ޚަބަރު / ލޯކަލް ކައުންސިލްތަކުގެ އިންތިޚާބު 2020

އަންހެނުންނަށް ގޮނޑި ޚާއްސަކުރުން ރަނގަޅު ކަމަށް ކުރި ހުކުމް ސުޕްރީމް ކޯޓުގައި އިސްތިއުނާފް ކުރަނީ

ސުޕްރީމް ކޯޓު: އަންހެނުންނަށް ކައުންސިލްތަކުގެ ގޮނޑި ޚާއްސަކުރި މައްސަލަ އެ ކޯޓުގައި އިސްތިއުނާފް ކުރަން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

25 ޖެނުއަރީ 2021 - 12:53

5 comments

އަންހެނުންނަށް ލޯކަލް ކައުންސިލްތަކުގެ 33 ޕަސެންޓް ގޮނޑި ޚާއްސަކުރި ރަނގަޅަށް ކަމަށް ހައި ކޯޓުން ކުރި ހުކުމް ސުޕްރީމް ކޯޓުގައި އިސްތިއުނާފް ކުރަން ނިންމައިފި އެވެ.

ލާ މަރުކަޒީ ގާނޫނަށް ގެނައި އިސްލާހެއްގެ ދަށުން ކައުންސިލްތަކުގެ 33 ޕަސެންޓް ގޮނޑި އަންހެނުންނަށް ޚާއްސަކުރީ ގާނޫނުއަސާސީއާ ޚިލާފަށް ކަމަށް ބުނެ ޖުމްހޫރީ ޕާޓީގެ ޒުވާނުންގެ ގޮފީގެ ކުރީގެ ރައީސް މޫސާ އަންވަރުގެ ފަރާތުން ހައި ކޯޓަށް ހުށަހެޅި ދުސްތޫރީ މައްސަލާގައި އެ ކޯޓުން އިއްޔެ ނިންމީ އެއީ ގާނޫނުއަސާސީ އެއްގޮތަށް ގެނައި ބަދަލެއް ކަމަށެވެ.

އެ ހުކުމާ ގުޅިގެން މޫސާ އަންވަރު ކުރި ޓްވީޓެއްގައިވަނީ ހައި ކޯޓުގެ ހުކުމް އޮތްގޮތުން ގާނޫނުއަސާސީގެ އަސާސީ ހައްގުތަކާ ގުޅޭ ބާބު ކަފުން ކުރަން ފުރުސަތު ލިބޭ ކަމަށެވެ. އަދި އެ ހުކުމް އޮތީ ގާނޫނު މާނަ ކުރުމުގެ ހަމަތަކާއި އަދުލު އިންސާފުގެ ހަމަތަކާ ވެސް މުޅިން ޚިލާފަށް ކަމަށާއި އެހެން ގައުމުތަކުގައި އަންހެނުންނަށް ކޯޓާ ކަނޑައަޅާފައިވާ ގޮތަށް ރިއާޔަތް ކޮށްފައިނުވާ ކަމަށް އެ ޓްވީޓްގައިވެ އެވެ.

އެހެންވެ، އެ މައްސަލަ ސުޕްރީމް ކޯޓުގައި އިސްތިއުނާފް ކުރާނެ ކަމަށް މޫސަގެ ޓްވީޓްގައިވެ އެވެ.

އަންހެނުންނަށް ގޮނޑި ޚާއްސަކުރުމަކީ އިންތިޚާބީ ހައްގަކަށް ހުރަސް އެޅޭ ކަމެއް ކަމަށް ބުނެ އެންމެ ފުރަތަމަ މޫސަގެ ފަރާތުން އެ މައްސަލަ ހުށަހެޅީ ވެސް ސުޕްރީމް ކޯޓަށެވެ. އެކަމަކު އެއީ ސުޕްރީމް ކޯޓުގެ އަސްލީ އިހްތިސާސް ލިބޭ ދުސްތޫރީ މައްސަލައަކަށް ނުވާތީ އެ ކޯޓުން އެ މައްސަލަ ބަލައިނުގަނެ އެންގީ ހައި ކޯޓަށް އެ މައްސަލަ ހުށަހެޅުމަށެވެ.

