އަދީބު: ސަން ކުންފުންޏާ ދެކޮޅަށް ހެއްކެއްގެ ގޮތުގައި އޭނާގެ ނަން ވަނީ ހުށަހަޅާފައި --- ފޮޓޯ/މިހާރު
20 ޑިސެމްބަރ 2020 - 13:26
48 comments
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ މައްސަލާގައި ސަން އިންވެސްޓްމަންޓް ކުންފުނީގެ މައްޗަށް ކުރާ ދައުވާ ސާބިތުކުރަން ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު ހެކިންގެ ގޮތުގައި ދައުލަތުން މިއަދު ހުށަހަޅައިފި އެވެ.
ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަދި އެމްޑީއޭގެ ލީޑަރު އަހުމަދު ސިޔާމް މުހައްމަދުގެ މަސްލަހަތު އޮންނަ ސަން ކުންފުނީގެ މައްޗަށް މަނީ ލޯންޑްރިންގެ ދައުވާ ދައުލަތުން ކުރަނީ އެމްއެމްޕީއާރުސީ މެދުވެރިކޮށް ރ. ފުއްގިރި ކުއްޔަށް ދޫކުރުމުގެ މުއާމަލާތުގެ ތެރެއިން ފައިސާ ލޯންޑާ ކުރުމުގައި ބައިވެރިވި ކަމަށް ތުހުމަތުކޮށެވެ. އެ ދައުވާއަށް އެ ކުންފުނިން އިންކާރު ކުރެ އެވެ.
އެ މައްސަލައިގައި މިއަދު ބޭއްވި އަޑުއެހުމުގައި ދައުލަތުން ހެކިންގެ ގޮތުގައި ހުށަހެޅީ އަދީބާއި ޒިޔަތާއި އިތުރު ބައެއް މީހުންގެ އިތުރުން ގިނަ އަދަދެއްގެ ލިޔުންތަކެވެ. ސަން ކުންފުނިން އެދުނީ ހެކި ހުށަހަޅަން އިތުރު ފުރުސަތެއް ދިނުމަށެވެ. އެހެންވެ، އެ މައްސަލަ ބައްލަވާ އިސް ގާޒީ އަހުމަދު ޝަކީލް ވަނީ ހެކި ހުށަހަޅަން ފަސް ދުވަހުގެ މުއްދަތެއް ދެއްވައިފަ އެވެ.
ސަން ކުންފުނީގެ މައްޗަށް ދައުލަތުން ދައުވާ ކުރާއިރު، ފުއްގިރީގެ މައްސަލައާ ގުޅިގެން ކުރީގެ ރައީސް އަބްދުﷲ ޔާމީންގެ މައްޗަށް ވެސް މަނީ ލޯންޑްރިންގެ އިތުރު ދައުވާއަކާއި ރިޝްވަތު ގަބޫލު ކުރުމުގެ ދައުވާއެއް ކޮށްފަ އެވެ. އެ މައްސަލާގެ ޝަރީއަތް ކުރިއަށް ގެންދަނީ ވަކިންނެވެ.
ޔާމީން މިހާރު ވެސް ގެންދަވަނީ އެހެން މައްސަލައެއްގައި މަނީ ލޯންޑްރިންގެ ދައުވާއެއް ސާބިތުވެ، ފަސް އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަަންޑާރަ
21 December 2020
ބަންޑާރަ ހެކިން.
ހައްލާގުއްލާ
21 December 2020
މިހިނގަނީ، މުސްތަގްބަލަށް ބަލާއިރު ވަރަށް ނުރައްކާތެރިކަންކަން. ދެން ވެރިކަމަށް އަންނަ ބަޔަކުވެސް މިކަންކަން ކުރާނެ. މީހުންގެ މުދާ ނަގަން ބޭނުމިއްޔާ އިކޮނޮމިކްސް މިނިސްޓްރީން 2 ހެކިން. ފައިސާ ނުދައްކާކަމަށް ނިންމަންވީމަ، މީރާއިން 2 ހެކިން. މީހެއްގެ ގެދޮރު ނަގަންވީމަ މާލޭ ސިޓީކައުންސިލުން 2 ހެކިން. މީހެއްގެ އަންބެއް ބޭނުންވީމަ، ގޭދޮށުން 2 ހެދިން ހުށަހަޅަންވީ. މީހެއްގެ ދޯންޏެއް ބޭނުންވީމަ، ޓްރާންސްޕޯޓުން 2 ހެކިން. ފައްކާ ސަދޫމެއް މިއޮތީ.
ޓިނު
21 December 2020
ތިކަން ކުރީ އެދެމީހުން އިސްވެތިބެ އެންމެ ރަގަޅަށް އެގޭނީވެސް އެމީހުނަނަށް
ހަޖަމް
21 December 2020
ތީިތި ވަރަށް ކަޑަ
ނިމޭނެ ގޮތް
21 December 2020
ޥަކި ހިސާބަކުން ޢެމްޑީޢޭ އިން ކޯލިސަންގަ ބައިވެރިވެ، މައްސަލަ ފަސްކުރެވޭނީ..
