ބާނީ ސޭންޑާޒްގެ "މީމް" ފެޝަން ޓްރެންޑަކަށް

އަހުމަދު އަދްޝަން، މިހާރު

24 ޖެނުއަރީ 2021 - 08:05

މިިދިޔަ ބުދަ ދުވަހު އެމެރިކާގެ 46 ވަނަ ރައީސް ޖޯ ބައިޑެން އާއި ނައިބު ރައީސާ ކަމަލާ ހެރިސް މަގާމުގެ ހުވާކުރެއްވުމުގެ ރަސްމިއްޔާތަށް ސެނަޓަރު ބާނީ ސެންޑާޒް ވަޑައިގެން އިންނެވި ގޮތުގެ ފޮޓޯ އިން މީމްތައް ހަދައި ސޯޝަލް މީޑިއާ ފުރާލުމާ އެކު ފެޝަން ޓްރެންޑަކަށް ވެސް މި ފޮޓޯ ވެއްޖެ އެވެ.

އެ ފޮޓޯގައި ފެންނަނީ ފިނިގަދަކަމުން ސޭންޑާޒް، 79، "ކުރުގެޅިގެން" ދެއަތް މޭމައްޗަށް ހުރަސްކޮށްލައްވައިގެން މާސްކެއް އަޅުއްވައިގެން ގޮނޑީގައި އިށީނދެ އިންނަ ތަނެވެ.

Just thought you all should know, @BernieSanders has embraced the meme for good and is selling this sweatshirt with 100% of proceeds going toward Meals on Wheels Vermont. And it’s made in America. 👏🏻 pic.twitter.com/kwAnpRT916
— 🌒Alexis of The Dark Woods🌘 (@alexisxstetic) January 22, 2021

ދަނޑިވަޅުގެ ބޭނުންކޮށް ބާނީގެ ކެމްޕޭނުން ވަނީ ކަޅު ކުލައިގެ ކްރެކްނެކް ސްވިޓަރެއްގެ މޭމަތީގައި މި މީމް ފޮޓޯ ޖަހައިގެން ވިއްކަން ފަށައިފަ އެވެ. އޭގެ ތިރީގައި ކުދި އަކުރުން "ބާނީ" ވެސް ލިޔެފައި އިނދެ އެވެ. ސްވެޓް ތައްޔާރުކޮށްފައި ވަނީ ކޮޓަން ފްލީސްއިން އަދި ސްމޯލް/މީޑިއަމް އަދި ލާޖް ސައިޒުން ލިބޭ ގޮތަށެވެ.

how can you not love sweet bernie sanders selling a sweatshirt of his mittens meme with 100% of proceeds going to meals on wheels in vermont
— jenbo 🚩 (@irockgnomes) January 22, 2021

މި ފަރުމާ ފެޝަން ޓްރެންޑެއްގެ ގޮތުގައި ގެނެސްދިނީ ބާނީގެ ކެމްޕޭން ސްޓޯރުންނެވެ. ބާނީގެ ވެބްސައިޓްގައި "ޗެއާމަން ބާނީ ސޭންޑާޒް" ގެ ނަމުގައި މި ސްވެޓަރު ވިއްކަނީ 45 ޑޮލަރަށެވެ. އެ ވިއްކައިގެން ލިބޭ ހުރިހާ ފައިސާއެއް ހަދިޔާކުރާނީ ސޭންޑާޒް ތަމްސީލުކުރައްވާ ވާމަންޓްގެ "މީލްސް އޯން ވީލްސް" އަށް ކަމަށެވެ. އެއީ އެމެރިކާގައި ބަނޑުހައިހޫނުކަމާ ދެކޮޅަށް މަސައްކަތްކުރާ ޖަމާއަތެކެވެ.

The Bernie meme is now a sweatshirt available on his campaign website for $45. All proceeds go to @_MealsOnWheels Vermont pic.twitter.com/a2PNbgIcck
— Elizabeth Landers (@ElizLanders) January 22, 2021

ބާނީ ސޭންޑާޒް "މީމް" ހިމަނައިގެން ނެރުނު ސްވެޓަރު ވިއްކަން ފެށުމާ އެކު ޑިމާންޑް ވަނީ ބޮޑުވެފަ އެވެ. އެހެންވެ ސޭންޑާޒްގެ ޓީމުން ބުނީ އެ ސްވެޓަރު ދެން ލިބޭނީ 3-6 ހަފުތާ ފަހުން ކަމަށެވެ.

Lol Bernie Sanders threw his meme on a sweatshirt. Charged $45 for it. Sold out immediately in all sizes. Then donated 100% of the proceeds to Meals on Wheels Vermont

👏🏽👏🏽👏🏽
— Chelz (@BigGado_) January 22, 2021

މި އަށް ލިބެމުން ބޮޑު ތަރުހީބާ ގުޅިގެން، މަޝްހޫރު ޓޯކް ޝޯ "ލޭޓް ނައިޓް ވިތު ސެތު މޭޔާޒް" ގައި ސޭންޑާޒް ވިދާޅުވީ މިއީ ދުވަހަކު ވެސް ލަފާކުރެއްވި ކަމެއް ނޫން ކަމަށެވެ.

Tonight’s guest @BernieSanders reacts to the memes about his instantly iconic inauguration look. pic.twitter.com/BrpYJN9V1u
— Late Night with Seth Meyers (@LateNightSeth) January 22, 2021

"އަހަރެން އެއްވެސް ބައެއްގެ ސަމާލުކަން ހޯދާކަށް ބައިޑެން ހުވާކުރެއްވުމުގެ ރަސްމިއްޔާތުގައި މަސައްކަތެއް ނުކުރަން. ފިނިގަދަމުން އެކަމުން ސަލާމަތްވޭތޯ ގޮނޑީގައި އިށީނދެލައިގެން އިނީ،" އޭނާ ވިދާޅުވި އެވެ.