ކްރިމިނަލް ކޯޓު: މަސްތުވާތަކެތީގެ ބޮޑު މައްސަލައެއްގައި ދައުވާލިބޭ ބަންދުން މީހަކު ދޫކޮށްލިއިރު ޕީޖީން ވަކި އެއްޗެއް ބުނެފައެއް ނުވޭ --- ފޮޓޯ/މިހާރު
26 ޖެނުއަރީ 2021 - 23:20
11 comments
ފަސްދޮޅަސް އެއް ކިލޯގެ މަސްތުވާތަކެތީގެ މައްސަލާގެ ދައުވާ ލިބޭ އަހުމަދު ވިސާމް ސިއްހީ ހާލަތަށް ރިއާޔަތްކޮށް ބަންދުން ދޫކޮށްލިއިރު އެކަމާ ގުޅޭގޮތުން ޕްރޮސެކިއުޓާ ޖެނެރަލްގެ އޮފީހުން އެއްވެސް ކަމެއް ފާހަގަކޮށްފައި ނުވާ ކަމަށް ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ބުނެފި އެވެ.
މަސް ދޯންޏަކާއި ބައެއް ގޭގެ ބަލައި ފާސްކޮށް، މިިދިޔަ އަހަރުގެ މާޗު އަތުލައިގަތް 61 ކިލޯގެ މަސްތުވާތަކެތީގެ މައްސަލައިގައި އިސްކޮށް ހުރި ކަމަށް ތުހުމަތުކުރާ މ. ބޮއިލިންފިޝް އަހުމަދު ވިސާމް ޝަރީއަތް ނިމެންދެން ބަންދުގައި ބެހެއްޓުމަށް ފަހު އޭނާގެ ބަންދު ކްރިމިނަލް ކޯޓުން ރިވިއުކޮށް، ބަންދުން ދޫކޮށްލީ އޭނާގެ ކިބައިގައި ހުރި ސިއްހީ މައްސަލަތަކާ ގުޅިގެން ޑޮކްޓަރަށް ނުދައްކާތީ އެވެ. އެ ނިންމުމާ މެދު ހިތްހަމަ ނުޖެހިގެން އެ މައްސަލަ އިސްތިއުނާފް ކުރަން ޕީޖީން ހައި ކޯޓަށް މިހާރު ވަނީ ހުށަހަޅައިފަ އެވެ.
ޑީޖޭއޭ އިން މިރޭ ނެރުނު ބަޔާނެއްގައި ވަނީ ވިސާމްގެ ކަކުލުގެ އަނިޔާއަކާއި ނަފްސާނީ މައްސަލަތަކަކާ ގުޅިގެން އެ ދެ ބާވަތުގެ ޚާއްސަ ޑޮކްޓަރުންނަށް ދައްކަން ކަރެކްޝަންސްގެ ޑޮކްޓަރު ލަފާ ދީފައިވާ ކަމަށެވެ. އެކަމަކު ބަންދު އަމުރު މުރާޖައާ ކުރުމާ ހަމައަށް ވެސް އޭނާ އެ ދެ ބާވަތުގެ ޑޮކްޓަރުންނަށް ދައްކާފައި ނުވާ ކަމަށާއި އެކަމާ ބެހޭ ލިޔުންތައް ވެސް ކޯޓަށް ހުށަހެޅި ކަމަށް އެ ބަޔާނުގައިވެ އެވެ. އެކަންކަމާ ގުޅިގެން ޕީޖީ އޮފީހުން އެ އަޑުއެހުމުގައި ވަކި އެއްޗެއް ބުނެފައިނުވާ ކަމަށް އެ ބަޔާނުގައިިވެ އެވެ.
"އޭނާގެ ބަލި ހާލަތާ ގުޅޭ ކަންކަމާ ގުޅިގެން ޕީޖީގެ ފަރާތުން ވިދާޅުވަނީ ކީކޭތޯ ޝަރީއަތުން ސުވާލު ކުރުމުން އަހުމަދު ވިސާމްގެ ބަލި ހާލަތާ ގުޅިގެން އެއްވެސް ކަމެއް ފާހަގަކުރަން ނެތް ކަމަށް ދައުލަތުން ބުނެފައިވެ އެވެ." ޑީޖޭއޭ އިން ބުނެ އެވެ.