އަންހެނުންގެ ހައްގުތައް ސުޕްރީމް ކޯޓް ހައި ކޯޓް މޫސާ އަންވަރު ލޯކަލް ކައުންސިލްތަކުގެ އިންތިޚާބު 2020

5 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްްދޫ

25 January 2021

65 އހަރުމީހުނަށް ޖިންސް ތަފާތު ނުކޮށް ގާނޫނުގެތެރޭން އެހީދިނުން.ނުކުޅެދުންތެރިކަން ހިންނަ މީހުނަސް ޖިންސް ތަފާތު ނުކޮށް ގާނޫނުގެތެރޭން އެހީދިނުން. ތަފާތު ކުރުން ނޫންކަމަށް ގާނޫނުއަސާސީގެ 17 ވަނަ މާއްދާގެ ށ ގަވަނީ. ގާނޫނުއަސާސީ ގެ 17 ވަނަ މާއްދާގަ ބުނަނީ ޖިންސް ތަފާތު ކުރުމާ ވަކި ޖިންސެއްގެ ބަޔަކު ހާއްސަކުރުން ގާނޫނުއަސަސީ އާއި ހިލާފް ކަމަށް. މުއަސަނދިކަމަށް ޖިންސަށް އައިލާއަށް ރަށަށް ބަލައި ތަފާތު ނުކުރެވޭނޭ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިސް

25 January 2021

އަންހެން ފަޑިޔާރުންގެ ހުރިވަރެއް ފެނިދާނެ މިފަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިތޮށި

25 January 2021

މޫސާ އަންވަރު ކަހަލަ މީހުން ސިޔާސީ މަގާމު ތަކުން ދުރު ކުރަން ޖެހޭ. އެއީ ދުރު ނުވިސްނޭތީ އަދި ތަހުޒީބު ނުވާތީ. އަންހެނުންނަށް ފުރުސަތު ހޯދައިދީގެން ގައުމަށް ވާނީ ފައިދާ. ކީއްކުރަން މި ކަމާ ދެކޮޅު ހަދަނީ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޤު

25 January 2021

ފުރުސަތު ނުދޭ ވާހަކަ އެއް ނޫން ތަބަކަށް ލާފަ ދޭންވީމާ އޭގައި އުޅޭ މައްސަލަތަކެއް. އޭރައް އެމަޤާމަށް ޤާބިލު ފިރިހެނެއްގެ ހައްޤުވެސް ގެއްލުމަކީ އެކަށީގެން ވާކަމެެއް. ދެން އޮތީ ރަައްޔިތުން ގެ ހައްޤު. ރައްޔިތުންގެ ތެރެއިން ރައްޔިތުންގެ ފައިސާއިން ޚަރަދުކޮށްގެން މުސާރަދޭ މަންދޫބުންނަނީ އެންމެ ޤާބިލު މީހުނަށް ވާންޖެހޭނެ. ވަކި ބަޔަކަށް ރިޒާވް ވީމާ އެހެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާ އަންވަރު

25 January 2021

ސިޔާސީ މަޤާމެއްގައެއް ނެތީމު. އަންހެނުންނަށް ގޮނޑި ޚާއްސަ ކުރަން ބޭނުންނަމަ ޑިމޮކްރަޓިކް ޤައުމުތަކުގައި އެކަން ކޮށްފައިވާ ގޮތަށް ޤާނޫނުއަސާސީ އިސްލާހުކޮށްގެން ގޮނޑި ޚާއްސަ ކުރަންވީ. ޤާނޫނުއަސާސީއާއި ޚިލާފެއް ނުވެވޭނެ.