"ޕާޓީއެއް އޮތް މީހަކު ޕާޓީ އުވާލާފައި މީހުން ގޮވައިގެން ގޮސް ޕީޕީއެމް ތެރެއަށް ވަން މީހެއް އަޅުގަނޑަކީ. ބޭރުން އަންނަ މީހަކާ ވަރަށް ތަފާތު ވާނެ ކަމަށް އަޅުގަނޑު ގަބޫލުކުރަނީ"
ވަހީދު އެޑްވައިޒަރަކަށް ހަމަޖެއްސުމަށް އިދިކޮޅު ކޯލިޝަނުން ބޭއްވި ހަފްލާ: އެ ހަފުލާގައި ވަހީދު ވިދާޅުވެފައި ވަނީ ޕީޕީއެމަކީ ވަރުގަދަ ސިޔާސީ ޕާޓީއަކަށް ހައްދަވާނެ ކަމަށް-- ފޮޓޯ: އަހުމަދު އަވްޝަން/މިހާރު
28 ފެބުރުއަރީ 2021 - 10:16
94 comments
އިދިކޮޅު ލީޑަރެއްގެ ގޮތުގައި ހުންނެވި ކުރީގެ ރައީސް އަބްދުﷲ ޔާމީނަށް 2023ގެ ރިޔާސީ އިންތިޚާބުގައި ވާދަ ނުކުރެއްވިއްޖެ ހާލަތެއްގައި ރިޔާސީ ކެންޑިޑޭޓެއްގެ ގޮތުގައި ޕީޕީއެމާއި ޕީއެންސީން އެ މަނިކުފާނު ބަލައިގެންފި ނަމަ އިންތިޚާބަށް ނުކުމެވަޑައިގަންނަވަން ޝައުގުވެރިވެވަޑައިގަންނަވާ ކަން ކުރީގެ ރައީސް ޑރ. މުހައްމަދު ވަހީދު ރޭ ހާމަކުރައްވައިފި އެވެ.
ސިޔާސީ ހަރަކާތްތަކާ ދުރުގައި ދުވަސްތަކެއް ވަންދެން އުޅުއްވުމަށް ފަހު މިދިޔަ އަހަރުގެ ތެރޭގައި ޕީޕީއެމްގެ އެޑްވައިޒަރެއްގެ ގޮތުގައި މަސައްކަތް ފެއްޓެވި ޑރ. ވަހީދު، އިންތިޚާބަށް ގެންގުޅުއްވާ ވިސްނުންފުޅު ހާމަކުރެއްވީ ދައުލަތުގެ މީޑިއާ، ދިވެހި ރާއްޖޭގެ އަޑުގެ "އަހާށޭ ބުނާނަން" ޕްރޮގްރާމްގަ އެވެ.
އާއްމުން ސުވާލު ފޮނުވާ އެ ޕްރޮގްރާމްގައި އިންތިޚާބުން ޔާމީނަށް ފުރުސަތު އޮތް ކަމަށް ގަބޫލުކުރައްވަނީ ކިހާ ވަރަކަށްތޯ ޕްރެޒެންޓަރު އެހުމުން ވަހީދު ވިދާޅުވީ "އަޅުގަނޑުމެންގެ ޕާޓީން ގަބޫލުކުރަނީ އެ މަނިކުފާނަށް އެ ފުރުސަތު އެބަ އޮތް" ކަމަށެވެ. ޕާޓީ ތެރޭގައި މަސައްކަތް ކުރައްވަމުން ގެންދަވަނީ ވެސް އެގޮތަށް ގަބޫލުކުރައްވައިގެން ކަމަށް ވިދާޅުވި އެވެ.