އެ އިދާރާގެ ބަޔާނުގައިވާ ގޮތުން ވިސާމް ދޫކޮށްލީ ގިނަ ޝަރުތުތަކެއް ކުރުމަށް ފަހު އެވެ. އެކަމަކު އެއީ ކޮން ޝަރުތުތަކެއް ކަމެއް އެ ބަޔާނުގައި ބުނެފައެއް ނުވެ އެވެ.
ވިސާމާ އެކު، 61 ކިލޯގެ މަސްތުވާތަކެތީގެ މައްސަލައިގައި އިތުރު 10 މީހަކަށް ދައުލަތުން ވަނީ ދައުވާ އުފުލައިފަ އެވެ. އެ މައްސަލައިގެ ޝަރީއަތް ދަނީ ކުރިއަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫމީހާ
27 January 2021
ކޮއިފުޅުމެންނޭ ތިޔަކަހަލަ ބޮޑެތި ޝަރީއަތްތައް ޓީވިން ލައިވްކޮއް ދައްކާނަމަ ޤާޒީންގެ ފެންވަރާ އަދި ދައުލަތް ތަމްސީލްކުރާ ޕީޖީންގެ ވަކީލުންގެ ފެންވަރު އިންގޭނެ،،( ކުޑަކުއްޖެގެ މައްސަލާގަ ދިފާއީ ވަކީލު މިބުނަނީ އޭނާގެ މުވައްކިލް އުޅެނީ ލޯބީގެ ގޮތުން އެކުއްޖާއާ ގުޅިގެންނޭ،، ކޮޓަރިއަލާ ތަޅުލާ ބަންދުކޮއްގެން ގެންގުޅުނު މައްސަލާގަ ތަހްގީގް ނިންމަ ސަރީއަތަ ހުށަހަޅާއިރު ކުޑަމިނުން ތަޅުގެ ފޮޓޯ އަދި ކޮންކަހަލަ ތަޅެއްކަން ދައުލަތައް ބުނެނުދެވޭ)ދެން ވިސްނާ،،
އާދަމް މުޙައްމަދު
27 January 2021
ހިންނަވަރު އާދަނު އެހަދަނީ ކަނޑައެޅިގެން ދޮގު. ކިހާ ވަރަކަށް ބުނީމަތަ ވާނީ ކަމެއް ބުނިކަމަށް. އެހެން ނޫނަސް އެކޮއިމެން ތިނޫން ގޮތަކަށް ކަމެއް އެބަކުރޭތަ؟ ބަލާ އިސް ޤާޟީ އެ ބޭޅާގެ ކަމަކީ ފުއްޕުން
އާދަމް ޝަރީފް
27 January 2021
ޕީ.ޖީ އިން ކޯއްޗެއް ނުބުނެގެން ދޫކޮށްލީ. ބަންދުގަ ބެހެއްޓުމުގެ އަމުރަކަށް އެދުނީ ޕީ.ޖީ އިންނޫންތަ. ކުށްވެރިޔާ ތިމަންނަ ކަކުލުގަ ރިއްސައޭ ބުނާއިރަށް ދޫކޮށްލަންޖެހޭތަ. ބޭސް ކުރަން ކަރެކްޝަންގެ މައްޗަށް އަމުރެއްވެސް ނެރެވިދާނެ . ތިކަން ދިޔަގޮތަށްބަލާއިރު ފަޑިޔާރު ރިޝްވަތު ނެގިކަމުގަ ތުހުމަތު ކުރެވޭ.
