ހާއްސަ އެހީ ބޭނުންވާ މީހުންނަށް، އެއް ތަނަކުން ހިދުމަތް ދެވޭނެ ގޮތް ހެދުމަށްޓަކައި ޑިސްއެބިލިޓީ މެނޭޖްމެންޓް އެންޑް ރިހެބިލިޓޭޝަން ސެންޓަރެއް ހަދާނެ ކަމަށް ރައީސް މިއަދު ވިދާޅުވި.
ޖެންޑާ މިނިސްޓްރީ: ހާއްސަ އެހީ ބޭނުންވާ މީހުންނަށް ހާއްސަ ސެންޓަރެއް ހުޅުމާލޭގައި ހަދަމުން އަންނަ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި -- ފޮޓޯ: މިހާރު
04 ފެބުރުއަރީ 2021 - 16:36
2 comments
ހާއްސަ އެހީއަށް ބޭނުންވާ މީހުންނަށާއި ކުޑަކުދިން ބޭނުންވާ ހިދުމަތްތައް އެއް ފުރާޅެއްގެ ދަށުން ފަސޭހައިން ލިބޭނެ ގޮތް ހެދުމަށްޓަކައި ހާއްސަ ސެންޓަރެއް ގާއިމްކުރުމުގެ މަސައްކަތް ކުރައްވާ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ރައްޔިތުންގެ މަޖިލިސް މިއަހަރަށް ހުޅުވުމަށް ބޭއްވި ރަސްމިއްޔާތުގައި ދެއްވި ރިޔާސީ ބަޔާނުގައި ރައީސް ވިދާޅުވީ ޑިސްއެބިލިޓީ މެނޭޖްމެންޓް އެންޑް ރިހެބިލިޓޭޝަން ސެންޓަރެއް ގާއިމްކުރުމުގެ މަސައްކަތް ކުރައްވަމުން އަންނަ ކަމަށެވެ. އަދި ކުޑަކުދިންނަށް ބޭނުންވާ އެކި ހިދުމަތްތައް ފަސޭހައިން ލިބޭނެ ގޮތް ހެދުމަށްޓަކައި ހުޅުމާލެ ހޮސްޕިޓަލުގައި މިހާރު ވެސް މަސައްކަތްތަކެއް ކުރައްވަމުން އަންނަ ކަމަށް ވިދާޅުވި އެވެ.
"އެ ކުދިންނަށް ބޭނުންވާ ތެރަޕީ އާއި ފަރުވާ ލިބޭނެ ވަސީލަތްތަކާ އެކު ހުޅުމާލެ ހޮސްޕިޓަލުގައި ޗައިލްޑް ޑިވެލޮޕްމެންޓް ސެންޓަރެއް ގާއިމްކުރުމުގެ މަސައްކަތް އަޅުގަނޑު މި އަންނަނީ ކުރަމުން،" ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ރައްޔިތުންގެ މަޖިލީހުގެ މި އަހަރުގެ ފުރަތަމަ ޖަލްސާގައި ރިޔާސީ ބަޔާން ދެއްވަނީ -- ފޮޓޯ: ރައްޔިތުންގެ މަޖިލިސް
ކުޑަކުދިންނާއި ނުކުޅެދޭ މީހުންނަށް ތައާރަފްކޮށްފައިވާ ހިދުމަތުގެ އިތުރުން ދުވަސްވީ މީހުންނަށް ހާއްސަ މާހައުލެއް ގާއިމްކުރުމުގެ މަސައްކަތް ވެސް މިއަހަރު ފަށާނެ ކަމަށް އެ މަނިކުފާނު ވިދާޅުވި އެވެ.
"ފަހުރުވެރިކަމާ އެކު ދިރިއުޅެވޭނެ މާހައުލެއް ގާއިމްކުރުމަށްޓަކައި މުޅިން އަލަށް އެލްޑަލީ ވިލެޖް އެއް އައްޑު އަތޮޅުގައި ގާއިމްކުރުމުގެ މަސައްކަތް ވެސް މިއަހަރު ފެށޭނެ،" ރައީސް ވިދާޅުވި އެވެ.
ރާއްޖޭގައި އިޖްތިމާއީ ކަންކަމާ ގުޅޭ ސިޔާސަތުތައް ބިނާ ކުރަނީ އިސްލާމް ދީނުގައިވާ އުސޫލްތަކާއި އެއްގޮތަށް ކަމަށް ރައީސް ވިދާޅުވި އެވެ. އޭގެ ތެރޭގައި ހަރުކަށު ފިކުރުން ދިވެހިން ސަލާމަތްކުރަން ކުރެވުނު މަސައްކަތް ހިމެނޭ ކަމަށް ވިދާޅުވި އެވެ.