ރައީސް ޔާމީނަށް ކުރިމަތި ނުލެވޭ ހާލަތެއް ނަމަ ޕާޓީން ނިންމާނީ ގައުމަށް އަދި ޕާޓީއަށް ވެސް އެންމެ ރަނގަޅަށް. އެ އެންމެ ރަނގަޅު ގޮތަކީ އަޅުގަނޑު އެ މަގާމަށް ކުރިމަތިލުން ކަމަށް ވާ ނަމަ އެއީ އެންމެ ރަނގަޅު ގޮތް: ވަހީދު
އެ މަނިކުފާނު ވިދާޅުވި ގޮތުގައި ކުރިއަށް އޮތް ދެ އަހަރުގެ ތެރޭގައި ޔާމީން މިނިވަންވެވަޑައިގެން އިންތިޚާބުން ފުރުސަތު ލިބިވަޑައިގަންނަވާނެ ކަމަށް ޕާޓީން ގަބޫލުކުރެ އެވެ. އެކަމަކު ވެސް ސިޔާސީ މަސްރަހު ފުރޮޅިގެން ދަނީ ޔާމީނަށް މި ސަރުކާރުގެ ދަތިކުރުންތަކާ އެކުގައި ކަމަށް ވެސް ޑރ. ވަހީދު ވިދާޅުވި އެވެ.
ރައީސް އަބްދުﷲ ޔާމީނާއި ކުރީގެ ރައީސް މުހައްމަދު ވަހީދު ޖެނުއަރީ 25، 2015 ގައި ރައީސް އޮފީހުގައި ބައްދަލުކުރައްވަނީ.---ރައީސް އޮފީސް ފޮޓޯ
އިންތިޚާބު ކައިރިވެ ޔާމީނަށް ވާދަނުކުރެއްވިއްޖެ ނަމަ ބަދަލުގައި ރައްޔިތުންނަށް ދައްކާނީ ކޮން ބޭފުޅެއްތޯ ނިންމުމުގެ ބާރު އޮތީ، ޑރ. ވަހީދު ވިދާޅުވި ގޮތުގައި، ޕީޕީއެމް/ޕީއެންސީގެ ކައުންސިލަށެވެ.
"އަޅުގަނޑު ގަބޫލުކުރާ ގޮތުގައި ޔާމީނަށް ކުރިމަތިނުލެއްވޭ ފަދަ ހާލަތެއް ދިމާވެއްޖެ ނަމަ ޕާޓީގައި ޕްރައިމަރީއެއް ބާއްވަވާނެ. އޭރުން ދެން އެނގޭނީ،" ޑރ. ވަހީދު ވިދާޅުވި އެވެ.
ޕްރައިމަރީގައި ވާދަކުރައްވާނަންތޯ ޕްރެޒެންޓަރު އެހުމުން ވިދާޅުވީ "އެއްޗެއް ދަންނަވަން އަދި މާ އަވަސް" ކަމަށެވެ.
"ނަމަވެސް އަޅުގަނޑު މިހުރީ ވެވުނު ގޮތަކަށް ގައުމަށް ޚިދުމަތް ކުރުމަށް ތައްޔާރަށް،" ޑރ. ވަހީދު ވިދާޅުވި އެވެ.
އޭގެ ފަހުން ދެން ވިދާޅުވީ ޕާޓީ އާއި ގައުމަށް އެންމެ ރަނގަޅު ގޮތަކީ އެ މަނިކުފާނު ވާދަކުރެއްވުން ކަމަށް ޕާޓީން ގަބޫލުކުރާ ނަމަ އެ ގޮތުގައި ކުރިއަށް ވަޑައިގަތުމަށް ތައްޔާރު ކަމަށެވެ.
ޑރ. ވަހީދު ވިދާޅުވި ގޮތުގައި ޕާޓީގެ ނިންމުމަކުން އެ މަނިކުފާނަށް ފުރުސަތު ލިބިވަޑައިގެންފި ނަމަ ވެސް ރައީސްކަމުގައި އިތުރަށް އެ މަނިކުފާނަށް ލިބިވަޑައިގަންނަވާނެ އިއްޒަތެއް އަދި ޝަރަފެއް ނެތެވެ. ގާނޫނުއަސާސީގެ ދަށުން ދެ އަހަރެއްހާ ދުވަހު ވެރިކަން ކުރައްވާފައިވާ ކަމަށާއި މުހިންމީ ގައުމަށް ޚިދުމަތެއް ކޮށްދެއްވެން އޮތް ނަމަ އެ ވާޖިބު އަދާކުރެއްވުން ކަމަށް ވިދާޅުވި އެވެ.