ޖީޕީ
27 January 2021
ޕީޖީ ވަރަށް ކޫލު ވާނެ، މިހާރު ފަތަންގޮސް އުޅުއްވާނީ، ދުވެލާ ފަތާލާ، ކުއްވެރިން ދޫވުން އެމުޅިން އެހެން ކަމެއް ދޯ! އެކަމު ވާނުވާ ނުޖެހޭނެ އިނގޭ.
1234
27 January 2021
ދޫކޮށްލުމުގެ ބަދަލުގައި 3 ދުވަސްތެރޭ ތިބުނާ ޑޮކްޓަރަށް ދެއްކުމަށް ހުކުމްކުރަންވީނު ، ނުދައްކާނަމަ ޒިންމާވާ މީހާ ހައްޔަރުކުރަން އަމުރު ނެރެންވީނު
އާދަމް ޝަރީފް
27 January 2021
ބޮޑެތި ކުއްވެރިން ދޫކޮށްލާފަ ދިފާއުގަ ވާހަކަދެއްކީމަ ވަރަށް ބޮޑަށް މާޔޫސްވެ ދެރަވޭ. ކުށުގެ ބުރަދަން ބޮޑުވި ވަރަކަށް އަވަހަށް ދޫކޮށްލެވޭ. މިލިޔަން ޑޮލަރުން ޚިޔާނާތްތެރި ވުމާއި ވައްކަން ކުރުމާ މިލިޔަނުން އަގު ކުރެވޭވަރަށް މަސްތުވާ ތަކެތި އެތެރެކޮށްފިއްޔާ ބަންދެއް ނުކުރެވޭ. ކޮޅަށްހުރެ ހީސްލުން ކަހަލަކަމެއް ކޮށްފިއްޔާ އެތައްއަހަރަކު ޖަލުގަ. ގައުމުގެ ހުރިހާ މުއައްސަސާއަކާ ފަޑިޔާރުންނާއި ޕޮލިހުންނާ ކޮރަޕްޓްވީމަ ވާގޮތް.
އަލީ ވަހީދު
27 January 2021
ގޯނިގޯނީގަ ޑުރަގްއެތެރެކޮއްފަ ބަސްޓްވީމަ ނަފްސާނީވެފަ އަހަރެމެންގެ ފައިސާ މިދެވެނީ ހައްގުވެރިންނައްނޫންކަން މިއެނގެނީ ޕީޖީވެސް ކޯޓްވެސް ގޯސް
ބޮލައްތުރާ
27 January 2021
ވިސާމަށް ކުރާ އަނިޔާ ހުއްޓާލާ
ޏަންޏަމް
27 January 2021
މިކަހަލަ ހަބަރުތައް ކިޔާފައި މާޔޫސްވެ ރުޅިގަވުން ނޫންކަމެއް ދެން ކުރެވޭކަށްނެތް. ރައްޔިތުންގެ ކަންކަމާ ހަވާލުވެ ބޮޑުމުސާރަ ނަންގަވައިގެން ޒިންމާ އުފުއްލަވާ ކަމެއްކުރައްވާތަނެއް ނުފެނޭ އެއްބަޔަކު އަނެއްބައިމީހުން ކުއްވެރިކުރުން އެންމެ ބުރަދަންހުންނަ ކަންކަމަށްވެ ނިމިއްޖެ. މިޤައުމުގަ އަޅެ އެންމެ ކަމެއްވެސް ރަނގަޅަށް ދާތަނެއް ނުފެނޭ އެކަމަކު ކަންކަން ރަނގަޅުކުރަން މަޤާމުތައްދަނީ އިތުރުވަމުން މިނޫންގޮތެއް މިރާއްޖެއަށް ނެތީބާ؟
ގޯތި އާދަނު
26 January 2021
ޕީގީގެ އިހުމާލު... ރައްޔިތުން ގެ ޓެކުސް ފައިސާއިން ބޮޑެތި މުސާރަ މަގާމުަތަކުގައި ތިބޭ ފަރާތްތަށް މިފަދަ އިހުމާލު ވުމުން މަޖިލީހުން ޖަވާބުދާރީ ކުރަން ޖެހޭނެ