ރިސޯޓަކުން ސްނޯކްލިން އަށް ދިޔަ ޓޫރިސްޓަކު ގެއްލިއްޖެ

މާމުނަގައު. މި ރިސޯޓުން ޓޫރިސްޓަކު ގެއްލުމުން އޭނާ ހޯދަން ސިފައިން އަންނަނީ މަސައްކަތްކުރަމުން

މުހައްމަދު ނަސީމް، މިހާރު

13 ފެބުރުއަރީ 2021 - 23:56

ރ. އަތޮޅުގައި އޮންނަ އިންޓަކޮންޓިނެންޓަލް މާމުނަގައު ރިސޯޓުން ސްނޯކްލިން އަށް ދިޔަ ޓޫރިސްޓަކު ގެއްލިގެން އޭނާ ހޯދަން ސިފައިން މަސައްކަތް ފަށައިފި އެވެ.

އެމްއެންޑީއެފުން ބުނީ މާމުނަގައު ރިސޯޓަށް ދިތަ އަންހެން ޓޫރިސްޓް ގެއްލުނީ އެކަނި ގޮސް އުޅެނިކޮށް ކަމަށާއި އޭނާ ގެއްލުނުކަަމުގެ މައުލޫމާތު އެމްއެންޑީއެފަށް ލިބުނީީ މިރޭ 20:58 ގައި ކަމަށެވެ. އެމްއެންޑީއެފްގެ ތަރުޖަމާން މޭޖާ އިބްރާހީމް އާޒިމް ވިދާޅުވީ ގެއްލުނު ޓޫރިސްޓް ހޯދަން ސިފައިންގެ ޑައިވަރުން މިހާރު އެ ސަރަހައްދުގައި މަސައްކަތް ކުރަމުން އަންނަ ކަމަށެވެ.

ސްނޯކްލިން އަށް ދިޔަ އިރު އެ ޓޫރިސްޓް ލައިގެން ހުރީ ރަތްކުލައިގެ މޫދު ހެދުމެއް ކަމަށް ވެސް އެމްއެންޑީއެފުން ބުންޏެވެ.