1234
21 December 2020
އަދީބު އާއި ޒިޔަތު ހަ މައެކަނި ބުނާބުނު މަކަށް ތިދައުވާ ކުރާނެބާ؟
ނުވެސްކުރެވޭނެ1
21 December 2020
ނުކުރާނެ. އެތައް ބައިވަރު ލިޔުންތަކެއް، ބޭންކް ރެކޯޑް. ފަދަ އެއްޗެހި ހުންނާނެ. ޖަރީމާ ހިންގުމުގައި އަމަލީ ގޮތުން އުޅުނު މީހުންގެ ކިބައިންދޯ ކަންކަމުގެ ތަފުސީލު ހޯދޭނީ. މީހުން ހޭރި ނަގަނީ ތަންދޮރު ނޭނގި. ހީވަނީ، އަދީބާ ޒިޔަތު ބުނާއިރަށް ސާބިތުވެ ހުކުމްކުރަނީއޭ. ދެން އުޅޭނެ އަދި 'ޝަރީއާ' ބޮލަށް ލައިގެން އެނބުރޭ ބައިގަނޑެއް.
ރީތި މޫސަ
20 December 2020
ރާއްޖޭގެ ހުރިހާކުއްވެރިންގެ ހެކިބަސް އަނެކުންނާއި ދެކޮޅަށް ނަގަންވީނޫންތޯ އެއިރުން ހުންނާނީ ފިސާރި އިންސާފުވެފަ
ކަކުނިބޯ
21 December 2020
ބައްލަވާ އެހެކި ޤަބޫލުކުރުން އޮންނާނީ އަދި އިތުރު ޤަރީނާ ތަކުގެ މަށްޗަށް އިގޭތޯ! ދައްކާވާހަކައެއް ހަ މަ ބުނެލު މަކުން އެހެކި ދެވުނީކަ މަކަށްނުބަލާނެ (ކަން ކަން އޮޅުވާލަން ރީތި މޫސަ ނޫޅުއްވާ) ތިގޮތަށް ހެކިދެންޔާ ރާއްޖޭގެ ފަސްލައްކަމީހުންނަށްވެސް ރީތި މޫސަ ލައިގެން ސައިބިތުކުރެވޭނެއެއްނު އެކަ މު އެކަން އެހެނެއްނޫން އިގޭތޯ ހިގާނީކީ
ޖާހިލިއްޔާތު
21 December 2020
ފެންނަ މަންޒަރަކީ، ފާސިގު ދެމީހުންގެ ހެކީގެ މައްޗަށް ދައުވާ އުފުލާ ކޯޓުތަކުގައި އެގޮތަށް ދައުވާ ކުރެވެމުންދާތަން. އިސްލާމީ ޝަރީޢާގައި ފާސިގުންގެ ހެކި ހުއްދައެއްނުވާނެ. އެއީ އެމީހުންނަކީ ދޮގުވެރި އަދި ހައްދުގެ ކުށްސާބިތު މީހުނަސް ވުމުން. އެފަދަ މީހުންގެ ހެކިން އިންސާފު ނުލިބޭނެކަން ﷲ ތަޢާލާ ދެނެވޮޑިގަންނަވާނެ. އެހެންވެ އެފަދަ ހެކި ގަބޫލުނުކުރުމަށް އިސްލާމީ ޝަރީޢާގައި އެއޮންނަނީވެސް.
ކކކކ
21 December 2020
ރީތި މޫސަ އެބުނީ ވަރަށް ރަނގަޅު ވާހަކައެއް. މި ޑްރާމާ ދެން އަންނަ ބަޔަކަށްވެސް ކުޅެވޭނެ. މިހާރު ތި ކުންފުނިތަކުގައި ތިބި މީހުން ބޭނުންކޮށްގެން އެމީހުން ލައްވާ ހެކިބަސްނަގައިގެން އެތަންތާނގައި މިހާރު ތިބި ވެރިންގެ ހަންދެމޭނެ. ގައުމުގެ ހުރިހާތަނެއްގައި ތިބި ވެރިންނާ ދެކޮޅަށް އަދި ބޭނުން ކޮންމެ މީހަކާ ދެކޮޅަށް 2 މީހަކުގެ ހެކިބަހުގެ މައްޗަށް ޖަލަށްލާ މުދާނަގާ، އޭނާގެ އާއިލާގެ އެންމެ ވަޒީފާއިން ވަކިކޮށް މިހުރިހާ ކުޅިއެއް ކުޅެވޭނެ. މިއީ ނުބައި ޕްރެކްޓިސްއެއް.
ޖަވާދު
20 December 2020
ވަގުންގެ ހެކިބަހެއް ޝަރީއަތަށް ޤަބޫލު ކޮށްގެން ނުވާނެ އެމީހުން އެފަދަ ބޮޑު ނުބައި ފާފައެއް ކުރީމަ އމީހުންގެ ހެކިބަސް ގަބޫލެއް ނުކުރެވޭނެ . ވެރި ކަމުގަވެސް ވަގުން ހެކިންނަށްވެސް ވަގުން ދެން ކުރާ ޝަރީޢަތުގަ އޮން ނާނީ ކޮން އިތުބާރެއް
ނާސިރު ބޭނުމީ މިނިވަންކަން.
20 December 2020
ކުއްވެރިއެއްގެ ހެކިބަސް ނުނެގޭނެ. ދާޒީ ހަސަދަވެރިވާމީހުންގެ ހެކިބަސް ނުނެގޭނެ.
ޒަރީރޫ
20 December 2020
އަހަރެންނާ ނާސިރު ބޭނުންވާ ގޮތަށް، ފެންނަ ބަޔަކު ލައްވާ ހެކިބަސް ނަގާފަ ނުފެންނަ ބަޔަކުލައްވާ ހެކިބަސް ނުނަގާ ގޮތަށް އޮންނަ ކަމެއްބާމީ!
ރީތި މޫސަ
20 December 2020
ރާއްޖޭގަހިންގާ ކޮންމެޖަރީމާއެއްގެ ހެކިވެރިޔަކަށް ކުއްވެރިޔަކުހޯދަންވީނޫންތޯ