ރިތިކާއި ދީޕިކާގެ "ފައިޓާ" އިއުލާންކޮށްފި

އަހުމަދު އަދްޝަން، މިހާރު

12 ޖެނުއަރީ 2021 - 07:42

ރިތިކް ރޯޝަނާ އެކު ފިލްމެއް ކުޅެން އުޅޭކަމުގެ އިޝާރާތެއް ބަތަލާ ދީޕިކާ ޕަދްކޯން ދިނުމާ އެކު އެ ފިލްމު ރަސްމީކޮށް އިއުލާންކޮށްފި އެވެ.

ބޮލީވުޑްގެ އެންމެ މަޝްހޫރު ތަރިންގެ ތެރޭގައި ހިމެނޭ ރިތިކާއި ދީޕިކާގެ ޖޯޑު އެކީގައި ފެންނާނެ ފުރަތަމަ ފިލްމަކީ ރިތިކް ސޮއިކުރި ކަމަށް ދާދި ފަހުން އަޑު ވެސް އެރި "ފައިޓާ" އެވެ. މި ފިލްމަކީ ޝާހްރުކް ޚާނާއި ދީޕިކާ އެކު މި ވަގުތު "ޕަތާން" ހަދަމުން އަންނަ ސިދާތު އާނަންދު ޑައިރެކްޓްކުރާ ފިލްމެކެވެ. ފިލްމު ޕްރޮޑިއުސްކުރަނީ އޭނާގެ އަމިއްލަ ފިލްމު ކުންފުނި މާފްލިކްސްއިންނެވެ.

ސިދާތަކީ ރިތިކާ އެކު 2019 ގައި "ވޯ" އާއި 2014 ގެ "ވޯ" ގެނެސްދިން ޑައިރެކްޓަރެވެ.

Dreams really do come true...💥 #SiddharthAnand #Marflix #Fighter @iHrithik pic.twitter.com/mdvEzQBrGJ
— Deepika Padukone (@deepikapadukone) January 10, 2021

ދީޕިކާ އެންމެ ފުރަތަމަ ސިދާތާ އެކު މަސައްކަތްކުރީ 2009 ގެ "ބަޗްނާ އޭ ހަސީނޯ" ގަ އެވެ.

Presenting a glimpse of the MARFLIX vision as #Fighter! Looking forward to my first flight alongside the exceptional @deepikapadukone. All buckled up for this #SiddharthAnand joyride. pic.twitter.com/gaqv53xbO9
— Hrithik Roshan (@iHrithik) January 10, 2021

މި އަހަރުގެ މެދު ތެރޭގައި ޝޫޓިން ފަށާނެ ކަމަށް ބެލެވޭ "ފައިޓާ" ސިނަމާތަކަށް ގެންނާނީ ސެޕްޓެމްބަރު 30، 2022 ގަ އެވެ. ޔަގީނުން ވެސް މި ފިލްމުވެގެން ދާނީ ރިތިކާއި ދީފިކާގެ ފޭނުން ވަރަށް އިންތިޒާކުރާނެ ފިލްމަކަށެވެ. މި ފިލްމުގެ ވާހަކަ ދީޕީކާ ޓްވިޓާގައި ހިއްސާކުރީ ރިތިކާ އެކު މަސައްކަތްކުރަން ލިބުމަކީ ހުވެފަނަކީ ހަގީގަތަކަށްވާ އެއްޗެއް ކަމަށް ގަބޫލުކުރާ ކަމަށް ބުނެ އެވެ.

"ފައިޓާ" އަކީ "ވޯ" އަށް ފަހު ރިތިކް ކުޅެން ރަސްމީކޮށް އިއުލާންކުރި ފުރަތަމަ ފިލްމެވެ.

Deepika dhinee Hirithik aa eku filmeh oiy kamuge ishaaraatheh?

The most trusted news source in the Maldives

Mihaaru

ދީޕިކާގެ އަތުގައި ހުރި ޕްރޮޖެކްޓްތަކުގެ ތެރޭގައި "ޕަތާން" ގެ އިތުރުން ޑައިރެކްޓަރު ޝަކުން ބަޓްރާގެ ނަން އިއުލާންނުކުރާ އެކަމަކު ޝޫޓިން ފަށާފައި އޮތް ފިލްމަކާއި ޕްރަބާސް އާއި އަމީތާބް ބައްޗަނާ އެކު ކުޅޭ ނަން އިއުލާން ނުކުރާ ފިލްމަކާއި "މަހާބާރަތު" އާއި ހޮލީވުޑްގެ ފިލްމު "ދި އިންޓާން" ގެ ރިމެކް ހިމެނެ އެވެ.

މިދިޔަ އަހަރު "ޗަޕާކް" އިން ފެނިގެން ދިޔަ ބަތަލާ ދެން އެންމެ އަވަހަށް ފެންނާނީ ފިރިމީހާ ރަންވީރު ސިންގްގެ "83" އިންނެވެ.

Hrithik aai Sidharthge aa filmakee Fighter

The most trusted news source in the Maldives

Mihaaru