"މިނިކާ ބާޒަކަށް" އަޅުގަނޑު ނުވާނެ
އެމްއެމްޕީއާރުސީގެ ޚިޔާނަތުގެ ތުހުމަތުތަކާ އެކު ޝަރީއަތް ފަށާފައި ވަނިކޮށް ޕާޓީގެ އާއްމު މެމްބަރުންނަށް ދެއްވި މެސެޖެއްގައި، 2023ގެ އިންތިޚާބަށް ޔާމީން ވަނީ އިޝާރާތް ކުރައްވައިފަ އެވެ. އެ މަނިކުފާނު ޕާޓީގެ މަސައްކަތްތަކުގައި ނެތް ހާލަތެއްގައި "މިނިކާ ބާޒުތަކެއް" ޕާޓީއަށް ވެރިވެގަންނަން އުޅޭނެ ކަމަށާއި އެ ފުރުސަތު ނުދޭން އާއްމު މެމްބަރުންނަށް އިލްތިމާސްކުރެއްވި އެވެ.
ޑރ. ވަހީދު ވިދާޅުވީ މިނިކާ ބާޒުތަކެއް ޕާޓީއާ ކައިރިވިޔަ ނުދޭން ވިދާޅުވެ ޔާމީން އިޝާރާތް ކުރައްވާފައި ވަނީ ސީދާ އިންތިޚާބާ ދިމާކޮށް ޕާޓީއާ ގުޅޭ ބޭފުޅުންނަށް ކަަމަށެވެ. އެ މަނިކުފާނަކީ އެފަދަ "ބާޒެއް ނޫން" ކަން ޔަގީންކޮށްދެއްވަން ވިދާޅުވީ 2013 ވަނަ އަހަރު އަމިއްލަ ޕާޓީގެ ގާތްގަނޑަކަށް 10،000 މެމްބަރުންނާ އެކު ޕީޕީއެމަށް ސޮއިކުރެއްވި ކަމަށެވެ.
"ޕާޓީއެއް އޮތް މީހަކު ޕާޓީ އުވާލާފައި މީހުން ގޮވައިގެން ގޮސް ޕީޕީއެމް ތެރެއަށް ވަން މީހެއް އަޅުގަނޑަކީ. ބޭރުން އަންނަ މީހަކާ ވަރަށް ތަފާތު ވާނެ ކަމަށް އަޅުގަނޑު ގަބޫލުކުރަނީ،" ޑރ. ވަހީދު ވިދާޅުވި އެވެ.
ީޕީޕީއެމް ކޯލިޝަނުން ބޭއްވި ނިއުސް ކޮންފަރެންސްގައި، ޕީއެންސީގެ ރައީސް އަބްދުއްރަހީމް ވާހަކަދައްކަވަނީ؛-- ފޮޓޯ: އިދިކޮޅު ކޯލިޝަން
އަޑުގެ ޕްރޮގްރާމްގައި ޑރ. ވަހީދު ވަނީ އެ މަނިކުފާނުގެ ކުރު ވެރިކަމާ ގުޅޭ ގޮތުން ވެސް ވާހަކަފުޅު ދައްކަވައިފަ އެވެ. ކުރީގެ ރައީސް މުހައްމަދު ނަޝީދުގެ ވެރިކަން ބަދަލުވީ ބަޣާވާތަކުން ކަމަށް ގަބޫލުނުކުރައްވާ ކަމަށާއި ވެރިކަން ނިމުމުގައި އެއްވެސް ދައުރެއް އަދާނުކުރައްވާ ކަމަށް ވިދާޅުވި އެވެ.
