ޚަބަރު / ބިދޭސީން

ދިވެހި ފަންނާނުންގެ މަސައްކަތަށް ހުރަސްއެޅޭ ގޮތަށް ގެންގުޅުނު 60 ބިދޭސީއަކު ފޮނުވާލަނީ

އިމިގްރޭޝަނުން ބުނީ އެންމެ ގިނައިން ޝަކުވާ ލިބިފައި ވަނީ ރިސޯޓުތަކުގައި މިއުޒިޝަނުންނާއި ފޮޓޯގްރާފަރުންގެ ގޮތުގައި މަސައްކަތްކުރާ ބިދޭސީންގެ މައްސަލާގައި ކަމަށް.

ރާއްޖޭން ފުރަން ގޮސް އެއާޕޯޓްގައި ތިބި ބިދޭސީންތަކެއް.

ލަމްޔާ އަބްދުﷲ، މިހާރު

05 މާޗް 2021 - 10:54

9 comments

އެކި ވިސާގައި ރާއްޖެ އެތެރެވުމަށް ފަހު، ދިވެހި އާޓިސްޓުންގެ މަސައްކަތަށް ހުރަސް އެޅޭ ގޮތަށް މަސައްކަތްކުރި 60 ބިދޭސީ އަކު ރާއްޖޭން ފޮނުވާލަން އިމިގްރޭޝަނުން ނިންމައިފި އެވެ.

ޓޫރިޒަމް ދާއިރާގައި ދިވެހި މިއުޒީޝަނުންނާއި ފޮޓޯގްރާފަރުންނާއި އަދި މި ނޫނަސް ފަންނީ މަސައްކަތްތަކަށް ދިވެހިންގެ ބަދަލުގައި ބިދޭސީން ގެންގުޅޭ ކަމުގެ ޝަކުވާ އަނެއްކާވެސް ބޮޑުވެފައި ވަނިކޮށް އިމިގްރޭޝަނުން އިއްޔެ ނެރުނު އިއުލާނުގައި ބުނީ އެންމެ ގިނަ ޝަކުވާ ލިބިފައި ވަނީ ރިސޯޓުތަކުގައި ފޮޓޯގްރާފަރުންގެ ގޮތުގަ އާއި މިއުޒިކީ ފަންނާނުންގެ ގޮތުގައި ބިދޭސީން މަސައްކަތްކުރާތީ ކަމަށެވެ. ހުށަހެޅި މައްސަލަތައް ބެލުމަށް ފަހު 60 މީހަކު ރާއްޖޭން ފޮނުވާލަން ނިންމާފައިވާ ކަމަށް އިއުލާނުގައިވެ އެވެ.

އިމިގްރޭޝަނުން ބުނީ ގަވާއިދާ ހިލާފަށް ބިދޭސީން ލައްވާ މަސައްކަތްކުރުވާ މައްސަލަތައް ބަލާނެ ކަމަށާއި ހަރުކަށި ފިޔަވަޅު އަޅާނެ ކަމަށެވެ. އެއީ މި ގޮތަށް އަމަލުކުރުމުން ދިވެހިންނަށް ފުރުސަތުތައް ގެއްލި، މާލީ ގެއްލުންވާތީ ކަމަށް ވެސް ބުނެފައި ވެ އެވެ.

ކޮވިޑް-19 ގެ ސަބަބުން އެތައް ބައެއްގެ ވަޒީފާ ގެއްލުނު އިރު، އަމިއްލައަށް މަސައްކަތްކުރާ ފޮޓޯގްރަފަރުންނާއި މިއުޒިކީ ފަންނާނުންނަށް ވެސް އާމްދަނީގެ ދޮރު އެއްކޮށް ބަންދުވި އެވެ.

ރިސޯޓްތަކުން ދިވެހި ފަންނާނުންނަށް ފުރުސަތު ހަނިކުރާ ކަމުގެ ޝަކުވާ މި ފަހުން އަނެއްކާވެސް ވަނީ ބޮޑުވެފަ އެވެ. މިފަދަ މަސައްކަތުގައި ބިދޭސީން ގެންގުޅުމަކީ މަނާ ކަމަކަށް ވިޔަސް އެކި ނަންނަމުގައި ވިސާ ހޯދައިގެން ބިދޭސީން ގެނެސް، ފޮޓޯގްރާފަރުންނާއި މިއުޒީޝަނުންގެ ގޮތުގައި ބިދޭސީން ގެންގުޅުމަކީ އަބަދުވެސް ހިނގަމުން އަންނަ ޝަކުވާ ބޮޑު މައްސަލައެކެވެ.

ބިދޭސީން ރިސޯޓްތައް މޯލްޑިވްސް އިމިގްރޭޝަން

9 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ-2

06 March 2021

ހޮޓާތަކާ ކަންމަތީ ފިހާރަތަށް ވެސް ހިންގަނީ ބިދޭސީން. ނަމުގަ އިންނާނެ ދިވެއްސެއް، ކުޑަ ފައިސާކޮޅެއް އޭނަޔަށް ލިބެނިކޮށް އޯކޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

06 March 2021

އަދި މާނުރައްކާ ކަމެއްގެވާހަކަ ދަންނަވަންތޯ. ދިވެހިން އެމީހުންގެ ވިޔަފާރިތައް އެހެން މަސައްކަތްތައް ކުރަން އައިސްތިބި ބޭރުމީހުންނަށް ކުއްޔަށް ދީގެން ހިންގާ ވިޔަފާރިތައް ބައިވަރު މިއޮތީ. ޜައްޖެތެރޭގެ ފިހާރަތައްވެސް މިއޮތީ ދީފައި. ހޮޓާތައްވެސް މިއޮތީ މިކަހަލަ މީހުންގެ ބާރުގެ ދަށުގައި. މަހުކުލި ވިހި ފަންސަވީ ހާސް ރުފިޔާއަށް ކުއްޔަށް ދިފައި. ޜަށްރަށު ކައުންސިލުތަކުން ބަލާވެސް ނުލާ. ޥޯރާ ވިޔަފާރިވެރިންނަށްވުރެވެސް ކުރީގައިތިބީ. ޤާނޫނެއް ނުހިންގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާކޮބާ

05 March 2021

ކޮބައިތޯ ފިހާރަތަކުގައި ތިބޭހާ ބިދޭސީ ސޭޓުން. މިހާރު އެކަން މައްސަލައަކަށް ނުވަނީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު1111

05 March 2021

ބިދޭސީންނަށް ފައިދާ ލިބޭގޮތަށް ނަމަކަށް ދިވެހިން ލައިގެން ހަދާފައި ހުންނަ ކުންފުނިތައްވެސް އުވާލަންޖެހޭ. ހުރިހާ ފައިސާއެއް ގެންދަނީ ބޭރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބޭ

05 March 2021

ގާނޫނާއި ގަވާއިދާ ޚިލާފައުޅޭ މީހުން ހަމަތިގޮތަށް މަޑުމަޑުން ގައުމުން ފޮނުވާލަން ވީނުންތޯ ؟ އެހެން ގައުމުތަކުގައި ވެސް ބަލަނީ ވިސާއާއި އެހެނިހެން ޑޮކިއުމަންޓް ހަމަކޮށްގެން އުޅޭތޯއާއި ދެން ހަމަނުވާނަމަ ގާނޫނީ ގޮތުން ދޭންޖެހޭ އަދަބު ދެމުންނެވެ.