ޑްރަގްސް މައްސަލައިގައި ޝަހީބުގެ މައްޗަށް ބޮޑު ތިން ދައުވާއެއް

ޝުރުފާ މުހައްމަދު، މިހާރު

18 ޑިސެމްބަރ 2020 - 20:55

ކަންނެލި ދޯންޏެއްގައި ރާއްޖެ އެތެރެކުރި 130 ކިލޯގެ މަސްތުވާތަކެތީގެ މައްސަލާގައި ހައްޔަރުކުރި ގއ. ވިލިނގިލިީ ލައިޓްހައުސް ޝަހީބް އިބްރާހިމްގެ މައްޗަށް ބޮޑު ތިން ދައުވާއެއް އުފުލައިފި އެވެ. ޝަހީބުގެ އިތުރުން މި މައްސަލާގައި ހިމެނޭ އެހެން ތިން މީހަކާއި ކުޑަކުއްޖެއްގެ މައްސަލަ ވެސް ކޯޓަށް ހުށަހެޅި އެވެ.

އޭނާގެ މައްޗަށް އުފުލާފައި ވަނީ މަސްތުވާތަކެތި ޓްރެފިކްކުރުމުގެ ދެ ދައުވާއަކާއި މަސްތުވާތަކެތި ރާއްޖެ އެތެރެކުރުމުގެ ދައުވާއެކެވެ. މި ތިން ދައުވާ އޭނާގެ މައްޗަށް ސާބިތު ވެއްޖެ ނަމަ 75 އަހަރުގެ ޖަލު ހުކުމެއް އަންނާނެ އެވެ.

އޭނާގެ މައްޗަށް އުފުލާފައިވާ ކޮންމެ ދައުވާ އަކުން ވެސް 25 އަހަރުގެ ޖަލު ހުކުމަކާއި 100،000ރ 10 މިލިއަން ރުފިޔާއާ ދެމެދުގެ ޖޫރިމަނާއެއް އަންނާނެ އެވެ.

މިދިޔަ އޮކްޓޯބަރު މަހު ހުޅުމާލެ ފަޅުތެރޭގައި އޮތް ކަންނެލި ދޯންޏަކުން ރާއްޖެ އެތެރެކޮށްފައިވާ މަސްތުވާތަކެތީގެ މައްސަލައިގައި ޖުމްލަ ހަތް މީހަކު ހައްޔަރު ކުރި އެވެ. އޭގެ ތެރޭގައި ކުޑަކުއްޖަކު ވެސް ހިމެނެ އެވެ. އޭގެ ތެރެއިން އިސްކޮށް އުޅުނު މީހަކީ ޝަހީބު ކަމަށް ތުހުމަތުކޮށްފައި ވެއެވެ.

ނަމަވެސް ބަންދުގެ 15 ދުވަސް ހަމަވުމުން ކްރިމިނަލް ކޯޓުން އޭނާ މިނިވަން ކުރީ އިތުރަށް ބަންދުގައި ބަައްޓަން އެކަށީގެންވާ ހެކި ނެތް ކަމަށް ބުނެ އެވެ. އެ މައްސަލައިގެ އިސްތިއުނާފު މަރުހަލާގައި ހައި ކޯޓުން ނިންމީ ޝަރީއަތް ނިމެންދެން އޭނާ ބަންދުކުރާށެވެ.

ޝަހީބަކީ މީގެ ކުރިން ވެސް އެފަދަ އެކި މައްސަލަތަކުގައި ހައްޔަރުކޮށްފައި ހުރި މީހެކެވެ. އިދިކޮޅު ޕީއެންސީގެ ކައުންސިލް މެމްބަރެއްގެ ގޮތުގައި ހުރި ޝަހީމް މި މައްސަލައިގައި ހައްޔަރުކުރުމާ އެކު އޭނާ ވަނީ ވަނީ މަގާމުން ސަސްޕެންޑްކޮށްފަ އެވެ.

ކުށްކުރުން ފުލުހުން ޕްރޮސެކިއުޓާ ޖެނެރަލް ކްރިމިނަލް ކޯޓް މަސްތުވާތަކެތި

9 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާޒި

20 December 2020

2 އަހަރު ނުވާނެ، މީނަ ޖަލުން ސަލާމަތް ވާނެ... ހަމަ އާންމު ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރިނގު ސޯދިޤް

19 December 2020

މީނާވެސ ބޮޑޫ ތުނބުޅި ބަހައްޓާ ޖަލުގެ މިސްކިތުގެ އިމާމްކަން ނޫނިއްޔާ ގަވާއިދުން ފޮޅާ ސާފުކުރަން ފަށިފިއްޔާ ނިޒާމުގެ ތެރެއިން ދޫވާނެ... މިހެން މިވަނީ އިއްޒަތްތެރިވެގެން އުޅޭ މެމްބަރުން ހަދާ "ގަބުޅި" ގާނޫނުގެ ސަބަބުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާހޭ

19 December 2020

މިފަހުން ފެނުނު މަންޒަރަށް ބަލާއިރު ތިޔަބުނާ ހުކުން ބޮޑުވާވަރަކަށް ދޫވާލެއް އަވަސް! މީނަގެ ކުރިން އެންމެ ގިނައިން ގެނައި ސޮރު ވެސް މިހާރު ދޫކޮށްލައިފި! މީނާވެސް ދޫކޮށްލާނެ! ހާސްނުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

19 December 2020

ތިކަހަލަ ކިތައްމެ ބަޔަކު މި މުޖްތަމައު ތެރޭ ދޫވެފަ އެބަހުރި. މާދަށް ވެސް ތިބޭފުޅާ ވެސް ދޫވެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅި

18 December 2020

ތީ ދެން އަނެއްކާ އަނެއްވާހަކަ. ތިމީހާޔައް ކަމެއްނުކުރެވޭތަނުގަ ތި ދުރަގު ބޮނޑި އަހަރެނެންގެ ލޯ ކުރިމަތީ އަންދާލަދިނިއްޔާ ކީވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

18 December 2020

މީ އަދީބުހެން ހުރިހާދިމާއަކާ ގުޅިފާހުރިމީހަކާ ވައްތަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮބުރީ

18 December 2020

އުޅުން ރަނގަޅުވީމަ ދޫވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުބެ232323

18 December 2020

މިކަންތަކުންވެސް ދިވެހީންނަށް ރަގަޅަށް އެނގެން އެބަޖެހޭ ސިޔާސީ މީހުންގެ ތެރޭގައި މަސްތުވާތަކެތީގެ ވިޔަފާރިކުރުން ފެތުރިފައި އޮތް މިންވަރު. އަތުލައިގަނެވޭނީ އަބަދުވެސް އޭރަކު އިދިކޮޅުގައި ތިބި ޕާޓީއެއްގެ ސިޔާސީ އިސްމީހުން. މިއީ ފިޔާތޮށީގެ ނިވަލުގައި މިއޮތްހާދުވަހު ނާޗަރަންގީކުޅުނު ގުރޫޕު ހިފާ ދުވަސްވަރު. ރީނދޫކުލައިގެ ނިވަލުގައި ތިބެގެން ބޮޑެތި ޖަރީމާ ހިންގާމީހުން ފަޅާއަރާ ދުވަސްތައްވެސް ބޭބެމެން ދުނިޔޭގައި ތިބިއްޔާ އަދި ފެންނާނެ.