އެވެ.ގޮޑު ދޮށުގައި ބޮޑު ބަނދަރެވެ. ދެތް އަތް ޖަހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާގޮތް ވީގޮތް

14 December 2020

ދަނޑުވެރި ކަމަށް ދޫކޮށްފައިވާ ފަޅުރަށް ރަށް ފަޅަށް ހުންނަނީ ދަނޑުވެރި ކަން ނުކުރެވޭ ގޮތަށް ދޭތީ އެވެ. ހަރުކަށި އުދަގޫ ޤަވާއިދު ތަށް ހަދާފައި އޭގެ ދަށުން އެކަމަކު ނުކުޅަދާނަ ބޮޑެތި އަގުތަކުގައި އެހާމަ ރިސްކު ބޮޑު މަސައްކަތެއް ކުރުމަށް އެހާމެ ކުރު މުއްދަތަކަށް ކުއްޔަށް ދޭތީ އެކަން ނުކުރެވެނީ އެވެ. މިނިސްޓަރީ އަށް ހީވެފައި އޮންނަނީ ދަނޑުވެރިކަން ކުރާށޭ ކިޔާފައި މީނަ މިއުޅެނީ ތެޔޮ ނަގަން ކަމަށެވެ. ހަމަ ހިލާ އރކަން ކުރިޔަކަ ނުދޭނަމެވެ.