އޭރުގެ އިދިކޮޅު ފަރާތްތަކުން ބައްދަލުކޮށް އެދުނީ ނަޝީދު އިސްތިއުފާ ދެއްވައިފި ނަމަ ދެން ހައްދަވާނެ ގޮތަކާ ގުޅޭ ގޮތުން ކަަމަށާއި އެ މަނިކުފާނު އިސްތިއުފާ ދެއްވުމުން ވެރިކަމުގެ ހުވާކުރެއްވީ ގާނޫނުއަސާސީގައި އޮތް ގޮތަށް ކަމަށް ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕީޕީއެމްގެ ސަޕޯޓަރ
02 March 2021
މަނިކުފާނު ހަމަ ރަނގަޅީ ލަފާދެއްވަން ހުންނެވުން. ޕީ÷އެމްއަށް އެންމެ ފަހު ވަގުތުވެސް ރައީސް ޔާމީން އަށް ކުރިމަތިނުލެއވެންޏާ ދެން ނިކުންނަން އެންމެ ރަނގަޅީ ޕީޕީއެމްގެ ތަނކޮޅެއް ޒުވާން ފަހުލަވާނެއް. އުއްޟިދަނީ ޣައަްސާނު މައުމޫނު ނުވަތަ މުއިއްޒު
އައިމަން
02 March 2021
ޑރ މުއީޒު ރަގަނޅުވާނެ..ޔާމީނުގެނެސްދިން ތަރަށްގީގެ ޙަޤީޤީ ހައްގުވެރިޔާ...
އަބުސީ
02 March 2021
ވެރިކަމަށް މިފަހަރު ކުރިމަތި ލާނީ ރ މަޢުމޫނަށް ބައްޕަ ކިޔާ ބޭފުޅަކު އޭނަޔާވާދަ ކުރާނީ ރ ނަސީދު ރީދޫލަސްކަރު ބަލިކުރާނީ ކޯލިސަންގެ އެހީޔާއެކު..
ފިލިފިލިފިލި2023
01 March 2021
ތިބޭފުޅާއަށް ޤައުމަށް ޚިދުމަތް ކޮށްދެވޭނެ އެންމެ ހެޔޮގޮތަކީ ޤައުމުން ފިލުން.
ސަރީފު
01 March 2021
ވަހީދު އެކޭ ސޯލިހެކޭ ތަފާތެއްނެތް..ކަމެއް ކުރެވޭ ވައްތަރު ދެމީހުންނެތް ނޫން ތީ..ހުސް އަގަތަޅާ މީހުން ތީ ..މިހާރު ގައިމަށް ބެނުން ވަނީ އަމަލު ގިނަ ރައީސެއް..ކަން ކަން ކޮއްފައި ދެއްކޭމީހެއް...މިހެން ތިބެ ތިބެ އުމުރުހުސްވެއްޖެ.
އަރުތަ
01 March 2021
މަވެސް ތައްޔާރު، ޕާޓީން އެފުރުސަތު ދީފިނަމަ، އަދި އެވެސް ތަބަކަށް ލާފަ............
އުލިގަމްއިސްޓައިލް
01 March 2021
ކޮމެންޓު ތަކުންވެސް އެނގޭ އެބޭފުޅާޔަށް ތާއިދެއް ނެތްކަން...ޕީޕީ ތިޔައީ ކޮސްކަމެއް. ކުރަން ރަނގަޅު ކަމެއްނޫން
އަރުތަ
01 March 2021
2013ގަ ލިބުނު ވޯޓުގެެ ޕަސެންޓޭޖު ހަނދާނުން ކައްސާލީ ތޯއްޗެ، ލަދެއްވެސް ނުގަނެއޭ އުތަ..........
ކެކެކެކެ
28 February 2021
އަސްތާ! ސުރުޚީ ފެންނައިރަށް ގުންޑާއިން ގުޑުގުޑު އަޅައިގެންފި. ލިޔެވުނު ވަރަކަށް ކޮމެންޓް ލިޔެލިޔެ ތިބޭ.
ކިނބޫ
28 February 2021
ކަލޭތަ ޕީޕީއެމް ހިންގާ މީހަކީ؟ ޕީޕީއެމް އިން ނިންމާ ގޮތަކަށް ކުރިއަށް ވަޑައިގަންނަވަން ހުންނެވި ކަމަށް ވިދާޅުވީމަ ކަލޭ ތިނިންމީ ދޯ ތިގޮތަށް؟ ކޮންއިރަކު ޕީޕީއެމް ހިންގަން ކަލެއާ ހަވާލުކުރީ؟ ނޭނގޭތީ އަހާލީއޭ އިނގޭ!