ހޯރަފުށި ދާއިރާގެ މެމްބަރު އަހުމަދު ސަލީމް މަޖިލީހުގެ ކޮމިޓީ ބައްދަލުވުމެއްގައި ވާހަކަދައްކަވަނީ. މަޖިލީހުގެ މިއަދުގެ ޖަލްސާގައި އޭނާ ވިދާޅުވީ ޖޫން މަހާ ހަމައަށް އިންތިހާބު ލަސްކުރުން ރަނގަަޅުކަމަށް.
17 ޖެނުއަރީ 2021 - 14:49
16 comments
ލޯކަލް ކައުންސިލް އިންތިހާބު އިތުރަށް ލަސްވިޔަ ނުދޭން ސަރުކާރުން ސަރުކާރުން ހުށަހެޅި ބިލެއްގެ މަސައްކަތް މަޖިލީހުން ފަށާފައި ވަނިކޮށް، އެ އިންތިހާބު އަދިވެސް ލަސްކުރަން ޖެހޭ ކަމަށް ވިދާޅުވެ، ހޯރަފުށީ ދާއިރާގެ އެމްޑީޕީ މެމްބަރު އަހުމަދު ސަލީމް މިއަދު ވާހާކަ ދައްކަވައިފި އެވެ.
ކޮވިޑް-19 ގެ ބަލިމަޑުކަމާ ހެދި ލަސްކޮށްފައިވާ ލޯކަލް ކައުންސިލް އިންތިހާބު، ސިއްހީ ކުއްލި ނުރައްކަލުގެ ހާލަތުގައި ވެސް ބޭއްވޭ ގޮތަށް ގާނޫނަށް ބަދަލު ގެންނަން ސަރުކާރުން ހުށަހެޅި ބިލަށް، ރައްޔިތުންގެ މަޖިލީހުގެ މިއަދުގެ ޖަލްސާގައި ކުރި ބަހުސްގައި ސަލީމް ވިދާޅުވީ އަންނަ ޖޫންމަހާ ހަމައަށް އިންތިހާބު ލަސްކޮށްލައިފި ނަމަ މިނިވަންކަމާ އެކު އިންތިހާބު ބޭއްވުމުގެ ފުރުސަތު ލިބޭނެ ކަމަށް ދެކެވަޑައިގަންނަވާ ކަމަށެވެ. އެއްވެސް ގައިޑްލައިނެއްގެ ދަށުން އީސީ މަސައްކަތް ކުރުމަކީ މިނިވަންކަމާ އެކު މަސައްކަތްކުރެވޭނެ ގޮތެއް ނޫން ކަމަށް ވިދާޅުވެ އޭނާ އިޝާރާތްކުރެއްވީ އިންތިހާބު ބޭއްވުމަށް ޓަކައި ރައްކާތެރިކަމުގެ ގައިޑްލައިން ހެދުމުގެ ބާރު، ހެލްތު ޕްރޮޓެކްޝަން އެޖެންސީ (އެޗްޕީއޭ) އަށް ބިލުގައި ދީފައި ވާތީ އެކަަމަށެވެ.
"އެއްވެސް ގައިޑްލައިނެއްގެ ދަށުން އިލެކްޝަންސް ކޮމިޝަން މަސައްކަތްކުރުމަކީ މިނިވަންކަމާ އެކު އެ ކޮމިޝަނަށް މަސައްކަތްކުރެވޭނެ ގޮތެއް ކަަމަށް އަޅުގަނޑު ގަބޫލެއް ނުކުރަން،" ސަލީމް ވިދާޅުވި އެވެ.
އިންތިހާބު ލަސްކުރަން ޖެހޭ އެއް ސަބަބަކީ އޭނާ ވިދާޅުވި ގޮތުގައި ކޮވިޑްގެ ވެކްސިން ލިބުން ދާދި ގާތްވެފައި ވުމެވެ. އަންނަ މޭ މަހާ ހިސާބަށް ދާއިރު ރާއްޖޭގައި ވެކްސިން ދީ ނިމޭނެ ކަަމަށް އޭނާ ލަފާކުރެއްވި އެވެ. މި މަހުގެ ތެރޭގައި ރާއްޖެ އަށް ވެކްސިން ގެނެވޭތޯ ސަރުކާރުން މަސައްކަތްކުރަމުން އަންނަ ކަމަށް ވެސް ވިދާޅުވި އެވެ.