"... ދީނުގެ ނަމުގައި ކުޑަކުދިންނާއި އަންހެނުންނަށް ޖިންސީ އަދި ޖިސްމާނީ ގޯނާކޮށް، ހައްގުތަކުން މަހްރޫމްކޮށް މުޖްތަމައު ބައިބައިކުރުމަށް އެއްވެސް ބަޔަކަށް މި ފަސްގަނޑުގައި އެއްވެސް ފުރުސަތެއް ނުދެވޭނެ،" ރައީސް ވިދާޅުވި އެވެ.
އަނިޔާ ތަހައްމަލުކުރާ މީހުންނަށް ރައްކާތެރި މާހައުލެއް ހޯދައިދިނުމަށްޓަކައި ވެސް މި ސަރުކާރުން އަންނަނީ ގިނަ މަސައްކަތްތަކެއް ކުރަމުން ކަމަށް އެ މަނިކުފާނު ވިދާޅުވި އެވެ
"އޭގެ ތެރެއިން އެންމެ މުހިއްމު ކަމެއްގެ ގޮތުގައި އަޅުގަނޑު ފާހަގަކުރަނީ ހަރުކަށި ފިކުރުގެ އޮއިވަރުން ދިވެހި ރައްޔިތުން ސަލާމަތްކުރުމަށް ކުރެވުނު މުހިއްމު މަސައްކަތްތައް،" އެ މަނިކުފާނު ވިދާޅުވި އެވެ.
މީގެ އިތުރުން ދައުލަތުގެ ބެލުމުގެ ދަށުގައި ވިލިމާލެ އަދި ހުޅުމާލޭގައި ހުރި ހިޔާތަކުގައި ތިބި ބައެއް ކުޑަކުދިން، އާއިލީ ވެށިތަކަށް ރަށްރަށަށް ބަދަލުކޮށްފައިވާ ކަމަށް ވެސް ރައީސް ފާހަގަކުރެއްވި އެވެ. އަދި ވިލިމާލެ އާއި ހުޅުމާލޭގެ ހިޔާގައި ތިބޭ ކުދިން ބަލަހައްޓަން ހަވާލުކޮށްފައިވާ މީހުން، އެ ކުދިންނަށް އެކި ބާވަތުގެ އަނިޔާކޮށްފައިވާ މައްސަލަ ވެސް ދައުލަތުން މިހާރު އަންނަނީ ތަހުގީގުކުރަމުން ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޔަބޮޑޭ
05 February 2021
އޮއްސެންދިޔަ އިރުފެންނަ ހިސާބުގަ މަނިކުފާނު އަހަރެމެންނާ ބައްދަލު ކޮއްފަ ވިދާޅުވި މިއަހަރުތެރޭ މިރަށުގެ ނަރުދަމާގެ އަމަލީ މަސައްކަތް ފަށާނަމެ, އެއީކޮން މިއަހަރެއްތޯ?
އޮނަރަބްލް އަފީފު ދީދީ
04 February 2021
ނެޝަނަލް އެލްޑަރލީ ވިލަޖް ހަދާންނިންމާފައިވަނީ މުސްތަޤުބަލުގައި ކާރޫބާރުބޮޑުވާނެ ގަމާއި ގުޅިފައިވާއަވަށް ފޭދުގެ ހިއްކިބިމުގައި. # މިއީ އިންޑިޔާގެއެހީގައި އައްޑޫގައި އަޅާންނިންމި އިންޓަރނޭޝަނަލް ޕޮލިސް ޓްރައިނިންގ އިންސްޓިއުޓް އެޅުމަށްޓަކާ އައްޑޫމީހުނަށް ޖެއްސުމަކަށް ޔާމީނު އެތަނުގައިއޮތް އެންމެހިތްގައިމު ބީޗް އެއިމާރާތް އެޅުމަށްދިނުންފަދަ ކަމެއް. # ހުޅުމީދޫއަވަށުގެ ހެރެތެރެއާއިދެމެދު ތަންކޮޅެއް ހިމޭން ސަރަހައްދެއްގައި ތިތަން އަޅާންވީ ނޫންތޯ؟