ކޮވިޑުގެ ޚަރަދު ތިން ބިލިއަން ރުފިޔާ އަށް އަރައިފި

ބިދޭސީއަކަށް ވެކްސިން ދެނީ: ކޮވިޑް ކޮންޓްރޯލް ކުރުމަށް 20 އަހަރުން މަތީގެ މީހުންނަށް ވެކްސިން ދޭން ވަނީ ފަށައިފައި.-- ފޮޓޯ: އަހުމަދު އަވްޝަން އިލްޔާސް /މިހާރު

އިދުހާމް ނައީމް، މިހާރު

02 މާޗް 2021 - 11:47

11 comments

ރާއްޖޭގައި ފެތުރިފައިވާ ކޮވިޑް-19 ކޮންޓްރޯލް ކުރުމަށް ދައުލަތުން ކުރާ ޚަރަދު ތިން ބިލިއަން ރުފިޔާ އަށް އަރައިފި އެވެ.

ފިނޭންސް މިނިސްޓްރީން މިއަދު ހާމަކުރި ތަފާސްހިސާބުތައް ދައްކާ ގޮތުން، މިދިޔަ ހަފުތާގެ ނިޔަލަށް ސިއްހީ އަދި އިޖުތިމާއީ ކަންކަމަށް 1.5 ބިލިއަން ރުފިޔާ ވަނީ ހޭދަކޮށްފަ އެވެ. އަދި އިކޮނޮމިކް ރެސްޕޮންސްގެ ދަށުން 1.5 ބިލިއަން ރުފިޔާ މިހާތަނަށް ވަނީ ހޭދަކޮށްފަ އެވެ.

މިހާތަނަށް އެންމެ ބޮޑު ހޭދައެއް ކޮށްފައިވަނީ ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އަށެވެ. އެ ތަނަށް 867.9 މިލިއަން ރުފިޔާ ވަނީ ޚަރަދު ކޮށްފަ އެވެ.

ފިނޭންސުން ބުނިގޮތުގައި، މިދިޔަ ހަފުތާގައި އެންމެ ބޮޑު ހޭދައެއް ކުރީ ހެލްތު މިނިސްޓްރީއަށެވެ. އެއީ ހަތަރު މިލިއަން ރުފިޔާ އެވެ.

އިކޮނޮމިކް ރެސްޕޮންސުގެ ދަށުން މިހާތަނަށް އެންމެ ބޮޑު ހޭދައެއް ކޮށްފައިވަނީ ކޮވިޑް-19 ރިކަވަރީ ލޯން ސްކީމަށެވެ. މި ސްކީމަށް މިހާތަނަށް 1.15 ބިލިއަން ރުފިޔާ ހަރަދު ކޮށްފައިވާއިރު އިންކަމް ސަޕޯޓުގެ ގޮތުގައި 273.9 މިލިއަން ރުފިޔާ އަދި ކަރަންޓު ބިލުތަކުގެ ޑިސްކައުންޓަށް 117.7 މިލިއަން ރުފިޔާ ވަނީ ހޭދަކޮށްފަ އެވެ. މީގެ ތެރެއިން މިހާރު ހޭދަކުރަނީ ހަމައެކަނި އިންކަމް ސަޕޯޓަށެވެ.

ރާއްޖޭގައި ކޮވިޑް-19 ކޮންޓްރޯލް ކުރުމަށް މިހާރު އަންނަނީ ވެކްސިން ދެމުންނެވެ. ރެއާ ހަމައަށް 117،115 މީހުންނަށް ވަނީ ވެކްސިންގެ ފުރަތަމަ ޑޯޒު ޖަހައިފަ އެވެ. އެއީ މާލެ ސަރަހައްދުގައި ދިރިއުޅޭ 77،251 މީހަކާއި އަތޮޅު ތެރޭގެ 39،864 މީހަކަށެވެ.