އިންތިހާބު ލަސްކުރަން ޖެހޭ ކަމަށް ދެކެވަޑައިގަންނަވާ ދެވަނަ ސަބަބެއްގެ ގޮތުގައި ސަލީމް ވިދާޅުވީ ރައްކާތެރިކަމުގެ ފިޔަވަޅުތަކާ ހެދި އިންތިހާބަށްް ހިނގާ ހަރަދު ބޮޑުވުމެވެ. ތަންތަން ޑިސްއިންފެކްޓްކުރުމާއި ވޯޓުލާ މަރުކަޒުތަކަށް ވަންނަ މީހުންގެ ޓެމްޕަރޭޗާ ބެލުން ފަދަ ކަންތައްތަކާ ހެދި ހަރަދު އިތުރަށްް ބޮޑުވާނެ ކަމަށް އޭނާ ވިދާާޅުވި އެވެ. ވެކްސިންދީ ނިމި ޖޫންމަހުގެ ތެރޭގައި އިންތިހާބު ބާއްވާ ނަމަ ހަރަދު ކުޑަވުމުގެ އިތުރަށް ކެމްޕޭން ކުރުމުގެ މިނިވަންކަން ވެސް އޭނާ ވިދާޅުވީ މާ ބޮޑަށް ލިބޭނެ ކަަމަށެވެ.
ލޯކަލް ކައުންސިލް އިންްތިހާބު ނުބޭއްވި މިހައިތަނަށްް ލަސްވީ، ކޮވިޑްގެ ބަލިމަޑުކަން އައުމުން އިންްތިހާބު ލަސްކުރަން ޖެހިގެން ހެދި ސަންސެޓް ގާނޫނަކާ ހެދި އެވެ. ލޯކަލް ކައުންސިލްތަކުގެ އިންތިހާބުތަކާ ބެހޭ ހާއްސަ ގާނޫނު 2020 ގެ ނަމުގައި މިދިޔަ އަހަރު ފާސްކުރި އެ ގާނޫނުގައިވާ ގޮތުން، އިންތިހާބާ ބެހޭ އެއްވެސް ކަމެއް ކުރިއަށް ގެންދެވޭނީ ސިއްހީ ކުއްލިނުރައްކަލުގެ ހާލަތު އުވައިލުމުންނެވެ. މަޖިލީހުގެ ދައުރުން ބޭރުން މިހާރު ބާއްވާ ޖަލްސާތަކަކީ އެ ގާނޫނަށް ހުށަހަޅާފައިވާ އިސްލާހެއްގެ މަސަައްކަތްކުރަން ބާއްވާ ޖަލްސާތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލު
18 January 2021
ރައްޔިތުން ތިވީ ވޯޓުލާން. ލަސްޖުރަންޖެހޭނެ އެއްވެސް ސަބަބެއްބެތް. އިންޝާ ﷲ މިފަހަރު ދޮގު ވަޢުދުރައް ކޮށްގެން އައި މީހުންނަށް އެކަން ފެންނާނެ. އެއްވެސް ވަޢުދެއް މި ސަރުކާރަކުން ނުފުއްދާ. ކުރީ ސަރުކާރުން އެޅި ފްކެޓްތައްވެސް އަތުލައި އެހެން ވަޔަކަށް ދިންއިރު. މިބައި މީހުން އެޅި ފްކެއްޓެއްނެތް. އެހެން ބަޔަކު އެޅި ފްލެޓްތަކުގައި މިބައި މީހުން މިބައްދަނީ.
ހޯރަފުށީ ޗާލުނަޔާ
17 January 2021
ކޮވިޑް 19 ގެ މިޙާލަތުގައި ލޯކަލް ކައުންސިލް އިންތިޙާބު ޖޫންމަހާއި ހަމަޔަށް ލަސްކޮށްލުން ނުވަތަ ވެކްސިން ދިނުމާއި ހަމަޔަށް ލަސްކޮށްލުމަށްވުރެ ވަކީން ދަޢުލަތާށާއި ރައްޔިތުންނަށް ފައިދާހުރި ގޮތެއް ނެތްކަމަށް ހޯރަފުށީ ދާއިރާގެ އިއްޒަތްތެރި މެންބަރު ވީދާޅުވި ވިދާޅުމަށް ފުރިހަމައަށް ތާޢީދުކުރަމެވެ. މިފަދަ ދަޑިވަޅެއްގައި އިންތިޙާބެއް ބޭއްވުމާއި ގުޅޭގޮތުން އެމަނުކުފާނު މިއަދު މަޖިލުހުގައި ދެއްކެވީ ވާހަކަފުޅާއި ފާޅުކުރެއްވި ޙިޔާލުފުޅުތަކަކީ އެފަދަ ދެވަނައެއްނެތް ޤަބޫލުކުރެވޭ ވާހަކަފުޅެކެވެ. ސަރުކާރުގެ މެންބަރެއްގެ ގޮތުގައި ހުންނަވާ ރައްޔިތުންގެ ޙައްޤުގައި ޙައްގު ބަސް ވިދާޅުވާން ކެރިވަޑައިގަތުމުގައި ތިޔަ ދެއްކެވި ހިތްވަރަށާއި ނަމޫނާއަށް އައްސެރިބަހާއި ސާބަސް ރައްދުކުރަމެވެ.
އޮނަރަބްލް އަފީފު ދީދީ
17 January 2021
މިހާރުމިއޮތް ނިޒާމަކީ ރާއްޖެ ލާމަރުކަޒުކޮށް ކާމިޔާބު ކަމާއިއެކުގައި ހިންގޭނެ ނިޒާމެއްނޫން. # އާބާދީގައި 100 މީހުންހަމަނުވާ އެތައް ކައުންސިލް އޮތުމަކީ ދައުލަތަށް އަދި ނުސީދާގޮތުން "ރައްޔަތުންނަށްވެސް" ބޮޑު ބުރައެއް. # މިއޮނިގަނޑަށް ބަދަލުގެނެސް ޤާނޫނުއިސްލާޙްކޮށް ރާއްޖެ އިދާރީ ޤާނޫނީ 3 ރީޖަނަކަށްހިންގާން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ވެސް ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާރން ކަމުގައި ކަޑައަޅާންޖެހޭ.
ޢިބޫ
17 January 2021
ބުރޯމެން ފަޅީގެ މީހުން ބޭނުންވަނީ އިންތިހާބު ލަސްކުރަންށޯ އެއީ ތެދެއްބާ؟
އެލެގުއިބުރު
17 January 2021
ނުހޮވޭނެކަން ގެރެންޓީވީމަ!
ވެލާ
17 January 2021
އިންތިހާބު ލަސްކުރަން ވީ އެވެ. އެތައް ސަތޭކަ މިލިއަން އެބަ ހަރަދު ވެ އެވެ. މިއީ ހަރަދު ކުޑަ ކުރަން ވީ ވަގުތެވެ.
ބޭބެ
17 January 2021
ހަރަދުބޮޑު އެއްޗެއްކަން ފާހަގަކޮށް ސަލީމް ވިދާޅުވީ ސިއްހީ ކުއްލި ނުރައްކަލުގެ ހާލަތުގައި އިތުރު ހަރަދުތައް ހިނގާނެ ކަމަށެވެ. އެގޮތުން ވޯޓުލާ މަރުކަޒުތައް ޑިސްއިންފެކްޓް ކުރުމަށް ގާތްގަނޑަކަށް 3.5 މިލިއަން ރުފިޔާ ހަރަދުވާނެ ކަމަށާއި، ކޮންމެ ވޯޓް ފޮށްޓެއް ކައިރީގައި ފިނިހޫނުމިން ބެލުމަށް ތާމޯމީޓަރު ގަތުމަށް 1.2 މިލިއަން ރުފިޔާ ހަރަދުވާނެ ކަމަށާއި އަދި އިންތިހާބުގައި މަސައްކަތްކުރާ އޮފިޝަލުންގެ ޕީޕީއަށް 3 މިލިއަން ރުފިޔާ ހަރަދުވާނެ ކަމަށް ސަލީމް ލަފާކުރެއްވި އެވެ. އަދި މިހާ ތާށި އަދި ދަތި ދަނޑިވަޅެއްގައި ހަމަ ކޮންމެހެން މި ހަރަދުތައް ކޮށްގެން މި އިންތިހާބު ބޭއްވުން މުހިންމުތޯ ސަލީމް ސުވާލު އުފެއްދެވި އެވެ.
ޖަމަލު
17 January 2021
މި ކޮވިޑު ފެށުނުއިރު ކޮވިޑު ޑައުންޕްލޭ ކުރަން މަޖުލީހުގަ ތިބެ އެމްޑީޕީ މެންބަރުން ކީ އެއްޗެހި ރެކޯޑިން އަމިއްލަ އަށް ބަލައި ލަން ވީނުން. މިހާރު ދެން ކޮން އަނގައެއް. އޭރުވެސް މިހާރުވެސް ޑަކުޓަރުނ ދައްކަނީ އެއްވާހަކައެއް
1234
17 January 2021
ތިހާ ވަރަށް ހަރަދަށް ބަލާ ބަޖެޓާމެދު ވިސްނާނަމަ ކީއްތޯވާނީ މަހެއްގެ މައްޗަށް މަޖިލީހުން ތިޔަ ހަރަދުކުރާ އެތައް ބިލިއަން ރުފިޔާ މުސާރަ ކަނޑާލާފަ ވަޒީފާނެތިފަ ބުކަވެފަ ތިބި އާއިލާތަކަށް އެހީވިއްޔާ؟؟
ހ ހށނ
17 January 2021
ކަމެއް ކުރެވޭ ބައެއްނޫން. އެކަމަކު މުސާރައާއި އިނާޔަތް، އަނެއްކާވެސް ރައްޔަތުން އެދޭ ބަޔަކަށް ލިބޭނެ ގޮތްހެދުން ރަނގަޅު!