ފިނޭންސް މިނިސްޓްރީ ރާއްޖޭގެ އިގްތިސާދު އިގްތިސާދު ދިވެހި ސަރުކާރު

11 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަފީނާ

02 March 2021

ކާލިވަރު އިއުލާނު ކޮށްލަބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

02 March 2021

ގައުމު ދަވާލާފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނަ

02 March 2021

ކޯވިޑަކީ މިގައުމުގެ ބައެއް މީހުންނަށް ރަންބިސްއަޅާ ކުކުޅެއް. ކަމެއްނުކޮށް ބޮޑު މުސާރަނަގައިިގެން ކޯވިޑް ނިވާފަތްގަނޑަކަށް ހަދައިގެން ތިބެނީ. ޚަރަދުކުރާވަރާ ބަލާފަ ނަތީޖާ ހަމަސުމެއް. ފޯރިއަރުވާފަކުރާ ކަމަކީ ސްކޫލްތަކާ މިސްކިތްތައް ބަންދުކުރުން. އެހެން ހުރިހާކަމަކަށް ކޯވިޑްގެ ޚާއްސަ ހުއްދަވަނީ ދޫކޮށްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

02 March 2021

ދައުލަތުގެ މާލިއްޔާ ކޮވިޑް 19ގެ ބޮލުގައި އަޅުވައި ތަޅާ ބުރުވާ ސުންނާފަތިކޮށްފި. ނިކުތް ނަތީޖާއެއް ނެތް. ސަރުކާރު ޚަރަދުގައި އެއްބަޔަކަށް ކަރަންޓީން ނަމުގައި 05 ސްޓަރ ރިސޯޓްގައި ޗުއްޓީ ހޭދަކުރުމުގެ ފުރުސަތު ދީފި. މިއީ ހަމަ އިސްރާފް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

02 March 2021

03 ބިލިއަން ރުފިޔާ. އޯނޯ. އަހަރެންނަށްވެސް ކޮވިޑް 19 ޖެހި އިރާދަ ކުރެއްވިޔާ މިހިރީ ރަނގަޅުވެފައި. ދައުލަތުން ލޯލާރިއެއްވެސް ނޯނާނެ އަހަރެންނަށް ޚަރަދުކޮށްފައެއް. މިހާރު ހޯމް ކަރަންޓީންވެސް ވެވޭ. ކުރިން 05 ސްޓަރ ރިސޯޓެއްގައި ނޫނީ ކަރަންޓީން ކުރެވޭ ކަމަކަށް ނުވި. އެއީ ކިތައް މިލަން ރުފިޔާ ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަރުދިޔަ

02 March 2021

ފްރަންޓްލައިން އެލަވަންސް ލިބުނީ އެންމެ ފަހަރަކު 3500 ރފ. އޭރުވެސް މިހާރުވެސް އެންމެ ފްރަންޓް ލައިންގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

02 March 2021

ސުނާމީ ކާރިސާ ގަ ވީހެން މި ކާރިސާގަ ވެސް ބަޔަކު މީހުން ވަރަށް މުއްސަނދި ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިލާދް

02 March 2021

އިންކަމް ސަޕޯޓް އެލަވަންސް ބިލިއަނުން ހަރަދު ކުރިޔަސް ދީފައިވަނީ ވަކި ޕާޓީތަކެއްގެ އިސްމީހުންދޭ ލިސްޓަކަށް.. އޭސީސީ ބަލަންޖެހޭ މައްސަލައެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

02 March 2021

ތިން ބިލިއަނެއްނޫން ދައުލަތުގެ މުޅި ބަޖެޓްވެސްް ހޭދަކުރެވިދާނެ ތިޔަ ނަމުގާ. އެކަމަކު އެނގޭހާވެސް ކަމަކީ ތިޔަބުނާ ފައިސާ ޚަރަދު ކުރީ ރަނގަޅަށް ނޫންކަން. އެތައްފައިސާއެއްވަނީ ކަރަޕްޝަނަށް ފަހިވާގޮތަށް ހޭދަކޮށްފައި. ބިތުފަންގި ނަގާ ދައުވާ ކުރާދުވަހު ފޯރިހުންނާނީ.